صالح العازبي
09-03-2009, 12:19 PM
فاطمة الحاذقة
كان به بنية أسمها فاطمة كانت فقيرة وابوها رعوي كانت تطلع سطح بيتهم تسقي الريحان وكان
قصر السلطان فوق بيتهم وكان يشوفها أبن السلطان ويقلها صباح الخير وترد عليه: أبن
السلطان يحاكي جاهلة.
وبعدى يقلها حبه بألف. وترد عليه لابألف و لابحرف ولا بواحد من عيالك.
كل يوم على هذه الحالة و يوم من لأيام لبس فوطه وخرج يبيع كراث ويصيح من يشتري كراث.
سمعته ودعته تشتري منه لوما ناولها الكراث سحبها وحبها وهرب.
واليوم الثاني طلعت الجباء حسب العادة قلها صباح الخير.
ردت مثل كل يوم قلها حبه بألف ولابعصرة كراث دريت انه هو اللي حبها.
اليوم الثاني سمعت إن أبن السلطان مريض قامت سارت لاعند اليهودي شلت منه علاج وتنكرت
بثيابه وسارت قصر السلطان وقالت معالج من يشتي يتعالج قالوا أطلع أبسر أبن السلطان مريض
طلعت لاعنده وقالت خلوني أنا وياه وحدنا أعالجه غلقت الباب وقالت له انا شضربك علشان تتعالج
قالت له اكتعس يعني دور لانت تشتي تتباخر ماهوه اكتعس وضربته وقالت له هذا الذي عيبعدلك البلاء
كله وقامت سارت لها.
بعد ثلاث أيام فتح الطاقة وجلس عندها وقدوه بخير وهي طلعت الجباء أول ما شافها قال صباح
الخير: حبه بألف ولابعصرة كراث قالت له ولا بضريه قفاك.
عرف أنها هيه ألي فعلت له الضريه. زعل و مرض وحلف لايخليها تركع عند أرجله.
وكان به حجر كبيره باب الجامع قام أدى أمر لبوها قال مابلا ينقل
الحجره لابقعه ثانيه ولا قطع رأسه رجع الرعوي للبيت وحكى لبنته ماطلب منه أبن السلطان وقالت
لأبوها قل حاضر قال يا بنتي من يستر يبزها قالت قل حاضر وبس انتظر الى يوم الجمعة قال يابنتي
كيف افعل قالت جر معك حبل وأجلس على باب الجامع لوما يخرجوا المصليين وقلهم ساعدوني
وبزو الحجره لافوق ظهري إذا قالوا لك كيف أنت مجنون قلهم العقل المدبر أبن السلطان وفعل مثل
ماقالت له قالوا له وقالوا له المصلين مالك من يستر يرفعها من طلب منك قالهم أبن السلطان قاموا
عاتبوه وعفا عنه لكن ابن السلطان كان زعلان قوي.
وفي اليوم الثاني أدى أمر ثاني يحضر أبو البنيه إلى عنده قاله أشتي منك
تشل هؤلاء الحجار وتفعل منهن فتله ولا قطعت رأسك رجع إلى عند بنته وحكى لها ما حصل
ردت علية قله حاضر قاله أبن السلطان في ظرف يومين نجز العمل رجع لابنته وقالها كيف نفعل
خذ شويه من الحجار وسير اجلس عند ابن السلطان في مقيله وقسم على كل واحد ثنتين وقلهم
ساعدوني أشتي اغزل لأبن السلطان فتله ماهوه سار وفعل مثل ماقالت له وحين ناولهم قالوا له
أنت مجنون قال قولوا للعقل المدبر رجعوا استغربوا وأبسرو كلهم لأبن السلطان وقاله أخرج وقدوه
حانق وحلف لايستقضي بعدها جاء ضيف عند أبن السلطان وقال مابلا ينزلوا إلى عند الرعوي وهو
عيشتري المصروف وأمر أن تطبخ البنت دون مايظهر دخان ولاقطع رأسها ورأس أبوها قام الرعوي الى
عند بنته وقالها ماطلب منه أبن السلطان وكان قدوه خايف قالها يابنتي ماعتفعلي قالت قله حاضر
ورجع الى عند أبن السلطان ورد عليه انهم موافقين بعدى قالت لبوها سير أديلي فحم واحنا قد معانا
مخزن نازل في الدهليز سوف أطبخ فيه. جلس ابن السلطان عند الطاقة مراعي أيحين يبسر الدخان
ويقطع رأسها هيه وأبوها قامت وسبرت الغداء وجهزته وقالت لبوها قم شل الغداء الى عند أبن
السلطان.
