ديوان الشاعر ابو زايد سلطان محمد الموسمي

[وليدالمصري]

الشاعر سلطان الموسمي شاعر لايشق له غبار تعدى الصفوف والمراحل ليحتل مرتبه عاليه في عالم الشعر الشعبي باسلوبه المميز وهاجسه المتدفق بالابداع هذه الصفحه مخصصه لكل اشعارهومبادلاته مع الشعرء وسنتركها ملكا له لكي يتكرم باكمال باقي السيره الذاتيه ونقل اعذب الحروف..

[فرزدق زمانه]

إسمح لي أخي وليد أن انقل قصايد صديقي العزيز سلطان الموسمي
لأنه مشغووول وإن شاء الله إذا أتى سيكمل نقل ديوانه

[فرزدق زمانه]

الله اكبـر غايـتـي والمطـلـب=ذي ما يخيّب ظـن طـارق بابـه
رب السما والارض رب الكوكب=منش القمر والشمس جوف سحابه
قـادر قـوي وطالمـا سمّـي رب=آمنـت بـه وبمرسلـه وكتابـه
يقول ابو زايد فـؤادي معجـب=علـى علـوم القـوه الغـلابـه
اني ارى جيش(ن) قوي ومـدرب=تعبـر امامـك قوتـه واسرابـه
انزال جـوي بالمظلـه يشـرب=بّدل معيـن الاكسجيـن شرابـه
الجويـه والبـريـه تتـسـرب=في كـل وادي والجبـل والغابـه
حراس للوحده واغلـى مكسـب=يا ذرية شعـب اليمـن واقطابـه
ايلول انتـم قبـل مـا يتخـرب=دار البشايـر وانذلـح تجـوابـه
وانتـم الميثـاق بـل والأقـرب=ممن اصاغـه ووجـده ووصابـه
وقواعـده وشوامخـه والمنكـب=وتقدمـه وزراعتـه وصـرابـه
بل انتم الرشاش فـوق المنصـب=والهوتـزر والهـون والدبـابـه
اذا وجدتم سعيكم لـن يذهـب=سدى وانتـم مرسلـه وجوابـه
اخي زميلي كن يقـض وترقـب=خارج وداخل والضميـر رقابـه
واحفظ لسرك من اباحـه يغلـب=يمكن عـدوك خـارج البوابـه
ومن ضميـره حـي لازم يتعـب=بقـدر عـزت موطنـه وترابـه
وجودكم ماهـو لجمـع مرتـب=وكل واحد معتكـف فـي بابـه
بل الوجود ايجاد ماهـو اصعـب=من الضروف الراهنه فـي طابـه
وبالأصح لولا انت مابه مكسـب=ولا ارتفع ظلم الامـام حجابـه
يا كل حوثي لا تعيـد المحسـب=وعهـد يحـي بعـد مالله صابـه
اليس ما بي وانت كانـو اتعـب=مني ومنـك كـل يـوم غلابـه
اليس ما الفـلاح كـان معـذب=في كـل وادي بالجمـل والدابـه
واليوم كابوتـا سحبهـا تشـغ=ولا صـرب حمـل علـى قلابـه
ولا شوك ماهـو بحاجـة منطـب=وجزمتـه متضمـنـه عرقـابـه
ولا تروح فوق تكسـي يركـب=واسمه مسجل فـي نقـط ونقابـه
ولا عطش يشرب هنيئ(ن) يشرب=شملان ولا مـن حليـب رصابـه
اذن عليش اليـوم بـا يتغظـب=ذي اخرجه ايلـول مـن محنابـه
وقد توفـر لـه جميـع المطلـب=والنصر ظارب كل يـوم حسابـه
ويضل من كرس جهوده واوهـب=للشعب غاية فرحتـه واعجابـه
هذا الحكيم الحميري مثـل الأب=والشعب حوله كل عاصـر نابـه
قائد محنك لا قرح يـوم اشعـب=صنع عجيل الطقم مـن ركابـه
ومن وجوده شوف ولا اتعجـب=كيف اليمن من نفطهـا حلابـه
الآخـره لــلأن ذا تتنـقـب=والأولــه بيباتـهـا سكـابـه
لصادرات النفط فكـو مكتـب=من راس عيسى والسفن تسعى به
زعيم خلآ كـل حـي استغـرب=في عام تسعيـن انفتـح دولابـه
الحمـد لله الـذي مـا خيـب=ضن اليمن فـي قادتـه واربابـه
مادام شعبي فيـه كـل مـؤدب=شهـود تاريـخ اليمـن كتّابـه
يمين قاطع لو نقع صوف ارنـب=ونصفنا سلتـه ونصـف قلابـه
ما قـط نتـرواغ لأي مذبـذب=قاصد تدهـور شعبنـا وخرابـه
وبالحقيقه مـن يكـذب جـرب=شعب اليمن ذي كل حي اهتابـه
وارضنا ذي جنب سور الملعـب=تبقى وبعدا كـل شـي بحسابـه
مافي قلق مهمـا وجـدي والأب=عافوظميـر الجـوره الكـذابـه
ولو يطول الصبر ماشـي مهـرب=وامـي تنـادي لا تدعنـي يابـه
ياصبر صبر الصبر بصبر واغلـب=صبر الجمل والشوك تحت انيابـه
لما يدور القوس جنـب العقـرب=صبيان يـا صبيـان يـا حرابـه
لا طبت ياحيدان فح(نا) اطيـب=ومن لديه الحـق واضـح جابـه
والعسكري ذي لامشي يتسلحب=مع احترامي لـه يشـد اعصابـه
لا يرتدي ميري ونصفـه مقطـب=وبياداته بعـد الاسـف شبشابـه
ولايوقف فوق صحـن الحبحـب=تهيـن قـدره سنّتـه وانيـابـه
فمن صفـات المـرء ان يتهـذب=بتصرفـه وببدلـتـه وبكـابـه
ماقصدي ازري انما قـد يضـرب=مثـال مابيـن الجمـل وزهابـه
صلو على خير المـلاء والاطيـب=على محمـد والخيـار اصحابـه

[فرزدق زمانه]

السلام عليكم ورحمة الله وبركاته
الابيات معا التحيه موجه للاخ سلطان الموسمي
وابدع القـول فـي ذكـر المهيمـن ملـك رب=ذي خلقـنـا عـلـى الفـطـره ونـبـعـث سـويــه
احـمــده عـدمــا بـالـكـون مـخـلــوق يـحـســب=واشـكـره عـدمـا تـحـت الـثـراء مــن ضـحـيـه
واحمـده ذي خلقنـي فــرد فــي خـيـر مـذهـب=مـذهـب احـمـد شفـيـع الـقـوم يــوم الحمـيـه
امـتــي امـتــي يـنـطـق بـهــا يـــوم يـذهــب=كـــل مـخـلـوق يـتـبــع ســيــده بـالـسـريـه
يـوم فيـه ازدحـام الخلـق والشـمـس تلـهـب=بــعــد مــيــلً عــلــى روس الـخـلائــق حـمـيــه
والعـرق نقبلـه كـلـن عـلـى حـسـب مــا حــب=والــذي قــد عـصــا يسـقـيـه جـرعــه قـويــه
بعـد يـا طارشـي قـم جهـز الخيـل واركــب=واعـبـر الـخـط شــل مــن كــل علـبـه هـديـه
واهدها الفرد ذي مثـل الذهـب خيـر مكسـب=مـوسـمـي اصـــل يـحـمـل مـيـزتـه والـهـويــه
عانقـه صافحـه عــن قــوة الـحـرب ذي شــب=حـــول صـعــده وبالـضـالـع وجـــوف النـقـيـه
والحرك ذي نبع يرقص معا الشعب يغضب=يـحـلـمـو حــلــم ضــائــع ثــــل فــاقــد لـقـيــه
جـاه كابـوس واهـدر بـه علـى ظهـر مركـب=فاقـد الوعـي مــن تسعـيـن وقــت الشـريـه
عــام فيهـيـي هــدار الــدم والارض تـنـهـب=والــوطــن عـــــد الاف الـنــفــوس الـزكــيــه
والمنافـق رحـل سافـر معـا الـنـود ذي هــب=ذي هـــرب فـاقــد اوصـــاف الـرجــال الابـيــه
شـوعـي الاصــل فــرق بـيــن الاخـــوان والاب=واستبـاح الحـرام واستبعـد اصـل المنـيـه
شخـص ناقـص طـوال العمـر والدهـر يكـتـب=فـــرد مـنـحـوس مـــا يـســوى مـلامــح تـقـيـه
ليـش يظهـر علـى التلفـاز منكـوس متعـب=لــو مـعـه قـلـب مــا يظـهـر بـصــوره رديـــه
كــان هـاجـم عـلـى خصـمـه وبالعـمـق يـلـعـب=يطـلـب الـعـز لـــو نـفـسـه تـغــادر شـقـيـه
شـعــب واحـــد تـوحـدنـا وذا خــيــر مـطـلــب=الـتـاخــي وجــمــع الـشـمــل خــيــر الـبــريــه
هـــات لـــي رد مـــن عـنــدك مـنـظـم مـرتــب=ايــــش رايــــك وراي الـنـخـبـه الـوحـدويــه
واختـم القـول فـي ذكــر الحبـيـب المحـبـب=سـعـده السـعـد مــن يتـبـع مـحـمـد نـبـيـه

جواب الموسمي
يا كريمان ما شي لي من الشيب مهرب=شاب شابت بي امواج الزمان العتيّه
والسعاده بكوكبها ونفسي بكوكب=في مجرّات حب الذات والعنصريه
كل سينا ريوهات الضمير المعذّب=شوعيه رافضّيه زيديه شافعيه
دعوتي قدوتي فيها سعيد المسّيب=سلسبيلي دموعي في سواد العشيه
للسميع البصير المنتقم فالق الحب=باسط السبع مصباح الصدور التّقيه
واحمده ما دكم رعده ومزنه تصبّصب=والبنوك افلست بالأزمه العالميه
مرحبا ياعمر عمران حيا ومرحب=رحبت بك صقور البلده الموسميه
سنّب الموسمي للبدع والقفر سنّب=والجبال ادّنت للقمه الملتويه
سم فتاك,, واليورانيوم المخصّب=قدركم في معاليق السويدا سويه
ما من الوظع قد شم الرصاص المقبب=في محك الحراك المر والرافضيه
نجمهم والنيازك والشهُب والمذنّب=غامضه في ظلام العمله الأجنبيه
مقصدك يا (جحا) تضحك على عمك(اشعب)=بيتك ابتاع والمسمار باب الحويه
ودفو به وجابو له مرتّب ومكتب=والجزيره تبث الفيلم والمسرحيه
ردي المقتضب للفيلسوف المهذب=بينما بعض بعضي للمسلسل بقيه

