ديوان الشاعر أبو ايـوب القعيطي

[وليدالمصري]

هذه الصفحات مخصصه لكل قصائد الشاعر ابو ايوب القعيطي

[ابو ايوب القعيطي]

بسم الله الرحمن الرحيم

على بركة الله نبدا

هذه القصيدة من كلمات الشاعر القدير ابو ايوب القعيطي موجهه الى الشاعر القدير محمد المحبوش[/size][/color][/align]


يامزيـل الهمـوم العالقـه بـي تلطـف=جل حزني ووفقنـي لحسـن التصـراف
من فراغ الوطن والاهل عقلي تسـرف=والفؤاد استرف بتكلف العيـش تكـلاف
راجيا ً رحمتك فنته من الكـل اعطـف=آمن القلب آمن خافقـي بيـن لنجـاف
وستر العيب ذي منـه ذليلـك تخـوف=ستر دايـم ابـد يـارب طـه ولعـراف
وقض ديني وماعبدك اخـذ او تسلـف=رب وكلت امري لك وفي حكمك انصاف
خذ بحقي من ابليس الذي بـي تحلـف=عذت بك ياالاهـي بـك تعـوذت الآف
عيشة الستر مقصودي ونته بي اعـرف=انت عارف خفا صدري وعارف بلهداف
تعرف النمل ذي بيدب صم الصفاء صف=داخل الليل لظلم كم هي اصفاف واصفاف
بل وتعلم بمـا تخفيـه بلبحـر لجـوف=من ممالك واحيـاء واللالـئ ولصـداف
لك لجاء عبدك المسكين وابيات صنـف=عل لبيات تشفع له متى هـوه يختـاف
شاكياً حالتي اضعف واضعف واضعـف=ونت ذو القوة الجبـار رحمـن لطـاف
ولد صالح رسولي هاك خطـي تصـرف=اعط ابو يحيى المحبوش موزونة القاف
في عدن مسكنه موصوف عنه توصـف=يعجبك لالفي حـوم المكاريـب وقـاف
نسل سالم علي ذي هو دواويـن الـف=كم نظم مـن قصايـد رد بالالـف آلاف
رغم انه مخضرم والنظر عنـه اكتـف=عاش سالم علي شامخ وماعمره اختاف
بحر زاخر بحر شتى البحوري وصنـف=قال كلمات تبقـى نـادره مثـل لطنـاف
وايضا ً الفذ قاسـم دون لاشـي تكلـف=نايف اصبح جبل من بعد ماراح نـواف
وبن يحيى سعيد الزين يضفـي واردف=شرف اهله وناسـه ذلكـم اي شـراف
بعدهم عل ابو يحيـى معاهـم توظـف=ظمن سلك الادب والشعر يلحق وينضاف
مش بعيده على المحبوش يشهر ويعرف=بيت له باع بين اهل الادب والتشنـذاف
واعطه الخط قل له دمع عينـي بتـذرف=سال دمعي ونصف خدي الدمع نصـاف
بل وحسيت انـي شبـه طائـر منتـف=بعد ماكنت كاسر في سماء الجو خطـاف
كل ماجيت بامشي مثـل ماكنـت آلـف=قالو انته يماني التزم ضمـن لصفـاف
اجنبـي ذاك سمانـي وللعهـد اخلـف=رغم ان عندي الاثبات به رسمي انضاف
قلت هذه اقامـه اصليـه مـش مزيـف=تحمل اصداركم ياهل المبـادى ولعـراف
قال هذا بلاغ امسـك وبالحـال توقـف=من كفيلك مختم في الزوايـا ولطـراف
قلت ماذا عليا يفتـرض كنـت اعـرف=قـال حقـه تطرفهـا ذليحيـن طـراف
هات حق الكفاله سبعـه ايمـان حلـف=واصبح القول قوله في المحاكم ولوقـاف
ذا خرج فصل والثاني تفاسيـر مرهـف=في فوادي اتتنـي كيـف ودفـت وداف
كنت شامخ مشمخ مثلما الـدار لشـرف=يامهاجر لمه ماعشت في ارض لسـلاف
قلت مرغم تركت الاهل بعـدي ومكلـف=لقمة العيش تجبرني على شـد لكتـاف
جرح غائر بصدري منـه الـدم ينـزف=والجنوب العريقـه مابهـا اي صـراف
كلهم هات جتنا قوم مفـروض تقصـف=اومبيدات او تيفـوس تحتـاج نسـاف
او صواعق شديده يلحق البرق رف رف=يحرق السارق الكايـد يشلـه بلطـراف
او تخيل المخيله بعدها السيـل يجحـف=ذي يصفي السواحل من عدن لامع حاف
بعدها اهديك فله مـن بساتيـن تقطـف=قول واضح مبين ليس بـه اي حـراف
قل لصالح يصَلح قبـل يوقـع ويكتـف=قبل تصبح يمنـا بيـد طاقيـه سيـاف
من معه حق لازم صاحب الحق ينصـف=نظف السلك ياصالح والوزارات نظـاف
لن وضعه يمنا ياعلـي شـي يوسـف=طوف الكذب فيهم طـم طـه وصحـاف
ختمهـا يامحمـد مايغنـي وقـطـرف=لالطيور الجريحه في سما الجو قطـراف
ذكر طه حبيبـي مـن وعـد مابيخلـف=شافع القوم يوم الازفـه يـوم لعـراف


جواب الشاعر القدير محمد المحبوش





قال محبوش يسّر ربنا واقض لي الشـف=بك توكلت واثق من وثق فيـك ماخـاف
عالمـاً بالنوايـا قبـل تنـوى وتُعـرف=في تفاصيل من منظور كاشـف وشفّـاف
مالك المُلك والاملاك مـن دون توصـف=من وصفها عجز وصفه لاتمام لوصـاف
احمدك حمد مارمش السبل والمُقـل رف=حمد لايحتصي ايـام عمـري بلضعـاف
والف صلي وسلـم ع الرسـول المُكلـف=خصـه الله خاتـم انبيائـه ولـشـراف
بعد ذلحين اوجز هاجسي القول واطـرف=رغم انك مؤشـر لـي بتحذيـر ايقـاف
لاتزيد الضجر فوق الضجر ذي قد اعصف=والفؤاد امتـلاء مايتسـع هـم ينضـاف
الشموس اظلمه والبدر من فوقنا اكسـف=والسحاب اسقفه من دون شي برق رفّاف
والعرب جُرح غائر في جسدهـم بينـزف=لاملبي يضمّـد جُـرح يحتـاج اسعـاف
والعدو منتشي بيـده سكاكيـن تُشحـف=مايهمه غضب قطعان بتقودهـا اجحـاف
نصفهم للثمن قابض ضميره قـد اتلـف=واصبح اليوم في ردف اليهودي بلحـلاف
والبقيـه بتتباكـي وغــزّه بتُقـصـف=في اباده لها التاريخ يخُجـل بمـا شـاف
اسـأل الله مادونـه ولـه ارفـع الكـف=يمحقه من تعداء عن حدوده وهـو كـاف
بعد ذلحين بارحّـب بمـا جـاء وشـرّف=عند محبوش في بندر عدن مر مُصتـاف
فيه والبـدع ذي سطّـر حروفـه وألـف=واصبح اليوم في سجلي بلصحاب مُنضاف
مرحبا فيك ابوايـوب مالرعـد زرجـف=واعقبه بالمطر يروي البـوادي ولريـاف
والشكى ياعزيزي منك بالوقـت لصلـف=عند مشلول وانته جيت تشكي له اسواف
احمد الله حملك وان تحمّلـت قـد خـف=خير مني ونا بسحب حمولـي بمدهـاف
قيمتك ذي بتشكيها من ارضك بتُصـرف=هان فيها كرام القوم مـن كـل لطيـاف
ارضنا تحتضر فيهـا المُعافـى مُشقـدف=واصبح الفقر عنوانه مع شعب مضيـاف
احمل المُر مـن بعـد المـرارات اكلـف=خير من ظلم متمادي باجحاف واسـراف
والمراره من الغُربـه بشكـواك احصـف=اعتنه بالاقامـه فـي صورهـا وغـلاف
لان عاد البديل اليوم في ارضنـا اعيـف=غربتك في بلادك مُرها اضعاف باضعـاف
خارج العصر اصبحنا لمـن زار متحـف=من بقايـا بـلا رابـط لامجـاد لسـلاف
لا تعاتب علـى جيـران ماعـاد ترئـف=في تمادي يزيدوا الخوف في قلب مُختاف
خوفهم من جحافـل بالملاييـن تصتـف=باب اسوارهم شعب التعيسـه بلصفـاف
مابيبقى بظني غيـر مـن كـان مُتـرف=او مُقرب من الحاشيه مكسـي بلصـواف
ذي اعادوا بلدلهم حين تُذكـر وتوصـف=تحتضر في اواسطها وبتمـوت لطـراف
منبع الخير في افساد مُتقـن بهـا جـف=والفتن والبلاء مزروع في كـل معطـاف
ذا جوابي ولاودّي مـن البحـر اغـرف=لاجل ماتنصدم يكفيـك موجـز بحصـاف
والف صلي وسلـم ع الرسـول المُكلـف=خصـه الله خاتـم انبيائـه ولـشـراف [/QUOTE]

[ابو ايوب القعيطي]

يامقلة العين مهـلا ً خففـي دمعـاً=ماعاد تحمل خدودي كثرة الدمعـي

تبكي لمـاذا ومـاذا للبكـى نفعـاً=ما ينفع النوح ؟ هل للنوح من نفعي

قالت امرت ومادام البكى شرعاً=قد جاز ابكي ولن تقدر على منعـي

ياحسين ياحسين داهشني البكى عفواً=ماقدر تحمل وقلبـك ذاك يستدعـي

قلبك تالـم وفيـه الحـزن يتمكـن=بيدك علاجه وبيدك تمسحه دمعـي

فقلت عذرا ًكفـى يامقلتـي عـذراً=صبي دموعك لعلك ترأبي صدعـي

جاني وشفته وانتي تشهـدي طبعـاً=ماصار بيني وبينه تعرفـي طبعـي

واليوم قادر وخلف جرح بي مثخاً=مايلام الجرح ؟ والطعنات بي تسعي

قالت اقـدر لذلـك ادمعـي تهتـن=فصبر الخد علـه يحتمـل دمعـي

فقلت عيني على رسلك قفي مهـلاً=الخد خدي وانتي ملك لـي تبعـي

ولي حواسي بنفسـي كلهـا ستـاً=انتي ولمسي وهمسي بل وذا سمعي

والانف انفي وخلي زادنـي حسنـاً=حياة قلبي وروحي قصني الطلعـي

دواء جروحي طبيبي ليس لي طبـاً=الطب منها (حياتي) منهلي الشرعي

من حلها لي الاهي جاعـلاً سببـاً=الحق حقي وجوعي قاهراً شِبعـي

شمس المحبه اضائت للورى دربـاً=من صار فيه يعاني مرهـا تبعـي

يارب سالـك باسمائـك وبالمتقـن=كتابك الحـق يامنـان لـك ادعـي

تفرح القلب في عيشة بهـا جمعـاً=نسعد ونهنى ونشعل كلنا الشمعـي

يالله واغفر ذنوبـي طالبـك ستـراً=العفو عفوك وعبدك للرضى يسعي

من بعد عسراً تبدل عسرنـا يسـراً=فبيدك الضر ونتـه بيـدك النفعـي

قادر وحاكم ومالك بالقضاء نـداءً=ماشئت يحدث وما شئت يقع يقعـي

[ابو ايوب القعيطي]

