ابو شيماء
02-04-2007, 03:39 AM
بعد نقاش ساخن مع العم ابو اسامه حول القمه العربيه
الهاجس عندي جاد بهذه القصيده اضعها بين ايديكم
وهي مرسله الى الشاعر ابو اسامه طه الاشول
يا إلاه الكون ياربي وحسبي= نجني يوم الحساب
يارجائي إغفر الزله وذنبي=داعيك ما يوم خاب
وهد من وليت أمري رحمةً بي=لا تعجل بالعقاب
والحواجز زيحها من وسط دربي=يامذلل ل الصعاب
كنت في أمسي ويأسي كان قربي=كان ثالثنا المصاب
كنت جالس كنني في ضهر زربي=شوك من وادي حطاب
يوم شفت العرب في شرقٍ وغربي=روسهم وسط التراب
لا تقل خبي فنا مقدر أخبي=سعد من نشل وصاب
جامعه للعرب مثل الطفل تحبي=ما بها دم الشباب
مابها فارس يأدبها يربي=أو يعلمها الصواب
كلهم ل السهل بيخلوه صعبي=أرعبوهم بالذئاب
ذئب في زنار أو ملحد وصربي=والمسيحي بالجراب
العدا واضح على مسلم وعُرْبي=ما عليها شي حجاب
من نهادن من نوا سحقي وحربي=ياعجايب ياعجاب
كيف نا أرضى بلطامي وضربي=لا وأدفع له ثواب
بو أسامه رد لا تبقاش غربي=تضهروا بعد الصراب
جيت وانا من صخور الحيد قلبي=جاك قطاع الرقاب
قد نقاشك شب في نيران قلبي=والكبد أصبح كباب
عيب ياعيباه ونته ضمن شعبي=وحش عايش بالشعاب
لا تدافع عن ثعالب كون جنبي=برفعك هام السحاب
ون تضله في دفاعك فوق الجبي=عن فخامات السراب
بسحبك من موقعك وربط وأسبي=واحرمك حتى الشراب
ما بينفع أدهمك أشول وكربي=لو أتينا بالحراب
هذا بدعي لا تقرب صوب كسبي=في حروفك والجواب
مكسبي أكسب بجهدي زند جنبي=حل في ديني وطاب
ختمها صلي عدد مالحاج لبي=دق ل الرحمن باب
عالمشفع صل والحق بعد ركبي=وترك الدور الخراب
مع تحيات اخيكم ابو العز رياض المُُغني
الهاجس عندي جاد بهذه القصيده اضعها بين ايديكم
وهي مرسله الى الشاعر ابو اسامه طه الاشول
يا إلاه الكون ياربي وحسبي= نجني يوم الحساب
يارجائي إغفر الزله وذنبي=داعيك ما يوم خاب
وهد من وليت أمري رحمةً بي=لا تعجل بالعقاب
والحواجز زيحها من وسط دربي=يامذلل ل الصعاب
كنت في أمسي ويأسي كان قربي=كان ثالثنا المصاب
كنت جالس كنني في ضهر زربي=شوك من وادي حطاب
يوم شفت العرب في شرقٍ وغربي=روسهم وسط التراب
لا تقل خبي فنا مقدر أخبي=سعد من نشل وصاب
جامعه للعرب مثل الطفل تحبي=ما بها دم الشباب
مابها فارس يأدبها يربي=أو يعلمها الصواب
كلهم ل السهل بيخلوه صعبي=أرعبوهم بالذئاب
ذئب في زنار أو ملحد وصربي=والمسيحي بالجراب
العدا واضح على مسلم وعُرْبي=ما عليها شي حجاب
من نهادن من نوا سحقي وحربي=ياعجايب ياعجاب
كيف نا أرضى بلطامي وضربي=لا وأدفع له ثواب
بو أسامه رد لا تبقاش غربي=تضهروا بعد الصراب
جيت وانا من صخور الحيد قلبي=جاك قطاع الرقاب
قد نقاشك شب في نيران قلبي=والكبد أصبح كباب
عيب ياعيباه ونته ضمن شعبي=وحش عايش بالشعاب
لا تدافع عن ثعالب كون جنبي=برفعك هام السحاب
ون تضله في دفاعك فوق الجبي=عن فخامات السراب
بسحبك من موقعك وربط وأسبي=واحرمك حتى الشراب
ما بينفع أدهمك أشول وكربي=لو أتينا بالحراب
هذا بدعي لا تقرب صوب كسبي=في حروفك والجواب
مكسبي أكسب بجهدي زند جنبي=حل في ديني وطاب
ختمها صلي عدد مالحاج لبي=دق ل الرحمن باب
عالمشفع صل والحق بعد ركبي=وترك الدور الخراب
مع تحيات اخيكم ابو العز رياض المُُغني