ولما شاف الغداء جاهز أتعجب ومادرى كيف يفعل بعدا دعى الرعوي وقاله أشتيك تزوجني ببنتك
بشرط أنها تحبل قبل ما أدخل عليها ولا بقطع راسك.
رجع لبنته وحكى لها قالت قله حاضر. جاء يوم العرس اتجهزت و جابوا لها الفرس ركبت فوقها وشلت
معاها شويه شعير. وصلت الى عند باب القصر و قد الخدم منتظرين ينزلوها مارضيتش قالت مابلا أبن
السلطان هو يجي ينزلها قالوا لها أنه سوف يرفض ينزل. وكم قد تزوج ومايرضاش يفعل هكذا.
اصرت و مارضيتش تنزل قالت مابلا ينزل ولا ينزل. نزل ابن السلطان وحين نزل قالت له ه خذ الشعير
وسير أزرعهن مايجي الصبح الا وقد احنا بناكل منهن.
قالها أنتي مجنونه تشتي ازرع حب ويطلعين بكره قالت قل لعقلك تشتيني أحبل قبل ما تدخل علي
ماهو ضحك ودري أنها حاذقة وماعيسترش يزيد عليها رجع نزلها وطلعوا القصر.
وخلفوا صبيان وبنات
قصص قديمه كنا نسمعهن زمان من الاجداد
اتمنى من لديه قصص قديمه يقوم بسرها لنا.
كان به بنية أسمها فاطمة كانت فقيرة وابوها رعوي كانت تطلع سطح بيتهم تسقي الريحان وكان
قصر السلطان فوق بيتهم وكان يشوفها أبن السلطان ويقلها صباح الخير وترد عليه: أبن
السلطان يحاكي جاهلة.
وبعدى يقلها حبه بألف. وترد عليه لابألف و لابحرف ولا بواحد من عيالك.
كل يوم على هذه الحالة و يوم من لأيام لبس فوطه وخرج يبيع كراث ويصيح من يشتري كراث.
سمعته ودعته تشتري منه لوما ناولها الكراث سحبها وحبها وهرب.
واليوم الثاني طلعت الجباء حسب العادة قلها صباح الخير.
ردت مثل كل يوم قلها حبه بألف ولابعصرة كراث دريت انه هو اللي حبها.
اليوم الثاني سمعت إن أبن السلطان مريض قامت سارت لاعند اليهودي شلت منه علاج وتنكرت
بثيابه وسارت قصر السلطان وقالت معالج من يشتي يتعالج قالوا أطلع أبسر أبن السلطان مريض
طلعت لاعنده وقالت خلوني أنا وياه وحدنا أعالجه غلقت الباب وقالت له انا شضربك علشان تتعالج
قالت له اكتعس يعني دور لانت تشتي تتباخر ماهوه اكتعس وضربته وقالت له هذا الذي عيبعدلك البلاء
كله وقامت سارت لها.
بعد ثلاث أيام فتح الطاقة وجلس عندها وقدوه بخير وهي طلعت الجباء أول ما شافها قال صباح
الخير: حبه بألف ولابعصرة كراث قالت له ولا بضريه قفاك.
عرف أنها هيه ألي فعلت له الضريه. زعل و مرض وحلف لايخليها تركع عند أرجله.