[quote=ابو ايوب القعيطي;53216]مرسله للشاعر القدير ابا اسمهان القعيطي/
align=center]بـــــــــــــــسم الله [/align]


يقول ابو مقعط الشاعر بليل اظلم = مطلوب ياهاجسي تجيبني ملزوم
هل ياترى كان ذا كابوس ام بحلم = ام ان هذه حقيقة مش خبر مزعوم
رؤيا اتتني صعيبه كيف باتكلم = آآهي تفاسير زارتني بوقت النوم
فضلت مابوح فيها لجل ما اتهم = لكن كفاية سكوتي ياجماعة لــوم
رايت نهراً وبحرا ً ممتليه دم = غارق بها شعب طيب خلفها باعوم
وخلفها اسلوب حكمك ايه الفندم = وقطرست بعض حاشيتك ونهب القوم
فيها زوارق خفيه لونها اتعتم = حسب اعتقادي دخيله من بلاد الروم
وفي سماها نسور الجو تتلاطم = كلن يدور فريسه حولها بيحوم
وبعدما هاجسي رتب وقد نظم = رجع عليا بحنكة قلت له مفهوم
وقلت عالي طلب ياهاجسي تسلم = توزن قصيده وختمي فوقها مختوم
انتاجها من حليله سيلها رم رم = تلدغ كحية مميته لدغها مسموم
ون جت بتمدح فيصبح قولها بلسم = لانحط عالجرح يشفي قولها المحموم
قال القعيطي ونا في غربتي والغم = ارجوك يامرسلي قادر بذا المنظوم
لاعند قاسم لعله ينجلي ذا الهم = لاجاء جوابه لعله يسلي المهموم
ذي له بقلبي مكانه دون ما يعلم = ون قد علم هو مكانه فليكن معلوم
وسلمه هاك خطي ان يكن مهتم = وحذره لا يكن ظالم يكن مظلوم
لو كل واحد على الخير اندفع واقدم = فهذه الارض ما يبقى بها محروم
ويكون للخير داعم عندما يدعم = ماهو كما البعض ظل الشر به مدعوم
كالبغبغانه يقلد كالاسد ينهم = وساعة الصدق يصبح قولها معدوم
دليله القرد بل والقرد به يوسم = سبحان ياصاحبي من قسم المقسوم
ساقط لها بالرطب من فوقها مريم = ثم ابتلاها بتهمة ناسها والقوم
من ثم اتى بالبراءه قبل مايفطم = عيسى ولدها تكلم واحسن التكلوم
صلى عليه الاهي ثم قد سلم = حال الولادة وموته واردف التسلوم
وبعد ياعم قاسم كبدي اتوررم = مما التمسته بشهر المغفره والصوم
الفقر خيم وسعر السلعه اتفاقم = والبادي اظلم فيا لطام يا ملطوم
فتنه عظيمه عليها بو يمن صمم = والجو قيم بقارحة المطر مكظوم
السلطة اصبح سياستها بلا معجم = وحده فقط هو شعار السلطة المشؤوم
ماحد مروي وذي بيسي قده اعجم = لجل الفوايد يبيع السام والمسموم
واليد ممدود والسيره الى المبهم = وقصة الحلق صارت تخنق البلعوم
نبذت حياتك توضح لو بتتكرم = وكيف عشتو زمان البارده والحوم
في صوت واحد بداعي يافع اتلملم = في ظرف ساعات يصبح جمعكم ملموم
واليوم نادر قليله رغم هذا الكم = ان نجتمع شور واحد يرحم المرحوم
وما بدع فيه ابو ايوب شف ختم = والفين صلو على ذي بالبشر معصوم
محمداً ذي بقلبي لاذُكر بلسم = من صاب نهجة ومنهاجه فهـــــو منعوم
وال بيته واصحابه من اتقدم = وكل مسلم يدور رحمة القيوم


جواب الشاعر القدير قاسم يوسف الداعري (ابو اسمهان )

يا الله يامن بسري والظمير اعلم=يامن لك الكبريأ ياحي يا قيوم

ياساتر الحال فرج كربتي والهم=وظيق من كان باقلال الحلق ملزوم

ضَيع زمانه هبا من دون ان يفهم=سجنه لماذا ومن حكم الظٌلم مصدوم

فاقد حياته ومن حريته مُحرم=واهله ولحباب من ناظرتهم محروم

رباه اعطف علا الجيعان والمعدم=ومن يعيش التشرد واشفه المئلوم

قال ابن عطاف ذي له هاجساً ينهم=يبني وينشي قصوراً من حجر معدوم

وبعد يا مرسلي قم شد واتهمهم=جهز عتاد السفر ياطارشي ملزوم

ارحل جوابي لمن في بدعه اتكرم=لمن كتابه وصلني بالوفا مختوم

شاعر محنك في القيفان يتنظم=وبالشهامات بين القبيله تقدوم

حاز الوفا لو نطق اوقال واتكلم=رجل مواقف قعيطي منتسب صمصوم

مهما اختلفنا ومهما حرشه لعجم=بابقا علا العهد والميثاق به ملزوم

سلم لابوايوب هذا ردي المُرقم=ونقش ابيات في كف الادب مبهوم

معجون بالمسك يتخصص ويتقسم=والفل والورد والأزاب والمشموم

وبعد ذا الحين من قاموسي المعجم=من بين صفحات جوفي باصدر المحكوم

بارد عالشاعر البداع باترجم=كابوسه اللي تنبا في ظنك محموم

عندي تفاسيرها والحل به مُلزم=كابوس نومك ترى ياصاحبي مفهوم

انظر الا احداث صعده نار تتوهجم=ايضاً حراك الجنوبي لم يزل محدوم

حوثية الاسم لكن ربنا يعلم=اسرارها له هوا ذي يعلم المكتوم

فيها سعودي وايراني قدم واعلم=حتى الكويتي بيتهدد وبن مكتوم

شافو التخلف بها والجهل يتحكم=كلن سمق بالجريحه يشتي المقسوم

حكامها عيبها تبكي وتتهليم=والفارسي زاد فوق الخارطه مرسوم

حتى السعودي ظلم في حقها وجرم=قنابل استعمل الفسفور والجرثوم

كم هي مدن ذي اُبيده كم وكم هدم=كم ذي تيتم وكم شارد وكم مرحوم

وبالجنوب الحراك ارتد واتقدم=حاير ولا زال في احبالها مخطوم

ما عالج الجرح زاد الجرح يتجرثم=وضعه كما دارفور التاح والخرطوم

عندي خيارين والحالي بهم علقم=اصبر علا الظلم واتفرج علا الموهوم

ام اننا انظم الا الثوار واتنظم=لكن ثلاثه خون يشتوا لها التقسوم

هذا انفصالي وذا حوثي قذر مجرم=والحاكم الثالث اللي اخلط المسموم

الله يجازيك يا حاكم بما تحكم=انت السبب كنت في كابوسي المشئوم

قسمت ارضي وابنائي ولا ترحم=عايش بكابوس جهلك ايه الذموم

ماذا يسجل لك التاريخ يا مُظلم=وكيف بالآخره في يومك المعلوم

في يوم لا ينفعك مصنع ولامنجم =باتنقلب فيك من حاكم الا محكوم

ذكر النبي بالنهايه بالنبي تختم = شفيعنا حين نرحل حي يا قيوم

[ابو ايوب القعيطي]

بدع الشاعر ابو ايوب القعيطي

بسم الله ابدع بدايات العلاء خطوة = من راد يبداء فيصبر في بداياته
المجد سلم وكل انسان له كبوه = من سار عالدرب بايبلغ نهاياته
لله امري ولله ارفع الشكوة = راضي وقانع بامر الله وحقاته
والان باقطف شقر شروه ورا شروه = وا زيد ازاب متنوع بنفحاته
وعطر فواح جنبه عود في عبوه = جديد باريس تزخر في صناعاته
واكد مبعوث رسمي بانتقي نقوه = يوصل الخط ويفند رسالاته
لبن عويضان عاني يتكل نحوه = لاوين ماكان باعطي له اماراته
رجل ونعمك وينجح من حذي حذوه = لجل التواضع بتترافع مقاماته
بسلوب راقي محنك يفهم الدعوة = عن بعد معروف لا اتحدث بلهجاته
جل احترامي ومعرفتك هي الثروة = وكل انسان يعرف من ميولاته
واشرب رسولي مع بومحسن القهوة= ساعة جلوسك تفيد من مهاراته
قل قال حسنين شف هذا الزمن بلوه= ماحد رضا الناس يدرك في براعاته
وقت المصالح وخذ من صاحبك فتوه = ما عاد حد ذي لوجه الله شغلاته
غثاء للسيل بعض الناس والرغوة = حجار عثره حجر طاحس وسلاته
فوز الخساره نتيجة من نوي سطوه = ذي مايحسب خروجه قبل دخلاته
اهل الجشع والطمع والنصب والرشوه = الكل خايب وف ا ش ل في نجاحاته
البير واسع وكلن يمتلي دلوه = والفرق شاسع بطعم الماء ومصفاته
ختمت قولي عسى بالمن والسلوة = ناكل انا ونت في فردوس جناته
والمعذره ان حصل من صاحبك هفوه = لا سامح ابليس في همزه ولمزاته
جواب الشاعر القدير ابو محسن محمد صالح عويضان
يا الله يا من لك الجبروت والقوة=عبدك دعى اليك يسر كل غاياته
رب الملاء والمشاكي كلها نحوه=عالم بعبدك وما تطويه نياته
عبدك دعى اليك يا الله تقبل الدعوة=أكفل خطاياه وأغفر كا زلاته
وأذكر محمد وأصلي ما بزق ضوه=ونور الكون وابرج بعد ظلماته
وبعد يا هاجسي من لسنك أتفوه=شف الحليلة تجيني بس خواته
منك رجائي وساهن منك العطوة=تسر قلبي وتقضي كل حاجاته
حسين صالح أتى لا تأخذك سهوة=رسل رسالة وأكدها ببصماته
ونعم رسوله ونعم الكلمة الحلوة=من نسل شعار ويش آقول ببياته
أصله قعيطي مؤكد يعترف لغوه=ما هو كما شخص يفرح في دعاياته
وكل ساعة وهو يشرح لنا غزوه=من يجهله قال ربي يرحم أمواته
ما يرجع الا متى رادعته الصلوة=حسب المقالات للجيل الذي فاته
ذي قال ملكيته من ريو الى جروة=ويدعي انه أخذها في سجلاته
والآن يا طارش أرفع ما كتب وأطوه=وأعزم مع ميج لو قد شد رحلاته
وخذ معك عطر فاخر مصدره جنوة=عطر صديقي وعطر به محلاته
قل تفهمت ما أدلاه في دلوه=ولا لنا حل غير الصبر نقتاته
قل له وطننا الأبي بالواقع اتشوه=ولكن الظلم با تقرب نهاياته
حقيق أهل الطمع جابوا لنا السقوة=وكل واحد بتتعاضم جناياته
ومن ثبت في مكانه شل له قدوه=والشعب مسكين تعصف به مجاعاته
والمعتدي جاء لنا في منتهى القسوة=وقد بنا أجراح من ضربه وشوتاته
جاءوا يهينوا يمن الأحرار هم فدوه=وثوروا جرحه الدامي ومأساته
وآبشرك يا حسين الشعب في صحوة=لابد من يوم ما يأخذ بثاراته
والشعب لو ثار ما يدون الى حموة=بركان جرار من يقدر على اسكاته
وبا يقاتل فلول الشر والنزوة=ويخذ حقوقه وتتجلى مهماته
كفيت يا هاجسي نقيت لي نقوة=ردي لمن سر قلبي في عباراته
وأذكر محمد وأصلي ما بزق ضوه=ونور الكون وابرج بعد ظلماته
ذكره يجيب الفرح للنفس والنشوة=ذي خصه الله في مجمل رسالاته[/quote]