[فرزدق زمانه]

بسم الله الرَّحمن الرَّحيم
بدع1 من الشاعر وايل حزام مصلحالوايلي مرسل للشاعر سلطان الموسمي
حررت القصيدة بتأريخ 9/12/2009م
يـا رب أتوسلـك يـا لله وأترجـاك=يا والـي الكـون يـا مُلكِّنـا مُلكِّـه
اجعل لي الدِّيِن مبدأ وأطلبـك رُحمَّـاك=وجنتك مقصدي حيـث النعـم شَكِّـه
وأثني بذكر الذي شرَّع لنـا الإنسـاك=مُحمّد المصطفى مَـن حـل فـي مَكَّـه
الوايلي قـال حرفـي سيفـي الفتَّـاك=والصدق دمه بسيفـي ملتـزم سَفكِّـه
حدَّة حروفي معانـي مـا بهـا إربَّـاك=رحيقها لا نَبت يفـوح مِـن مسكـه
الشِّعر شعري ولي هاجـس فمـا أدراك=هاجس يشق الفضاء مِن مُنتدى فُلكِّـه
ما يوجس الخوف مِن شاعر ولا استدراك=يفك باب المصاعـب لا نـوى فكِّـه
ها بعد قم يـا رسولـي ربنـا يرعـاك=سافر بخطي ودربك قـد يَسَـر سَلكِّـه
لا دار فيها الكرم للضيف ذي يسـوّاك=وخص شاعر وسلِّـم خطنـا وإحكِّـه
وقل لسلطان إبن الوايلـي قـد جـاك=مِن شامخ (العَود) ذي يصعب على دكِّه
دار الأدب والحُميني في رُباهـا حـاك=قميص مِن جيل في ركب الجُمل سلكـه
بو زايد أخترت صَوُبّك قبل ما ألقـاك=مع النقائـض بجوكرهـا مـع اليكَّـه
والهاجس اليوم خصّك بالجُمل يـا ذاك=ما دُمت شامخ بشعرك سبكَتـه سبكّـه
أنا أشهد إن المعانـي حدَّهـا مسـراك=ولك أساليب جزلـه مـا بهـا ربكـه
لا كنّ مدحك تزايـد بالـذي أعيّـاك=وضّفت شامخ حروفك عند مَـن دَكَّـه
تمدح تمجد بنظمك ما الـذي أدهـاك=يا موسمي مِن كلامك رهطهـم شَكِّـه
تزايد المدح في خيلـك وفـي مـولاك=يا ليت شعري لييـش الموسمـي زَكّـه
أنا أنصحك في كلامي لـن دائـي داك=غيور يا موسمي عن قـول بـه تحكـه
إن جيت أشوفه بسبكه روعة الأمـلاك=لا كنّ مدحك يسبب يـا فتـى نهكـه
فالخيل بانت دروبـه كلهـا أشـواك=والشعب داري بأهتاكـه وفـي فتكـه
فلا تبـري فعايلهـم علـى الأبـواك=وسيدك ذي تبـري فـي صفـا مُلكِـه
ما تدري إنه بمنطـق كلمتـه أغـوَّاك=كذَّاب خاين وفاجر قـد لـزَم صَكِّـه
وشعبنا لـو تشوفـه حالهـم أضنّـاك=بأسبابهم وأنت لا تدري سبـب هتكـه
خيلك سبب ما يعنـي شعبنـا يـا ذاك=جاهدهم المُنتقـم ذي جاهـد الأَيكَـه
في ضلهم صار شعبي مثلمـا الأسمـاك=كبيرهم يأكـل المسكيـن فـي شَبْكِّـه
لا عدل يا موسمـي لا أمنهـم يرعـاك=ولا الجهـاز الإداري يلتـزم نسـكـه
وظلمهم وسط أرضي مثل شرت أسلاك=أحرق مُدن والبوادي والسبب سلكـه
فساد مُفسد يفيق (القبـط والشِّيـراك)=على دروب المواطن شوكتـه شوكـه
مِن شوكت الخيل مسرانا قده أشـوّاك=نبكي مِن الويل والمسئول فـي ضحكـه
مع الملاهي بمالـي شـاك بعـده شـاك=والموسمي لا طَحـس بابورهـم رَكَّـه
يا موسمي إلزم المعـروف لـي خـلاَّك=فالخيل يا موسمي راقص علـى الدبكـه
والمنكر استنكره مِـن قبـل يغشَّـاك=وأضعف أعمالكم مِن جسمكـم حُكِّـه
وآمالنـا بالـذي للمرتقـى يرعـاك=شمس الصَلاح التي نارت علـى فُلكـه
با تستضي في ضياهـا بعدمـا أعمَّـاك=خيلك ووضعك يساوى بعد مـا لَكّـه
أنهيت يا موسمي بدعـي وقـد أفتَّـاك=والمعذره لـو كلامـي صابـه الربكـه
فالحـال أغـلال غثَّانـا ومـا غثَّـاك=وأنت تعرف مرادي يـا ذكـي ذَكِّـه
وأختم بذكر الذي شرَّع لنا الإنسـاك=مُحمّد المصطفى مَـن حـل فـي مَكَّـه

بسم الله الرَّحمن الرَّحيم
جواب الشاعر سلطان الموسمي أبوزايد على بدع الشاعر وايل حزام مصلح الوايلي

ياساري الليل في قفر العـولّ مئـواك=مثلث المـوت فاتـح بالفـدى بنكـه
درع السعيده وعد كان السلاح اسكاك=والحضرميـات لا صبيانهـا احتـكّـه
في قلعة الوحـده العمـدان والمدمـاك=ومن جباه الجماجـم لابسـه شبكـه
خلاص ماليوم كوده يمسك المسـواك=سود الأسود البواسل عظمهـا ركّـه
والساع يامرحبـا مـادارت الأفـلاك=واهلا وسهلا بشاعر راق لـي حبكـه
من الأبل طاب لحم الجنـب والأوراك=والسمن والشهد والملفـوف والتكّـه
وقات مطيور غيلـي يسـرق الأدراك=للوايلي ذي وصل محشور فـي شكّـه
بالمختصر يا مـودف قلـي ايـش اداك=به فرق مابين بـاب البحـر والبركـه
مالي ومـال الأثيـم المـادح الأفـاك=لي موج بالصدق يرفعني علـى افكـه
انا مع ابو يمن مـن شوكتـه بشتـاك=كفّي بكف المواطن قـط مـا نفكـه
قّصّيت ريشي بعشّي وانت لك بـآرآك=باعيش معشوقها واصبر على الوعكـه
اضحك بصبحي وفي سود الليالي بـاك=وطفلتي من يمينـي تخطـف الكعكـه
لا الخيل خيري ولا شمسك بها سلـواك=دلأ بها للّمهـرج طـاح فـي سركّـه
ويلي على ليلي المشحـون بالأديـاك=مادام جاري ظّبط وقته علـى ديكـه
يا حارس المنتخب حافض على مرمـاك=لا يخدعك صاحبك يا صاحب العلكـه
مولاي مولاك مـن بالمعرفـه عافـاك=وفظّلك بالحكـاء والحلـم والحنكـه

[فرزدق زمانه]

بدع الموسمي

قال بداع من قمـة جبـل مـا تزعـزع=حيد قاسي وعر يصعب على الخصم طلعه
قاسيه راسيه صما مـن المـوت تفجـع=قمة الحيد يـا مجـرب شديـده وفجعـه
ما انت قادرمع الامـواج تنـزل وتطلـع=با تسلم وتستسلـم حيـا تـك بسرعـه
للفـرزدق ثلاثـه الـف كيلـو مربـع=واربعه الف فوق الكل مضمـون سبعـه
داخل البحر با تجلـس حياتـك مضيـع=بين الامواج لا تحسب حسابـك لرجعـه
وانت يا مجربي فـارس مبـارز مقنـع=سرعة الموج مثل البرق في الجو لمعـه
خلي اصقار تساقط فـي الارض بـورع=فوق الامواج تتساقط علـى كـل بقعـه
عاد مجرب بدع يمشي معانـا ويجـزع=علمه كيف اصل الشعـر كامـل ووعـه
ودله سم مـن بحـري مشكـل منـوع=سم روسي وباريسـي محلـل وروعـه
اربع انواع عاده خـام يشـرب ويقنـع=منها النفس تدخل في صفارى وصرعـه
شوفه اجمل مخـدر للـذي قـد تمولـع=لا شرب حس ما عدله في الارض متعـه
بتبع مذهبي وامشي مع البـارع ابـرع=كيف ما كان لما اعرف سلوكه وشرعـه
الوفي صاحبي والفسل بـا قـول بـرع=صحبة الفسل مافيهـا مكاسـب وطمعـه
تتعبك صحبـة الفاتـر قصيـره وتينـع=مثل بعض الصحب عندي مصيبه ودرعه
شعرنا بان في مرى وصـوره ومسمـع=بيننا البين لجل الشعب كامـل ووضعـه
ناصفه يا كلو والناصـف الثانيـه مـع=كل من في زمان الجوع حانـب بلجعـه
كملو ما حصـل وانتـو تقولـو تبـرع=كل مشروع ذا ندفع مـن الجيـب سعـه
للعشى والرشـى كـم ذا نسلـم وندفـع=كل مسؤل نشتي لـه فـي اليـوم دفعـه
قل لذي ما يربي شـي عيالـه ويطبـع=ما يطيعـو ولا يمشـو بأمـره ونفعـه
طالمـا الأب ربيهـم بنفـسـه ودلــع=ما حدا منهم حصل في السـوط ذرعـه
حاربو منجـزات الأب ذي هـو مولـع=بالسعيـده وهـي متولعـه فيـه ولعـه
ذي بنيهـا ولبسهـا نمـانـم ودلــع=مثـل آدم كمـا حـوآ تربـت بضلعـه
زاد حبـه علـى حميـر زيـاده وتبـع=والملك سيف ذي ما حبته بنـت ربعـه
قايدي سجل التاريـخ للشعـب يسطـع=عند الا جيال طول الدهر دفعـه بدفعـه
وحد الشعـب والبتـرول والغـاز طلـع=واصلح السد وسقي به مـزارع بملعـه
قائد النصر ذي رسـم حـدوده ووسـع=واستلمها من الجيـران بحكـام قرعـه
حامي الارض كم قاتـل عليهـا ودافـع=والجزر كلها ما سـار بالبحـر ودعـه
لهنا يكتفي بـدع القصيـد المصعصـع=بدع للشاعر المجـرب يسطـع بسمعـه

