صقر مريش
08-02-2010, 09:55 PM
السلام وعليكم ورحمة الله وبركاته
اخواني واعزائي رواد اليماني حبيت ان اضع بين يديكم هذه الزوامل بيني وبين خالي جمال الاحوس
بينما اني كنت متخفي وهو لايعرف من انا اتيته بغير رقمي وهو في اليمن وانا في الخبر
والى الزوامل
حارت بي الاشواق = يامرتاح واضناني الفراق
والكون فيني ضاق =والغربه غدت هماً وضيق
ليت الهجر ينطاق = والغربه تفل دون اشتياق
ترحم لظى العشاق=وترثى حال تايه في الطريق
جواب ابا سلمان
حياك ياذواق =في بحر المحبه والتلاق
لكن طبعك عاق= ونار الهجر خلك والعشيق
في برصت الاغلاق= على شاشات الاسهم والنفاق
والحب والاشواق= لهله وانت لك لما تفيق
عفواً بكل اخلاق= ياشاعر حوى بدعه وراق
من انت ياعملاق=كما الارقام ضاعت يارفيق
بدع ابا سلمان
بين اليمن والشام= ياعزي تمنا ماترام
تحقق الاحلام=في دعوت نبي داعي كريم
بقضل شهر العام=فيه المغفره شهر الصيام
ورحمت الارحام= وفيه العتق من نار الجحيم
بالخص من له قام= يتهجد ومن صلا وصام
ورتل الاحكام=كتاب الله كان اجره عظيم
جوابي عليه
سيراً على الاقدام= يالهاجس تحرك لاتنام
لاترهبك الغام= ابا سلمان او راعد وغيم
اقدم قدوم ازلام = وعطه خط مني وتهام
كونه لعب فرقام=واتجاهل رقم صاحب قديم
بدع ابو سلمان
العن معيا ابليس = وتخا حذر كيد الخسيس
وقيس دربك قيس= وحذر من دروب الهلوسه
ماينفع التدريس =لاقد ودع العقل النفيس
وتعلن التفليس = وتاج الراس شله والبسه
ردي عليه
حيا في القديس = والبابا وموسوعت غنيس
وماضيت بلقيس= ذي لمت خطوط الفلسفه
بدعك معي في الكيس= ياجهبذ يفي ولا يخيس
لما يبان الطيس = منا والذكي في المدرسه
بدع ابا سلمان
القصد يامغنيز = وياكاتب علوم المنجنيز
وقاضي التمييز = وعالم له كتاب المعجزه
ماقصدي التعجيز= ابى اعرف حضرت الاخ العزيز
ركز معي تركيز = متى جاء اسمك عليا بروزه
والدعم والتعزيز = ماريده ولاريدك تجيز
والمدرسه والميز = لك ميزه وانا لي جايزه
جوابي عليه
خان الولاء برويز = وعاب الدين فكر الانقليز
قسراً طغى التحييز = منه لجل يرقى مركزه
وانته تفضل شيز = ياطامع بثوبي والشميز
هذا هو الدهليز = انفذ منه واصنع معجزه
والاسم انا جنكيز = ذي لقبلت تسمع لي هزيز
دقه في التجهيز = وفهم كيف مانته عايزه
بدع ابو سلمان
عساك مااستسلمت= وردك ماوصلني مستلمت
او نمت وتألمت = ياصاحب حوى كل الصفات
لو بسمك اتكلمت = اكف الظلم واعرف من ظلمت
حكمت واستحكمت= وقلنا العفو وما قد فات فات
جوابي عليه
من بدعك اتعلمت = انك كلما تغفو حلمت
اني لك استسلمت= وانك صرت فوق الصافات
بعيد مالملمت= وابعد منك حبك ذي تلمت
والحكم ذي هيلمت = ظالم والجمل مترادفات
بدع ابو سلمان ظنن منه اني احد اصحابه كما ذكر ابو ريم الفقيه
ناجح في التاريخ= وفي حصت مذاقك لطبيخ
وانا على المريخ= ارصد مابو احمد يطبخه
ناتج من التوبيخ=وابيات ذي ابدت لي تنيخ
وفقس التفريخ=ذي بو ريم رفض مايفسخه
جوابي عليه
راجع قصص شاليخ= واحزر من وهب تاج المشيخ
لا تخلط البطيخ = بثماري ومني تنسخه
انهج على توتيخ =بكير العقل ذوب كل سيخ
اوحيث منته ديخ= شيع شخص ودع برزخه
بدع ابو سلمان
يالنظام الحراري= وسمفونيت الشيخ الانصاري
بس مشيخ حضاري= وحرية تجول في الاقطار
اختصر في حواري =مشيخك يشبه الكوكب الناري
لاسرى الليل ساري=ضهر من بعد ماتأفل الاقمار
جوابي عليه
جسم يخرق اطاري= ويطلق صوت امني وراداري
وانزعج به مداري = وهب الامن في حالت استنفار
قبل اضغط زراري = وقبل الحسم بين نباء جاري
