ديوان شاعر الشباب وليد المصري

[alymany]

بــــدع شاعر الشباب وليــــد المصـــري
قال اخو قيس يافـوج النسايـم تمهـل=واعطني فوح من نود الزهور الحسينـه
واسقني من طشاش المزن لاقـد تبلـل=كوكب الارض حن تهمل عليـه الزنينـه
هات لي هات فالهاجس نوى اليوم ينهل=بالقوافي من اعماق البحـور الرصينـه
مذهب الجـود ذي مامنـه الجيـد ميـل=والوفي لـه تليـن الشمخـات الزبينـه
هكذا الجـود والعـادات ماجيـد يفسـل=لاولا الفسـل مثمـار الجمالـه تزينـه
والادب ساحته عضمى ومن شلها شـل=بالجـداره ولا بالعنجهـه والضغيـنـه
فالاديب البطـل عـن موقعـه ماتبـدل=كالاسد يحكم الساحـه ويحمـي عرينـه
يدعم الجيل والناشىء ابـد مـا بيغفـل=عن قدومـه وتشجيعـه ودومـا يعينـه
هكذا واجـب القـدوه وماضـن يهمـل=ذا الطلب عند منهم حاكميـن السفينـه
ذاخرج فصل والثاني على الفـور ينقـل=باحدث النت عبـر المنتـدى والكبينـه
يا رسول الفتى المصري قدك خير مرسل=وصـل القـول للغالـي وقبـل جبينـه
مسعد الشهم ذروة شهم من اّل الاشـول=فارس الحد صمصـام الحيـود المتينـه
جبة الورد والريحان مـن كـل مشتـل=في ربوع اليمـن كامـل مدينـه مدينـه
واهده العطر بأعلى ماركـه قـد تسجـل=واسـأل الله للغالـي يبـارك سنيـنـه
قدر منـي لمـن يستاهـل القـدر الاول=ذي انوفـه تعانـق للسحـاب الزكينـه
قدوة الشعر مصباح الادب حيـن يشعـل=شاسع الصيت مقدام الحصون الحصينـة
انتهى فصل والثالـث بحرفـه تسلسـل=يشرح اوضاع يستفسر بزينـه وشينـه
هيكل الشعر متذبـذب وموجـه تكنسـل=وايش الاسباب يا ارباب العقول الفطينة
كان(مخلد)ملـك للشعـر وايضـا تكفـل=باهتمامه لقول النشئ فـي كـل حينـه
ارتقى الشعر في عهده وفي كل محفـل=كان للشعر مقـداره ولـه الـف زينـه
وانما الان يا قهري من الوضع ذي حل=وضع يجبر فؤاد الحـر يصـدح انينـه
ساحة الشعر معجونه ومـن جـا تبلبـل=والملحن بلحـن اهـوج يـدوي رنينـه
كل شاعر حسب نفسه شبيـه المهلهـل=واصبحت شهرته من ما معه في الخزينه
وان اتاهم قلم ناشئ ولـو كـان بركـل=يستخفـو بقدراتـه وينهـو شنيـنـه
ترجم الوضع يا مسعد وقل ما هو الحـل=ام هو الوضع عندي جا بصوره حزينـه
ياسياج الادب والتاج والصقـر الاحجـل=قلب اخو قيس من وضع الادب يا حنينه
قد سألتك بحكـم انـك محنـك ومحتـل=قدر عالي وتعرف في الامـور المبينـه
وانما لم فقل قد عقل اخو قيـس مختـل=والجـوارح تحركهـن بجسمـه مكينـه
منتظـر ردك الشافـي ومنـي تقـبـل=بالتحيه وعود اصلـي يصلكـم طحينـه
والصلاه تبلـغ المختـار طـه المجلـل=صفوة الخلـق ذي نـور لبقعـا بدينـه
جـــواب الشــاعر القدير ابو محمد الاشـــول
ابـدع القـول بسـم الله والله اسـئـل=ستر الاحوال في كل الامـور استعينـه
ذي رفع سبع في ستـه وقـدر وفصٌـل=كوٌن الكون وانشئ خلق من اصل طينـه
قال اخو غالب البدٌاع مرحـب ومسهـل=ضيف غالي وصل لا فوق رأسه وعينه
مرحبا الاف في خو قيس ما شن واهمل=في قدوم الفتى جانا الفـرح والسكينـه
في وليد الوفا والمجـد لا يمكـن ابخـل=كيف واهله لعـرش المجـد متربٌعينـه
رحٌبي يـا عناقيـد العنـب والسٌفرجـل=وانت يا وادي امريكـه بنخلـه وتينـه
وانت رحب معي يا ساجي الطرف الاكحل=يامن القلب له عاميـن عنـدك رهينـه
فرٌش الورد ذي تروى غصونه من الطٌل=حب واكرام لا تبخـل بقطـف الجنينـه
وانت يا هاجسي طلع من النوع الافضل=خل ذي فوق موج البحر واغرف معينـه
لا يجف القلم واصبـح كلامـي مخلـل=بعدمـا جاتنـي منـه جواهـر رصينـه
وانت يا مرسلي سرعه مع الفوج الاول=لا تأخر عليـه ارجـع جوابـي بحينـه
رش بالورد رأسه والقميـص المفصٌـل=والشٌمطري وعطر العود من خير عينـه
ما اقدر اوفي وليد الصدق ميزانه اثقـل=في صراحه وذا اول دور بينـي وبينـه
انما با نحـاول مـا يناسـب ويسهـل=في بلـد خلٌـت الانسـان تابـع قرينـه
خلٌت المفتهن حيـران والحـاذق اهبـل=نستمر في الخطأ رغـم اننـا عارفينـه
البلد طيبـه لاكـن بهـا جنـس منحـل=عنصريـه وتحكمهـا عصابـه لعينـه
خلٌت الروس والالمان مـن بطشهـا ذل=والعرب في دفاترهـم تسمـى الامينـه
فضٌلوها على الاردن وبيـروت والتٌـل=للسياحه وارض القـدس منهـا حزينـه
خلٌت الشرق مستسلـم وشعبـه مكتٌـل=عادها عايزه ضـرب الحـرم والمدينـه
كيف يهنـا لهـم هـذا وبغـداد محتـل=للاسف واهلهـا كانـو حمـاة الظٌعينـه
واليمن شعبها عايش في الدرك الاسفـل=عـاد بـاب النفـس حكٌامهـا قافلينـه
مامع الشعب غير القات سهـره ومقيـل=هكـذا بدهـم ينسـى حياتـه وديـنـه
علقم السم من اسرائيـل يأتـي معسـل=بالهنا والشفـا رشـو عليهـا طحينـه
اعتنو فيه والاطفال مـن غيـر مأكـل=اتقوا الله فـي الاطفـال يـا زارعينـه
اين راح العنب ذي كـان فيهـا مشكٌـل=اين حب الذره ذي كـان يمـلا جرينـه
اه مسكين هذا الشعب كـم قـد تبهـذل=كلمـا راد رفـع الظلـم طالـت سنينـه
ناصف القرن والشاوش مـا قـد تبـدٌل=ذي في البنـك والمخبـاه ماقـد كفينـه
ذا خرج فصل والثانـي بيأتـي مفصٌـل=عندما يحتكـم ميـزان جيمـي لسينـه
صح ما قلت يا خو قيس بو لوزه ابـذل=في عطا الشعر وافلح في رضا عاشقينه
لـو دخـل معركـه كبٌروشهٌـد وهلٌـل=كان ينزل على المسؤل وامسى سجينـه
لاكن الصٌمبحـي ذي وقٌـد النارواشعـل=هو وابو قيس غذوها بكم مـن سمينـه
راح ابو لوز والشعٌـار تأتـي وترحـل=تحت حكم القدر طيٌـات شعلـى وزينـه
والملحـن عمـل مشـوار غنٌـا ومثٌـل=لاكن اشخـاص كانـو بالخفـا مالكينـه
كم طلبته وله رسلت كـم مـن مسلسـل=اهملـه واستلـم كـل الـذي دافعينـه
والنهايه تريد الحل مـن عنـد الاشـول=كيف وانته وانا نعجن بنفـس العجينـه
انما الجيد ذي يعفي ويصفـح ويجهـل=فالامـور التـي تأتيـه مـن حاسدينـه
انت ذي با تظلٌي راكب المهـر الاحجـل=هكذا رأي بـن الاشـول وهـذا يقينـه
ختمها في رسول الله مـا ظـم واسـدل=كل عابد مـن اصحابـه ومـن تابعينه