بسم الله الرحمن الرحيم
جواب المجربي

ابدأ القول بك يامنـزل الشـرع مقنـع=ذي هدانـا وعلمنـا تعاليـم شـرعـه
احمده مايحن الرعـد والبـرق يلمـع=واشكره كلما لاحت مـن الغيـم لمعـه
قالهـا بـادع القيفـان لاحـب يبـدع=كلمن يسمعـه يشعـر براحـه ومتعـه
ابن مجرب اذا قد قـال كليـن يسمـع=يسمعو شعره اهل الشعر والناس جمعه
في صروح الادب الّّف وصنّف ونـوّع=من بساتين قيفانـه وثمـره وزرعـه
والـذي حـب يتحـداه لابـد يــردع=بايجرع من التريـاق سبعيـن جرعـه
صفعة المجربي لاجات في الوجه توجع=باتساوي على مقياسه الفيـن صفعـه
مايخيفونه اصحـاب الكـلام المفرقـع=سهمهم طاح في حايـط مسلـح بقلعـه
قلعة المجد والتاريـخ تحمـي وتمنـع=من يحاول يناطحهـا يباشـر بردعـه
باتكسّـر تقارينـه ووجهـه يخـقّـع=بايروح وله صـوره قبيحـه وبشعـه
مرحبـالاف ياسلطـان منـا مــوزع=ذي لمحته وانا جازع على النت جزعه
مرحبـا بالاديـب الاصمعـي والمقفـع=من لواء إب حيد القفر أصله وفرعـه
موسمي ساعة الظيقات يلقـى وينفـع=والمناحم بنـي عمـه وقومـه وربعـه
يفـرج الله ظيقتهـم وكليـن يخضـع=لانطلاق الصحب والثأر لا غير رجعـه
قادة الجيش فرسان السـلاح المـدرع=يعرف المدفع الممطا مع اثنعش سبعـه
وانه الوضع في هذا الزمان المضعضع=ذي نرى عند بعض الناس فرحه وزقعه
محدا ينكره لكن بـدت حاجـه اشنـع=نزعـة الانفصالييـن بطـره وشبعـه
والخيانه لها تجـار واصـوات ترفـع=قد نسي درسه الماضي ومحتاج قمعـه
منهج العفو ذي خـلا الهرينـه تنكـع=بينما كلمن معروف في الشعب وضعـه
لا معـه جعجعـه فانـا مثيلـه مجعـع=بس له صوت يسمع له وانا غير سمعه
لا قطع حق من حقي فلا عـاد يرجـع=وان قطع حق من حقه يعيده بسرعـه
من معه زوبعه قلـه يقـف لا يزوبـع=وحدة الشعب ماهي شي تجاره وسلعـه
الوطن من عمان الشرق لا غرب موزع=لا الدويمه ولا سيحوت رمله وخشعـه
لـو تقطّـع عليـه اجسادنـا ماتقطّـع=تحت راية علم واحد ربوعـه وربعـه
تسعتعشر سنه من عمرها صارت اروع=والعلم حقهـا فـي كـل قمـه وقلعـه
والذي خانها يوم عادها سنهـا اربـع=كيف بانقبله في عـام الفيـن وتسعـه
باتدافع عليهـا اجيـال تتبـع وتتبـع=سوف نشعل لذكراها مية الـف شمعـه
والف صلوا على المختار طه المشفـع=سيد الخلق ذي مرسل الى الناس جمعه
واذكر الآل والاصحاب مالنور شعشـع=واوصلو راية الاسـلام لا كـل بقعـه

[فرزدق زمانه]

البدع من الوحدوي لا اعرف اسمه
ولكنها شاعر محنك

شمـوخ شاعـر توقـع ==لا..تحمـل الهـم كُلـه =خُذ لك من الشعر مقطع == ولا تضـلـي تـدلــه
الشعر له الـف مرجـع== والـف مذهـب وملّـه=فـلا تهـور وتطـمـع== ما حد سطـى واستغلـه
كُلـن بشعـره يمـتـع== حتى ولـو كـان علّـه =على أي حال اسمع اسمع== كـلام شـلـه وحـلّـه
كـلام مـن راس يبـدع== لا تحشر النـاس جُملـه=واحد او اثنيـن واقنـع== وزل شموخـك نـزلـه
وان ما تراجعـت مقلـع== كم نـاس فاقـد لعقلـه =أعمل على الراس مدفع== وشـل سيفـك وسلّـه
واحنـا نلاقيـك بربـع== وخمس من كـل عُملـه =لاحـد يُغـرك ويـدفـع== تمـوت لاغيـر قبـلـه
امامـك البـرق يلمـع== والنـار شعلـه بشعلـه =والتـام مهمـا تمخـدع== لا تأمنـه وانتبـه لـه
صيـاد فيهـا مـولـع== عقـد عليهـا بجبـلـه =يوم كـان لا أب يطلـع==والقـات عدلـه بعدلـه
ما الوحـدوي لا تطلـع== ما بـا تصـل لا محلـه =راسه من الشعر صلّـع== ولا وعــودك تـذلـه
كم خصم لا زال موجـع== وخصـم مختـل عقلـه =امـا يخلـيـك تـدمـع== والا تمـكـن بقـتـلـه

اليكم جوابي على الشاعر الوحدوي



القصيده


الموسمي قال بقطّع --- يد المخادع ورجله=وقيّد الذيب الاجّدع --- ودخله وسط سلّه
ذي ما يخاف الصمرقع --- سود الليالي تشلّه=قال المثل من تبرّع --- يرقص على وقع طبله
والحيد لآكان صورع --- صعب المعاول تفلّه=لهاجسي نور يسطّع --- يدحر ضلآمك وضلّه
والف منبع ومنبع --- لبسّت للشعر حُله=ثعبان يلدغ ويلسع --- وشخص ماحد وصل له
مِن ساحة الشعر برّع --- والبرق والتام قله=ما تِرهِق الصقر بوّرّع --- ولآ حمامه تزلّه
يا وحدوي من تواضع --- يجني من الزهر فله=جرّعتكم مُر يصرّع --- من كاس ماسي ودلّه
واليوم قال انه اقّرّع --- وراسه اصلع بكلّه=عاده معي طفل يرضع --- والجيد يرفُق بطفله
ولا بكي قلت بع بع --- يغيضني وابتسم له=هيهات ياقوم تبّع --- وقوم صالح ونسّله
ما بقتلك يا مقنّع --- في حفل عنتر وعبله=هذا جوابي مصعصع --- وصلّه على شيش قفله
من الأديب المقفع --- وذكُر نبيك وصله

[فرزدق زمانه]

(دموع المدافع على خدود المواقع)

ياعلم جاني دك عظمـي والبـدن=والنفس ظاقت واحتـرق وجدانهـا
واستسلم التفكير والعقـل اختـزن=علم السفينـه ذي غـرق ربانهـا
وقلت يانفسي عسى والعلـم ظـن=وذي نقل صوت الحقيقـه خانهـا
والصمت ساد البيت والجـوال رن=وزاد ضـخ الـدم فـي شريانهـا
رديت كيف الحال؟!! وارتج السكن=وقـال عضـم اجركـم رحمانهـا
والحمـد لله راس مالـي والركـن=على القدر والنفس مـن ايمانهـا
ياحيد مران ابتسم واعلـن علـن=زف التهانـي لا جبـل حيدانـهـا
وزغردي بالصوت ياحمر الوجـن=في موت من كسر قـرون اقرانهـا
الموسمي ذي لا دكم رعده وحـن=بالمدفعيـه تستـقـي وديانـهـا
حنت عليه الافئـده والدمـع شـن=ولا استراحت بالعيـون اجفانهـا
والجيش بعده نكس اعلام الحـزن=والعاصمه ثـارت حمـم بركانهـا
واستقبلت واستوعبت من ذو يزن=جموع ما كانـت علـى حسبانهـا
وبو حمد قاد الجنـازه واحتضـن=والقفـر حولـه حاشـده شبانهـا
عمالقه لا هاجمـت والليـل جـن=تبسمت للمـوت بيـض اسنانهـا
تقطع بسيف التضحيه راس الوهن=والنصر مرمي في حنان احضانهـا
يا تجربه خانت مفاهيـم الخـون=ياملحمـه حـب الوطـن ميدانهـا
ياتضحيه ترفض معانـات اليمـن=كنوز بقعاء مـا تحيـط اثمانهـا
يافكر كسر سخرة السيـد حسـن=يانفـس ميـزان الفـدى ميزانهـا
من اجل نصر الحق في عصر الفتن=اختار من طيـب الحيـاه اكفانهـا
كفكف دموع القهر من خد الوطـن=بكـف مجهـوده نسـج حيطانهـا
علي حسين الموسمي ذي لا رطن=او قال كلمه مـن كلامـه زانهـا
قائدسـلاح المدفعيـه مـن زمـن=يرسل قذايـف عارفـه عنوانهـا
مانا مبالـغ وسئلـو عنـه عـدن=قلـو لهـا مـن ذي كسربيبانهـا
ياقهر قهر القهـر ياقهـر المـون=قهر المدافـع لا انتهـت رميانهـا

رحم الله الشهيد العقيد علي حسين الموسمي
قائد كتائب المدفعيه والصواريخ في لواء العمالقه
سلطان الموسمي

