منبع الشعر
19-06-2009, 10:02 PM
بسم الله الرحمن الرحيم
السلام عليكم ورحمة الله وبركاته
((( اما السياحه قتلها البندق القارح )))
يقول ابو مشعل اسمع قصة البارح=امست هواجس تمازحني ونا مزاح
قالن لماذا اقتصاد اهل اليمن طايح=اين السبب نشتي التحليل والايضاح
انتوا موارد بلدكم خيرها كاسح=موارده كان تغني الأنس والصللاح
حرام لا تجرحني مزحكن جارح=لا تنبشن جرحي المدفون بالجرَّاح
الشعب ضابح ونا قد خاطري ضابح=طرف المواطن تعب ما شاف بارق لاح
موارد الارض يبقا خيرها واضح=الخير واجد ولكن كيف مدري راح
لسماك ثروه بباطن بحرها المالح=قالوا اختفت يمكن انه كلهن التمساح
اما الزراعه زرعنا القات يا فالح=لمَّا مسحنا العنب والليم والتفاح
والبن والمانجو يمسحهن الماسح=استبدلوهن بزرع القات للقرَّاح
ما ثروة النفط ثروه خيرها سابح=عواكي النفط منها يشتكي الفلاح
اما السياحه قتلها البندق القارح=على المساكين روعهم مع لصباح
مُدن وآثار تسحر منظر السارح=لكن من ذي يشجعهم على المسراح
سارق وقاطع طريق ومدعي ذابح=يخطف وينهب ولا من قد حوي ذباح
هذاك من اجل مطلب يخطف الرايح=يا قاطع ارزاق خلق الله قتلت ارواح
في معبد الشمس فجر جسمه الكالح=وتقول كنه لتلأبيب با يجتاح
ما اليوم ما عاد شفنا بالبلد سائح=لا عاد زائر ومستثمر ولا سواح
مصدر وثروه وكلن منها رابح=الله لا سامحك يا قاطع الارباح
الى متى والمواطن يا وطن نازح=قل لي متى عاد قل لي يا وطن نرتاح
متى البُنى تكتمل يفرح بها الفارح=متى ظلام الليالي ينجلي بالضاح
كل ما انتخبنا مرشح نحسبه شارح=ايام ونه يكلفت ما مع الشُراح
عدوى الفساد السريعه تعدي الناجح=منهم ويصبح بحق العامه سفَّاح
الشعب كل ما حصل شي قالوا الصالح=حتى الولد لا بكى قالوا بسبه صاح
لحزاب لا خير فيها ما وجد صالح=لا مؤتمر لا اشتراكي لا ولا اصلاح
احذر تصدق لمفسد يدعي ناصح=جهز مقصك وقصقص منهم لجناح
الى متى ونت عنهم يا علي جانح=لا ترتجي يعتدل لعوج بلا سمَّاح
ان كنت تبغا تضلي القايد الفاتح=لازم تغير اساسات البناء ذي طاح
يا المستمع قصتي هذه ونا مازح=هي هذه القصه اللي نبَّشت لجراح
شرحت لك يا عزيزي مزحي البارح=اعطيتك القفل فك القفل بالمفتاح
كلمة ( مفردت ) الصللاح تعني الجن
السلام عليكم ورحمة الله وبركاته
((( اما السياحه قتلها البندق القارح )))
يقول ابو مشعل اسمع قصة البارح=امست هواجس تمازحني ونا مزاح
قالن لماذا اقتصاد اهل اليمن طايح=اين السبب نشتي التحليل والايضاح
انتوا موارد بلدكم خيرها كاسح=موارده كان تغني الأنس والصللاح
حرام لا تجرحني مزحكن جارح=لا تنبشن جرحي المدفون بالجرَّاح
الشعب ضابح ونا قد خاطري ضابح=طرف المواطن تعب ما شاف بارق لاح
موارد الارض يبقا خيرها واضح=الخير واجد ولكن كيف مدري راح
لسماك ثروه بباطن بحرها المالح=قالوا اختفت يمكن انه كلهن التمساح
اما الزراعه زرعنا القات يا فالح=لمَّا مسحنا العنب والليم والتفاح
والبن والمانجو يمسحهن الماسح=استبدلوهن بزرع القات للقرَّاح
ما ثروة النفط ثروه خيرها سابح=عواكي النفط منها يشتكي الفلاح
اما السياحه قتلها البندق القارح=على المساكين روعهم مع لصباح
مُدن وآثار تسحر منظر السارح=لكن من ذي يشجعهم على المسراح
سارق وقاطع طريق ومدعي ذابح=يخطف وينهب ولا من قد حوي ذباح
هذاك من اجل مطلب يخطف الرايح=يا قاطع ارزاق خلق الله قتلت ارواح
في معبد الشمس فجر جسمه الكالح=وتقول كنه لتلأبيب با يجتاح
ما اليوم ما عاد شفنا بالبلد سائح=لا عاد زائر ومستثمر ولا سواح
مصدر وثروه وكلن منها رابح=الله لا سامحك يا قاطع الارباح
الى متى والمواطن يا وطن نازح=قل لي متى عاد قل لي يا وطن نرتاح
متى البُنى تكتمل يفرح بها الفارح=متى ظلام الليالي ينجلي بالضاح
كل ما انتخبنا مرشح نحسبه شارح=ايام ونه يكلفت ما مع الشُراح
عدوى الفساد السريعه تعدي الناجح=منهم ويصبح بحق العامه سفَّاح
الشعب كل ما حصل شي قالوا الصالح=حتى الولد لا بكى قالوا بسبه صاح
لحزاب لا خير فيها ما وجد صالح=لا مؤتمر لا اشتراكي لا ولا اصلاح
احذر تصدق لمفسد يدعي ناصح=جهز مقصك وقصقص منهم لجناح
الى متى ونت عنهم يا علي جانح=لا ترتجي يعتدل لعوج بلا سمَّاح
ان كنت تبغا تضلي القايد الفاتح=لازم تغير اساسات البناء ذي طاح
يا المستمع قصتي هذه ونا مازح=هي هذه القصه اللي نبَّشت لجراح
شرحت لك يا عزيزي مزحي البارح=اعطيتك القفل فك القفل بالمفتاح
كلمة ( مفردت ) الصللاح تعني الجن