ابومازن القاضي
02-05-2009, 08:35 PM
:1005_1162345121:
اخواني وزملائي الكرام اقدم بين ايديكم البدع الرائع في شعره وموضوعه وسجعه للشاعر
المنمكن المتميز دوما الاستاذ محمد عويضان
واقدم لكم ردي عليه والذي اتمنى ان يصل الى درجة قريبة من مستوى البدع وان ترقى جميع
الابيات بدعا وردا الى مستوى اذواقكم
البدع للشاعر القدير عويضان
يا رسولي رح لبو مازن مع ما الفجر صبح=قل جباك الخط من صاحب مع جملة رياحه
له ولصحابه وللجيران يشمل كل مطرح=ناس ذو اوصاف تذكر بالشجاعة والسماحة
قل سلامي ما اردف الجاهم وشخب المزن يذلح=لبن ناجي نسل خولان الوفى حياء صباحه
قل له اني كنت متفائل بمستقبل وبفرح=والامل موجود قلت الشعب قد حقق نجاحه
حقق الاجماع والوحدة وبايردع وينطح=ويل من عاداه بعد اليوم با يكسر جناحه
من قفاء التشطير والالام باينهض ويسرح=شهر مايو بايحقق له نهوضه وانفتاحه
والخون ذي تاجروا به بايعريهم ويفضح=كيدهم دائم وصوب اعناقهم سدد رماحه
شعبنا الجبار في الميدان بايخسر ويربح=بعد تشطيره وجرحه حان تضميد الجراحه
خاب ظني والاماني لان شهر ابريل روح=مجلس النواب با ياخذ من الهم استراحه
من قفاء نهب الخزينة ايش قدم وقته افلح=دونما قدم لنا شي اوسلينا من صياحه
يا كم اهدر من مواردناوكم صيح وليح=والنكد والظلم باقي والمواطن يانواحه
زاد تجويعه وعائش تحت وطاة جهل يرزح=والذي ماسك زمام الامر ذله واستباحه
ويل شعبي من عناصر نافذة بالبطش تربح=دوب ما تابه وصوت الشجب داخل كل ساحه
يا علي نبه ترى جمهورنا عائش مسلح=عندما يياس من الاوضاع بايشهر سلاحه
مايهمه ميج حربي لا ولا صوت المصفح=لو نجح به عاش والا مات له والموت راحه
وانت رجع لي جوابك يا علي وارجوك تنصح=هل ترى باقي امل بالوصل جاوبني صراحه
شف نظام الويل قد ما ثبت اوصاعه وصحح=في حرابه عطل اعمال الموانئ والسياحه
واصبحت لاهل الطمع يا صاحبي مغنم ومربح=امموا كل الموارد يا صديقي في وقاحه
واذكر المختار ذي جاء بالهدى والنور ينصح=من سمع صلى على احمد عد ما هبت رياحه
الرد لابومازن القاضي
قال ابومازن علي يا مرحبا ما البرق يلجح = واعقبه راعد وماطر غيث واوطى في الضياحه
بالفتى بو محسن الغالي ملان الحد الافيح = مرحبا به والحروف الشهد من صافي جباحه
مرحبا بالضيف من عادتنا نسدح ونذبح = لاوفد وافد سوحنا نكرمه في كل واحه
بعد ذا يافوج بلّغ له تحياتي وتمنح = له من الابيات جملة ما يحقق انشراحه
قل له اني بالامل عايش ولي غاية ومطمح = ما فقدته دوب اقول ان عاد به فرصه متاحه
بعد توحيد اليمن الوضع صار احسن واملح = والوطن قد صار اكبر بالكوادر والمساحه
والخون من قادة التشطير بعد الحكم يصفح = عنّهم هذا الوطن ياهل التدبّر والرجاحه
ما بقى الا حرب شعوا ضد فاسد قد تمصلح = واستغل المنصب العالي لكي يحلب مناحه
لا رأيت الخيل في الميدان متسرّع ويجمح = عندنا للخيل يابوفضل مايكبح جماحه
قلتها وانا من البدوان ذي بالحق تصدح = والشمالي والجنوبي عندنا مثل الرحاحه
كلّهم عينين في راسي وبالجفنين تُفتح = لا رأين الظلم جسمي ثار بايعلن كفاحه
ما نجزء شي مطالبنا مثل ما البعض صرّح = ان له وحده مطالب وانكشف عنّه وشاحه
والذي ينكأ جراح الشعب لاما الجرح قيّح = باسم تشطير اليمن يربح ويندب بالنياحه
صار فعله عندنا مكشوف وان العذر اقبح = والمراكب ذي ركب في اليمّ ماهي للملاحه
انصحه ياصاح قل له لامعه لحيه فيستح = وان طمح قول السفينه تتجه عكس الرياحه
في بلادي مالها مرسى ولا تصريح يُمنح = بعدما مدّيت يدّاتي لاخي واعلن صفاحه
الأيادي ع الزناد الكل ما للسلم تجنح = طالما التهديد غذوه العدا واعطوا لقاحه
عاد جسمي به مناعه اطمئن أنته وارتح = والأمل في الوصل باقي في الاحاديث الصحاحه
اعتبر من يفقده ماهل من التدليل يمزح = والمرجحّ لاتصدق منطق التدليل لو يظهر مزاحه
ختمها اصلي على طه عدد ما الفجر يوضح = بعد دلماس الغسق جا النور في لحظة ازاحه