[فرزدق زمانه]

بدع الشاعر شامخالشب




بسم الله الفرد ذي له كل شي يخضع=جل الحليم الـودود العفـو سبحانـه


الحاكم العدل ذي سنـن وذي شـرع=وثبـت الحـق بنجيـلـه وقـرأنـه


الحمد له والثنـأ والشكـر لا يقطـع=عد الورق والحصأ والرمل وامزانـه


وبعد ياالهاجس الساعه معـي ارفـع=ارق واجمل تحيأ الشـب واشجانـه


وسلم الموسمي سلطان فـي مجمـع=عطور الازهـار ينثرهـأ بقمصانـه


ليث الفيافي حزام الشمـخ الصيـرع=ذي ساكن القفر وقت الضيق ربانـه


بعد التحيه نقل له بـه لنـأ مطمـع=يدرج ابيـات مـن لؤلـه ومرجانـه


وقل له الحال ببنأ صعـده اتجعجـع=ما نزلـو ذأ السنـه لسـوق رمانـه


من حولهم برد يلسع واللهب تـذرع=والارض تقلع ونـار الجـو هتانـه


جهاتهأ اربـع تكلـم بـس بلمدفـع=كلمه صريحه تـدك الشـر بركانـه


وبصواريـخ تكتـب قاعـدة مقنـع=يشهد بهأ المـوت والتوقيـع بدانـه


وبل القنابل منو جـاوع بهـأ يشبـع=ومن بطـون الاولـي نـار شنانـه


تأبأ الكرامه على الجيش الابي يخنع=لشعوذه واحتـراف الجهـل بلوانـه


وبطشة الامن في جلد العـدو اشنـع=يمزق اشـلا خلايـأ الشـر بسنانـه


والشعب من عادته للملحمـه يصنـع=بجود الابطـال يدفـع خيـر شبانـه


كمن غضنفر على حوض المنايأ ابدع=بجز راس العدو ما تظهـر احزانـه


ياجيش ياشعب في وجه العدو اصفع=صفعه تهز الامام احمد فـي اكفانـه


من هولهأ ذي يـدور دولتـه يخـدع=تحت العبايه ودمعـه يملـي احفانـه


يلعن بنفسه وقلبه يـوم مـا اتشيـع=ويلعن الشخـص ذي دلـه بلسانـه


ويدخـل الحوثـي الغـدار مستنقـع=بحر الخيانه يشوف الارض زنزانـه


مابا يفيده حسن والا احمـدي ينفـع=او متكي او علـي لاري ولـد جانـه


لابد ما يطلـب الرحمـه ويتضـرع=للجيش ذي بأ ينسيه ايـش عنوانـه


ويختمد خمدة اللي راح مـا يرجـع=ياخذ عقابـه علـى زوره وبهتانـه


هاذأ خرج فصل والثاني بـدأ يطلـع=وذي يجـب تختمـد نـاره ودخانـه


ويقطف الزهـر ذي بلوانهـا يلمـع=والريش يهبر قبل لا يكسي اغصانـه


يبقى الوطن في مناعه والذي يمنـع=مس الثوابت ومن رام اليمـن خانـه


ومن يفكر بشـرذام البـلاد اصـرع=قل له يقرص على شاني ومن شانـه


هاذأ اليمن في عيون اهل اليمن يسجع=واحد قط لن تدفينأ سـوى احظانـه


والختم اصلي على من لامته يشفـع=ما لاح برقه وصف الطيـر جنحانـه




جواب سلطان الموسمي على شامخالشب
يالله دعيناك مـا غيـث السمـا يهمـع=وسال سيلـه علـى وديـان عطشانـه



انت الـذي لا دعيتـك بالخفـى تسمـع=يـارب جنبنـي الشيطـان واعـوانـه


ياحي قيـوم بـك نؤمـن ولـك نركـع=ولا لغيـرك رفعـت الكـف وابنـانـه


والساع يـا مرحبـا مـن إب لامـوزع=بشامـخ الشـب ذي حبّيـت قيفـانـه


بالمعرفـه والأدب والطـيـب يتمـتـع=في ساحة الشعـر والمخـزان مخزانـه


ياقرن فـي راس يابـس لاردع يـردع=وفي ضفـاف المـروه شفـت بستانـه


حنّيت ما حن ابـو صـاروخ بالموقـع=ماحـن للحـرب والبـاروت صبيـانـه


لاجـن ليلـي ولافجـر الضيـا شعشـع=والـزرع مصـروب والـزرّاع غلبانـه


ياذاهن اصحى وياصاحي قليـل اهجـع=والديلمـي تـاه فـي وديـان ويّـدانـه


والحـرب تسحـق بشـرّ والأم تتوجـع=حبلـى بمولودهـا وآحـم وخرمـانـه


ماهمنـي ينـزل الـرمـان او يطـلـع=قـال المثـل مايظـر الحـب مجرانـه


من يحرث الارض يزرعها ومـن يـزرع=لازم يحامـي علـى زرعـه بحيطانـه


ياعينـي ابكـي ويادمعـي لمـه تدمـع=والجيش رجّـح بكـف النصـر ميزانـه


ثلاثه اعوام ذي سـارت وجـات اربـع=والشعـب ينـزف ويتغسّـل بدميـانـه


من اجل من طاب صوت الطبل والمرفـع=والميـج والكاديوشـا تعـزف الحانـه


على بقايـا النسـاء والشيـب والرظّـع=من شط ثوبه يرقّـع لـه مـن اعدانـه


مالـي ولحمـد ولسستانـي المـرجـع=وللخميـنـي ونـصـر الله وطغيـانـه


انـا يمانـي قلـو للفارسـيـه مــع=لايمكـن اخظـع لمـرّانـه وحيـدانـه


وحكمتـي سلعتـي والعقـل والمصنـع=ياشامخ الشب من صان الوطـن صانـه


عصر الامام انتهـى والشعـب يتجـرع=لا فـرق مابيـن دستـوري وقطّرانـه


وقايد الوحـده العظمـى سبّيـع اسبّـع=من كـل طمّـاع مـا قـد بـان تبيانـه


رجّـال لا قـال كلمـه كلمتـه تصبـع=حليـم ياويلـهـم لا ثــار بركـانـه


ابو حمد فـوق عـرش الحـب يتربّـع=فّـرش لعبـد الملـك بالـذل جنحانـه


او هل عسى الطفل من ظرع الوطن يرظع=شربّ الحليـب المعلّـب هّـد عضمانـه


واختم بذكر النبي من بالهـدى صعصـع=معاقـل الشـرك مـن قومـه وجيرانـه

[فرزدق زمانه]

بدع سلطان الموسمي

يالله اليوم خارجني مـن النـاس الانعـام=مثل بعـض العقـول الشـارده والعقيمـه
قال ابو زايد الليله سهـر بعـد مـا نـام=والفرزدق وصـل ببيـات ينهـم نهيمـه
عشت يا هاجسي في راس يابس وصمصام=جهز الحبر ونسـخ لـي قوافـي حكيمـه
قـال شبيـك ياسلطـان ولزمنـي الـزام=عاد سيفك لقطـع الـروس يقلـم قليمـه
ياشمـوخ الادب قدامـك الشاعـر التـام=حامل الطيب نبـراس النفـوس الكريمـه
مقصـده يطلـع المريـخ عنـدي بسـلاّم=والمسافـات مابينـي وبينـه عضيـمـه
اعجم ابكم صنم يشتـي دراسـه وعـلام=سير لك بالرويـدا لا تقـع شـي عديمـه
لايزيّـد لـك الشيطـان تفكيـر ووهـام=واقرع ابليس واتجنـب طريـق الهزيمـه
عاد لي في صروح الشعر نجـده وخـدّام=شاعر الجن شامخ من شمـوخ العزيمـه
وانت عادك صغير السن في خمسه اعـوام=لابطاقـه لقينـا لـك ولا لـك قسيـمـه
يا غـلام انتبـه والبحـر يحتـاج عـوام=وانت عادك من اصحاب القلوب الرحيمـه
يا مصيبه مـن البـاري عليـا ومرجـام=لاتجاهـي رجـم بـك يامـودف رجيمـه
امسك المطرقه ذي كسـرت كـل الاخشـام=واطرح السيف ياهاجـس وشلـه غنيمـه
لاقدرت انتعه ريّـوس ولا استـرت قـدام=والمحـرك ملصـص والمـراوح قديمـه
إن قلـت ارفعـه يشتـي ركايـز ودعّـام=ون فلـت لـه وقّـع بحفـره كضيـمـه
شوفني بسمحك والثانيه بضّـرب اسمـام=سم فوق الكبـد والقلـب يفحـم فحيمـه
وأزرع الارض مهما كـان قدامـك الغـام=نوع (تي إن تي) من صنع دولـه حميمـه
روسيه ناسفه تشتّل مـن تحـت الاقـدام=تهضم الارض ياشاعـر امامـك هضيمـه
ذا خرج فصل والثاني على وضعنا الهـام=بعد ما زغـردت سلمـى لزفّـت حليمـه
اقطع اليـاس ماعـد شـي امـل للتّقـدام=مقتل الضيف والسـواح عنـدي جريمـه
والـوزارات ذا يتنعـمـو هــا تنـعـام=والخزينه عطل والشعب عايـش بخيمـه
ذه عصابه وعد باقـي عصابـه بلاقسـام=مثل ما الجـن مـا فيهـم نوايـا سليمـه
ياكلو ما معك من بيـت وامـوال واتـلام=يرهمو لحمتك من فوق عضمـك رهيمـه
موقفي وحدوي رافـع شعـاري والاعـلام=في عنان السماء تخفـق بعـزه وشيمـه
واختم البـدع بالمنقـذ وصمـام الاسـلام=خاتم الانبيـاء ياسعـد مـن هـو نديمـه