[alymany]

بدع شاعر الشباب وليد المصري بذكر الاله الحي با ستفتح المقال =فلا خير في اقوال من دون بسمله
لك الحمد يا منان يا مرسي الجبال =ويا خالق ابن آدم ورزقه تسهله
لك الشكر ما اتنطق لساني بالامتثال = لذكرك وقرآنك بلذه يرتله
واسالك تجنبي سُبل تجلب الضلال = فلاغيرك أترجى ولاغيرك اسأله
ومن بعد يا لهاجس من المورد الزلال =تسقي حروف الشعر واروي مناهله
يقول الفتى المصري قدا صفوة الرجال = رسولي قم أتجهز وقولي توصله
تصل حصنه الشامخ ذي اركانه الطوال = تعانق نقم صنعاء وعيبان تعدله
مرسي في الزاهر وبه يضرب المثال =ويشهد له التاريخ دوله وقبيله
ابو يوسف المشهور ذي لاشعر وقال = يغذي عقول الناس من نظم بركله
ولا يعرف التلفيق والزيف والجدال = ولاقد نزل ساحه عبر كل مرحله
ويامرسلي وصل حروفي وعطر عال = وباقات ورد اعطه وريحان تهد له
وقله لمه يااحمد بخلته في السوال =عن الاصدقاء دوما بدون أي مشكله
فيا هل ترى الهاجس عصى امركم ومال = ام الجو متعكر والافكار مُشغله
ولو شي غلطنا او حصل زفرة انفعال = فانا مستعد ارضيك والحق نحمله
ترى مجلس الشعار مهما حدث سجال = وجولات للباله وجولات زومله
بدون انتقاد الحرف يبقى به اختلال = ولو أحرف الأبيات نيران مُشعله
لذا نحن في حاجه لكي يُفتح المجال = أمام الجميع الآن ساحة مبادله
وتحفيز للشعار من اجل إصتقال = مواهب بذا المجلس على طول مُهملة
وجودك يمثل لي وللمجلس احتفال =وللشعر والشعار ميزه مجللة
فعن ساحتك أرجوك لاتقطع الوصال =فما خاب ظني فيك في أي مسألة
مكان البطل شاغر ولا حل فيه حال =فما غير أبو يوسف أحد سوف يقبله
وحبل الصحب واثق وفعلا من المحال =نسهل بود الجيد صُحبه مأصله
وللجيد با شكل في الراس سنترال =محطات مفتوحه وبالقلب بوصله
خُتم جزء من بدعي وباقيه لايزال =يعبر عن الاسلام ذي جُنده اخذله
فؤادي يعيش الضيق والفكر بنشغال =من الحرب ذي يحدث والاخبار تنقله
فهل ياترى واقع ام انه من الخيال =ام الدهر ترجمها بقصه مسلسله
فلسطين ماسوره وبغداد في قتال =ولبنان والصومال أمه مجندلة
وقادتنا تزهوا في الشال والعقال=وابن العروبه مات في وسط منزله
فهل من بنو خالد وحمزه ومن بلال =نساء العرب تولد ام البطن مُقفله
ويا قهر اخوراجي من القاده الذلال =ذي امر العروبه عندهم صار مهزله
وفي الختم باصلي على صفوت الكما ل =من الله اختاره بدينه ورسله
جواب أبو يوسف احمد الحميقاني تبديت بسم الله عالم بكل حال =وعلمه مُحيط الخلق والكون يشمله
يرى النملة السوداء وسط ظُـلمة الليال=على الصخر لسود حين تقبل محمله
كريم العطاء والجود والفضل والكمال=سميع الدعا لا قد دعــا العبد يقبله
ومن تاب واستغفر من الذنب و الضلال=تجاوزعن اخطاءه وذي عاده امهله
قبظنا حباله ما لنا غيرها حبال=وما حد لنا غيره في الضيق نسأله
ومفتوحه ابوابه لمن وجه السوال= وأبواب غيره بالمغالق مقفله
له الحمد ذي يرضيه مرخا المطر وسال=و ما تورق اليابس قفا الجَدب وسبله
أبو يوسف احمد قال. ياهاجسي تعال= وجاوب على لقوال. ذي جات مرسلة
قوافي كما لميال . ما تحمل الميال=بعثها فتى رجّّال . واضح مفصله
