طه الأشول
12-07-2010, 07:02 PM
الوحدوي قال من راد العلا ينطح=ومن يبا المجد لا يخشى فراق الروح
من حق من فالوصايه نحوها يطمح=كحق من يقتبر في صالب السحسوح
ومثلما له عليه ان جاد والا شح= يربط وفاها في الجبه او القحقوح
من لم يذوق الخساره ما جنى المربح=ولا غُرق من تمسك في سفينة نوح
وان غدرت اوتركب جاهم المرّوح=ضاقت حلقها وبات الهش في دردوح
وان هي عوافي من النخفور لا يقرح= ماهي سهاله يجاريها وهومبطوح
كم قد جربنا وشفنا فيهم القي ..قح=وكم بمجهر فحوصي بين الملقوح
أخذت واعطيت بالقيفان متسلح= ذي قد رحمته حفرت القبر للصرموح
مجررد ابدي عليهم في سياق امزح= يغتاضو الناس وامسى هاجسي مقبوح
مثلت فيهم كما التمثيل عالمسرح=وفقاً لما يقتضيه الشرع والمسموح
لا مثلما السنبله يوجد ولا يفلح= شاعر امام الذي يملك زمام البوح
لو قال من قال ما هميت من يمدح=دام ان ريشة حروفي سيطرت عاللوح
عيون الأعداء من الباطل بقت تدمح=واكبر شنب في خصومي هاجسه مكبوح
والوزن قد بان والميزان قد رجح= من قارب الكير يبقى صابره ملفوح
ماحدسلم من لضاهاكل من يئجح= لو هزبطنه يجدها موقره دحدوح
ان رادو السلم يا عيباه لو مجنح=وانرادو الحرب يبقى بابها مفتوح
لخالي الفضل والجوده لها سلكح= ذي عاشت الناس وافرزاده المملوح
عجائب الدهر لا عد عيب والا استح= قد الحيا قل فالمادح وبالممدوح
من دون كبار هات العيد با نذبح= جازو بذبح الفريضه عُور والمنطوح
كم قد نصحنا ولكن عند من تنصح= والنصح ما ينفع المغرور والمشلوح
سمعت شاعر من المحراب يتنحنح= شبيه طائر حبيس العش او مجروح
حاولت ناديه عله يوم بايصدح= يغيب فتره وظنيت ان قده مذبوح
واحيان كالليث باب الشعر يتشبح= وله تحفظ تنكر منها المبحوح
يا مرسلي خذ لطه المسك ذي ينفح=وبدع لا فيه لا شائب ولا مقدوح
يهل وان ما تهلهل قل لطه اطرح= من دون تشهر عليه القاطع المصفوح
الا أذا قال منها لا واتبيجح= قطعت راسه وسيبه فالرحا مذلوح
ختمت الأبيات والهاجس سلي يمرح=ختمتها والقوافي دوح يدكع دوح
جواب طه الأشول
قال ابن الشول هلا بالمسك ذي ينفح=وبدع مافيه شائب بس به مقدوح
حوت فصوله بذي يصلح وما يصلح=وصوت من داخلك ياوحدوي بينوح
من غيلي اللي بعذب القافيه يسفح=بسقي سبولك وطفي كيرك المنذوح
برقك ورعدك وأمطارك وسط مقلح=والسنبله زرع يدك إجنه المربوح
لكن جهشها على الصخر الذي أفلح=وساعدك بان وسط الهده المتنوح
حبوبها قرمطه والكره فيها فح=وتعبئه خاطئه للجوع والمشلوح
سياية الحقد والتأجيج ما تربح=يثير بركان يدفن عزها الممسوح
أنياب للبغض ما نرضى ولا نسمح=وقتل هابيل للقابيل مش مسموح
نشتي مناعه نصك الباب بالمرزح=يعيش مكروبها في ضلمته مفضوح
والكير مادري بأيا وجه لا يلفح=ولا بدا لي من الراضح ومن مرضوح
كان التعادل مسيطر كل من صبح= صبح غريمه ولا بين بها مرجوح
والكل أعلن بما في داخله وافصح=وبين سود السوايد نهمل الجحجوح
لكن عجايب نسيت البيه بالمسرح=في إيه يابيه ذي خلا دمك مسفوح
في حل عني بها تنح وكم لمح=وأنت ما تفهم المفهوم والملموح
والحق انا اشهد بإنه جرملك يقرح=قارح مدوي وحرفك بالقمم منضوح
باقولها ونت عقب بالأمانه صح=ولا خطا بين قوسين ارقم التصحوح
أرهقتهم من عرق سحلول ذي شرح =شرح سبوله وكيره ونت ياتمزوح
والكوكباني ثلاثه بالنغم تصدح=يلحنوها سوا والوحدوي مشبوح
وانا بدوري أبد والله ما أطرح=والأشوله عايشه بالناصيه والروح
أنا على العاديه وانفاسها تضبح=أغير صبحا ويجفل مني المرموح
والموج عالي ونصحي الحذر تسبح=والحلم لا تحلمه عودة سفينة نوح
باب البلا قافله إنك تبي يُفتح=فتحت باب العزا ولا بقي مرزوح
فهمت قصدك وهوجاسك ومايشرح=ما عاد باعيد أو أشرح لك المشروح
لكن بيتين خلت هاجسي يجمح=ذي قبل ختمك سللت السيف يالطحطوح
ما قد تبيجحت واكره خصلت البيجح=لكن شبيه النمر لصبح بها مجروح
لا حلقت أو حمت غرمي بها يسرح=ون أشرقت وانورت عطري بها بيفوح