جواب الشاعر الكبير محمد التام

يا الأله القدير يا ذو الجلالـي والاكـرام=ياعزيز ياغفور مولئ الاسـامِ العظيمـه
يا سميع الدعاء يـا منتقـم كـل ظـلام=يا من افنيت واحييت العضـام الرميمـه
أحمدك واشكرك عـد الاليالـي والايـام=عد الاحرف في القـرآن وايـات كريمـه
عد ما طافوا الحجاج في بيـت الاحـرام=عد ما هل غيثـك مـن مثـاره وغيمـه
سترك اليـوم يـا رازق لسـاده وخُـدام=ترزق التـام بالخيـرات واكثـر نعيمـه
أجعله دوم يا منـان فـي الصـف قـدام=لا تقلـل بشانـه أو تنـقـص بقيـمـه
أنت عالم بحال العبـد يـا والـي التـام=غافر الذنـب سبحانـك ذنوبـي وخيمـه
هات يا هاجسي وابحر وسجل لي ارقـام=قوم رحب بضيفـك ذي وصلنـا دهيمـه
انحت ابيـات موزنـه بلمسـات رسـام=واضرب امثال موجوده بصيغـه حكيمـه
عد له سبع واجب مننـا اجـلال واكـرام=سنة الضيف من بعـد الغـداء والوليمـه
لا تقولون خايـف أو بـذا كـون ملتـام=لكنه ضيف جانـا عيـب منـا شتيمـه
مسهل الحرف في قول الخثر والتهنجـام=والكلام الغلـط يـو مسهلـه والنميمـه
وامتداح الريا البطال مـا هـو بلاسـلام=لا ولا هي صفات أهل النخـأ والعزيمـه
ذا يطلـع سمانـا واخـراً هـد الاهـرام=والمطبـل مطبـل والمغـنـي بميـمـه
أحرق الدار والسكان من بصمـة أبهـام=واح وين الحقيقه لـو تشوفـه جريمـه
أن جلس يرثي الحال وأن تمشئ وأن قام=بدلته ما تساوي قرش في سـوق ريمـه
من تلم شام وانا خوك با يجنـي الشـام=وأن تلم شوك يا سلطـان يجنـي تليمـه
والمسافات ما بيني وبينك فـى الاحـلام=أنت شاعر بدا فى الشعـر وانـا زعيمـه
قد وصل شعر أبو صالح الى يـد صـدام=والخليج كلهـا والبـدوا لا كـل خيمـه
قيفي الأصل تشهد لي الدفاتـر والاقـلام=والقبايل جميـع مـن ماويـه للجميمـه
وانت عادك ببحر الشعر من جيل الاقـزام=موقعك في بحور الشعر مـن دون قيمـه
ذا خرج فصل والثاني جمـع كـل الـلآم=ذي بشعب اليمن كامـل وقطـع صميمـه
أقر ممـا تيسـر فالصحافـه والاعـلام=حسب ما العين شافت من مواقف أليمـه
ما رئيناه منكر مـن عصابـات الاجـرام=في الصحف والاذاعـه والقنـاه اليتيمـه
ذي معيا أشاهد لاننـي وسـط الاعجـام=بـس ربـك ييسـر لنـوايـا سليـمـه
نفذتها عصابـه حوثيـه فعلهـا اعـدام=قصدها زرع فتنه فـى اليمـن مستديمـه
شكك البيض من بعـد التوحـد بأعـوام=بعدما لطـخ ايـده فـي عمايـل أثيمـه
كل واحـد بـدوره يـزع الارض ألغـام=والمنقـي ينقـي بيـن شلـه غشيمـه
لحتكل شخص منهم أو طحس وسط مردام=قالو الناس دوخ والزعيـم هـو غريمـه
ويش دخل الحكومه في مزاميـر وانغـام=المحلل يحلـل حسـب مـا فـى فهيمـه
وضعنا فى اليمن مهزوز من كثـر هـدام=السبب والمسبـب مـن طوائـف لئيمـه
لا تلومون قايـد وحـد الشعـب بقـدام=خير منجز عملها شخص بعـد القسيمـه
وانته اعلم بحالك اجتهـد واحـزم الـزام=موت جوع ياعزيزي أو تعشـئ بهيمـه
والصلاه تبلغ المختار ذي جاء بالاحكـام=خاتم الانبياء مولـئ الصفـات الكريمـه

[فرزدق زمانه]

(( مسآفآتي سميكه ))


مسآفآتي سميكه,, والمسا فـي ساحلـي عسعـس

عصرني. واختصرني فـي شفـاه الريـح شبّابـه

نحيله,, شاحبه,, مـن فمهـا البركـان يتنفـس

وصبر الصمت في شطئان صدري! غارس انيابـه

بوجداني سكنت الموج,, واستسلمـت للنـورس

بلحظه صـار فيهـا إبـن آوى سيّـد الغابـه

سلبني قدسي المنسي.. وروح الورد,, والنرجـس

حبسها! في رحاب المسجـد الأقصـى ومحرابـه

عقود القرن.. مكفوفه,, رزّيه,, راسهـا دنقـس

جثثهـا منحنيـه!! والمصلـى فاتـح ابـوابـه

وربي,,, ماندبت القـدس فـي قيفانـي اتلمّـس

سراب العذر.. مهما الذل عندي فاقـد اعصابـه

ولكن الحقيقـه واضحـه,, والمعتصـم فلّـس

محاصيلـه سرقهـا حـارس الحـاره!! وطلاّبـه

همومي؟ قصّتي,, أكلي,, شرابي,, رونق الملبـس

ورقّة ملمـس الموظـه,, وتسريحـات جذّابـه

جـذور الاتجـاه البرجماتـي رافظـه تيـبّـس

ترابي في ترابي!!! غصنهـا المسمـوم. واعشابـه

نسيت القدس..؟ واستمتعت بالمصياف,, والمغطّس

ونـور التركمانيـه! ومتعبـنـي,, وخطّـابـه

حصوني حاصرتني ليش؟؟ بعت الخيل ياهجـرس

وقطعان المواشي فـي ظـروف الحـرب هرّابـه

وحاميها حراميها!؟ يجيهـا مـن قفـى المتـرس

مطآيآهـا لإ سرائيـل مركـوبـه,, وحـلاّبـه

معـاك الله ياصـدام مانـود الغبـش نسنـس

عرين العز,, ناموس العروبـه,, عاصـر اشنابـه

صٌدح بالرفض والعصيان,, كسّر معصم المحبـس

بظربـه خاطفـه.. دسّـم بهـا نابـه ومخلابـه

ذبيح الروم,,, والعربان بعده هرولـت ريـوّس

وسجـان المعابـر!! حانبـه غـزه بمحنـابـه

شعوري شعري الشاكي,, ومعلآق الكبد هوجّس

وشوقي شدنـي للقـدس,, والقيفـان كذابـه

مع سُمك المسافه ,, والمسا في ساحلي عسعـس
عصرني. واختصرني فـي شفـاه الريـح شبّابـه

[فرزدق زمانه]

بسم الله الرحمن الرحيم
السلام عليكم ورحمة اللهوبركاته
اليكم هذه القصيده الموجهه للاخ الشاعر شرف الدين فاضل
وتعبر عن مافيها




يالدانيلداني دان يادان داني=ياعدن دندني والبحر الاحمر وميّون
قال ابو زايد المعروفوالترجماني=في بحور الادب والشعر سويت قانون
فوق صهوة فرس جدي وصهوة حصاني=فيمحيطات باب البحر صياد ميمون
عشت بالقفر من صغري ورافع كياني=في خظّم المعاركعشت والسيف مسنون
في شوامخ عقام الشاهقه صولجاني=حيث ما قصر جدي مثل ما قصرسيئون
ذايع الصيت نبراس الادب والمعاني=جد حيدر عباد الموسمي وبن خلدون
وانتيا مرسلي قم شل مني بياني=واحترامي وتقديري مع در مكنون
واركب الميج من صنعاءبلاد اليماني=عاصمة سام ذي في حبها عشت مفتون
ساحره تسحرك فيها جمالالمباني=بالحبش والحجر وشكال ياجور مزيون
خذ باالمانيا راحه لبعض الثواني=حيث مامحرقة هتلر لبيريز شمعون
وحجز المقعد الثاني على ميج ثاني=كاتم الصوت سرعتها ثلاثين مليون
منتهى رحلتك تكساس او مكسكاني=وركب التكسي البي أم حسينالدركسون
بايلاقيك ابو يونس فلان الفلاني=بين غرامته جاكي وروكي وسيمون
مكرمالضيف من لحم الكباش السماني=بالوفاء والكرم والطيب والصدق مدفون
واسع الصدرمتواضع ولا هو اناني=شاعر المهجر الغربي شبيه البردون
عاش بالعّود فوق الشاهقاتالزباني=فاضلي من على ارض السعيده يذودون
ود له ضرف سطرته بسنة سناني=من مدادالذهب نصفه وباروت معجون
قله الشعب من قل الموارد يعاني=والحراك الجنوبيبالمحافل يدينون
قلهم وحدتي في عمق سود النياني=والمساوم بوحدة موطنه شخصملعون
خمستعشر سنه في قاعة الامتحاني=نختبرهم وضحينا بتسعه ترليون
والنهايهيسمونا السرق والزواني=بعد ما خسرو موسى يحنو لفرعون
طالما الشعب له قائد ولهبرلماني=من خلاله يناقش كل ماهم يريدون
هكذا فطرة الانسان مجني وجاني=ماحدا منبني آدم على الخير مضمون
كلمة الحق باصرّح بها من مكاني=الفساد الاداري سم قاتلوطاعون
عن طريقه ذريعه للخوّن والشواني =والصحافه وعشاق التصفح يشنّون
شوهوصورة الحاكم زعيم التفاني=قائد النصر ذي من خلف ضهره يعيثون
بس هيهات قل للفاسدالبهلواني=يعتدل قبل ما يصبح مقيد ومسجون
وغتصاب الاراضي في جوارالمواني=والسواحل لها تأثير سلبي ومشحون
واختم القول بالمولى مسوي بناني=مالكالملك ذي يعلم بما هم يحيطون