علي الراس فوق الشال. حطيتها مثال=وزينة علي غترة جديدة مذبّلة
ويوم السعادة لاقد الضيف بالحلال =فرشنا القُطف والورد جبناه قدر له
ولبّوا رجال العز في ساعة الوصال =وداسوا على اعناق الكباش المذيـّله
وبعد الغداء شاهي وكاسين برتقال=وكاسين اخرى من عصير الفراوله
وسينا المداكي في يمنه و بالشمال=وقاته مُجهز والمداعة مبدّلة
ونا ظيفي المصري ولد طيب الخصال= ومن بيت ونعم بيت جودة ومعقله
ومن كان ضيفه مثل هذا فلا مجال= يأخر عليه الرد ولــّا يماطله
وخو قيس عندي مثل فارس بني هلال =أبو زيد لا قبل فوق غراء محجّله
بعث لي درر ولآن ما كاله استكال=يخذ مثلها ما عاد حاجة نأجــله
تفضل جوابك ياالله انه يقع قُبال=ويأتي موفـّق طبق ما الكل يأمله
تسلني وتتنشد لماذا الغياب طال=وعندك خبر بالتالية. هي و لاوله
عزيزي راينا ها بدت لعبة العيال =ولعبة بلى ناموس زمله وهوجله
ولا ضهر بن علوان ياطعن بالنصال=وكلا يحنجل .و(واول العب حنجله)
وقلنا اعقلوا والعقل مكسب ورأس مال=كفى (صحت السانك) وهرج المجاملة
نصحنا ونا دينا ولكن كما يقال=مأذن بجنب أدرن مشقة وبهذله
وتالي رحلنا مثل من شدوا الرحال =قفا ما أختلط حب الذرة بالسنيسله
وما حد غـُلط في حق الف حاء ميم دال=ولكن غَــَلط في إرث موطن باكمله
ورثناه عن أجيال . كانوا كما الجبال=ولولا القوافي ايش ذي كان وصّله!
وهو مفخرتنا ساعة السلم و القتال=إذاما افتخر عامر بشعره وحنظله
وواجب علينا بالزوامل وبالسجال=بصورة تشرفنا إلى الغير ننقله
وعن! رجعتى مابوعدك لكن احتمال=متى ما صبحت للشغل خطة وجدوله
وعن هاجسى ! باقي مكانه ومااستقال=كما الهيج يهدر والعدل فوق كاهله
وما عن الاوضاع يلعن ابو رُغال=رحل بعدما ربى على المكر عائله
والاف بعد العلقمي مثلما جلال=ونورى وطارق لو ضربنا لك امثله
أيادي عملية واقفة تسند احتلال=دُمى في يد الغازي وما قال تعمله
واوباش أُخري تشتغل من وراى الجوال=وتزرع فتن وتثير فوضى وبلبله
وكلا حسبها باتقع سهلة المنال=وفي ظرف ساعة با يصل ما تخيله
ولكن غُلط وانته. ترىالحول كيف حال=وكيف اصبح الطبّاخ للسم آكله
تورط بها والنصر ذي يأمله محال =ولاعنده القدرة يحل المعادله
وأما فلسطين الأبيه فما تزال=تقدم لنا أروع صور بالمناضله
وأبطالها من يثبتوا ساعة النزال =صواعق على الغاشم وصيحة مزلزلة
هنيئا لهم نالوا مراتب وقدر عال=ومن حبه الرحمان علا منازله
ولعنة على من باعوا الارض بالريال=وخانوا جاهد الشعب والغوا مراحله
وفينا اتقنوا فن الإباده ولغتيال=ويتسابقوا في جمع ثروات طائلة
ومن مات منهم حط واحد من العيال=ويطرح وصية قال نهجه يواصله
ويوصيه خيرا يـــتــّبع جدته غزال=وجا الأبن وتعنــّى و داوم على الصله
فحافظ قد اوصي ابنه وحسني معه جمال =وعمك على لحمد يحاول محاوله
ونفس الخبر والعينة داخل الشوال=ولا فرق يوجد كلها أوجيه مخجله
وماساتنا إنا نصفق على العطال=ونمدح ونرفع كل عاطل وعاطله
ولابايجيب اللول ذي ما غطس وجال=وذي ما سعى للماء فلا بايحصله
وعفوا صديقي لا رايت المجال طال=وذي ما اعجبك شوفك مخوّل تكنسله
ومن قلب مخلص كلما نسنس الشمال =صلاتى على مولا الصفات المفضلة

[alymany]