[ابو ايوب القعيطي]

جواب الشاعر القدير الخالدي وبدع الشاعر القدير ابو ايوب القعيطي6





حسيـن صالـح بـذكـر الله بــه نـبـدع=الـه واحــد يـكـف الـشـر واعـوانـه
الـه يامـن شـرع بسمـه فـقـط نـبـدع=هـو منـزل البسمـلـه بـايـات قـرانـه
حكيـم مُحْكـم مُحَـكـم للخـفـى يسـمـع=ويعلـم الهـمـس ذي بالخافـقـي رانــه
الله مــن وصـفـه لا لـيـس يتـجـمـع=عزيـز مـن قدرتـه لاراد شــي كـانـه
وبعـد والقـلـب لاقــد حــن وتـوجـع=ومسـي بحيـره متـى مـازادت احـزانـه
وهاجـسـي لاطلبـتـه قــال ماتـرجـع=وتحـت امـري متـى مالصافـره حـانـه
ومرسلـي قـد تجـهـز قــام وتــوزع=باينـقـل الـخـط ذي واضــح بعنـوانـه
قـم يارسولـي طريقـك سابـره تـجـزع=لاعنـد ابـو مخـلـد الشـاعـر بديـوانـه
سـلـم ورد التـحـيـه لـنـهـا تـنـفـع=مـن واجـب الجيـد بيسلـم علـى اخوانـه
وقـل لبـو مخلـد الشاعـر وجـب يدفـع=بالراي مـن شـاف عوجـا كيـف ماكانـه
ذا اول الفصـل والاخـر وجـب تسـمـع=مـن صـان جـاره موكـد يالفتـى صانـه
دنيـا حقيـره حقيـره مـن بـهـا يطـمـع=يصبـح قتيـل الامـانـي خانـتـه خـانـه
لاخـوف يامـن ولاجـايـع بـهـا يشـفـع=لاعهـد فيهـا لمـن بـات الطمـع شـانـه
وبعـد يابـن حسـيـن ارجــوك تتـوقـع=رود صميلـك ولـن لا النـاس مـا لانــه
لانـك سمعـت المشاكـل كـم بهـا توقـع=مـن الـبـلاوي كثـيـره بعـدمـا كـانـه
ونـا اعرفـك شخـص متعلـم وماتخضـع=للنـفـس ذي للمـسـاوي طبعـهـا لانــه
نبيـل لخـلاق نفسـك ذي لـهـا تـوضـع=حـدود ذا الشـي تعمـل خيـر واحسـانـه
وفصـل ثانـي عقيلـي كيـف بـه نصنـع=لانـي سمعتـه مهـرول حـسـب مابـانـه
بـاع السعوديـه بابياتـه شــف اتصـنـع=ولـفـق الخـبـث والتخبـيـث بالـوانـه
وفصـل ثالث رفيقـي بعـض مــن يقـبـع=بالجـاه عمـي البصـيـره بــاع ايمـانـه
سـب الصحابـه ونـزل قـدرهـم لقـبـع=والحوتـي الضـال فضـل فوقهـم شـانـه
ذا جهل واهـل الجهالـه مـن بهـا اتولـع=يـردى قتيـل المعـانـي دونـمـا زانــه
موجـود هـذا حقيـقـه بينـنـا اتضـلـع=ياكـم امــم للمكـايـد شــر خرمـانـه
فـهـذه الدنـمـارك اعـلامـهـا شـنــع=على الرسولـي فـدو هـم حافـر احصانـه
رمــوه بالـكـذب والله مابـهـا نـقـنـع=صلـى عليـه المـلاء محـنـت امـزانـه
واخـر الفـصـل واقـلامـي بتتقـطـوع=مـن قـال كلمـه حسينـه صحـت السانـه
وذاك ذي يـرمـي الفسـلـه حقـيـر ادوع=يـنـدم عـلـى فعـلـه ينـحـط ميـزانـه
وبالثلاثيـن صلـه عــد مــا تشعـشـع=ماشـع نـور الشموسـي فـوق اغصـانـه
علـى محمـد محمـد خيـر مـن يشـفـع=يشفـع لنـا مـن لضـى حـره ونيـرانـه


جواب الشاعر القدير الخالدي



بسـم الله ابـدع ومــن يـبـدع اتــورع=واحـد احـد جـل ملكوتـه ولـه شـانـه
ذي مــن تمـسـك بحـبـل الله مايقـطـع=نصبـح ونمـسـي وعـيـن الله يقضـانـه
خلـق ونظـم ومابـيـن الـمـلاء شــرع=والناس ترحل وهـو يجلـس مـدى ازمانـه
فالحمـد لـه عــد مانسـجـد ومانـركـع=واعـداد مـا امسـت لهبهـا نـار شعلانـه
الخالـدي قـال يالهاجـس معـيـا اقــرع=قــم هــات قيـفـان حنـانـه وطنـانـه
قيـفـان للضـيـف تتـكـرم وتـتـوسـع=حـيـا قـدومـه وحـيــا الله قيـفـانـه
سلم على احسيـن مانـور الغبـش شعشـع=وتلاجـبـه ذي لـهـا حـنـات رنـانــه
واهديتـه العطـر ذي عـاده مـن المصنـع=بـارد لـه خيـر مـن لـولـه ومرجـانـه
مـــن حـيــث مـاقـلـت اسـمــعواجبي اسمع= ذي بذنه الصم لازم يفحص آذانه
دنيـا نكيـده ولكـن سـعـد مــن يقـنـع=نفسـي قنيعـه وبعـض النـاس طمعـانـه
والفـسـل لاحـصـل الفـرصـه بيتنـتـع=والجيـد لاقـال كلـمـه جــاب برهـانـه
بمشي مع الوقت لـي مبـداء ولـي مرجـع=قـد موقفـي ذاك ذي ماهـتـزت اركـانـه
طعنـه بنجفـي ولا حيـلـة زمـيـل ادوع=قـتـل القبيـلـي ولا شتـمـه وجحنـانـه
والمشكلـه يـوم عـادك قلـت لـي اتوقـع=قلـت المشـاكـل مـعـي زاده ومليـانـه
لا تكـون تسمـع عيـال اللعـب والنعـنـع=ياكـم حرامـي ويـاكـم نــاس تعبـانـه
مـاشـي مهـمـه اذا الدنـيـا بتتنـخـوع=قـد مانفكـر فــي الطـاغـي وطغيـانـه
سيفـي بيـدي وعـنـدي بـنـدق اتنـصـع=ماعاصـي الا ونــا خـربـت شيطـانـه
مـن ضمنهـم ذاك ذي جـانـي بيتـفـرع=لا قـرن يـردع ولا لـه جـنـب دحـانـه
ون كان حـد بـه شجاعـه يطلـع المدفـع=قدنـا مجـهـز عـلـى قتـلـه وطحـانـه
شف صاحبـك ذاك ذي تعـرف وذي تسمـع=لاراس يخضـع ولا نفسـي لـهـم لانــه
رع مـن يبانـي غـدا فـي راسـه اتقـرع=والله ماخـاف مـن معـزه ومـن ضـانـه
وبـن العقيلـي محمـد ذي نـظـم وبــدع=قدجيـت حامـي ومتهجـم علـى اعـلانـه
لاهـو رهنهـا ولا بـاقـول لــه ضـيـع=والله مالـوم حـد لــو سـالـت اعيـانـه
ارض الرسالـه وربـي عـزهـا ويـرفـع=مـن حيـث تمشـي بـديـن الله وقـرانـه
منهـا بنرضـع ومنهـا الغربـي آيـرضـع=حتـى اصبحـت بيـن مامونـه ومختـانـه
مـن بعدهـا الغـرب ذا يبـزق وذا يرقـع=والمملكـه خيـر مـن شنطـن وجيـرانـه
هـي امريكـا الصـدق لاتخنـن ولاتبرقـع=مـاحـد بـهـن ذي لـديـن الله امـانــه
قدهن علـى الجنـز ذه ترقـص وذه تبـرع=والبعـض يمسـون مـن حانـه الـى دانـه
والامر ذي قلـت لـي لقبـع بجنـب اقبـع=نحنـا لنـا الله ومـن يشـرك لـه اوثـانـه
مـا ظنـي الله يغـفـر والنـبـي يشـفـع=الا اذا اسـلـم وبـطـل مــن تحنحـانـه
ون مـات حوتـي فكـم حيتـان ذي تتـبـع=مـادام بـارض اليمـن عشريـن مدمـانـه
امـا النبـي ذي يسـوو لـه وجـوه ابشـع=دنماركـي الويـل والغـربـي وعـدوانـه
ياربنـا انـزل عليهـم كـارثـات افـجـع=مـادام والخافيـه مــن حقـدهـم بـانـه
لا اشتي شركهم ولا مـن خصمـي اتبضـع=والشعـب لابـد مـن تعـذيـب سلطـانـه
والختم صلـوا علـى مـن هـو لنـا يشفـع=صـلاه مـن قلـب خالـص زايـد ايمانـه
ماثـار جاهـم ومـا بـرق السمـاء يلـمـع=واعــداد ماظـلـت الامــزان شـنـانـه [/quote]

[ابو ايوب القعيطي]

اولا عفوا عالتاخير .. لكوننا مشغولين والله يعين الجميع ... ثانيا كل الشكر والتقدير للناقد الشعبي الذي اثبت جدارته بتطبيق معاني اسم معرفه .. كان مما كان .. نشكركم على التجاوب بتوحيد الموضوع .. ونرجو الاخذ بجميع الشروط
وحتى لو توضع على كل بند درجة تقييم مثلا على الوزن درجة وعلى التسلسل درجة وعلى الترابط درجة وعلى تركيز الموضوع درجة ... الاشياء الاساسية وبعدها يتم جمع الدرجات للتقيم .... هذا اقتراح واليكم مشاركتي اتمنى ان تنال
ولو الجزء البسيط من الاعجاب والهدف هنا هو البحث عن الفائده لتطوير مواهبنا ولكم تحياتي وتقديري ....