والحمدلله والصلاة والسلام على رسول الله





جواب شرف الدين فاضلعلى قصيدت الشاعر سلطان الموسمي



قالابو يونس البداع سبع الزماني=من قمم عاليه بانهم وغيري بيصغون
عادتي هاكذاباقولهاا باتزاني=كلمت الحق نرميها رمايه ومضمون
فاضلي من بني فاضل وارضيكناني=حصن ذودان هو قصري به الناس يدرون
ماخضع جدنا لاحد ولا الراس لاني=قبيلهقبيله من عهد موسى وهارون
عود سالم سكنا فيه فوق الزباني=في رؤؤس القمم صقورللحرب يسرون
ربعي ابطال مافينا ولا احد جباني=نسبق الموت ما نخشاه والناسيخشون
وان دعا داعي الواجب بعدت ثواني=نحرق الارض ذي فيها الاعادي بيمشون
منيجي ضيف نفتح له جميغ الجناني=نكرمه من كرم مربوع مخموس مثمون
وان يجي خصم ماعندي سوا بغبغاني=ذلك الجيد بو نخره وابو صفح مخزون
لا نغمته نغم وادا الذيبالعناني=ينزل الطايرات كنيه مسامير واسنون
بعد ذلحين ياحيا بضيف الاماني=ضيفغالي وبا ارحب وربعي يكفون
يرحب الموسمي ترحيب هز الرزاني=هز صنعاء اليمن وهزمارب وسيئون
مرحب الصوت ذي للضيف جدي وصاني=بذبح البل والاغنام حياكمليون
صاحب القفر ذي ربعه واهله خواني=الكرم عندهم والجيد بالجيد ممنون
قدرسلطان هو غالي ولا يستهاني=رغم انه خلط بيضاء وحمراء بمعجون
صح انا الانبامريكاء ولاكن يماني=حقنا القبيله وملك حمران الاعيون
ما تاثرت بالماسون ولااحد غواني=لا ولا شفت لا جاكي ولا شفت سيمون
عارف الكنجرس قدري ويقبل ضماني=لوضمنت اربعين قالو شرف شخص مضمون
واسال الجاليه عني يدلوك ساني=واجبي قدمه ما همغابن ومغبون
كل غرامتي رجال ربي عطاني=لا بدا الضيف تلقاهم على الصف صفون
همرجال الكرم نالو وسام التهاني=بالكرم والعطاء رجال دايم بيسخون
وان ياشر شرف هبوكما العنفواني=عاصفه عاصفه تجتاح خمسين مليون
روسهم صالبه مثل الجبالالوزاني=قدرهم مرتفع خير القبايل بيدعون
مالنا يا اخي لا استقبلك شخص ثاني=وانغلط مرسلك في مكسكو سار مديون
لا بتكسس اقمت ولا اليها امتناني=شوفني هاهنانيورك لي دار محصون
قد كتابك وصل ومطلعه بالاغاني=دن دنه دن دنه وصوت حالييغنون
قلت با اتفهمه وجيت وان به غواني=قلت فيه الذهب وفيه باروت معجون
للذهببه ذهب غالي نرده مثاني=والبواريت به عندي ثلاثه وعشرون
من عيار الذهب رد الكلامالحساني=باوفي الكيل واصحابي لكيلي يوفون
والغلط رد له مثله وفوقه ثماني=يشربالقير ذي يغلط على شخص موزون
لا هنا فصل والثاني على ذي يعاني=والحراك الذي تسئلعليه هم مريضون
هم ضعاف النفوس ذي خاسرين الرهاني=انتفو من زمان ايام اربعوتسعون
لو تذكرتهم الخايني زاد خاني=الخون نفسهم كل ساع كره يعيدون
لو بهمخير ما يبقو على عهد فاني=حاقت اعمالهم واليوم لازم يصفون
وحدتي وحدتي ماليولاهل الجناني=شعبنا مكتفل في تصفيت كل مبطون
وحدت الشعب غايتنا وركنالركاني=والاساس المتين ذي شعبنا فيه يعلون
والفساد انقده واعلن بهذاعلاني=انتقد وانتقد واوقف مع من يعانون
انت وسط اليمن عايش وعندك بياني=وضع واضحوماشي به خفايا يخبون
انقد المرتشي ذي صار جيبه ملاني=وانتقد للسرق وذي في المالمفتون
بس ماينسئل مجني عليه بالمجاني=اسئل المفسدين ليش العمل ذي يسوون
وانحصل ما احصل عاد الحدايد تلاني=والحراك غايته لعبه على كل الادقون
وايش مبداهياشاعر اذا الحال باني=هل في الانفصال حلول والناس يغنون
لا تقول للفساد جانامعه هندواني=جاء يصفي الفساد والناس في به يشيدون
الفساد عام ما يحتل بيدالمهاني=صاحب التفرقه ماشي به الناس يرضون
شد عزمك وانا قبلك الاول تراني=لاالصفر دق شمرنا مع ذي يغيرون
اليمن واحده ماشي يمن غير ثاني=لا شمال لا جنوب فيصف واحد يصلون
مالنا والحراك هم غير ضبنه نياني=لو بهم عقل ما غنو مغانيلمجنون
ينضرو القدس ماصابه ومعنى الهواني=واين بغداد بعد الحرب لوهمفطينون
با ندين العميل والخايني هو مداني=ليس هو مننا ذي لامته دومبيخون
ختمها بالنبي مالمزن يمسي شناني=الف صلو عليه واصحابهي والقريبون

[فرزدق زمانه]

بدع الشاعر القدير سلطانالموسمي
عليك الدركيامصدر النصر والامل= ويا منبت الحبه ومخرج سبولها
تدحني الباطلوجنبني الزلل = ونفسي من الدنيا تعدل ميولها
ويسر لي التقوى وحسن ليالعمل =ولا شانت اعمالي فعندك قبولها
ولآضاقت احوالي ولا بارتالحيل = فمالي سوى عطفك يخفف حمولها
وهون عليا سكرة الموتوالاجل=وفي ظل ظلك ظلني من وصولها
ومن هاهنا من قمة الحيدوالجبل=ومن بحر واسع في ملاقي سيولها
من القفر ذي بالعز يضرب بهالمثل= بلاد المكارم والسمو في سهولها
من الموسمي سلطان لاقد سهرزمل=يفجر هواجس مثمره في حقولها
محيط القوافي والعباراتوالجمل = فرزدق) زمانه محتكم في اصولها
وشل الرساله يارسولي علىعجل=وسافر على صهوة جمل من فحولها
وحلق بها من كوكب الارضلازحل= ديار (الحطيئه) خاليه من فسولها
وبايلقفك رجال من خيرةالعول=وشاعر محنك للقوافي بتولها
خريف الهواجس ماطري لازجلزجل= بقيفان حار (الاصمعي) أن يقولها
وسلم على توفيق ما مازنه هطل= وسيله تراكم في رباعي فصولها
من اعماق ابو زايد سلامي لكم يصل= بعرض السعيده والجزيره بطولها
خرج فصل والثاني على ازمةالدول=سحاب الخساره قد تضاعف هطولها
وتأثيرها السلبي على مدمنالقطل= بوديان عافت من عدسها وفولها
وأدركت ان الشعب للشعب معتقل= ومحصول صنعاء ما يكفي خيولها
وجيب المواطن من قروش الوطن= عطلتبكيهم الشله وهم يضحكو لها
ومسؤلها مشغول بالفنوالفلل=وبعض المشاكل مالقينا حلولها
وحرب المصالح خلفت خلفهاشلل=وحب الدراهم كم سمعنا غسولها
وقوت المواطن والسلع سعرهادبل= وعمله بلا جدوى تلاشت غيولها
بطانه خبيثه شوهت صورةالبطل= علي صانع الوحده وقاطع ذيولها
زعيم المعاليِ والتفاني بلاملل= صنع منجزات المجتمع يشهدو لها
بني سد مارب بعد ماصابهالخلل=ورسّم حدودي وانتقم من عذولها
وخلّص حنيش البحر من قبضةالهمل=وسود النوايا ذي خدعها رسولها
ونقّب على البترول والغازواحتفل = وشق الطرق لاكل عزله وحولها
ولآكن حولها حاشيه مصدرالفشل=نجوم الفتن ربي يعجل افولها
عصابه خطيره مدمنه مرّهاعسل= صرير الدراهم راسخه في عقولها
وخير الحكاء ماقل ياماطريودل=وذكر النبي يشفع لنا من شعولها




((((( جواب الشاعر توفيقالماطري)))))




ابو شايف البداع على ربه اتكل= بيده مناهلها ومنبعغيولها
دعيتك تزيل الهم والغم والعلل = وثبت بفضلك نفس زايدفضولها
هنا الماطري يامرحب الضيف ذي وصل =تراحيب اغلى من ذهبهاولولها
هلا الموسمي البداع هلا الشاعر الجزل=فرزدق زمانه مثلما قالاقولها
الى اهلي وربعي حيث مجد الزمان حل=بعود الاباء ذي هو مربيوعولها
تحطو رسول الموسمي داخل المقل=وله فاذبحو جانب ابلهاعجولها
وانا في نيوورك .جهزت له كل شي دبل = لنا القبيله عاده. ومنااصولها
سرى الليل يالهاجس . وباتعبر الدول=ولك مركبة ناسا . ستعلنمثولها
وسر لاسفوح القفر .توقف هناك سل=على الموسمي سلطان. صفوةشبولها
وانزل بارض ابطال. يضرب بهم مثل = وارض النماره خاليه منثعولها
يلاقيك ابو زايد رجل للوفا امتثل = واذا مادخل ميدان. قادريجولها
تحيه من امريكا بها الشوق لم يزل= لارض اليمن والاهل . ذي ينتمولها
وذا فصل ثاني فيه ردي لما سال=سحابالخساره قال تضاعف هطولها
على ما اعتقدمافيش ازمه في الدول = وخاص الذي تصنع وتزرعحقولها
مخطط بنو من اجل نهب العربيضل=دول اسمها كبرى وصغري ذيولها
اورباوامريكا مبادئهم الحيل=اذا ما ابتغو خطه اجادوشمولها
وحال المواطن لاتعلى ولا نزل = فلاراحته جت له ولا هو يطولها
على حسب قولك ذيتولى وما عدل= بينهب ثمر جهران والحقسحولها
ارى الفاسدين اليوم هم علةالعلل = تهنو بثروتها وزادو خمولها
واحناوقائدنا ضبلنا بهم ضيل = عناكب خيوط اطماعهم ينسجولها
وباقي مشاكل هيه، سبب كلماحصل= واعدا وطنا . ذي يزيدو شعولها
منالعام ستين لا ضحى اليوم لم تزل= خططهم علينا ماضيه فيفصولها
لافشال ثورة شعبنا خصمنابذل=جهوده وماله .كي يعرقل سدولها
وكاناليمن شطران والخصم ماغفل = ينمي عداوتها . وينعيقتولها
وحين التوحد عاد والجمع اكتمل = فقطبعد رابع عام رامو ذبولها
هم اليوم اعداء الامسماغيرهم بدل=تنوم الفتن مده ودقوطبولها
متاهات كم شعب اليمن وسطها دخل=وبعضالنفوس تخدم نوايا عذولها
نناشد زعيمالشعب كي ينهي الخلل=ويقصر ايادي ،عاث في الشعبطولها
وانادي يمنا الحر ياشعبناالبطل= لك الوحده اكبر كنز واجبزلولها
حذاري من الثعلب مع البوموالحمل=ثلاثه هم اعداها ولو يضحكولها
وخير اليمن قادم بوحده الى الازل = وربالسما قادر. يخفف حمولها
من الماطري ياموسمي شلما حصل=وعذرا لتقصير الاجابه وطولها
صلاتيعلى المختار من للهدى نقل = سالتك اله الكون سهل وصولها