بــدع شاعر الشباب وليـــد المصــري
يا طاير السعد فك اجناحك المســـتويه=وشل نظم الكلام
من راسي القاسي اوصل للقطنه تحيه =ومن صميمي سلام
مقدار مني لمن شخصــــــيته محتويه = ميزه وله أحترام
قال الفتى المصري الهاجس قد ارسل شظيه = ونارها سم سام
لكل راغب ومستبشر سقوط الضحيه =ابو قصي الهمام
وكل ساكت ومتجاهل فصول القضيه =قتاله اصبح لزام
يا جيش الإسلام جهز للمغازي سريه =تبادر الإنتقام
لا بد من يـــوم تبقا اخشامنا ملتقــــــيه =في ساحة الإلتحام
حتى نصفي خون تدعم أيادي خفيه = لو نستمر الف عام
جهاد مفتوح لصحاب النفوس الزكيه = كلن يشد الحزام
صدام ذي راح ما للذل يملك سجيه = وهو أصيل المقام
من غيره ارسل لإسرائيل ضربه قويه = والقصر صابح ركام
الكل خاضع وهو خلا سماها مضيه = بألف كيلو جرام
كانت فلسطين عنوانه بصوره جليه = منه تنال اهتمام
رغم الحصار الذي سبب مشاكل عصيه = ما كان يخشى الظلام
برحمة الله تلك الصوره الملتحيه = الى جوار الكرام
يا هل ترى ما حصل واقع ام المسرحيه = مجهزه بانتظام
وعرضها صار متوقع وهي منتهيه = إذا النتائج تمام
مسلسل اجرام متبرمج بخطه ذكيه = وهم على ما يرام
من باطل النفس قد روس العرب منحنيه =والخصم باقي امام
الشعب ثائر وقاداته عرب مرتديه = من الأعادي لجام
يا بو رعود المشاكل في الظروف العتيه = قد شكلت جسر هام
بين العرب و النصارى واليهود البقيه = وطائر الشؤم حام
ضاعت عروبة ومات الصقر موته هنيه = داخل قفص لتهام
ما بيــــننا البين نتقاتل بصوره زريه =لو ما لقينا طعام
مناطقيه وكم ثارات أمـــه شــــــقيه = والحرب زاد اضطرام
مسلم يحارب له المسلم وسم المنيه = من جوف زاكي كرام
والمسلمين انتهوا في ذمة الطائفيه = في كل يوم انقسام
من للعرب من يوحدهم مثيل الخليه = والجرح يلقى التئام
هذا هو البدع والمرسول يهدي هديه = من لب ورد الخزام
للشاعر الهيم نبراس الرجال الوفيه = ويستلمها استلام
ما رايه اليوم حول افعال شر البليه= ضد الرجال العظام
وفي الختام اذكر المختار سيد البريه = مالعبد صلى وصام
جواب الشاعر ابو رعد القطنه
بعزتك عزني من ذل دنـــــيا دنيــــــــــــه = يا من لك الإحتكام
يا عالم الجهر والأسرار ذي هي خــــــفيه = لطفك وحسن الختام
يقول ابو رعد جاهز بالبدله العـــــــسكريه =ما دام والحرب قام
بغزي وبسري مع الأبطال بول ســـــــريه = واجب علي والتزام
يماني الأصل في شخصـــــــــيتي والهويه = صقور وقت الصدام
والساع يا مرحبا ما الرعد يســـــــمع دويه = وما تسيل الغمام
حيا الله المصري البداع من حســـــــن نيه = من قعطبه لا شبام
ذي كد الابيات لي وارسل معاها شـــــظيه = وسيف جنبه سهام
يحارب الخـــــــاين المرتــــــد والعــنجهيه =من زمرة العم سام
مما حصل شوفني مصدوم صـــــدمه قويه = مريض فيني سقام
حـزين هايم على ســــــيد الرجال الأبـــــيه = ذي دق فارس ودام
سيف العرب ذي جمع كل الصفات النـــقيه =شجاع فارس همام
فيه الكــــرم والشــــهامه والوفاء والحـــميه = معروف بين الأنام
ثمانــــي أعوام هـــز الــــقــــوه الفارســـيه = وذل برمنجهام
جرعهم الــسم خلا وزن فـــارس وقـــــــيه = وللعرب سا مقام
ضرب صواريخ دك الدوله العنصـــــــريه = خلا مدنهم حطام
شفنا تلابيب تشعل نار حمراء لصـــــــــيه =وفالملاجي نيام
واستقبل الغزو الأمريكي بقوه عتـــــــــيه = شارك في الإصطدام
وبالمطار اشتــــرك بالضرب بالمدفعـــيه = واترأس الإقتحام
بالمقــــدمه واجــــه المحــتل بالبـــــندقيه =وخنجره والحسام
بطل بطل بو عدي محد صراحه ضــويه = من يوم عاده غلام
وحده هو الصقر يا بو خالد اما البــــقيه = شفهم بعيني حمام
ويوم الإعدام شــــفنا هامــــته مــــعتليه = رفض يحط اللثام
مؤمن بما قدر المولى بصـــوره بهــيه = مثل القمر فالظلام
شهد وصلى على المختار سيد البــريه = وفي شموخ استقام
حياً وميت قهـــر أعدائه الجــــعفريه = ذي هم ألد الخصام
أهل القلوب المريضه والنفوس الرديه = الحاقدين اللئام
ذي قدموا بو عدي في عيد الاضحى ضحيه = منهم عداء وانتقام
سستان والمالكي والصدر والمرجعيه= اصحاب فتوى حرام
الطائفيه بهم والحقد والمــــــــذهبيه = ذي جابوا الإنقسام
ما با نثق يوم في غازي وشيعي وصيه = صدام وصى ونام
غبني على القدس ضاعت في يد البلطجيه = يا للخزاء والملام
ببعث تعازي لبو مازن وجنبه هنيه =وحثهم عالوئام
لن العرب كلهم في يد بوش الأذيه = في حالة الإنهزام
حكامنا شوفهم فالبيت الأبيض رعيه = مثل العيال اليتام
لا تنتظر منهم يا صاحبي حل قضيه =بيد بوش الخطام
يتسابقوا كلهم في طاعـــــتـه بالهــديه = والود والإنسجام
عاد الزمن بالعرب لا سالف الجاهليه = أيام عصر الخيام
في باب كسرى وقيصر روسهم منحنيه = وبينهم اختصام
كلن يسي نفسه الفارس له الأولويه =وهو وضيع المقام
ما أشبه اليوم بالبارح في المعنويه= على العروبه سلام
وختمها بالنبي ما البرق يلمع سنيه = شفيع يوم القيام

[alymany]