كف وخجل عياري= ودار الجيش تجليل له واكبار
حين صعده طواري = وجيش الحكم في المنطقه ضاري
مثل ذات الصواري= وفي ابين والمخاء قلقله وخطار
بدع ابو سلمان
الفضاء وابتهاجه= يرحب في محمد ومعراجه
كل من له مزاجه= وابو ريم الفتى له مزاج امواج
ساعه الارض تاجه=يسجل كل دخله وخراجه
كم حقاي الدجاجه = وكم في بيضها فايده وانتاج
لابقي حاج حاجه= ولافي شيخت العلم منهاجه
والفقيه احتجاجه = على كيف وضع التاج
لاخواجه خواجه= ولاعلم فلك ودرك ابراجه
ضاع فكر اندماجه= وضيع شفرت العقل والبرماج
عندي افضل علاجه= يراجع لامطاره ومدراجه
لايتابع مزاجه = ولايصنع من الفلسفه ميراج
جوابي عليه
في محيط ابن ماجه = تعلم كيف تسبح في احواجه
استفد من عجاجه = مع لوله على نغمة المكساج
اقتبس من سراجه = تنور من ضياء شمس وهاجه
شيل لك لازجاجه=شويه ينفعك نوره الوهاج
وهذا مني كشفت له عن نفسي
جل وارقى احترامي = يعانق حس من فوجي الطامي
ينزخم به مقامي = ويغشى حضرت الشيخ ابا سلمان
عبر موجة سلامي = مع تكتيك حصري على ارقامي
امنح اعلا وسامي = لخالي يفهم الرقم والعنوان
وهذا جواب الخال العزيز
مرحبا في الهمامي= بزينا سجلي عذر ياقلامي
جنب ربط احتكامي=وربطه ليد ثالث حكم فهمان
كيف كان اصتدامي = مع خالي وغرر في الهامي
ياملامت ملامي = ولامزح البزي كان في الحسبان
حاز كل احترامي =ولاظنه تفنن في اضرامي
ذي حسبته محامي= وحجه لي في الحق والبرهان
بس تحقق مرامي = ثمر مدحي وزجري وصمامي
لجل يظهر عصامي = رفض يعطيني الاسم والعنوان
يابزي في ختامي = تقبل جل حبي وعظامي
في تحايا سلامي =وربي يجزي الحسن با الاحسان
وباقي مئات المداخلات الوديه والسياسيه بين البزي والخال
انشاء الله سوف احاول انزلها هنا
ولكم خالص الود والتقدير
اخواني واعزائي رواد اليماني حبيت ان اضع بين يديكم هذه الزوامل بيني وبين خالي جمال الاحوس
بينما اني كنت متخفي وهو لايعرف من انا اتيته بغير رقمي وهو في اليمن وانا في الخبر
والى الزوامل
حارت بي الاشواق = يامرتاح واضناني الفراق
والكون فيني ضاق =والغربه غدت هماً وضيق
ليت الهجر ينطاق = والغربه تفل دون اشتياق
ترحم لظى العشاق=وترثى حال تايه في الطريق
جواب ابا سلمان
حياك ياذواق =في بحر المحبه والتلاق
لكن طبعك عاق= ونار الهجر خلك والعشيق
في برصت الاغلاق= على شاشات الاسهم والنفاق
والحب والاشواق= لهله وانت لك لما تفيق
عفواً بكل اخلاق= ياشاعر حوى بدعه وراق
من انت ياعملاق=كما الارقام ضاعت يارفيق
بدع ابا سلمان
بين اليمن والشام= ياعزي تمنا ماترام
تحقق الاحلام=في دعوت نبي داعي كريم
بقضل شهر العام=فيه المغفره شهر الصيام
ورحمت الارحام= وفيه العتق من نار الجحيم
بالخص من له قام= يتهجد ومن صلا وصام
ورتل الاحكام=كتاب الله كان اجره عظيم
جوابي عليه
سيراً على الاقدام= يالهاجس تحرك لاتنام
لاترهبك الغام= ابا سلمان او راعد وغيم
اقدم قدوم ازلام = وعطه خط مني وتهام
كونه لعب فرقام=واتجاهل رقم صاحب قديم
بدع ابو سلمان
العن معيا ابليس = وتخا حذر كيد الخسيس
وقيس دربك قيس= وحذر من دروب الهلوسه
ماينفع التدريس =لاقد ودع العقل النفيس
وتعلن التفليس = وتاج الراس شله والبسه
ردي عليه
حيا في القديس = والبابا وموسوعت غنيس
وماضيت بلقيس= ذي لمت خطوط الفلسفه
بدعك معي في الكيس= ياجهبذ يفي ولا يخيس
لما يبان الطيس = منا والذكي في المدرسه
بدع ابا سلمان
القصد يامغنيز = وياكاتب علوم المنجنيز
وقاضي التمييز = وعالم له كتاب المعجزه