قال المقترب للاسف عاندني زماني وجار = وابلاني الاهي بـــــأن اتعاقب باكبر عقاب

غربة دايــــمه للابــــد هذا ماحصل لي ودار = اظطريت ورغمت غصب عالغربه وعالاقتراب

كنت احلم بتحسين وضع واقضي الدين واشيد دار= لكن للاسف كلما ياغلق باب يفتك بــــاب

واهلي حين فارقتهم شب الجوف واشتب نار = حسيت الكبد تحترق في لحظة عزمت الذهاب

وتهاوت دموعي اسى تتساقط بدون اختيار = كم عانيت انا المقترب عايش في نكد و اظطراب

اشكي من فراغ الوطن وابكي ماجرى له وصار = ارض الجنتين اصبحت موعودة باشد العذاب

يالله تصلح احوالنا وتجنب يمنــــــــــا الدمــــار = واجعلها تعود الحياة واغسلها بماء السحاب

من اجل المهاجر يعود ترجع غربته لا قــــــرار= (يسكه ) يسلم من عنا السفر الشيبه ويرجع شباب

[ابو ايوب القعيطي]

عاش المجاهد وعاش الراجم الطراق=لاجنة الخلد يتخير حواريها



من كلمات الشاعر القدير ابو ايوب القعيطي







لاهل غزة تحيه مـن وسـط لعمـاق=من يطلـب العـز والعليـا يلاقيهـا
عاش المجاهد وعاش الراجم الطراق=لاجنـة الخلـد يتخيـر حواريـهـا
وين العروبه تجلت ساعة الاشـراق=وساعة الصفر دقـت فـي نواحيهـا
يالله خلص قيود الذل من ع السـاق=وامة العـرب مـن لسقـام تشفيهـا
يامن بحكمة بتقطع ايـدي السـراق=يد استطاله تشـل اعضـاء موليهـا
عليك باراك تطبقهـا عليـه اطبـاق=تزلزل الارض مـن تحتـه وتفنيهـا
يلحق بشارون مثل الماشيه يستـاق=اصبح مع لغنام سخله خاب راعيهـا
لازم فراش العجايز مافعل بـه حـاق=من يشعـل النـار لازم مايصاليهـا
هي قدرة الله فاقت كـل شـي فـاق=فاقت عقول الناس ماحـد بايجاريهـا
يارب ياقـدوس يارحمـن ياشفـاق=عاثوا في الارض واستكبر طواغيهـا
غيظ لغزة رجال الموت لـه تشتـاق=ترجوا الشهـادة وتطلبهـا وتشتيهـا
ناسا ً لذبح الصهاين سيفهـم سبـاق=عطشى لنهش الكبدواحشاء عاصيهـا
وللشهادة جماعـه ريحهـا عشـاق=مطلبهم المـوت بايفـدوا اراضيهـا
ضربا ً في السوق بعده يضربوا لعناق=آامـة الكفـر نخزيهـا ونزريـهـا
وقت العمل جاء ولو ان العمل ذا شاق=الكل يعمـل بمـا للنفـس يرضيهـا
الجرح ينـزف ومنـه دمنـا دفـاق=جروح ثخنا فمـن لجـراح يبريهـا
والجسم يهلـك اذا ماقطعـت لعـراق=ان يقطع العـرق تتساقـط عواليهـا
بصقه وبصقه اذا كل العرب بصـاق=باينحدر سيل يطقـى فـي مجاريهـا
يفوق نهر النيل وايغرق يهود اغراق=لو كـل قايـل بعـد القـول سويهـا
وين النعالات جنب الصندل الخفـاق=رفيـع قـدره حذائـه نفتخـر فيهـا
جزمه بجزمه تحلـق فوقهـم حـلاق=او راس بيريز يقصـد كـل راميهـا
القرد جاوز وحاز القتـل باستحقـاق=قـرود قـردا فمـن منـا يذكيـهـا
نسل الخنازير ماظـن انهـم حـذاق=ولابظنـي يـداوم حكـم طاغيـهـا
من صوت صفره يلوذو داخل الانفاق=ناس الرذيله مجاميـع العلـل فيهـا
والوعد قايم يحقـق وعـده الخـلاق=النصـر اتـي وجنـد الله تمحيـهـا
لوذوا بصبرا ً ولاتخشون من امـلاق=رحـل بطلهـا وجـا مغـوار لبيهـا
رجال تحمل سموم المـوت بـالاذلاق=والله اكبـر باعلـى صـوت دويهـا
ايمان راسخ وامـه واحـدة لعـراق=والسير واحد الى الفردوس ساعيهـا
هبوا جميعـا ً ولاتابـون عالاطـلاق=ندفن شوارعهـا وبانهـدم مبانيهـا
للعز ناسه وناس العـز فيهـم بـاق=والذل خلوه لـن داء العـرب فيهـا
ومن تنعم فـلا يامـن مـن الحـلاق=لن المثـل قـال حاميهـا حراميهـا
لاهل غزة تحيه مـن وسـط لعمـاق=من يطلـب العـز والعليـا يلاقيهـا
عاش المجاهد وعاش الراجم الطراق=لاجنـة الخلـد يتخيـر حواريـهـا

[ابو ايوب القعيطي]

كلمات الشاعر القدير ابو ايوب القعيطي مرسله للاخ / الشاعر الكبير ((سرو حمير )) ابو نوره القعيطي









قال القعيطي ذي سكن قبلـي ثمـر=في دار شامخ وكر باشباله حصيـن
ياسرو حمير من على الخاطر خطر=باتذكره ياسـرو والموالـى يعيـن
ولـو تعالـى او تفاخـر او كبـر=مابا نخون العهـد رحنـا وافييـن
يرتاح لك قلبي وروحـي والنظـر=ياسرو واجعلنـا معاكـم عايديـن
واوصيك تصبر لاتحملـت الاضـر=فالله معاهم كل ذي هـم صابريـن
بعد افتني ياسرو من سبعـه نفـر=في ظل عـرش الله هـم متظلليـن
واحد مع واحـد تحالـف وانتصـر=وفازو الاثنيـن فـي دنيـا وديـن
واتخبـرك بالله ابـو نـورة خبـر=عن بعض مايجري فمنك نستبيـن
الفصل لول بعـد بـوش المعتبـر=خلف اوبامه بعـد مـاراح اللعيـن
هل في فوارق بين لـول ذي عبـر=ذي خرب الدنيا عجن بقعا عجيـن
خطط على بغـداد دمرهـا وضـر=شعب العرب كلاتهـم والمسلميـن
واعلن صليبي حرب يبقاها وصـر=يحمي حمى شارون والمتيهوديـن
هل في فوارق بين لـول ذي نحـر=صدام يوم العيد في منظـر مشيـن
وبين ذا ذي جاء عسى مابه عـور=ولا طمع يطمـع بحـق الاخريـن
وفصل ثاني كيف وضـع المؤتمـر=وضع القيـادة كيفهـم متسلطيـن
عاده علـي باقـي مكانـه مانشـر=كم جس علكرسي علـي ياواقفيـن
تسلـم يديـه القايـد الفـذ الاقـر=ملك يماني بـل وسيـد المالكيـن
ولد لنـا الكهـرب بحالكـت الادر=بالطاقة العظماء فبه مـن يستهيـن
وعامعاهم سجل في سطـح القمـر=كوكب زحل ملك اهل صنعاء اجمعين
سرقة بسرقة صم نظر وافطر نظـر=تقسيم للسلطـة ورحنـا ساكتيـن
ياصالح اصلح لنكـم خـط الخطـر=الخـط لحمـر كلكـم متجـاوزيـن
راع الرعيه قبـل قارحـة المطـر=قبل الصواعق والرواجف يرجفيـن
والعـر يافـع لاتـردونـه مـقـر=لن اهـل يافـع منكـم متذمريـن
ساوو بناء الوحده وحطوا بالنظـر=ان اليمن واحـد شمالـه واليميـن
وفي عدن خلوا الاراضـي والبيـر=خافوا من الله لن اخـذ الله متيـن
وقسمة اخوة ما نحصل مـن ثمـر=لنتو تبـو نبقـى كـذا متوحديـن
مانا انفصالي شي ولا نـا مؤتمـر=ولا مـع لصـلاح او كالناصريـن
انا قعيطـي يافعـي خطـي صـدر=وبارسله عاجل مـع المستعجليـن
سلطان بن سلطان يوجد لـي اثـر=في باب صنعاء اسم يافع راسميـن
الهند تعـرف مننـا يحيـى عمـر=وحضرموت السلطنـه متسلطنيـن
ابطال بنواجه متـى جينـا ضـرر=احرار بل ثـوار ضمـن الثائريـن
واتخبرك بو نور هل في شي بـدر=مني تجاهك شـي وبـه متاثريـن
ولا اتصالي بك بيجلـب لـك كـدر=ويش المعاذر دي بهـا متعذريـن
والله ادعو لك وفي وقـت السحـر=عساه يرحـم والدعـاوي يقبليـن
يبعد ابو ايوب من زفـرت صقـر=واياك يجعلنـا بصـف المرسليـن
مع محمـد حيـث ماهـوه استقـر=في جنـة الرحمـن رب العالميـن
واخـر الاقـوال عاعنـدي قــدر=باطـوف الابيـات لابعـد اربعيـن
لن الهواجس سيـل متلاطـم دفـر=من راس ابـو ايـوب ماباينفذيـن
صلوا معي يامن سمع عشراً بعشر=على رسـول الله عنـده يوصليـن
شفيعنا مـن ذي ترامـي بالشـرر=يوم الخطايا والمعاصـي يرصديـن




12/12/2008م الرياض
جواب الشاعر الكبير عبدالخالق صالح عبدالكريم ابو نوره القعيطي (( ســـــرو حميـــــر))