بدع وليد المصـــــــري
============

ياكـريـم العـطـا يـامـن لــك الـمـلـك سـرمــد= احـمـدك واشـكـرك فــي كــل سـاعـة زيـــادة
واثـنـي الـقـول واصـلـي واسـلـم عـلـى احـمـد= خـاتــم الانـبـيـاذي عـــم بـقـعــا رشــــادة
بعـدهـا قــال ابــو راكــان يـامـرسـل اشـتــد= وصــل الـقــول ذي خـــط البـيـاضـة مـــدادة
وصـلـة خــاص للمجـلـس مــع الـفـل والـنــد=واجـمـل العـطـر مـنـي ذي خـلـط فــي زبــادة
مجـلـس الشـعـر واسـئــل مـشـرفـة ذي تـقـلـد= حــاز فـعـلا وســام الشـعـر نـــال الـعـمـادة
الــســوادي ابـوعـاهــد بــاشــراف مــفــرد=بــة اضـائـت حــروف الشـعـر وجــاد الـريـادة
سـيـر واسـتـاذنـة واهـــدة سـلامــي مـــزود= بالرياحـيـن مــن صـاحـب صـــدق فـــي ودادة
بـعـد اذنــة تـنـادي اليـافـعـي يـاتــي الـــرد=مــن لــدى صـالـح المـغـوار فـــارس بـــلادة
سـلـمـة ضـــرف مـنــي بالـغـراقـد تـبـنــد=يـحـتـوي مـجـمـل ابـيـاتـي علـيـهـا الافـــادة
واهــدة الطـيـب والـكـادي مــع الـقـات الاجــرد=عنـدمـا تـوصـلـة فالـبـنـدق اضـغــط زنـــادة
واطـلـق الفـيـن طلـقـة بـعـد زامـــل ومـهـيـد=ســوف يستقبـلـك صـالــح بـحـسـب اعـتـيـادة
يـوصـلـك مـبــرزة وادى الـشــراب الـمـبــرد=عـادتـة بـالـكـرم والـضـيـف يـحـسـن وفـــادة
اشـــرح الـوضــع قـلــة شعـبـنـا مـاتـعــود= حـالـة الـيــاس ذي سـبــب لجـفـنـي سـهــادة
كــل واحــد مــن اوضــاع اليـمـن قــد تنـهـد= فالتـقـالـيـد والــعــادات نــالـــت ابـــــادة
اغـلـو الـمـهـر وان العـنـوسـة فـاقــت الـحــد= واصـبـح الـشـاب عـاجـز عــن بـلـوغ السـعـادة
والــي البـنـت يشـتـي شرطـهـا شـيـك يـرصـد= فـــي رصـيــدة ومـنــة بـايـكـون اعـتـمــادة
كـم وكـم بنـت مضلـومـة مــن الجـهـل الاســود= ذي سـكـن فــي عـقـول الاب واعـمـى رشـــادة
ايـش ذنـب الفـتـى والبـنـت مــن جـهـل يـوجـد= فــي يمـنـا السعـيـدة واصـبـح الـضـلـم عـــادة
خـلـو الـشـاب يهـجـر مـوطـنـة مـنـهـا شـــد=غـربــة الـدهــر يعلـنـهـا ويـقـطـب شـــدادة
ياطـويـل العـمـر فــي منتـهـى الـقـول بـاشـهـد= لليـمـن فــي خـتـام الـقـول وادلـــي شـهــادة
بالـتـدهـور وقـــول الـحــق مـنـهـا تــجــرد=والـسـعـادة لاصـحــاب الـسـمــو والـسـيــادة
والـمـواطـن فـلالـةحـق بـــا لـعـيـش يـرغــد= لامــرض مـامـعـة بالـجـيـب حـــق الـعـيـادة
هــكــذا قالهـاالـمـصـري بـقـولــة واكــــد=والحـقـيـقـة حـقـيـقـة ضــاهــرة لاهــــوادة
يـاالـهـي لـــك الحـمـديـن دايــــم مــوبــد=احـمـدك واشـكــرك واقـتــاد لـــك بالـعـبـادة
ماجمـل الـقـول حـيـن يخـتـم عـلـى مــا تـعـود=كــل مسـلـم بمـسـك الـقـول حـسـب اعـتـيـادة
واخـتـم الـقـول واصـلـي واسـلـم عـلـى احـمـد=خـاتــم الانـبـيـا ذي عـــم بـقـعـا رشــــادة
واليكم الجـــــواب الذي اتمنـــى ينـــال أعجــــابكم
الشاعر صالح اليافعي بن سعدان
===========================

يا أحــد يا صمــد يا من بعــرشـك مخــلـد= يا عظيم الرجــاء عبدك عـليك أعـتمـادة
وألف صلـوا عدة ما الحاج كبر وشهـــد=عالنبي ذي جعـل لاسلام أحـسن عبـــادة
قال أبو( س) بـاب الحب عـنــدي تـبـنـــد=ساعة الخــط ذي جاب المعــاني زيـادة
جاءت أبيات أبو راكان مخصوص بالـيـد=رائحتهــا شـذاء أصلي وعـرف الزبادة
مرحـبا به عـدت ما الطير عالغصن غــرد=أوعـدت ما أشرقت شمس الضحى عن بلادة
شرف الدار ساعة موصلة يوم ورد=جاب أبيــات منقشــوه بجنــح الجـــرادة
بفـرش الأرض له مخمــل على شــان يسعد=واستضيفة سنه كامل بفنــدق رمـادة
با نجـيب الشراب الزين والقــات لجـــرد=وآنكيـــف على رقصــات ليلى حمـــادة
مائة مليون مرحب بك على الرأس وأزيد= يا من أبدعت وأحكمة القـوافي أفـــادة
وأنت يا طيــر شل الخط في يوم لحد= وصله بعد ما تناسيت حسب أعتقـــادة
لا تضن أن بن سعدان جالس مقيــد=أو تضن أنني مرمـي بظهــر القعــادة
أنمــا الحــب ذي سيطــر عليا وشـدد=في حصــاره عسى يمكــن يحـقق مراده
كلمـــا مـرت الســاعـــات قـلـبــي تـكـبــد=ضاق صـدري وما فاده عــلاج العيــادة
ما يفيـــد الدواء والقلــب في الجـوف ينهد=كيف بحــيى وعمـــر الآدمي من فؤاده
كل لحــواس هيـمانه وعــقـلي مشــرد=عنــد لحبـاب ذي هم منيتي والسعـــادة
ذا خـرج فصل الثاني جــوابي مؤكـد=عن شبـــاب اليمن وأحـــزابنا والقـــيادة
أختـــلافي معــك عن بند واحــد محـــدد=حول بنت اليمن ذي نــالت أكـــبر شهادة
غــير منطق تقـول العنوسة فاقت الــحــد=ليش تحـــكم على كل الــمدن بل أبــــــاده
في منـــاطق بني يــافع من الحــصن للحد=خمــس بالمائة فـوق التسع تعشر زيــــادة
بنت لثنعـــش قـد حطت خياتم على اليــد= والــدبل ذي يكـد المغــترب لا بلادة
والشـــباب الذي بأرض اليمن قد تعـود=عن ظروفه وأوضاعه وحــكم اقتصاده
دائمــاً مبتسم منذوا يمنـــنا تـــــوحـد=لو حصـــل ما حصـــل عادة قوي ألا راده
أنمــا المغــرب عــايش حياته منكـــد=قبــل ما ينــأم لزم يحتضن للـــوسادة
ذا كــلامي وشف محــد يسمـــي محمـــد=سم أسمــــين من قبـــل الحبـــل والولادة
وأرجـو المعذرة لو كان تأخــير في الرد=القــلم ذي معــيا شف مخلــص مــداده
وأختم القول ما العــابد يكبــر وشهــد=عالنبي ذي جعــل لسّـــلام أحسن عبادة

