الطبيب البهلولي
03-04-2007, 09:52 PM
من ارض خولان الوفا ماحد من الوافي شرد=نصحب بنيه صادقه من يصحب الوافي اشاد
وهاجسي شامخ وفي والصنبحي مثل الاسد=الطيب يقطع بالاسد وان ما قطع سمه سماد
بو صقر لو جاء بالوفاء فالرد منه معتمد=با لبسه تاج الكرم يوصل ضيائه لا مـراد
انا لمن جاء بالوفاء وافي ومن يطلب يجد=ومن اتى بالكرسحه خبصت شعره والمداد
والجيد بالقا صلح له من دون غنه اوجلد=كلاً معزز بالكرم والشعر طعمه في الجلاد
خولاني المنبع اكيد ولو سكن وسط العند=وافي وموفي للوفي حتى ولو شاف العناد
يا صنبحي وين الردد لست النبي وانا ولد=كلاً وبالشعر اجتهد والبدع عندك من جماد
ومن يخاف الله جعل بو صقر يوفي بالردد=للشاعر الي قد بدع شاعر ومن شعره افاد
مديت لك صلح الوفا ان كنت ناوي للسدد=والظن عندي ما يخيب انك وفي بين العباد
هذه يدي للصلح لا تردد يدي واكتب سند=كم قد بدعنا كم وكم والآن جا وقت السداد
لا قلت باصالح فانا ما حد على لسني عقد=ما غير نخوه او نقول نفسي كريمه للجياد
لو شعرنا كله خزف كان المجاوب قد ورد=وانظر تلاقي شعرنا لؤلؤ نظم عقده عباد
الشعر كله ماس لو شفنا لهذا الماس رد=والرد منك با يكون التاج للبدع اعتمـاد
انا اشهد انك بالوفا والشعر ما تهظم لحد=ماغير كم قد لك كتب شاعر ورسلها بناد
الرد منك با يكون بلسم لمن بـدعه نشد=اما الجماهير عندنا قالوا تكبر ما افــاد
الرد منك فايده مش من قصد له قد قصد=من شاعر الجيد الوفي لابد تلقاه استفاد
شعرك وصل لا قريتي صداه في وسط البلد=من ينكر الحق اعتمى اوداخلي عينه رماد
وبيض الله وجه من قد رد للبادع وجد=فجعل ردودك لي درر ويطم حاسدنا نجاد
ولكل شاعر نظرته بالرد حتى لو عصد=والرد منك لي كرم فاجعل حروفك كالجراد
هذه قضيه باول البدع الذي مني سرد=باقي قضية موطني روحي وقلبي والرشاد
قالوا زمان ارض السعيد بالخير كافي للبلد=واليوم خيره ما وجد مدري محنط او رقاد
وكم شهيد وسط الوطن جاهد وعاصر للكبد=واليوم اولاده وسط جوله تمنوا لو يعاد
خمسين دولار راتبه معلوم ما يكفي لحد=لو ريسي يرفع شوي هو قد جرب يتمه وكاد
خمسين دولار يا علي والعد درزن مسترد=خاف الاله ذي علمك خلاك حاكم للبلاد
ماهم كباشه يا علي وسط الاسر كم من ولد=من وين با يتعلموا حتى ولو هم سند باد
باقي قضيه مربكه وسط الفصول كم يا عدد=زحمه كبيره بالعدد من وين با نلقى الحصاد
كم شم كيماوي اكيد خلى المعلم في ربد=لا مروحه لا تهويه والحر نـافخ للغداد
واما قضية حربنا قالو زعيم القوم شد=وقالوا اعداد المعارض زاد وازداد الفساد
في البدئ قالوا جمعيه للقايد الرمز الاشد=جمعية الصالح وبا تصلح بلدنا للسواد
واليوم قايدنا نهد نهده ورى نهده وكد=من جمعيه خزت بنا خزت بدولتنا سعاد
يا زارع الحنضل بتلقى حنظلك فيه الكبد=غلطه من الذيب الذي قد فاد وقته واستفاد
وكم اراضي يالعزيز تصرف لمن فمه مهد=اما الضعيف ما ينظروه حتى ولو يولد ولاد
ابن البلد ماله سوى الخالق فهو واحد احد=اما من الدوله فما يلقى ولا ربع المــراد
من قل ماله ما قدر يشري ولو حتى مشد=حتى المشد ذي بايقيه من برد فالق للجماد
كما قد الجبري كذب قال الجبال صنع المهد=يقصد له الريس علي قال الاسد من قوم عاد
اما انت بطرح جاه لك لا تقلده في ما سرد=انظر تأمل واقعي وابعد من العين السماد
والختم صلي يالكريم على الرسول المستمد=ذي رسله ربي لنا يشفع لنا وقت الشداد
مرسول من رب الكريم جلت علاه واحد صمد=صليت عليه ما غرد البلبل وصوته كالنشاد