قال ابن صالح من بـلاه الله صبـر=والصبر من طبع العبـاد المؤمنيـن
واحنا عسى في صبرنا نلقـى ظفـر=ونكون من ضمن العبـاد الصالحيـن
والفيـن حيـا رحبـو يامـن دفـر=بالجيد لعصر ماهدره عوج الخزيـن
انا اشهـد انـه كفـو واقوالـه درر=اسد عمد عالحيد حصنـه والعريـن
يرحب على راسي وشعره ذي سطر=حرك شجون انسان متكـدر حزيـن
وابيات سلسلها درر من وقـت مـر=بالعـود عتقهـا وعطـر الياسميـن
لايمكن انسـى اخ بالقلـب استقـر=حتى ولو غيبت عن عينـي سنيـن
ومثـل ابـو ايـوب نـادر بالبشـر=مهما يقولون الشبـه ضـم اربعيـن
فارجو السماح ان كان شي مني قصر=لاحـد يقـول اصحابنـا متكبريـن
هذا ولغزك كان عـن سبعـه نفـر=فضلهـم الرحمـن رب العالمـيـن
امـام عـادل واكتفـي بالمختصـر=والستـه الباقيـن فيهـم عارفيـن
ومن قرع بابي وجـا يطلـب خبـر=باخابره منـي خبـر صافـي يقيـن
بوش انتهى بل زال ذكـره وانطمـر=ماعاد لي نفـس اذكـره للسامعيـن
من مننا ما شـاف جزمـة منتظـر=والذل يكسو بوش بيـن الحاضريـن
هانه مهانة ذل يشهـد مـن حضـر=في وضع مخزي اذهل المتواجديـن
لله دره مـن فتـى يقـدح شــرر=فالعار يا عاراه لـو يبقـى سجيـن
واليوم مهما بوش بالكـذب استتـر=عاد الاثـر شاهـد بخـده والجبيـن
اما اوباما خذ مـن الواقـع صـور=وافرز وحلل وانت سيـد الفاهميـن
الوضع نفسه ماعتقد يفـرق شبـر=لو راح شيطان اقبل ابليـس اللعيـن
اكبر مهمـه عندنـا دحـر الخطـر=ماهمنـا يطلـع اوبامـا او مكـيـن
وحكمهم ماهو على شخص اختصـر=بـل كنجـرس والشـور للمتنفذيـن
ماحد بهم به خير واذكـر ذي عبـر=من قبلهـم واسلافـه المتعجرفيـن
وانظر الـى شبـان غـزة والاسـر=اضحو ضحية عار غسلنـا اجمعيـن
وكـا ننـا اعجازنـخـل تحتـضـر=لااتستعـان ولا تعـان ولا تعـيـن
وين العرب ويـن النشامـا والغيـر=ويـن الدمـاء الثائـره يافاتحـيـن
واليـوم لا اخفيـك سـرا ياعـمـر=لم يبقى منا غيـر اسـم المسلميـن
واليك سطرا صاغـه حبـر القـدر=متمم وماتت عزة الاسـلام (سيـن)
هـل كـان للاسـلام مجـد فاندثـر=ام اننـا صرنـا بـلا وازع وديـن
باتـت عروبتنـا تهـان وتحتـقـر=وتداس بالاقدام حينـا ً بعـد حيـن
اسفاه لم يبقى مـن الماضـي اثـر=بـل اننـا صرنـا كجثـة خامديـن
يا اهـل غـزة واقـع الامـه اقـر=لاتمـلـك المتـرديـه الا الانـيـن
وحسبما قال المثـل واهـل البصـر=يامحسـن اللعبـه مـع المتفرجيـن
هذا وعـن ح** الفسـاد المؤتمـر=يكفيهم ان الشعب منهـم ضاجريـن
هـدو عزائمنـا وخلـونـا طـيـر=واتقاسمو حق الموطن مـن ثميـن
شله عصابه فاسده مـن طـر طـر=قاتلهـم الله مابهـم واحـد امـيـن
ظلم المواطـن ذنـب قـد لايغتفـر=فتعبر فـي مـن مضـى ياظالميـن
الجوع عم الشعـب والجهـل انشـر=فانهض كفى ياشعب نبقـى ساكتيـن
فق من سباتك ايـه الشعـب الاقـر=واكسر قيود الظلـم والـذل المهيـن
لما متى تقبـل وترضـى بالضـرر=يكفي كفايـة صحصحـو ياراقديـن
عاثت بنا احزاب السياسـه والزمـر=بسـم التحضـر لاتظلـو غافلـيـن
احزاب رعنا من ترس كيسه نشـر=وشـل رجلـه والتحـق بالسابقيـن
واتحولو من فقـر مـزري لاتجـر=سبحـان ربـي والخلايـق جائعيـن
احزاب فتنـه كلهـم مدعـات شـر=لاحد يقل لي ذي بـح**ي خيريـن
من وين ماقلنا نشر سـارق ظهـر=سارق عسى يفنـون قولـو آميـن
والعر عـاده باهـل يافـع فالحـذر=حـد ينسبـه للغيـر يـا وتعرفيـن
يوم البلاء ضلت حجر تصكع حجـر=وامست رشيقات المقابض يلعجيـن
كم هي دماء سالت وما سالت هـدر=عالعز والناموس لو نصبـح طحيـن
هـذا وعـاد العـر مدكـي لاثمـر=وانما يافـع فـي حماهـا جاهزيـن
لاحـن داعـي لعشـره لبـت يهـر=والحـد لبـى والطـوارف جاوبيـن
واهل القعيطي لازجـم راعـد ثجـر=لبـو نواقيـس الوقـى متعطشيـن
كمـن محـزم جيشهـم لا كـر كـر=مثل العرم واسـال عليهـم لوليـن
وابطال يافـع مـن خلاقـه لايهـر=لا الحيد لحمـر لاحـدود الساحليـن
تشهد ميازرهـم ولـو تنكـر حمـر=عاد المكامـن والمحاجـي يشهديـن
ما يافـع الا باهـل يافـع لانتصـر=او حـط للتاريـخ بصمـة يازكيـن
لاداعي امدح واسم يافـع لاشتهـر=لـم يشتهـر الا بمجـد الراحلـيـن
واشبالهم مـن بعدهـم بـراً وبحـر=ضافو لمجد اجدادهم مكسـب ثميـن
لاهمنـا اصلاحـي ولاح**ي عقـر=شعبه وعشانا من القشـوه عجيـن
والناصري والمؤتمر جر جر وجـر=يكفـي اعادونـا لاسفـل سافلـيـن
والوحدة اطمن علمهـا مـا انكسـر=مهما يحـاول حرقهـا المتسيسيـن
نحنا صنعناهـا بفضـل الله وصـر=الشعـب واتحقـق مـرام الثائريـن
والحمد لله عـاد مـا كـان انشطـر=واتوحـدت لقطـار باليـوم المبيـن
تميت ردي بس لـي وجهـة نظـر=عن اخـر ابياتـك ومـا يتضمنيـن
ليتك تعاتب هاجسك عـن مـا ذكـر=لانك ادرى بـي وبوضاعـي فطيـن
والقلب لك مفتوح ياعطـر السمـر=يانجم عالي بالسماء الصافـي يبيـن
فعـذر رفيقـك لاتقـول انـه كبـر=ولا تكبـر او تنـاسـى الاخـريـن
اطيـب تحيـه لـك وهـذا مايسـر=من عند ابونورة وسامـح ياحسيـن
والختم صلوا عـد رشـات المطـر=على الحبيب المصطفـي والتابعيـن

[ابو ايوب القعيطي]

Quote=ابو جبريل القعيطي;24381]
قصيدة من كلمات الشاعر القدير ابو ايوب القعيطي القيت في حفل مدرسة القعيطي الصالح للعام 2006م بصوت الطالب حسين صالح ناجي العمراني - حفظه الله (( الصف الاول انذاك ))...

فيها معانات وملاحظات الشاعر ابو ايوب عندما كان يعمل سكرتيرا لمدير عام يافع انذاك ..


قال القعيطي منهجـي واضـح جلـي=صافي مصفى من ذهب خالص وماس
العلـم عنوانـي وبالصفحـات لـي=تاريخ متاصل علـى ميـده وسـاس
عندي ورق صافي وعنـدي بركلـي=هي خير من قوه ومن مليون بـاس
ولي قصايـد نابعـه مـن خاطـري=من قلبي الخالص وعاللشعـر نـاس
ماهو من اتزمـل وجالـس يهتـري=يصبح وريث الشعر وآنديـه كـاس
لخلاق قبل الشعر لاجيـت اشعـري=ماحد بدون اخلاق شاعـر بالاسـاس
بعد القعيطـي قـال جينـي هاجسـي=بلفين ستـه والكبـد تشعـر بيـاس
لوضاع مخبوطـه وماضينـا نسـي=ماضي القعيطي ذي ارتفع له كل راس
كانوا معانـا نـاس بايفعـل وسـي=ما الان زاد الكذب والـوادي جـداس
معنا شلـل تلعـب تصـل لامكتبـي=بعـرف خفاياهـم بقايسهـا قيـاس
لن الخفى يظهـر وماشـي يختفـي=لانته معك سكين عندي ميـة فـاس
والبعـض معنـا كالغـلام الجاهلـي=عقله صغير احمق يقلد بـو فـراس
لا لـه فـي الحكمـة ولا يتمرجلـي=وقت الطلب مسكين بيجيـه النعـاس
لاهـو قـدا يمـشـي ولا يتعـدلـي=اعوج كرجل الصعب ماشي له مقاس
لا الامر بـه مكسـب بيقبـل لولـي=عند البرم مسكين يتحمـس حمـاس
ون لـك طلـب منـه فـلا يتجملـي=بيـزر عرقوبـه وبيفـحـط وداس
والبعض منا فـي المشاكـل مبتلـي=كنه في الجبهه مـع فرقـة حمـاس
بلمحكمـة تاسيـه عنـد الحكـولـي=بيغيـر الفضـه ورجعهـا نـحـاس
بادفع في الدولار وانتـه اقـض لـي=في حق غيري كنهـا رميـة تمـاس
من هـذه الاوضـاع قلبـي يقتلـي=ذينـا بعايشهـا وتلمسهـا الحـواس
وآنسـال الرحمـن ذي هـو معتلـي=للمنطقـة خيـرات تغشاهـا لبـاس
وحـدة لمـن فيهـا معـاً بانعملـي=باندفن الماضي بمابـه مـن طمـاس
لجـل القعيطـي ذ ي لهـا نتاملـي=تبرى من الاسقـام هـذه والمـاس
تمـت بحمـد الله واقصـد قبلـتـي=وازكى صلاتي عد مانقـراء بيـاس
على محمد خيـر مـن قـد ارسلـي=ماسيل رم رم سقي الوادي وعـاس
ون شي خطـاء بالقافيـة باتحملـي=لني من الجـواد قـد جانـي رؤاس [/quote]

[ابو ايوب القعيطي]

بدع الشاعر القدير ابو ايوب القعيطي مرسل الى الشاعر القدير اليزيدي منصر [/align]





