عشان احبك

[السبيعي]

يابنت روحي ورثـي الحـب للنـاس
قولي توفى شـيء وأسمـه ( محّبـه )
يمكن يتوب اللي بلا قلـب و إحسـاس
ويراجـع ايــام الخـطـا ويتنـبّـه
صار الهوى لعبه على كـل مـرواس
عجيب هذا الوقـت ربـي .... وربّـه
عشان أحبك هات لي خاتم ( ألمـاس )
( و رصيدي ) خلص دز لّّّيّ كرت عبّه
هذاك يبغى حـب يرفـع بـه الـراس
وهذا يهيـن الـراس لـو كـان حبّـه
كلٍ علـى الثانـي يطقطـق وهـلاس
ونـور الحقيقـه مابـه أحـد ٍ يشبّـه
هذا الذي صايـر بـلا عـد وإقيـاس
وآخر طريـق الحـب , ذم , ومسبّـه
الحب ماهو هرج فاضي بـلا سـاس
الحب كنه .... نهـر يـروي مصبّـه
الحب أسمى مـن أكاذيـب الانجـاس
يبقى .... ولـو كـل الاوادم , تذبّـه
لاباس ياقلبـي بمـا صـار لابـاس
عيبك ! صدوق وعيبـك اليـوم خبّـه
مدام بحـر الحـب بالكـذب ينـداس
مالـك , ومالـه طالبـك لا تطـبّـه
البنت راحت ! ترثـي الحـب للنـاس
قالت توفـى شـيء و أسمـه محبـه :) وسلامتكم

[عاصم السحاقي]

الله عليك بصراحة قصيدة في منتهى الروعة والله لايحرمنا من أبداعاتك الجميلة .. وإلى الأمام دائما ..

[الحجاجيه]

الله الله ياسبيعي ابداااااااااااااااااع ...........

[منير السعدي]

روعه روعه بكل المقاييس
احسنت اخي الكريم السبيعي وابدعت
صح الله لسانك ملايين على هذه التحفه الجميله واللذيذه
تقبل خالص الود والاحترام