[فرزدق زمانه]

اخواني احبابي اصدقائي
كلكلم اعضاء وعظوات اتمنى لكم حياه سعيده
واعتذر عن تقصيري هذه الايام لضروف سوف توضحها لكم
قصيدتي هذه

يامن عليـك اتكالـي ظاقـت احوالـي=عذبنـي الوقـت واستوفيـت مكيالـه
فرج همومي وسخـر قـوت جهالـي=مخالبـي والسنيـن السـود مقتـالـه
برحمتك فـك حبسـي وافتـح اقفالـي=مسجون والقيد كـم جهـدي تحمالـه
ماشي معي كنز غيرك عفـوك ابقالـي=من امتـلاك الذهـب واليـن والدالـه
في مجتمع راس مالي يعشـق اذلالـي=ثعالـب القـرش مكـاره ومحتـالـه
امنّي النفـس فـي حلّـي وترحالـي=شمس الضحى يابهيم الليـل وصّالـه
بمعصم الصبر صبّيت الصَبِـر حالـي=وقاعـي القاحلـه وديـان مستـالـه
تعبـت الملـم مسآفآتـي واميـالـي=ما حيلتـي والجمـل ضايـع وجمالـه
ثـوب الدقيقـه ثوانيهـا ودسمـالـي=قمصان سارت بها الساعـات مختالـه
جفافها مـن جحيمـه جـف شلالـي=ومن حممهـا دمـوع العيـن هطالـه
حاصرني اليـأس واستنفـذت آمالـي=وصار نصف العمر ضحكـه ومرفالـه
خزنـت مجموعـة ايامـي بغربالـي=صفّيت منها شعيـر الشعـر والبالـه
دوّنت امسي بصفحـة يومـي البالـي=في متحفـي بسمـة البـارح وموّآلـه
ذابت لهـا مقلتـي والشامـخ العالـي=تبعثرت في محيـط الصالـه اوصالـه
ريشي رحل بي وراحت روحي اطلالـي=مهد الصبى صورت الماضي وتمثالـه
زفيرهـا زمهريـره حـرّق ادغـالـي=غابات فيها الأسـد مفقـوده اشبالـه
سرقهم السمع سـاق التالـي التالـي=والسبـع سكـران مستسلـم لعذالـه
شاكي وشكواي في ضمـي وسربالـي=سرّي سرى في سكون الليـل مرسالـه
صورتها للمصـور صانـع امصالـي=قادر قـوي منتقـم والصبـر منوالـه
ضيقي مضيقي وضيف الضيق صومالي=جوعان جا عند ابـو زايـد بطربالـه
كـري وفـري وادبــاري واقبـالـي=كموجة المـوت سونامـي وزلازالـه

[فرزدق زمانه]

بدع الشاعر الكريم احمدالداودي



يا غافر الذنب يا رحمن يا فـرد واحـد=اغـفـر لـمـن جـــاءك وتـــاب


انا احمدك واشكرك ما لاح بارق وراعـد=وامـطـر عـلـى كـــل غـــاب


اعوذ بالله من الشيطان من كـل حاسـد=مــن شــر بـعــض الـــدواب


الصم والبكم ذي مـا تمشـي الا بقايـد=او تحـمـلـك فـــي الــركــاب


قال احمد الداودي ما همني كـل حاقـد=داخـــل حــشــاه الـتـهــاب


كلا ولا احمل زعل من اي صاحب محايد=ايـضــا ولا احـمــل عــتــاب


ما دام انا معتلي فى كـل قمـه مجاهـد=فـــوق الـجـبـال والـهـضــاب


ذي بي يقلد على العملاق مثقـف وناقـد=ولا بـيـفــصــل خـــطـــاب


يشتي يصلح لنفسه بين الابطال قواعـد=وهــــو ورا كــــل بــــاب


ماشي مكان بيننا لكل دسـاس وجاحـد=بــل عـنـدنـا لـــه حـــراب


وعندنا له رصاص من كل الاصناف وارد=مـيــري وحــمــرا شــــراب


وسيف بتار ابو حديـن محـدود حـادد=حــــده يــقــط الــرقـــاب


وعندنا له جهنـم زمهريرحـار وبـارد=ولــــه اشــــد الـعــقــاب


والآن يا هاجسي خوض البحور والموارد=وغـــــوص بـــحـــر الآداب


بحر الادب ذي بيشرب منه كل الاماجـد=مــن يـــورده مـــا يـخــاب


اما انت يا مرسلي لا انته معيا مساعـد=تــشــل هــــذا الـخـطــاب


تشل خطي لسلطان مـن لديـا وعـاود=واســـرع بــــرد الــجــواب


في الجود والمعرفه النـاس والله شاهـد=انــه وفــي فـــي الـصـحـاب


للموسمي عندنا تقدير لـه حـب زايـد=مــن كـــل شـيـبـه وشـــاب


اهده من العطر والريحان من صنف واجد=عـطــر العـبـيـر والــشــذاب


صحه من النوم قل له قوم لا كان راقـد=رش الــفـــراش والـثــيــاب


من احمد الداودي ذي ما وقف يوم معاند=ولا فـــي انــســان عــــاب


قل له قد الوقت يا سلطان بالخوف سائد=وفـيــه عـجـيــب الـعـجــاب


لا عند من يشتكي المظلوم من با يناشـد=مــــن الالــــم والــعــذاب


الانفصَالـي وردنـا سيلـه اليـوم وارد=دك الـحــجــار والـــتـــراب


وجالنا بالحيـل قـرون شيطـان مـارد=مــن بـعـد مــا كــان غــاب


في الجزيره والامبيسي يصـور مشاهـد=يــبــى يـثـيــر الـشـغــاب


ولا التشطر وولا عهـد بائـس وبائـد=ضـاعــت أمــالــه وخــــاب


وعاد معانا فئه فيهـا حرامـي وفاسـد=خــلــت بـلـدنــا خــــراب


كل ما دخل خزنة الدوله يخلـوه جامـد=يـــزوروا فــــي الـحـســاب


الشعب جاوع وهمه غارقين في الموايـد=مــنــدي وكـفـتــه كــبــاب


واين ما نقل سار حرامي عاد الفين واحد=مـثــل الــجــراد والــذبــاب


خلوا بلدنا ملان حيتـان بالشـر واعـد=حـيـتـان ســــاع الــذيــاب


في الشمال والجنوب مأساتنا في تصاعد=هــذا صحـيـح مـــش لـعــاب


يا موسمي قل لنا لا انته في الجيش رايد=اظــــن رأيــــك صــــواب


وجهة نظر طالبين منك على وضع راكد=خــلا الـولـيـد مـنــه شـــاب


ودي نسير في طريق الخير ذي فيه فوايد=مــش فــي طـريـق الـضـبـاب


الداودي ختم ابياته وجـا اليـوم وافـد=وفـــي طـريـقــه صــعــاب


وطالب الرد في اللآب تاب يراه المشاهد=يبـسـر شـمـوخ ايــش جـــاب


والختم صلوا على المختار يا كل عابـد=وآلــــــهِ والــصــحـــاب




الجواب من الشاعر سلطانالموسمي



الموسمي قال يانفسي عشقـت القصائـد=وبــدعــهــا والـــجـــواب


في منبر الوحده الشامخ بسود السواعـد=فـتـحــت لـلـشـعـر بــــاب


لقيت في واحـة المنبـر ثلاثـه مـوارد=وضـــرس قــاســي ونــــاب


وبحري المضطرب من قمتـه للقواعـد=بـالـمــد والــجــزر طــــاب


في ساحله قيد ابو حلقه وسبعـه مـراود=ومـــروحـــه لــلــذبـــاب


والصارم الهندي البتـار ذو حـد واحـد=جـاهــز لـقـطــع الــرقــاب


والساع يا مرحبا من إب لا حصن حاشـد=ومـــن عــــدن لا وصــــاب


بالداودي ذي وصل بدعه مشكل وفاسـد=يـنـعــق نـعـيــق الــغــراب


عجوز في عامه التسعين مشلـول قاعـد=عـلــى فــراشــه مــصــاب


هذه حقيقـه حقيقيـه وعنـدي شواهـد=تـثـبـت وجــــوب الـعـقــاب


با عاقبك واسجنك في حبس منه فوائـد=وكـســب بـحـبـسـك ثــــواب


ياذي صنعتـو منابرفـي صدورالمعابـد=ولا مــعــاكــم كـــتــــاب


شهرين في العاصمه صنعاء مصلي وعابد=وعــــام كــامــل غــيــاب


مره مع الكنجرس واقف ومـره محايـد=وشـهــر مــثــل الــســراب


الا متـى ياسناجيـب الملـل والعقائـد=زلــــج عـمـركــم ســيــاب


هذه بلادي وحبـي لليمـن حـب خالـد=مـــن حــبــه الـجـســم ذاب


مهد العرب منبع الحكمه بـلاد المساجـد=ومـــوطـــن الانــتــخــاب


هذا خرج فصل والثاني مجمّـد وجامـد==سـيـطـر عـلـيــه الـضـبــاب


ياصاحبي في جنوبي يا حـزام الشدائـد=يــــا وسـلـتــي لـلـصـعـاب


حما علـى شاربـك لا تستمـع للمكائـد=الـوحــده اكــبــر صــــواب

[فرزدق زمانه]