ولد صالح بـدا بابيـات فسـر وصنـف=يالهواجس لزم رصـي بيـوت القصيـده
كدها بدع مـن عنـدي ومـا باتخـوف=بعد ماخذت نسخة لـي باصـل الحفيظـة
والخواطـر بتتلاحـق ولاشـي بتوقـف=والهواجس براسي كالعواصـف مثيـرة
لي مجالي في الاشعار قاسـي ومرهـف=من تطاول لقي حدفـه ولاقـي مصيـره
مستعينـاً بربـي ذي علـيـا تلـطـف=هادي القلب لانـور الهـدى والبصيـرة
الله الحق ماله شي مثل ليـس يوصـف=خالق النور والظلمـات ذي هـي ظليمـة
مـن اذا باذكـره هـون عليـا وخفـف=ملجاي والمدد فـي السابـره والعسيـره
بعد يامرسلي ذي الخـط ونتـه توصـف=ويـن عمـي منصـر ساكنـا اي ديـره
ان وجدته فسلـم ون عزمكـم تضيـف=بعد تسليـم خطـي لـه وبعـد التحيـه
وساله كيف حاله كيـف عايـش تعـرف=كم هي اوضاع عايشها بارض السعيـده
والحقب والمراسي ذي بها هـو توقـف=عن مراحـل حياتـه تسالـه والمسيـره
وساله عالفوايد كم قضي صاحبي شـف=كم هي ارتاب شاغرها وكم هـي وظيفـه
واساله ما الفوارق بين هو هو وهف هف=بين حزب الطليعه والحصـان البغيضـه
لولي كان مـارق طاقيـة كـان يعـرف=يقتل الرمـز والسيـد وشيـخ القبيلـه
كـان جبـار متجبـر وبالشـده اسـرف=رغم لمساته السحريـه حـزب الكسيـره
كان شوعـي وللاسـلام بـدل وحـرف=من قفا الجهل عاش الحزب حقبه مريـره
بينه البين خذ لك كف واعطه من الكـف=طاح حزب السرف مولى القرون الكبيره
ذاك لول وذاماشي شبـع شـي ولاكـف=لـو نقطـع لـه اليـدات ولا رجيـلـه
عالرشـا والتراشـي والعمولـه تالـف=عود الشعب عالعييـف واشيـاء كثيـره
كم اكل كم سـرق كـم ذاك مـرات ودف=كـم قـرارات عشوائيـه قـرر خطيـره
والدليل الاراضي في عدن ذي بتصـرف=بامر رسمي لضباط الحـرس والذخيـره
ارض ملك المواطـن ذي مقيـد مكتـف=او ملاحق وحقه ضاع حسـره حسيـره
حسرتي عاليمن باسف وباسف وباسـف=باتاسف علـى اهـل الحكـم والبصيـرة
ضاع شعب اليمن شعب التقـدم تخلـف=كلمـا راد يطلعهـا رجــع للحفـيـره
لاهنـا ماتيسـر خـذ ومـا شـا تكلـف=طالب الـرد بلمكتـوب نفـس الوتيـره
ختمها مازجـل بلبـل وغـرد ورفـرف=الف صلوا على المختار مالطيـر طيـره
ما تهاجم صقور الجو تلقـف وتخطـف=كل واحـد بيفعـل مـا بيملـي ضميـره


جواب الشاعر القدير اليزيدي منصر


قوم يا هاجسي جاوب وبالحـف والـزف=عيب تهمل رجل مـن البيـوت الكبيـره
من جبل معتلي يـا مرسلـي قـم مكلـف=خص شاعر قعيطي لـه معانـي غزيـره
من يزيدي صمد في موقفـه مـا توقـف=لي أثر في قرى سنحان لا حيـد صيـره
لا بفكر بمـن يحضـر ولا مـن تخلـف=همـي اليافعـي ومرجعـي والعشـيـره
مرحبا من ولب قل لـه جوابـه مطـرف=بـس مـا شفتهـا الأ بساعـة أخيـره
خذ جوابك وحالي كنت مشـرف موظـف=بالامـارات والليلـة بــداري اسـيـره
عنـدي أولاد والأول مهنـدس يشـرف=اسـم يافـع زوايـا هندسـة تستشيـره
لو شرحنا لك الماضـي يقولـون خـرف=شعبنا بعضهـم يبيـع مـن دون غيـره
عبد فتاح عبد ا ل ف ا ر س ي ما تأسف=يزرعون الفتن في كـل شـارع وديـره
يعبد ا ل ف ر س كالعصفور خاضع منتف=يعبد المصلحـة محتـال بائـع ضميـره
واصبح الشافعي وابن الجنوبـي مكتـف=شغلهم كنس والأ فـي وظائـف صغيـره
ما لهم أي قيمـة بـس للمـدح واللـف=كلـه الشعـب للغـازي لخدمـة بعيـره
تسألوني عن الأحـوال والقلـب رفـرف=حـن قلبـي لأرضـي ذكرياتـي كثيـره
في الامارات والشايـب بعمـره تعسلـف=مغتـرب كـم حمـل للحاليـة والمريـره
بعد ذلحين لك توضيح ع الهـو والهـف=مرحلة مخجلـة فيهـا دسائـس خطيـره
شغلة الهـو باسـم الانجليـزي تعـرف=خطط الغـدر بالفتنـة ويـا بيـع بيـره
من تعز اخرجه محتـل هـارب مكـردف=قال رح لك عدن ودمـر اسـم الأميـره
نفذ الغدر والخطـة علـى كمـن اخجـف=واصبحـت بنتنـا مربطـة فـي حظيـره
زوجوها رجـل للطـم والقـذف والـدف=كان فتـاح يلبجهـا وهـي فـي سريـره
جاء لها عمها معـروف بالهـف يلهـف=شل ما تملكه في ظـرف لحظـة قصيـره
خلي اطفالها كـلا مـن النخـر يرعـف=شل براتهـا وهـي تكـل مـن شعيـره
قال ديوان وانه جلـب سقفـه مخسـف=مهنة الكذب من كـذاب راحـت وطيـره
لكن اليوم يشعـر بالخطـر مـن تحـزف=بنـت جـارة وخلاهـا بظلمـة غديـره
ممكن اولادها بـا يعملـوا يـوم منـدف=ينقذوها من اصحـاب القلـوب الشريـره
وانت سلطـان تاريخـك بيافـع مؤلـف=تعرف الهو هـو والهـف كمـن دهيـره
لا هنـا هاجسـي بالـرد ختـم وشـرف=سامحوني ضعيـف الذاكـرة والبصيـرة
ختمي الأن بالطاهر نبي يقضـي الشـف=عد ما فتقـت شمسـه وضلـت نويـره [/QUOTE

[ابو ايوب القعيطي]

قصيدة من كلمات الشاعر القدير ابو ايوب القعيطي

أبو أيوب صابـر يـا رفاقـي=ويصبر ع البلاء من كان عاثر
ولاعيني طويلة طول عمـري=على المكتوب ماشي بانكابـر
متى ما جاء القضاء ولا أتاني=من المقدور شي حيـا لقـادر
سهرت الليل ما غمضت عيني=وفكري عند مولات الجواهـر
امة لوصاف تعجز ذه القوافـي=عن التوصيف ما تخطر بخاطر
لها عينين في سـود الليالـي=بتلمـع كنهـا مـن در فاخـر
خلقهاخالقي في وجـه حالـي=متى باتذكره عزمـت أسافـر
لماذا ياقمـر قـررت هجـري=وبعدك عننا في شهر عاشر؟؟
حسبت انك وصالـي ماتملـي=وسمراتي معك لا جبت أسامر
وذكرى وقتنـا هـل باتظلـي=وذكرى ليلنا غايـب وحاضـر
على عهدي ترى ياخل باقـي=فهل له عهدنا مازلـت ذاكـر
فـو الله الـذي رفـع وعلـي=سماواته طبق خالـق وفاطـر
وفوق الأرض ثبتهـا ورسـي=جبالاً شاهقـة بركـان ثائـر
وسطح قاعها ساوى وسـوي=براري واسعة والبحر سآجـر
ومن سا عظم لي باللحم كاسي=عظامـي جـل خلاقـاً وقـادر
بأنك يا حياتي أنـتْ مـا لـي=من الدنيا وقلبي فيـك سآكـر
فكم نطقتنـي ببيـات شعـري=وما نا يا حياتي كنـت شاعـر
وخليـت الكبـد نـار ا"تلظـي=ومن بعدك ترى مازلت حايـر
متى وصلي تقـرر اه وصلـي=متى شوفك اظلي فيك اناظـر
متى تمسح دموعي حين تجري=متى ظمك لصدري ونت ساير
متى يايسر تمحي كل عسـري=متى يا ماهـرة تلقيـن ماهـر
على الله الشكى لاضاق صدري=يجلي هم أبـو أيـوب ساتـر
ويرحمني ويغفـر كـل ذنبـي=وللـزلات يتجـاوز وغـافـر
اللاهي يا قريب ادعوك راجي=بحسن الخاتمة ما موت خاسر
تكفلني فمـا غيـرك بنفسـي=عليـمٌ عالـمٌ عـلام قـاهـر
ولاعبـدك ظلـم ولا تجـنـي=تسامح من جنى أو كان قاصر
ووفقني إلى الصالـح وعنـي=على الدنيا وسهل كل عاسـر
ولاذا الوقت عاندني وضـدي=عليا الوقت لاذا اليـوم جائـر
غدا ارجو يقف وقتي بصفـي=معيا يوم غيـر اليـوم آخـر
وصلوا مابرق والبـرق قبلـي=يبشر في قدوم اليـوم ماطـر
عدد ملـمزن تفرغ كل حملـي=وصار السيل للوديـان دافـر
وسقي به مداحي ذي يسقـي=ولا استكفي يحدد لـه مكاسـر[/quote]

[ابو ايوب القعيطي]

هذه القصيده من كلمات الشاعر القدير ابو ايوب القعيطي مرسله للشاعر القدير محمد العقيلي