*************
اخوكم /الطبيب عبدالله علي البهلولي
وهاجسي شامخ وفي والصنبحي مثل الاسد=الطيب يقطع بالاسد وان ما قطع سمه سماد
بو صقر لو جاء بالوفاء فالرد منه معتمد=با لبسه تاج الكرم يوصل ضيائه لا مـراد
انا لمن جاء بالوفاء وافي ومن يطلب يجد=ومن اتى بالكرسحه خبصت شعره والمداد
والجيد بالقا صلح له من دون غنه اوجلد=كلاً معزز بالكرم والشعر طعمه في الجلاد
خولاني المنبع اكيد ولو سكن وسط العند=وافي وموفي للوفي حتى ولو شاف العناد
يا صنبحي وين الردد لست النبي وانا ولد=كلاً وبالشعر اجتهد والبدع عندك من جماد
ومن يخاف الله جعل بو صقر يوفي بالردد=للشاعر الي قد بدع شاعر ومن شعره افاد
مديت لك صلح الوفا ان كنت ناوي للسدد=والظن عندي ما يخيب انك وفي بين العباد
هذه يدي للصلح لا تردد يدي واكتب سند=كم قد بدعنا كم وكم والآن جا وقت السداد
لا قلت باصالح فانا ما حد على لسني عقد=ما غير نخوه او نقول نفسي كريمه للجياد
لو شعرنا كله خزف كان المجاوب قد ورد=وانظر تلاقي شعرنا لؤلؤ نظم عقده عباد
الشعر كله ماس لو شفنا لهذا الماس رد=والرد منك با يكون التاج للبدع اعتمـاد
انا اشهد انك بالوفا والشعر ما تهظم لحد=ماغير كم قد لك كتب شاعر ورسلها بناد
الرد منك با يكون بلسم لمن بـدعه نشد=اما الجماهير عندنا قالوا تكبر ما افــاد
الرد منك فايده مش من قصد له قد قصد=من شاعر الجيد الوفي لابد تلقاه استفاد
شعرك وصل لا قريتي صداه في وسط البلد=من ينكر الحق اعتمى اوداخلي عينه رماد
وبيض الله وجه من قد رد للبادع وجد=فجعل ردودك لي درر ويطم حاسدنا نجاد
ولكل شاعر نظرته بالرد حتى لو عصد=والرد منك لي كرم فاجعل حروفك كالجراد
هذه قضيه باول البدع الذي مني سرد=باقي قضية موطني روحي وقلبي والرشاد
قالوا زمان ارض السعيد بالخير كافي للبلد=واليوم خيره ما وجد مدري محنط او رقاد
وكم شهيد وسط الوطن جاهد وعاصر للكبد=واليوم اولاده وسط جوله تمنوا لو يعاد
خمسين دولار راتبه معلوم ما يكفي لحد=لو ريسي يرفع شوي هو قد جرب يتمه وكاد
خمسين دولار يا علي والعد درزن مسترد=خاف الاله ذي علمك خلاك حاكم للبلاد
ماهم كباشه يا علي وسط الاسر كم من ولد=من وين با يتعلموا حتى ولو هم سند باد
باقي قضيه مربكه وسط الفصول كم يا عدد=زحمه كبيره بالعدد من وين با نلقى الحصاد
كم شم كيماوي اكيد خلى المعلم في ربد=لا مروحه لا تهويه والحر نـافخ للغداد
واما قضية حربنا قالو زعيم القوم شد=وقالوا اعداد المعارض زاد وازداد الفساد
في البدئ قالوا جمعيه للقايد الرمز الاشد=جمعية الصالح وبا تصلح بلدنا للسواد
واليوم قايدنا نهد نهده ورى نهده وكد=من جمعيه خزت بنا خزت بدولتنا سعاد
يا زارع الحنضل بتلقى حنظلك فيه الكبد=غلطه من الذيب الذي قد فاد وقته واستفاد
وكم اراضي يالعزيز تصرف لمن فمه مهد=اما الضعيف ما ينظروه حتى ولو يولد ولاد
ابن البلد ماله سوى الخالق فهو واحد احد=اما من الدوله فما يلقى ولا ربع المــراد
من قل ماله ما قدر يشري ولو حتى مشد=حتى المشد ذي بايقيه من برد فالق للجماد
كما قد الجبري كذب قال الجبال صنع المهد=يقصد له الريس علي قال الاسد من قوم عاد
اما انت بطرح جاه لك لا تقلده في ما سرد=انظر تأمل واقعي وابعد من العين السماد
والختم صلي يالكريم على الرسول المستمد=ذي رسله ربي لنا يشفع لنا وقت الشداد
مرسول من رب الكريم جلت علاه واحد صمد=صليت عليه ما غرد البلبل وصوته كالنشاد
*************
اخوكم /الطبيب عبدالله علي البهلولي