والختم صلي على احمد اذكره تنجح=صلاه تغشاه عد الحمد والتسبوح
من حق من فالوصايه نحوها يطمح=كحق من يقتبر في صالب السحسوح
ومثلما له عليه ان جاد والا شح= يربط وفاها في الجبه او القحقوح
من لم يذوق الخساره ما جنى المربح=ولا غُرق من تمسك في سفينة نوح
وان غدرت اوتركب جاهم المرّوح=ضاقت حلقها وبات الهش في دردوح
وان هي عوافي من النخفور لا يقرح= ماهي سهاله يجاريها وهومبطوح
كم قد جربنا وشفنا فيهم القي ..قح=وكم بمجهر فحوصي بين الملقوح
أخذت واعطيت بالقيفان متسلح= ذي قد رحمته حفرت القبر للصرموح
مجررد ابدي عليهم في سياق امزح= يغتاضو الناس وامسى هاجسي مقبوح
مثلت فيهم كما التمثيل عالمسرح=وفقاً لما يقتضيه الشرع والمسموح
لا مثلما السنبله يوجد ولا يفلح= شاعر امام الذي يملك زمام البوح
لو قال من قال ما هميت من يمدح=دام ان ريشة حروفي سيطرت عاللوح
عيون الأعداء من الباطل بقت تدمح=واكبر شنب في خصومي هاجسه مكبوح
والوزن قد بان والميزان قد رجح= من قارب الكير يبقى صابره ملفوح
ماحدسلم من لضاهاكل من يئجح= لو هزبطنه يجدها موقره دحدوح
ان رادو السلم يا عيباه لو مجنح=وانرادو الحرب يبقى بابها مفتوح
لخالي الفضل والجوده لها سلكح= ذي عاشت الناس وافرزاده المملوح
عجائب الدهر لا عد عيب والا استح= قد الحيا قل فالمادح وبالممدوح
من دون كبار هات العيد با نذبح= جازو بذبح الفريضه عُور والمنطوح
كم قد نصحنا ولكن عند من تنصح= والنصح ما ينفع المغرور والمشلوح
سمعت شاعر من المحراب يتنحنح= شبيه طائر حبيس العش او مجروح
حاولت ناديه عله يوم بايصدح= يغيب فتره وظنيت ان قده مذبوح
واحيان كالليث باب الشعر يتشبح= وله تحفظ تنكر منها المبحوح
يا مرسلي خذ لطه المسك ذي ينفح=وبدع لا فيه لا شائب ولا مقدوح
يهل وان ما تهلهل قل لطه اطرح= من دون تشهر عليه القاطع المصفوح
الا أذا قال منها لا واتبيجح= قطعت راسه وسيبه فالرحا مذلوح
ختمت الأبيات والهاجس سلي يمرح=ختمتها والقوافي دوح يدكع دوح
جواب طه الأشول
قال ابن الشول هلا بالمسك ذي ينفح=وبدع مافيه شائب بس به مقدوح
حوت فصوله بذي يصلح وما يصلح=وصوت من داخلك ياوحدوي بينوح
من غيلي اللي بعذب القافيه يسفح=بسقي سبولك وطفي كيرك المنذوح
برقك ورعدك وأمطارك وسط مقلح=والسنبله زرع يدك إجنه المربوح
لكن جهشها على الصخر الذي أفلح=وساعدك بان وسط الهده المتنوح
حبوبها قرمطه والكره فيها فح=وتعبئه خاطئه للجوع والمشلوح
سياية الحقد والتأجيج ما تربح=يثير بركان يدفن عزها الممسوح
أنياب للبغض ما نرضى ولا نسمح=وقتل هابيل للقابيل مش مسموح
نشتي مناعه نصك الباب بالمرزح=يعيش مكروبها في ضلمته مفضوح
والكير مادري بأيا وجه لا يلفح=ولا بدا لي من الراضح ومن مرضوح
كان التعادل مسيطر كل من صبح= صبح غريمه ولا بين بها مرجوح
والكل أعلن بما في داخله وافصح=وبين سود السوايد نهمل الجحجوح
لكن عجايب نسيت البيه بالمسرح=في إيه يابيه ذي خلا دمك مسفوح
في حل عني بها تنح وكم لمح=وأنت ما تفهم المفهوم والملموح
والحق انا اشهد بإنه جرملك يقرح=قارح مدوي وحرفك بالقمم منضوح
باقولها ونت عقب بالأمانه صح=ولا خطا بين قوسين ارقم التصحوح
أرهقتهم من عرق سحلول ذي شرح =شرح سبوله وكيره ونت ياتمزوح
والكوكباني ثلاثه بالنغم تصدح=يلحنوها سوا والوحدوي مشبوح
وانا بدوري أبد والله ما أطرح=والأشوله عايشه بالناصيه والروح
أنا على العاديه وانفاسها تضبح=أغير صبحا ويجفل مني المرموح
والموج عالي ونصحي الحذر تسبح=والحلم لا تحلمه عودة سفينة نوح
باب البلا قافله إنك تبي يُفتح=فتحت باب العزا ولا بقي مرزوح
فهمت قصدك وهوجاسك ومايشرح=ما عاد باعيد أو أشرح لك المشروح
لكن بيتين خلت هاجسي يجمح=ذي قبل ختمك سللت السيف يالطحطوح
ما قد تبيجحت واكره خصلت البيجح=لكن شبيه النمر لصبح بها مجروح
لا حلقت أو حمت غرمي بها يسرح=ون أشرقت وانورت عطري بها بيفوح
والختم صلي على احمد اذكره تنجح=صلاه تغشاه عد الحمد والتسبوح