[alymany]

بدع ابو رعد محمد حميد قصيله


قال الفتى قلبي شكاها = ومن شُكاها ما سكن
غبني على من في بلاها = ومرّها ذاق المحن
باحنّ منها لا سواها = حنّه قويه في العلن
تبلغ في القاصي مداها = من قهر قلبي والشجن
دنيا دنيه ما حواها = وكل مافيها وكنّ
ياللاسف زلّت خطاها = رجلي وكانت في الكفن
من قلها ما ذي دهاها = يالعن ابو هذا الزمن
يارب ياذي في سماها = ياذا الجلاله والمنن
يا بدعها يا منتهاها = يا حصرها يوم الوهن
جنّب فؤادي من هواها = وزيح همّي والعفن
وازكى صلاتي خص طه = والمصطفى والمؤتمن
نور الهدايه ذي لصاها = وخاتم اصحاب السنن
من بعد يالهاجس تباها = بالقافيه ذات الفِطن
وانظم قصيده مستواها = مامثلها حكمة ولن
يرقى الى ذي قد رواها = شاعر في اقطار اليمن
واجعل من اللولو نقاها = مطرّزه منطق وفن
رسّل بها واذهب معاها = لاعند ذي بحكيك عن
اصله وفصله من علاها = ومعدنه غالي الثمن
ابو ركان لا قد قراها = ذي قد درس اخفا وغنّ
يعرف من الظاهر خفاها = وكُنهها ذي قد كمن
قلّه وصل علمك نباها = والا النبا ما فيك رنّ
لن الخبر زلزل مداها = من الفرات حتى عدن
وطاف فيها واحتواها = بكل شاشه واحتقن
صدام ذي ما ذاق ماها = قذّا شربها وافتهن
من بعد ما نغبش غطاها = وظنها شربة لبن
ذي ظن في داها دواها = ملعون ابو ذا الظن ظن
في حسنها المسكين جاها = واغرم بمزيون الوِجن
وامسى يقبّل في يداها = ولجلها حدّ المسن
وحارب اعداها وظاها = وخالف اقوال الحسن
واعلى في العالي لواها = وما سوا ذلك دفن
ياليت شعري ما نواها = ولجل من ذلك ؟ ومن ؟!
ذي ورطه حتى عطاها = من البدن كل البدن
ربيبها ذي قد عصاها = يخسا ، وهو باع الوطن
ذي كان يدْفى من دفاها = ومن مهاجنها اهتجن
نسل الخطيئه لا رعاها = ذي ورّثت ذا الغفن
يهناه يتجرّع هناها = ذي جرّع اخوانه وشنّ
الحرب وابدع في لظاها = ومن ذخيرتها شحن
بندق يمينه ذي رماها = يوم الوغى والحرب حنّ
يوم الذره جاها جناها = يوم اصربت كل القُرن
والحاصبي ليلن حصاها = من غَلّها ما حط طنّ
هذه صحيفه قد طواها = هاجس محمد وارتكن
بالله ربه وارتئاها = من هولها شرّ الفتن
واجمل تحياتي جباها = بو رعد واخو ذي يزن
مخصوص لك تعلن وفاها = يا حيد عالي ما يلن
وازكى صلاتي خص طه = والمصطفى والمؤتمن
جواب وليـــد المصري

حيت بلادي من قراها=واتجاوبت كل القنن
مالشمس تضهر في ضحاها=ونروها في كل دن
باقوال تذهل من تلاها =وهاجسي ليها ذعن
يزلزل الشامخ صداها = والكون فيها يوتزن
يامرحبا مرحب ملاها =من حيد مرخه لاجبن
والارض حيت من ثراها=بالهيم ذي لي فيه ضن
ذروة قصيله ذي بداها =وصاغ لي جملة غون
اخبار تيئس من هجاها=ومن يتابعها يُجن
في منطق ابياته حكاها=والقلب ياذاك اغتبن
عن حال امه قد رداها =ممسوك في يد الهين
ذي كان دوما كبرياها=للصملق الصما طحن
والشعر ياكم قد رثاها =وكم لبس ثوب الحزن
في عزها والا عزاها =كم أن من جوفه وأن
قد كان صدام اعتلاها =ومن منابرها رطن
وهدد العالم وباها=بالذريه واسكود ون
واحرم بلاده من غذاها =واقضى على يورو وين
والناس ماتت من ضماها =وهو لبتروله رهن
والحرب قددارة رحاها=وبوش خلف بوش بن
حرب انجلو هاجت حماها=ومونو كل الخون
ماضن صدام ارتضاها=او هو لمأواه اكتهن
لو كان خاين مادعاها =ونه مسلمها طنن
ويدفع الجزيه جزاها=وشاق للطاعه وحن
وجنب اهله من وغاها=وقبل ارضه واحتضن
لكنه اعلن في عداها=واسوى لصهيون الدرن
وشن غاراته قداها =واتكتلو ضده عون
واصيح مشرد من فناها=ووسط قضبان استجن
واسرته ماتت قواها =ايام عجفا من سمن
المُر تشرب من عياها =بذنب عُباد الوثن
بعد البطل هذا تراها =اقطار نا تأمل بمن
من للعرب من ذي غزاها=وامست اراضيها مشن
واحنا ندندن في غُناها =وغن يا ايوب غن
والهوجسه قالت كفاها =من بعد ما القول اقترن
والنفس باتوصل مناها=حين اذكره جد الحسن
صلاه من قلبي عساها=تغشاه ذي شرع وسن

[alymany]