الغدر)قصيده تحكي قتل الملك والفارس الهمام كليب ابن ربيعه


سخن معـي ياقصيـر البـاع والنضـره=يافكر ممقـوت مضلـم مايحـب النـور
بالهمـز والظـم والتشديـد والكـسـره=عاد المسافه طويلـه والجمـل مكسـور
ساري سرى الليل حتـى تبـزغ الزهـره=نشرب نبيذ الأدب من حرفـه المخمـور
على ظفـاف الصحـب نتبـادل السمـره=وذكريات الـذي تحـت الثـرى مقبـور
كليـب تـاج الكرامـه واسـع الشهـره=اكبر مثل في حمى حرمـة حمـام الـدور
وتضحياتـه مـع انسابـه بنـي مــره=عمل لجساس من صيته شنـب معصـور
وزارت الحـي شيطانـه لـهـا قــدره=في عالم الزوبعـه والشـر والمحضـور
ودارت ايـام والحاكـم علـى قـصـره=القصر ذي بالعسـاره والكـرم معمـور
وحولـه الـزرع والبستـان والخضـره=ومـن عظـام النمـاره طوقـه بالسـور
حوش الملك خاص بالحاكـم وبالأسـره=قـرار وافـق عليـه العقـل والدستـور
دارت براس البسـوس الفاسـده فكـره=وصادف الحـظ ناقـه ساقهـا مأجـور
وزاد عفـو الملـك مــرّه ورى مــرّه=وحط ياقوت حارس مـن صبـاح النـور
وقال من اجـل يرضـي خاطـر الخبـره=شلـو بناقتكـم الجربـا جمـل معشـور
وصاح جسـاس بآخـذ بالجمـل بكـره=وخاتم الحقد فـي كـف الكبـد محفـور
خان الاخا والصحب والعيـش والعشـره=والناس لااليوم تضرب به مثـل مشهـور
وجا برمـح الخديعـه مـن قفـا ظهـره=وحمرة الشر في بيض الوجـن محشـور
وصـاح انـا قاتلـك واحتارفـي امـره=انا وراك التفـت لـي دور نحـوي دور
ضحك وقهقه بصـوت القهـر والحسـره=والصقر ذي كان واثق به طلـع فرفـور
هيهات عادك جسيـوس خفـف الهـدره=انا لخمسين فارس وانـت لـك جحـدور
طبع الفوارس تواجـه ساعـة العسـره=خصومها ماتجي شي من قفـى الطابـور
وهز جساس رمح الغـدر مـن خصـره=هـزة ثعيـلان حـرك ذيلـه المبـتـور
وحصحص الحق والباطـل حفـر حفـره=بضهر من كان في بحـر النقـى مغمـور
وفـر جسـاس وابليسـه مكـر مكّـره=ودم فـارس ربيعـه بالثـرى منـثـور
قال اسقني يا ولـد عمـي ولـو قطـره=لا اموت عاطش ودمـي بالخـلا مهـدور
كنت احسبك نصرتي في ساعـة النصـره=من اجل ناقـه تركتانـي جمـل معقـور
ياراعـي اغنـام قومـك مـد بالـجـره=اروه ظمى صقر صاده بالغلـط عصفـور
وصيتـي مـن دمــي بلله ياصـخـره=بالحـق فلتشهـدي لا تشهـدي بالـزور
لا جالش الزير خـوي شـارب الخمـره=والسيف ذي عاش في غمد الخلا مهجور
وحش الفلا والفيافي عـاش فـي وكـره=حيث الأسود الضواري تعشـق الديجـور
الزيـر سالـم رفيـق الليـل والقـمـره=وفي عيـون الغوانـي والمهـا مسحـور
يـدب فيهـا دبيـب النـمـل والــذره=بوادي البعـد ذي مـن دمعهـا ممطـور
لا عسعس الليل تصحى الشمس من صدره=وينهض الفجر في عـز الدجـى مجبـور
في عالم التضحيه صابـر علـى صبـره=ونال من طيب طعمـه حضـه الموفـور
يعزف بلحن السهر فـي مسـرح القفـره=مقاطع الجرح ذي مـا شخّصـه دكتـور
وصيتي واضحه عشـره علـى عشـره=ماحد من المـوت لا هـارب ولا معـذور
وصار ما صـار والشـر انتشـر شـره=لاوين لا ويـن ياهـارب مـن المقـدور
وفـي ختـام القصيـده تولـد العـبـره=يستنتجوهـا عقـول الشعـر والجمهـور
والبحـر يهديكـم الياقـوت مـن قعـره=والمـاس والـدر والألمـاز والكـافـور
وفي نسيـم الأدب يوصـل لكـم شكـره=ومن وصلنـي جوابـه يعتبـر مشكـور
في ساحة الشعر والمشغـول لـه عـذره=وعن طريـق المكينـه نعـرف البابـور
وازكى صلاتـي علـى المختـار لاقبـره=مارتلـو مـن تبـارك والقلـم والطـور

[فرزدق زمانه]

نبيـذ البنفسـج!, جفّفّـه مبسـم الشفـق
ورمشه ثمل.. يرقص على شاطئ الغروب
سنيني تقمّصهـا!! وذابـت لـه الحـدق
وروح الأمل يختال فـي خافقـي طـروب
وفي ضرف حاني ,, حن لي واقعـي ورق
وطارت هموم الأمس من ساحلي سـروب
تبسمت في وجه الأفـق,,, بينمـا الحنـق
بوجه الجفا,, والضيم ,, ضاقت به الدروب
وهرولت نحو البدر!! في موكـب الغسـق
احث الخطى .. ساري على صهوة الخطوب
تراكـم سحابـي حـب.. والغانيـه "ودق"
على عشب شوقي واشتياقي لهـا يـذوب
معها نسيت القـرش,, والقهـر,, والأرق
وجرمل مضلّع,, كنت انا ارمي بها سنـوب
مجرد بشر !؟ محبوس. والقيد ابـو حلـق
قهر حيد عمره ما تقهقـر مـن الحـروب
رخامي,, حمامي,, بلسمي,, شاقني, وشق
تبعثرت فـي عينـه,, وظمتنـي الكعـوب
وحسبي من الأوصاف,, سبحان من خلـق
وسلمـت امـري للـذي يغفـر الذنـوب

[فرزدق زمانه]

السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
اما بعد

الموضوع حجمه كبير والشاعر عباره عن مجموعة احساس ومشاعر
يعبر عنها حسب احواله النفسيه
ونضرا لانه لا بد من التعبير عن الموضوع اخترت عنوان المقطوعه

(( مـــــــا حـــــــيلتي )))






ماحيلتي؟؟ سلطان والعرش مهـدود
ياصبحي المفقود فـي ليـل بغـداد
باجود بالموجود,, لّيامـي السـود
واحيا بروح الأمس. رامي وعـوّاد
مدينة المنصور شاهـد, ومشهـود
ونهر دجله سال في خـد الأعيـاد
دخل بها التاريخ في درب مسـدود
سنينها تخرج مـن المـوت ميـلاد
ذات الملاحم,, محرقة كـل نمـرود
جنكيز, هولاكو, وبوش ابن موساد
استيقظت في سوق نوري, ومسعود
مكبلـه بالـذل والعـار تنقـاد
تنادي العربان,, والصوت محـدود
يادولة المليـار!! يـا امـة الظـاد
فكو قيود المعتقل, فـارس الجـود
قال المثل , فرصه ولا الف ميعـاد
سياجها منسوج. حاسد , ومحسود
والشجب والتنديد,, عاد الهوى عاد
والمشنقه في كف صـدام, عنقـود
استطيبه, في عالم الشـرب والـزاد
وعنقه الملفوف! شامخ ومشـدود
لفه على عنق المشانـق والاصفـاد
بقوة البركـان باقـي و موجـود
لازال في ضهر الخون سوط جـلاد
ابن العراقيه,, على الذود معهـود
فرسانها في كوكـب المـوت رواد
من العراق الفرس,والروم مطـرود
ومن دول مجلس عديميـن الأمجـاد
والخوف من خلف الملك ذيل ممدود
بالسمع والطاعه على روس الاشهاد
يا مرتزق زرعك وان طال محصـود
والنصر في وديانها ظـارب اوتـاد
سود المنايا حولها حـوض مـورود
شرابها يروي ظمى سـود الاكبـاد

[فرزدق زمانه]

السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
والمعذره يا شباب على الغيبه
وخذو مني هذه القصيده القصيره كهديه وهي من ستشرح لكم اسباب غيابي
في ذات ليله نامت احلامي !على صدر السبات والصبح في صدري؟خيوطه من خيوط العنكبوت
وعن كثّب,,, لملمت نفسي تحت سقف الامنيات وحرفي الملهم مكبّل في زنازين السكوت
همست في سمع الصمم!!حاولت صنع المعجزات والعمريخلق موت.,,والخلاّق وحده لا يموت
يا ليتها ما نامت احلامي ..وسآبتني ابآت احلم..وصال (احلام),والرحله تفسّرها الخبوت
دعجا,,رشيقه,,مرهفه..لكنها غير البنات فاقت محاسنها محاسن كل ستات البيوت
بقوّة الفولاذ كنت اجمع بها شمل الشتات وفي خظّم البحر ,,, كنا نجتمع عنبر..وحوت
غازلتها,,, داعبتها,,علمتها.معنى الثبات ترشف من الماظي !!وتصنع من طعام اليوم قوت
في خدرها المفقود!! كنت اقتات بالعزه فتات ومن نسيج الفقر..,كنت البس لها مقطب وكوت
وذات ليله ..راودتني ,بينما كنا فوات وحينها كانت حياتي طعمها حنظل,,وتوت
استدرجتني في غيابي!!تاه بي سحر الشفات وكلما لآحت لي الفرصه اعانقها تفوت
مع تحيات ابو زايد

[فرزدق زمانه]

إن شاء الله أعود لاحقاً وأكمل إنزال الدايوان