انا مع الوحده شعاري وحدوي

[ابوملاح]

انا مـع الوحـده شــعاري وحــدوي *** لكنـني لا زلــت متحفض وتيــف

لحيـث والشـعب المكـبل منـطوي*** فقيرلايـبحث على الرز والرغيــف

لوبي في الساحه قداستشراقوي***في كف عفريت الوطن وضعه مخيف

[خفيف_الظل]

انا مـع الوحـده شــعاري وحــدوي *** لكنـني لا زلــت متحفض وتيــف

لحيـث والشـعب المكـبل منـطوي*** فقيرلايـبحث على الرز والرغيــف

لوبي في الساحه قداستشراقوي***في كف عفريت الوطن وضعه مخيف



حياك ياالشاعر وانا ذا وحدوي=من ينكر الوحده نتف ريشه نتيف
والغلب فيما قلت كمنا ننكوي=من المصائب ذي تودفنا وديف
الظلم والفقر والزمره عوي=والخير في ارض حمير والوصيف
لكن وحوش الغاب لمن تنعوي=يطير خير الارض ماشي له وقيف
ندعي لربي لرحمن قوي =يلطف يمننا ويزرع خير طيف

[ابومازن القاضي]

يارب تهدينا الى الدرب السوي = في طاعتك على خطا الدين الحنيف
أمرت ان الأمر فينا شوروي = ونعتصم في حبل مولانا اللطيف
فلا تخليني لوحدي منزوي = وحدّ بلادي في حواضرها وريف

[درع الوطن]

وحده على المنهاج فيها ننضوي=وطاعة الرحمن عنها ما نحيف
وحده بلا تمييز فيها نستوي=والحق فوق الكل سيد او شريف
احنا سواسية وما فينا قوي=اخوان بالاسلام وحدتنا رديف
من شذ عن صفي وصفك ياخوي=با ينبذه شعبه ويرميه الرصيف
او يرتمي في النار فيها يكتوي=يذوق مر الكاس صيفاً او خريف

[طه الأشول]

حرفي نوى والويل لا حرفي نوي=يقطع عنوق الظلم بالحد الرهيف
والغمد يتفاخر بما هو محتوي=والناضر المبهور يهتف يالطيف
والوحده الغراء تحته تنضوي = هي فخرنا والعز والقصر المنيف
ياباطلي من ذيب بالمنفى عوي=يضغط على جرحي يجدد للنزيف
وباطلي من شيخ عاجز منزوي=حوله أفاعي سود تمسي يازحيف
وباطلي من فيل عمره ما ارتوي= حقي ومالي له وشالي والرديف
وباطلي من شعب دايم فوضوي= ما يعرف الأعدا أو حتى الحليف

[ابوملاح]

انتم عرفتوا انني عاشق هوي *** في اليمن الذي ماله وصيف

اصل العرب من يسومه يشتوي***في نار حمرا لا تزغف زغيف

والبيــض منبـوذ لحاله منطوي***خرج من الخط قد عقله سخيف

وكل من سار في نهجه طوي *** مهزوم فالحرب كيف يوخذ نصيف

[ابومازن القاضي]

خطاب ابو عدنان منطق تعبوي =بيّن لنا الموقف ذي اتبنّى سخيف
من بعد طول الصمت دهراً يلتوي = نطق بها كفراً من ايمان الضعيف
من صدّق الغاوي على شعبه غوي = طامع بحفنة مال في مصرف جنيف
أساء للتاريخ ذاك الفهلوي = مرّة واخذ له درس لاما اصبح كفيف
وحدة بلادي في السلوك التربوي = مترسّخة ناقص من العشرين نيف
أجيالها هم السلاح الجبهوي = دشكا مع ابوسلسلة والبرجنيف

[ابوملاح]

استاذي وتاج راسي ابو مازن القاضي وكل الاخوان الكرام الذي تفضلوا وشاركو وفيه من شاهد لكم الجميع

ودي واحترامي وبالمناسبه اهني الجميع بعيد الوحده المباركه