بدع ابو صنعاء اليافعي
بالله يذي الحمـــــامـــــــه رفــرفي**=* شلي الرساله بذا الجنـح الخفيف
وتوصلي لابـــــــلادي ووقـــــفي*=** عا دار منصوب بالحيـد الطـريف
وعطي الرساله لخوقيس ووصفي*=** له حالتي كيف قد جسمي نحيف
وهديـه من ذا الشقـر ذي تقطـــفي*=* وعطر رشين فرشــه والقطيف
ســــلام لــه مننــــا متــــرادفـــي*=** ما يبرق البرق في موسم خريف
ياعين ابو صنعاء مالـش تـذرفي*=** كفي البكـاء ليش دمعـك ياذريـف
دمعـــك على الخــد بالله نشـــفي *=** يكفي زماني جـــزع كلـه مخيـف
زمن زمن ليت حـد به يعـــرفــي*=** مسكين من عاش بالدنياء ضعيف
يعيــش مظلـــوم مالـــه منصفي *=** ولا محصــل من الـــربع النصيف
كـــلا معــه خنجــره والمعطـــفي*=** يقطع بلحمه ويظـرب بل العطيف
حتى لـــو كـان مــاشي طــارفي *=** دقـــوه حتى ولوهـو ع الرصيف
الفـــائده او فلـــوس المصــرفي **=* بتخلي انسان ما يســوى رغيف
أمير يئمـــر بهـــــم من طـارفي *=** وبيطلعـونه على شامـــخ منيــف
غلــــط وكــلا بيعــــنه شـــايفي *=** يحكي وهـــم يضحكو له يالطيـف
طبع الزمــن ياصــديقي اتخلــفي*=** لجــــل الدراهم يخلــــونه حليف
ذي ما معه مال لوهو عـــــارفي*=** قالــون مجنــون ذا عقله سخيف
من فـــــوق بينـزلــــونه للحـفي **=* ومن مقـــدم الى رتبــة عـــريف
ياهــــاجسي كـــــف ماقلته كفـي *=* كف القلــم شف مـــداده يارعيف
ولو قصر قد معي الصاحب وفي = وليد صــــادق ونســــانً عفيف
والختم صلو معــي ع الاشــرفي = محمد صاحب الوجـــه الشريف
ما الحـــاج بالبت ضلي طائـــفي= بسبعه اشــــواط ضــلي يا لفيف
جواب وليد المصري
يامطلع ماظهر والمختفي=يارازق المستضي هو والكفيف
الطف بنا يا امان الخايفي= من شر الايام والدهر العنيف
يامرحبا الاف ما تتالفي =باسم البلد كامله بندروريف
حيا نمر لاضهر ما ينتفي =في كل الاحوال مترفع حصيف
لا بلدتي قد اتاني مقتفي =اثر صداقه على النهج النضيف
وعبر الاقمار جات الاحرفي =وارسل ابيات ذي تزغف زغيف
قوله اتاني وشرف موقفي=واجبرني اهتم في بدعه واضيف
لاننا بالصحب ذي نحتفي =فالصاحب الجيد للهامه رديف
شوف الزمن ما تغير ياصفي =ولا تغير سوى الوضع الاليف
فالوضع اصبح مهشم تالفي =ولحمة الجسم قد صارت تجيف
شريعة الغالب تحكم ماتفي =بالوعد لكن مع المقوي تكيف
الضعف مش عيب لا انته مكتفي =بما قسم لك من الرب اللطيف
امسك بحبله وصادق واصطفي = صفوة رجاجيل لذله تعيف
فالواقع اليوم حط الناس في =بحرين متلاطمه باطل وزيف
وكلمة الحق ما تتسالفي=والسالفه كلها منكر يخيف
ياصاحبي ليش جسمك ناحفي=الجرح بايندمل لو به نزيف
كم ناس مثلي ومثلك زاحفي=لا هم ولا اهتم خلاها طفيف
والوصف ما بايفيد الواصفي =ولا يطلع من الواطي صفيف
نهاية القول خل السارفي =يغرف ويسرف وما موره اسيف
وانت يامن لهمي كاشفي=يارزق المستضي هو والكفيف
صل على المصطفى ذي عاش في =مكه عدد ما نهم صزت القنيف
ذي وحد الراى ذي متخالفي =وطهر الارض بالدين الحنيف

[alymany]

بدع مرسل للشاعر وليد المصري
اليافعــي غلطــــان مـن لآم الـــقــــدر=لوم القدر ما هو بقــــاموس الرجـال
يا رجل لاجل الحق دوسـي عالخطـــر=وبا نـصــل لك يا بـــعــيــدات المنــال
في ظل شورى عاد لـي وجـهـة نظـر=شاعر وما بُحكم علـى قـيـلـه وقـــال
الشعب بعــد المُر بــيـــــذوق الامــــرّ=ياااامن وعدته شهد مـن شرع الوخال
يُظلم مـن الإصلاح قـــال الـمـؤتــمــر=والمؤتمر بيقول قـــادة لــ نفصــــال
يكفي كفاية كـــذب مـن حبلــة قـصــر=لايــوعـد العطشان بالــمـاء الــــزلال
عقدين والنغمة علــى نـفــس الـوتــر=ومن فشل بالرقص بيلــــوم المجـــال
وفصل عبده قــالـهـا بالـمـخــتــصـــر=كلمــة بــان الـتــاج لــه مـيـمـاً ودال
والاُم تتسمع وتـــذرفـهــن قُــطــــــــر=علــى تـعـبـهـا كـيـف تـالـيـت العيـال
يامرسلي توصل عــلــي لـمـا الـمـقــرّ=وقـل لـه الشاعر يـبـي ردّ الســـــؤال
برميل للتــشـطـيـر مـن بـحـــراً وبـــر=زلتــوه ونبـــارك لـكــم أول مــقـــــال
والان يالقـائـــد تـــوقــع عــالـخــبـــر=لايـــزرعونـه بـيـن كـبـدي والـطحال
أن كان شي خذتوا من الماضي عِـبــر=يكفــي كفايـــة لاهــنــا كــم دم ســـــال
بشوف باجمال يسـنـيـهـــا حــــــــــور=ذي قال له قـــدرة على شــد الحبـال
لان الحـقـيـقـه واضحـه مـثـل الـقـمر=ابادت الامــة بــقـــامــــــوسه حـــلال
من بعد بن غانم فلا يوجـــد مــفــــر=غيـر الصراحه والصراحه رأسمــال
ختمت قيفاني علــى سيـد الـبشـــــر=ازكى صلاتي عدّ ما نادى بــــــلال
وعــــد ما القاري يتــلــو بالسور=والشمس ما غابة ويعقـبــها هلال