بديت بسمـك الاهـي وانتـه العالـي=وحنا عبيدك عبيـدك جنهـا والنـاس
يالله يــارب يارحـمـن يـاوالــي=يامالك المك لـك قـوة وفيـك البـاس
وكلـت امـري اليـك تعلـم احوالـي=ياعالمُ جوف صدري ذي به الوسـواس
قال الفتى خـو محمـد ماهـدى بالـي=من يوم شفت الاموري مالها مقيـاس
عربيـد ياكـل وعربيـداُ لـه اموالـي=وذاك عربيـد يتعربـد بحـق النـاس
عربيـد طالـع وعربيـداُ بمنـزالـي=لاذاك يشبـع ولا هـذا ملـي لكيـاس
وكـم عرابيـد تتعربـدهـم انـذالـي=لاعلم معهم ولا خبره ولاشـي سـاس
وذا المواطـن بيتحـدث كـم اصالـي=قد شاب راسي وضاقت عندي الانفـاس
يالله تلطـف عليـا قطعـو اوصالـي=شلو حقوقي وزادو جرعـه البسبـاس
من ظلمهـم يالاهـي هـدوآ اجبالـي=لانوم جاني ولا عيني تشـوف انعـاس
اكلي معطـف وهندامـي مـن البالـي=لامالي عندي ولا حتى مشـط للـراس
قال القعيطي معك ياطير باكد مرسالـي=ياطير نزل كتابي مـن علـى لكـواس
من حيد ماله ثمن من حيـدي العالـي=راس الشرج ذي به الكافور والابـلاس
بلـغ حروفـي وردد هــذه اقـوالـي=لبـن العقيلـي محمـد يبسـه يبـاس
سـب السعوديـه بابياتـه ولا بالـي=انه مـن المملكـه بتجيـه ذه للبـاس
ذي رسل الخط لبـن الخالـدي الغالـي=نبيـل ذي وافقـه عالظلـم واللبـاس
قالو السعوديه ماشـي طعمهـا حالـي=منها بنرضع ومنها ايرضـع الانجـاس
ارض النبي ذي بها قد حلـت ارجالـي=سادو ممالـك كثيـره لامـع تكسـاس
جابوأ الصحاري وسارو وسط لرمالـي=وحققو مجـد يبقـى للعـرب نبـراس
وحنا بارض اليمن والوضـع لازالـي=نبني ونهدم وطـول الوقـت ياجـلاس
ويشهد الوقـت ذي بـه كـل لجيالـي=بارض اليمن تعلن التفليس والافـلاس
ماجيل الا وهـو مـن حصتـه خالـي=ياكل حصصهم علي ذي يعرف الخلاس
ومنجم النفـط مـن سيئـون قتوالـي=وبئر صافـر وعـاد الوفـد ياهنـداس
عـدن معتـم وذي بالصافيـه سالـي=حتى بيافـع معاهـل سرجـو لفنـاس
والمجلس الـي بـه النـواب طوالـي=رمز التخلف طـوال الوقـت يارفـاس
ناقش قضايـا وباقـي عنـده اقبالـي=يزيد جرعات تقضي عالجسد والـراس
وهمهـم نفسهـم دومـأُ ومنـوالـي=ماالشعب عادي لبوهم دعسـه دعـاس
كم بنحسـب وكـم باندخـل اجدالـي=لاقلت ماقلـت هـذا يعتبـر بعسـاس
ارجـوك ارجـوك لاترمـي بمنبـالـي=تصيب غيرك وعندك بـؤرة الاخيـاس
لان المشاريع مدعومـه مـن المالـي=حق السعوديه من عيسى ومن عـواس
وبعـد يامـن سمـع ردد بمـدوالـي=صلي على احمد عدد ماهبت النسنـاس
محمـدأُ ذي بيشفـع يــوم لقبـالـي=نور الهدى من بوصفه مرهف الاحساس


جواب الشاعر القدير محمد العقيلي




يالله يالله جـــل الـهــم يـاجـالـي=انا اسئلك تكفنـي الوسـواس والخنـاس
ياخالقـي ياالاهـي تصـلـح اعمـالـي=ياعالـم الحـال ورزقنـي بحـب النـاس
قـال العقيلـي محمـد هاجـس جـالـي=وقـال لازم نـجـاوب قلتـلـه لابــاس
اللـيـل ياصاحـبـي ناولـنـي الالــي=هذا النصـع وسعـو بافلسسـه فلسـاس
ونتـه سـرى يارسولـي شـد طـوالـي=لاعند بن صالح الشاعـر بريـق المـاس
قلـه قرئـت القصيـده ذي كتبهـا لــي=ماقـول شينـه ولاكـن جودهـا هلـواس
ضحكتنـي ياابـن صالـح كيـف تتعالـي=مـن ذي امامـك تقـول بايبسـه يبـاس
وصلت كنك تخاطـب شخـص صومالـي=بتقول قال القعيطي كيـف ياابـن النـاس
شفني القعيطـي وكلـن يسمـع اقوالـي=قل قال ابـو زيـد ولا قـال ابـو نـواس
اسمي محمـد ونجمـي بالسمـاء عالـي=من كال لي كاس بعبرلـه بنفـس الكـاس
ماشـي بجامـل ولا بـمـدح ولا بـالـي=في بعض لخبار ذي تدي الوجـع للـراس
برغـم فقـري مكانـي مبتسـم سـالـي=بضحك مع الناس مااحب الكسـل واليـاس
والله مااخـاف مـن حـاكـم ولا والــي=ولينـاء الله سبحانـه شـديـد الـبـاس
انـا مـع شعبـنـا عالـمـر والحـالـي=يتضايق الصدر لوشفـت الوطـن ينـداس
ارضـي عزيـزه ودايـم سعرهـا غالـي=وحبهـا مثـل نفسـي بالسـوى ينقـاس
وانته اسف كيـف بتقـول اليمـن خالـي=وتحلـم انـك تشوفـه يعلـن الافــلاس
لوصمم الشعـب عـاد الخيـر مااتوالـي=وعادنـا الا بدئنـا فـي حجـرة السـاس
باتبصر الجـو صافـي والسمـاء جالـي=واتصبح الارض خضراء لان عندي احساس
شوف الامـارات ذي كانـت خـلا خالـي=كيف اصبحـة والقيـادة للوطـن حـراس
هذا خـرج فصـل والثانـي كمـا صالـي=من عوج لخشاب لاكن قـد بيـدي فـاس
خبر وصل عندكـم مـن شخـص هبالـي=بسيـط امـره مصيـر الثـور للدحـاس
انسـان كـذاب يخـرس حـرف اقوالـي=وقـال سبيـت مـن سبيـت يـاهـلاس
قلـت السعوديـه غربـه شيبـه حـالـي=لابـل ابوهـا شقيـه مالـهـا مقـيـاس
ماشـي بهـا فايـده مـاهـل توكـالـي=وانتـه دلا لاتدربسـه للـبـلا دربــاس
وان مااعجبك بس لك حالك ولـي حالـي=لابـع تقلـد لنـا عبـاس بـن فرنـاس
انـا مكانـي بـرجـع لــول التـالـي=ولابعـول علـى سـالـم ولا جـسـاس
ون حد زعل مـن كلامـي مالـه ومالـي=يبحث على شخص غيري شغلـه المـلاس
ولاهنـا بـس يكفـي بخـتـم اقـوالـي=صلو معي مارعـد راعـد وسيلـه عـاس [/quote]

[ابو ايوب القعيطي]

الله واكبـر كـل حــراً كـبـر=يطلب مـن الله عانتـه وامـداده
يحمي بلادي بحرها هـي والبـر=ومن يكيـد الشعـب ربـي كـاده
يـرد كيـد المعتـدي بالمنـحـر=ويهلـك الخايـن بكـل احقـاده
ادليت في اشعاري ونا في المهجر=لا ارض يافـع بـالادب ومجـاده
بالحضرمي وبن القعيطي به نفخر=ونمـار يافـع لـلادب معـتـاده
يافع بني حمير ونـا مـن حميـر=وجدنا يرعـش ونحنـا احفـاده
اخوان في عضماً في جسد مايكسر=يافع دمـي وانـا دمـه وفـؤاده
احفـاد حميـر دوم مانتشـطـر=وحـده بنينـاهـاء بـكـل اراده
ثوار في اكتوبـر وفـي سبتمبـر=وثنين وعشرين مايو حنا افـراده
ارضـاً توحـد ريفهـا والبنـدر=وبن اليمن يجنـي ثمـار بـلاده
وحنا اليمن يالغـر عنـا اتخبـر=ودرس ملاحم ماضيـه لاجـداده
يوم اهلكو كسرا ودولـة قيصـر=ونصرت الاسـلام جنـود وقـاده
واليوم احنا اخوان ضد اهل الشر=ضد المخرب في اليمـن وفسـاده
هذا كلامـي كـل واحـد يحـذر=وشوف كم حولك حـروب ابـاده
حافظ علأ كنز اليمـن والجوهـر=وعيش في ارض الوطن بسعـاده
وكل من خـان الوطـن بايخسـر=مالـه وراسـه وخوتـه واولاده
والختـم باصلـي عـدد مايمطـر=لذي شفعنـا مـن نـور وقـاده




(( ترحيب وتعقيب ابو ايوب القعيطي على القصيده ))

قال القعيطي مرحبا تتكرر = ترحيبنا واجب وقدهي عاده

اهلا وسهلا ما بسيله دفر = ومست عظيمات المزن رعاده

ترحيبي اتلخص بما هو اتيسر=والحق واضح سعد منهو صاده

ومن وصلني له بما يتخير = يختار ما يختار له ما راده

ومن تعدى او علينا اتجبر = جاهز خناجرنا لقطع اوراده

ون حد تسآل او حدا يتخبر = قلنا له السرقات ياذا زاده

الظلم حاصل والخطاء يتكرر= ماحد تفيد او سمع من فاده

يتحمل التبعات من قد قصر = ماشي سمع صوتي ولا رداده

رضيت بالوحده وشعبي اتضرر= لكن للم الشمل نفسي حاده

ويوم تلو اليوم وضعي اتدهور = شعب اليمن ضيع جميع امجاده

اا مالنا والحلم ذاب اتـــبخــــر= من جور اهل الجور والكياده

فساد في السلطة ثبت وتقرر= وكل ضابط يرتشي لسياده

والحل منك كيف با نتطور = تعرف وتفهم مايسوو القاده

بادر بحلك عالامور اتبصر = ودعه بمنصب كونها مرفاده

ويش آنخفي كيف بانتستر = والشعب صاحي مل من جلاده

جرعه وجرعه بالجرع يتخدر =زادو في الجرعات لجل ابعاده

حاكم يغني له وجنبه لصور = كلن على سالف ودان ابلاده

والكوز ذا المركوز خائب وابهر=تيس المداره احكمو لباده

شف الحكم لا لعب لاقد صفر = كلن يجهز لحد بين الحاده

وختمها شف بيعذر من انذر= والعفو من ناقص او طفف وزياده
والسموحه على التاخر لرويتي الموضوع بوقت متاخر وانشغالي ...[/quote]

[ابو ايوب القعيطي]

ياما سهرت الليل مليت السهر =من كثر ما باتت عيوني ساهره
من شاف حالي كم تعجب وابتهر = يسال عليا ويش ذي هي قاصره
مايدري انه ليس يحلى لي سمر = الا وخلي بات مرضي خاطره
ذي لا بدي وجهه يغطي عالاقمر = كالشمس بالاشراق تبدو باهره
رجع بصوتي رد ياشامخ ثمر = من قهر مولات العيون الساحره
ياكم من العشاق بالعشق انتصر = ونتي لمعشوقش تضلي ناهره
قال تريث ويش ذي مني صدر(هذا من خبر ) = شفني على عهدي وقدني صابره
انت الذي قادر ومن عندي نشر = سافرت من عندي ركبت الطايره
وكنت بتامل وقد عندك فكر = ساعات ما تخطر بعقلي خاطره
نبحر اني وياك في دنيا الضجر = لني بدونك مثل ورده ضامره
فقلت مابك ياعيوني والبصر = خلي الندم خلي وكوني شاكره
ولا تزيدي لي توفي ماقصر = خلي الدلع كوني صبيه شاطره
سافرت من اجلش تحملت الاضر = لاجل ما تقصر عليكم قاصره
ونتي بقلبي سيت لش به المستقر =وفي خالي ماتغيبي حاضره
عايش ومتفائل على كف القدر = بمشي مع ذه القوم ذي هي سايره
لاوين ما رادا لي الله بالمقر = ونتي كذلك حيث يكتب قاررره
فلا تلوميني لادموعي كالمطر = ابكي على لحظات مرت عابره
من بعدكم من حزن قلبي انفطر= جوانحي للبعد صارت ناكره
قالت عليك اصبر فكم مثلك صبر = ياحسين ادري بل وفي بك شاعره
هذا الذي يجري على كل البشر = اسمع كلامي لا تقل لي داهره
فقلت جل الله ساتر ذي ستر = اعطى لش الحكمه فكنتي ماهره
اقنعشني اني اواصل للسهر = ونتي تظلي من فراقي ساهره[/quote]