1 / 5 / 2009م
اخواني وزملائي الكرام اقدم بين ايديكم البدع الرائع في شعره وموضوعه وسجعه للشاعر
المنمكن المتميز دوما الاستاذ محمد عويضان
واقدم لكم ردي عليه والذي اتمنى ان يصل الى درجة قريبة من مستوى البدع وان ترقى جميع
الابيات بدعا وردا الى مستوى اذواقكم
البدع للشاعر القدير عويضان
يا رسولي رح لبو مازن مع ما الفجر صبح=قل جباك الخط من صاحب مع جملة رياحه
له ولصحابه وللجيران يشمل كل مطرح=ناس ذو اوصاف تذكر بالشجاعة والسماحة
قل سلامي ما اردف الجاهم وشخب المزن يذلح=لبن ناجي نسل خولان الوفى حياء صباحه
قل له اني كنت متفائل بمستقبل وبفرح=والامل موجود قلت الشعب قد حقق نجاحه
حقق الاجماع والوحدة وبايردع وينطح=ويل من عاداه بعد اليوم با يكسر جناحه
من قفاء التشطير والالام باينهض ويسرح=شهر مايو بايحقق له نهوضه وانفتاحه
والخون ذي تاجروا به بايعريهم ويفضح=كيدهم دائم وصوب اعناقهم سدد رماحه
شعبنا الجبار في الميدان بايخسر ويربح=بعد تشطيره وجرحه حان تضميد الجراحه
خاب ظني والاماني لان شهر ابريل روح=مجلس النواب با ياخذ من الهم استراحه
من قفاء نهب الخزينة ايش قدم وقته افلح=دونما قدم لنا شي اوسلينا من صياحه
يا كم اهدر من مواردناوكم صيح وليح=والنكد والظلم باقي والمواطن يانواحه
زاد تجويعه وعائش تحت وطاة جهل يرزح=والذي ماسك زمام الامر ذله واستباحه
ويل شعبي من عناصر نافذة بالبطش تربح=دوب ما تابه وصوت الشجب داخل كل ساحه
يا علي نبه ترى جمهورنا عائش مسلح=عندما يياس من الاوضاع بايشهر سلاحه
مايهمه ميج حربي لا ولا صوت المصفح=لو نجح به عاش والا مات له والموت راحه
وانت رجع لي جوابك يا علي وارجوك تنصح=هل ترى باقي امل بالوصل جاوبني صراحه
شف نظام الويل قد ما ثبت اوصاعه وصحح=في حرابه عطل اعمال الموانئ والسياحه
واصبحت لاهل الطمع يا صاحبي مغنم ومربح=امموا كل الموارد يا صديقي في وقاحه
واذكر المختار ذي جاء بالهدى والنور ينصح=من سمع صلى على احمد عد ما هبت رياحه
الرد لابومازن القاضي
قال ابومازن علي يا مرحبا ما البرق يلجح = واعقبه راعد وماطر غيث واوطى في الضياحه
بالفتى بو محسن الغالي ملان الحد الافيح = مرحبا به والحروف الشهد من صافي جباحه
مرحبا بالضيف من عادتنا نسدح ونذبح = لاوفد وافد سوحنا نكرمه في كل واحه
بعد ذا يافوج بلّغ له تحياتي وتمنح = له من الابيات جملة ما يحقق انشراحه
قل له اني بالامل عايش ولي غاية ومطمح = ما فقدته دوب اقول ان عاد به فرصه متاحه
بعد توحيد اليمن الوضع صار احسن واملح = والوطن قد صار اكبر بالكوادر والمساحه
والخون من قادة التشطير بعد الحكم يصفح = عنّهم هذا الوطن ياهل التدبّر والرجاحه
ما بقى الا حرب شعوا ضد فاسد قد تمصلح = واستغل المنصب العالي لكي يحلب مناحه
لا رأيت الخيل في الميدان متسرّع ويجمح = عندنا للخيل يابوفضل مايكبح جماحه
قلتها وانا من البدوان ذي بالحق تصدح = والشمالي والجنوبي عندنا مثل الرحاحه
كلّهم عينين في راسي وبالجفنين تُفتح = لا رأين الظلم جسمي ثار بايعلن كفاحه
ما نجزء شي مطالبنا مثل ما البعض صرّح = ان له وحده مطالب وانكشف عنّه وشاحه
والذي ينكأ جراح الشعب لاما الجرح قيّح = باسم تشطير اليمن يربح ويندب بالنياحه
صار فعله عندنا مكشوف وان العذر اقبح = والمراكب ذي ركب في اليمّ ماهي للملاحه
انصحه ياصاح قل له لامعه لحيه فيستح = وان طمح قول السفينه تتجه عكس الرياحه
في بلادي مالها مرسى ولا تصريح يُمنح = بعدما مدّيت يدّاتي لاخي واعلن صفاحه
الأيادي ع الزناد الكل ما للسلم تجنح = طالما التهديد غذوه العدا واعطوا لقاحه
عاد جسمي به مناعه اطمئن أنته وارتح = والأمل في الوصل باقي في الاحاديث الصحاحه
اعتبر من يفقده ماهل من التدليل يمزح = والمرجحّ لاتصدق منطق التدليل لو يظهر مزاحه
ختمها اصلي على طه عدد ما الفجر يوضح = بعد دلماس الغسق جا النور في لحظة ازاحه
1 / 5 / 2009م