وكان به حجر كبيره باب الجامع قام أدى أمر لبوها قال مابلا ينقل
الحجره لابقعه ثانيه ولا قطع رأسه رجع الرعوي للبيت وحكى لبنته ماطلب منه أبن السلطان وقالت
لأبوها قل حاضر قال يا بنتي من يستر يبزها قالت قل حاضر وبس انتظر الى يوم الجمعة قال يابنتي
كيف افعل قالت جر معك حبل وأجلس على باب الجامع لوما يخرجوا المصليين وقلهم ساعدوني
وبزو الحجره لافوق ظهري إذا قالوا لك كيف أنت مجنون قلهم العقل المدبر أبن السلطان وفعل مثل
ماقالت له قالوا له وقالوا له المصلين مالك من يستر يرفعها من طلب منك قالهم أبن السلطان قاموا
عاتبوه وعفا عنه لكن ابن السلطان كان زعلان قوي.
وفي اليوم الثاني أدى أمر ثاني يحضر أبو البنيه إلى عنده قاله أشتي منك
تشل هؤلاء الحجار وتفعل منهن فتله ولا قطعت رأسك رجع إلى عند بنته وحكى لها ما حصل
ردت علية قله حاضر قاله أبن السلطان في ظرف يومين نجز العمل رجع لابنته وقالها كيف نفعل
خذ شويه من الحجار وسير اجلس عند ابن السلطان في مقيله وقسم على كل واحد ثنتين وقلهم
ساعدوني أشتي اغزل لأبن السلطان فتله ماهوه سار وفعل مثل ماقالت له وحين ناولهم قالوا له
أنت مجنون قال قولوا للعقل المدبر رجعوا استغربوا وأبسرو كلهم لأبن السلطان وقاله أخرج وقدوه
حانق وحلف لايستقضي بعدها جاء ضيف عند أبن السلطان وقال مابلا ينزلوا إلى عند الرعوي وهو
عيشتري المصروف وأمر أن تطبخ البنت دون مايظهر دخان ولاقطع رأسها ورأس أبوها قام الرعوي الى
عند بنته وقالها ماطلب منه أبن السلطان وكان قدوه خايف قالها يابنتي ماعتفعلي قالت قله حاضر
ورجع الى عند أبن السلطان ورد عليه انهم موافقين بعدى قالت لبوها سير أديلي فحم واحنا قد معانا
مخزن نازل في الدهليز سوف أطبخ فيه. جلس ابن السلطان عند الطاقة مراعي أيحين يبسر الدخان
ويقطع رأسها هيه وأبوها قامت وسبرت الغداء وجهزته وقالت لبوها قم شل الغداء الى عند أبن
السلطان.
ولما شاف الغداء جاهز أتعجب ومادرى كيف يفعل بعدا دعى الرعوي وقاله أشتيك تزوجني ببنتك
بشرط أنها تحبل قبل ما أدخل عليها ولا بقطع راسك.
رجع لبنته وحكى لها قالت قله حاضر. جاء يوم العرس اتجهزت و جابوا لها الفرس ركبت فوقها وشلت
معاها شويه شعير. وصلت الى عند باب القصر و قد الخدم منتظرين ينزلوها مارضيتش قالت مابلا أبن
السلطان هو يجي ينزلها قالوا لها أنه سوف يرفض ينزل. وكم قد تزوج ومايرضاش يفعل هكذا.
اصرت و مارضيتش تنزل قالت مابلا ينزل ولا ينزل. نزل ابن السلطان وحين نزل قالت له ه خذ الشعير
وسير أزرعهن مايجي الصبح الا وقد احنا بناكل منهن.
قالها أنتي مجنونه تشتي ازرع حب ويطلعين بكره قالت قل لعقلك تشتيني أحبل قبل ما تدخل علي
ماهو ضحك ودري أنها حاذقة وماعيسترش يزيد عليها رجع نزلها وطلعوا القصر.
وخلفوا صبيان وبنات
قصص قديمه كنا نسمعهن زمان من الاجداد
اتمنى من لديه قصص قديمه يقوم بسرها لنا.