ماقصدي التعجيز= ابى اعرف حضرت الاخ العزيز
ركز معي تركيز = متى جاء اسمك عليا بروزه
والدعم والتعزيز = ماريده ولاريدك تجيز
والمدرسه والميز = لك ميزه وانا لي جايزه
جوابي عليه
خان الولاء برويز = وعاب الدين فكر الانقليز
قسراً طغى التحييز = منه لجل يرقى مركزه
وانته تفضل شيز = ياطامع بثوبي والشميز
هذا هو الدهليز = انفذ منه واصنع معجزه
والاسم انا جنكيز = ذي لقبلت تسمع لي هزيز
دقه في التجهيز = وفهم كيف مانته عايزه
بدع ابو سلمان
عساك مااستسلمت= وردك ماوصلني مستلمت
او نمت وتألمت = ياصاحب حوى كل الصفات
لو بسمك اتكلمت = اكف الظلم واعرف من ظلمت
حكمت واستحكمت= وقلنا العفو وما قد فات فات
جوابي عليه
من بدعك اتعلمت = انك كلما تغفو حلمت
اني لك استسلمت= وانك صرت فوق الصافات
بعيد مالملمت= وابعد منك حبك ذي تلمت
والحكم ذي هيلمت = ظالم والجمل مترادفات
بدع ابو سلمان ظنن منه اني احد اصحابه كما ذكر ابو ريم الفقيه
ناجح في التاريخ= وفي حصت مذاقك لطبيخ
وانا على المريخ= ارصد مابو احمد يطبخه
ناتج من التوبيخ=وابيات ذي ابدت لي تنيخ
وفقس التفريخ=ذي بو ريم رفض مايفسخه
جوابي عليه
راجع قصص شاليخ= واحزر من وهب تاج المشيخ
لا تخلط البطيخ = بثماري ومني تنسخه
انهج على توتيخ =بكير العقل ذوب كل سيخ
اوحيث منته ديخ= شيع شخص ودع برزخه
بدع ابو سلمان
يالنظام الحراري= وسمفونيت الشيخ الانصاري
بس مشيخ حضاري= وحرية تجول في الاقطار
اختصر في حواري =مشيخك يشبه الكوكب الناري
لاسرى الليل ساري=ضهر من بعد ماتأفل الاقمار
جوابي عليه
جسم يخرق اطاري= ويطلق صوت امني وراداري
وانزعج به مداري = وهب الامن في حالت استنفار
قبل اضغط زراري = وقبل الحسم بين نباء جاري
كف وخجل عياري= ودار الجيش تجليل له واكبار
حين صعده طواري = وجيش الحكم في المنطقه ضاري
مثل ذات الصواري= وفي ابين والمخاء قلقله وخطار
بدع ابو سلمان
الفضاء وابتهاجه= يرحب في محمد ومعراجه
كل من له مزاجه= وابو ريم الفتى له مزاج امواج
ساعه الارض تاجه=يسجل كل دخله وخراجه
كم حقاي الدجاجه = وكم في بيضها فايده وانتاج
لابقي حاج حاجه= ولافي شيخت العلم منهاجه
والفقيه احتجاجه = على كيف وضع التاج
لاخواجه خواجه= ولاعلم فلك ودرك ابراجه
ضاع فكر اندماجه= وضيع شفرت العقل والبرماج
عندي افضل علاجه= يراجع لامطاره ومدراجه
لايتابع مزاجه = ولايصنع من الفلسفه ميراج
جوابي عليه
في محيط ابن ماجه = تعلم كيف تسبح في احواجه
استفد من عجاجه = مع لوله على نغمة المكساج
اقتبس من سراجه = تنور من ضياء شمس وهاجه
شيل لك لازجاجه=شويه ينفعك نوره الوهاج
وهذا مني كشفت له عن نفسي
جل وارقى احترامي = يعانق حس من فوجي الطامي
ينزخم به مقامي = ويغشى حضرت الشيخ ابا سلمان
عبر موجة سلامي = مع تكتيك حصري على ارقامي
امنح اعلا وسامي = لخالي يفهم الرقم والعنوان
وهذا جواب الخال العزيز
مرحبا في الهمامي= بزينا سجلي عذر ياقلامي
جنب ربط احتكامي=وربطه ليد ثالث حكم فهمان
كيف كان اصتدامي = مع خالي وغرر في الهامي
ياملامت ملامي = ولامزح البزي كان في الحسبان
حاز كل احترامي =ولاظنه تفنن في اضرامي
ذي حسبته محامي= وحجه لي في الحق والبرهان
بس تحقق مرامي = ثمر مدحي وزجري وصمامي
لجل يظهر عصامي = رفض يعطيني الاسم والعنوان
يابزي في ختامي = تقبل جل حبي وعظامي
في تحايا سلامي =وربي يجزي الحسن با الاحسان
وباقي مئات المداخلات الوديه والسياسيه بين البزي والخال
انشاء الله سوف احاول انزلها هنا
ولكم خالص الود والتقدير