[ابو ايوب القعيطي]

ابـو ايـوب ياقلبـي تصبـر=ولجل الامر صليت استخـاره
وجاءالهاجس معي ينهم ويزار=وتتقارح مع الفاضـه شـراره
سالني بعد ما توطـخ تخبـر=عن اوضاع البلد بعد انهيـاره
وكيفه سور قاسم ذي تسـور=وجاب النـاس لاحربـوب آره
ومملكتـه ومافيهـا تـطـور=وماحقق بهـا بعـد اختيـاره
لان الشعب من حكمـه تذمـر=بيشعـر ان تعيينـه خسـاره
بلاكهـرب ولا ليتـات تذكـر=ولاماء سي يسقي به ثمـاره
ولاتوجد طرق اوجسـر عمـر=وكلن صعدتـه يتبـع حمـاره
على المحبوش قومها وثـور=اخذ هـو بقعتـه والـدار داره
واصدر حكم بلصفحات صـدر=بتاخيره وقد حـاز الصـداره
ابو يحي برغم ان ذاك مقتـر=اداري مابيفـهـم بــالاداره
ولكن ظلم ماقد قاسـم اصـدر=بتقريره وما جـا فـي قـراره
وابومحس انا ماظـن قصـر=بتحذيره وطـرح الاستشـاره
كذب من قـال زودهـا وكثـر=ومن شب اللهب يحرق بنـاره
وبعد الان ياعصفـور شمـر=تحط الحمل في قصر الامـاره
قدا قاسم قـل المنـدوب ودر=تجاوز هو وكيله كيف صـاره
وجرحي من يداوي ذي تعـور=اوي مرجوم لجلك بالحجـاره
فسامحته وهو ذي دمي اهـدر=وقد خططت ياقاسم حصـاره؟
تمهل ياقويسـم ليـش تبطـر=وراجع مستشارك في الـوزاره
ابو محسن ونعمـك لاتنهجـر=متى ماقـال دوري واستـداره
واعزل من حكومتكـم مجـور=وزيرك ذي مضي عالاستماره
وابو يوسف سمعت انه تعـور=ويلجا نحوكم نحـو السفـاره
فشكل لجنتك واكتب بمحضـر=تفاصيل الخبر بعـد اختبـاره
تفاقد اصبعه لطـول ولقصـر=ومنهو منهـم كانـت سبـاره
وشف اذنيه من ايمن وايسـر=وانفه زد تاكـد مـن فقـاره
تاكد هو غلط ولا بهـا غـدر=وفـي خطـه يريدوهـم وداره
وأبو يحي وريثه كيـف دبـر=وخطط يلحق التهمـه بجـاره
وفي التاليه يعذر من قد انـذر=ومن جاب الخطا جاب اعتذاره
وباختم بالنبـي ماقـد تبلـور=محمد ماحـدا يملـك وقـاره
عدت مالسيل للوديـان دفـر=وجرجر من وقف له في مساره





















جواب الشاعر ابو اسمهان القعيطي
على المندوب ابو ايوب القعيطي










ابوسومئ بشوف الغيم تمطـر=وامزانه بترخـي فـي غـزاره
مطر سقي بلد ظامـي وطهـر=قلوباً سود تحتـاج الطهـاره
رسولي طير في خطي وبكـر=بخير ابيات واختـار السيـاره
ومن مزرعة ابوسومئ تشقـر=من اجمل عاصمه سر والاماره
توكل من حطيب الواد لخضـر=ومن بين الحصون اجمل دياره
قواعد ثابته فـي كـل محـور=حطيب المقعطه تاج الحضـاره
رموز الفعل والقـول الموقـر=وفرسـان القوافـي والجـداره
برحلة يوم يـا عـازم واكثـر=وباتنزل مساطر فـي مطـاره
على عنوان بن صالـح تخبـر=وبـا تلقـاه متأنـس بـداره
تبلغ له سلامي الـف مخطـر=وسلّم لـه جوابـي والحـذاره
وروح الروح والكاذي وعنبـر=لبو ايوب ذي نـال الصـداره
رجل معروف عمره ما بيعثـر=وكان الصدق بالسابق شعـاره
ولكنـه غلـط فيـنـي وزور=عليا اوراق ما هي من مساره
اكيد انه دخل بالنـص لغـور=ابومحسن وناسـاً لا جـواره
حجر عثره طلع للشر مصـدر=وانا واجب علي اوقف قطـاره
وهو باب البلاء دلفس وبخشر=جماع اللي اجيني من حجـاره
وقع بيدي كما العصفور واصغر=كشف واليوم با يحصد ثمـاره
رفع قصره على ارضي وسور=بسد المعركـه يبنـي جـداره
يسي نفسه غبي وعجم واصور=وتكفي يالحليم منـي الاشـاره
هوا اللي ركب الفتنـه ودبـر=وهو ذي حرشك والنـار نـاره
محامي للملك قد كنـت واكثـر=ومندوبه اذا اتحانـه وجـاره
سيبقا مكتبـك والرتبـه اكبـر=وانته حُر بس اعمـل اشـاره
انا باحـذرك وعسـاك تحـذر=ابو محسن مسايرتـه خسـاره
عدوي بعد ما قايـس وشبـر=نقص وزنه بعينـي واعتبـاره
كلامه مثلما الحلتيـت لصفـر=اذا اتكلم بتطلع لـي الحـراره
اكيد انه من الاعمـال هستـر=دخل سوق العمالـه والتجـاره
معه عـدة مواقـع ذي تأجـر=مخازن للعصايـر والسجـاره
اخذها كامله جُملـه ومكسـر=في الاسواق من حاره بحـاره
وصلني ذالخبر عاجـل واكثـر=من الاخبار تأتي مـن مـداره
ختمناها في السيـد المطهـر=وختم الانبياء كـان اختيـاره








تعقيب الشاعر المندوب ابو ايوب القعيطي
على رد الشاعر ابو اسمهان القعيطي








ابو ايوب لامفرش مبخر = ولا ديوان ينفح بالعطاره
طوابق خمس والسادس مشكر = بتشريفات فوقه كالجباره
وصلني مرسلك ذي جي مشقر=وقمت استقبله والدار داره
وفي ٌ قاسم وفي ً ماعاد قصر = بخطه ذي كتب لي والعباره
وجدد تكفيه ميته وحرر = لي التوكيل في محض اختياره
لبحث المشكله والجور ذي مر = وإ ن يلزم فا نا باخذ بثاره
وبعد الان يالهاجس تسخر = باذن الله بانبداء بقاره
معي ابقاك تبقى لي ميسر = وحل المشكله لجل الاثاره
لاني شف على قسمين اغير = وذي مايعجبه يطلع سماره
دخلت البحر لجل اسبح وامهر= ونا فاهم وداري بالمهاره
معي هاجس شرس ماعمره ادبر = وقنص الوبر عندي ذه مهاره
فحق اليوم لي بالهاجس افخر = وابو محسن انا ويته سياره
وابو يحيى اذا شفناه زمجر = وراجم من قرب ناحية داره
فشف باراجعه يتجنب الشر = لاني بعرفه واحد شراره
فان جاء وقتدى وفطن وقدر = وان لم لازم آ نحكم حصاره
ونا باسعى متى ماجهدي اثمر= لكم يالكنج بارسل اشاره
وان بر بر وجادلنا وثر ثر = ومن انفه تصاعد له بخاره
وسي نفسه بطل ولا تجبر = فقالمكريب تتوقد جماره
وقاسم هو بدل قاسم واكثر = وشيبه نعترف له في وقاره
وقفل مابدا المندوب سكر = وصل الله على مولى البشاره








والعفو منكم ياشباب رعوها مستعجله لاشي خطا سامحونا[/quote]

[ابو ايوب القعيطي]

حبي جهنم لضى زفرات بي وقد = اشعل فوادي وقلبي بات يتوهج
ياويح نفسي تذوق المر بعد الشهد = ياحسرت القلب قلبي ان وتهيج
هاجت لحاسيس ومست دمعتي عالخد=وجهشت ابكي ومن كثر البكى محرج
فارقت اهلي وناسي كيف بايسعد=من فارق اهله وناسه بات في لجلج
في بحر شاسع لوحده منقطع مفرد = تايه مضيع وفوقه موج تتموج
يامن له وجهتي في حال ما تشتد = حال انضياقي وحال الهم بي ادلج
بك الرجاء يا الهي ليس غير احــــد= من لي سواك اذا الكل اتخذ منهج
يا مالك الملك واضع جزرنا والمد = انت المدد انت منك الحل والمخرج
تجمع شتاتي وتقبل كف ليك امتد = يسر اموري وخل الامر ذا يفرج
اغفر ذنوبي وزلاتي ومايرصد = في سجل لعمال ذي مقدر عليه احتج
يوم الجوارح واعضائي علي تشهد=ومن موكل بكتب السؤء والمزلج


هناك تكمله خاصه للقصيده ارجو السموحه[/quote]

[ابو ايوب القعيطي]

من معانات الكفاله - والكفلاء -

كفيل خلقك الاهي مكتفل فيهم = رب الكفاله ورب الكفل والمكفول
ما ارضى بغيرك ولا نا معترف فيهم = من باطل الوقت بتنشد ونا معقول
اصلح كفيلي ورده كيدهم فيهم = من كاد منهم يصل لاقعرها مغلول
يامالك الملك تستر عالبشر ذي هم =هذا اقامة وهذا عندهم مجهول
يسعون للرزق والاقدار بتجيهم = هذا معذب وهذا عالنكد مجبول
هي دعوة الجدواهم دائهم فيهم = ولا امتحانات منك كلها مقبول
قال القعيطي اتاني هاجسي بيطم = فيها بريده اجاني هاجسي معجول
ونا ببحر الهموم الاهل ابكيهم = وزيد ضيق عليا السارق المهبول
على الكفاله طلبني قال نعطيهم = له خمسة االاف وحده عدها مجمول
وخمسة النقل تكلفته بنديهم = من غير حق الحكومه في سند مسجول
يالله نحوك تفرج هم من بيهم = وخذ بيدي لاني مكترث مذهول [/quote]

[مهري بن حيدران]

صح الله لسانك ولا هنت يالنشمي

والله ان قصيدك كفو وفي قيمة والروعه