عبده الذي ورد في القصيدة فهو شخص يقيم في لندن
ويقول ان عندة تجمع اسماه تاج عدن وينادي لتصحيح مسار الوحدة او الانفصال( للتوضيح)
جواب وليد المصري
يامخرج الينبوع من صم الحجر=ياكافل الارزاق فيك الاتكال
يارب يسرك عننا فيما عسر=زيل الكدر والطف بنا في كل حال
شمس الاماني شعشعت بعد الغدر=ومن جنوبه نورت لما الشمال
بعد الحواجز ذي بها الجسم انشطر=أتلائمت لجراح من طعن النصــال
ياكم شكت ليــام من جور الكدر =جور التمزق ذي زرع نشب القتال
واتوثق الآيار والشعب انتصر =واتغنت الاطيار فرحه وابتهال
واتفشت الاخطار والخاين ضهر =والكل ضده قام واعلن بالرحال
اتعمدت(1) بالدم في اليوم الاغـــر=واتوحد الجيشان والعمله ريـــــال
ياترجمـــــان الدهر دون ما صدر=شمس الحقيقه ماا غربت خلف التلال
ليالي الوحده بها طاب السمـــــر=واستبشرت لجيــــــال من بعد المُحال
واتحقق الانجاز والغيث انهمــــــر=واسقى به الوديان من روس الجبال
من موديه لا العبر لا ساحل زُقر=لاارض مارب لا وزا حيد الطيال
ذا فصل واضح شعبنا فيه افتخر =وحول ذلك صُكت ابواب الجدال
وان قلت لي برميل باقلك حفر=شعب اليمن حًفره وواره الرمال
هذا عن التحديد في درب الحضر =يابن مجمل هي مسيرات النضاااال
اما اذا برميل ثاني انتشر\بين الكوادر في ربا قمة ازال
واهل المصالح بالحصص كلن جبر\يتملك المحصول والثاني عطال
لا بُد من ميعاد يأويهم سقر\يتخلدو بالنار في يوم الزوال
والريس المغوار مابقى نفر\ٌٌإلا ورجع له مقامه والجلال
في عهده البترول دفر وازدهر \شعب اليمن وازداد بهجه واحتفال
وقلت لي غانم بمنضوره نظر\هذه حقيقه واضحه ماهي خيال
الله يعين الشعب في بارد وحر=يعاني الغربه بارضه والحلال
تضخم الاسعار ثور واستعر=نيران تتواقد بالصياااااج الثقال
والختم انا صليت والبال استقـــر=على رسول الله ذي زال الضلال

[وليدالمصري]

ماذا عساني قائل لهذا العملاق الذي اخجلني كرمه

واغدقني بتفضله بفتح هذه الزاويه التي تحمل في طياتها حروفاً

متواضعه ....


احترامي وتقديري استاذي العزيز

[وليدالمصري]

بدع وليد المصـــــــري
============

ياكـريـم العـطـا يـامـن لــك الـمـلـك سـرمــد= احـمـدك واشـكـرك فــي كــل سـاعـة زيـــادة
واثـنـي الـقـول واصـلـي واسـلـم عـلـى احـمـد= خـاتــم الانـبـيـاذي عـــم بـقـعــا رشــــادة
بعـدهـا قــال ابــو راكــان يـامـرسـل اشـتــد= وصــل الـقــول ذي خـــط البـيـاضـة مـــدادة
وصـلـة خــاص للمجـلـس مــع الـفـل والـنــد=واجـمـل العـطـر مـنـي ذي خـلـط فــي زبــادة
مجـلـس الشـعـر واسـئــل مـشـرفـة ذي تـقـلـد= حــاز فـعـلا وســام الشـعـر نـــال الـعـمـادة
الــســوادي ابـوعـاهــد بــاشــراف مــفــرد=بــة اضـائـت حــروف الشـعـر وجــاد الـريـادة
سـيـر واسـتـاذنـة واهـــدة سـلامــي مـــزود= بالرياحـيـن مــن صـاحـب صـــدق فـــي ودادة
بـعـد اذنــة تـنـادي اليـافـعـي يـاتــي الـــرد=مــن لــدى صـالـح المـغـوار فـــارس بـــلادة
سـلـمـة ضـــرف مـنــي بالـغـراقـد تـبـنــد=يـحـتـوي مـجـمـل ابـيـاتـي علـيـهـا الافـــادة
واهــدة الطـيـب والـكـادي مــع الـقـات الاجــرد=عنـدمـا تـوصـلـة فالـبـنـدق اضـغــط زنـــادة
واطـلـق الفـيـن طلـقـة بـعـد زامـــل ومـهـيـد=ســوف يستقبـلـك صـالــح بـحـسـب اعـتـيـادة
يـوصـلـك مـبــرزة وادى الـشــراب الـمـبــرد=عـادتـة بـالـكـرم والـضـيـف يـحـسـن وفـــادة
اشـــرح الـوضــع قـلــة شعـبـنـا مـاتـعــود= حـالـة الـيــاس ذي سـبــب لجـفـنـي سـهــادة
كــل واحــد مــن اوضــاع اليـمـن قــد تنـهـد= فالتـقـالـيـد والــعــادات نــالـــت ابـــــادة
اغـلـو الـمـهـر وان العـنـوسـة فـاقــت الـحــد= واصـبـح الـشـاب عـاجـز عــن بـلـوغ السـعـادة
والــي البـنـت يشـتـي شرطـهـا شـيـك يـرصـد= فـــي رصـيــدة ومـنــة بـايـكـون اعـتـمــادة
كـم وكـم بنـت مضلـومـة مــن الجـهـل الاســود= ذي سـكـن فــي عـقـول الاب واعـمـى رشـــادة
ايـش ذنـب الفـتـى والبـنـت مــن جـهـل يـوجـد= فــي يمـنـا السعـيـدة واصـبـح الـضـلـم عـــادة
خـلـو الـشـاب يهـجـر مـوطـنـة مـنـهـا شـــد=غـربــة الـدهــر يعلـنـهـا ويـقـطـب شـــدادة
ياطـويـل العـمـر فــي منتـهـى الـقـول بـاشـهـد= لليـمـن فــي خـتـام الـقـول وادلـــي شـهــادة
بالـتـدهـور وقـــول الـحــق مـنـهـا تــجــرد=والـسـعـادة لاصـحــاب الـسـمــو والـسـيــادة
والـمـواطـن فـلالـةحـق بـــا لـعـيـش يـرغــد= لامــرض مـامـعـة بالـجـيـب حـــق الـعـيـادة
هــكــذا قالهـاالـمـصـري بـقـولــة واكــــد=والحـقـيـقـة حـقـيـقـة ضــاهــرة لاهــــوادة
يـاالـهـي لـــك الحـمـديـن دايــــم مــوبــد=احـمـدك واشـكــرك واقـتــاد لـــك بالـعـبـادة
ماجمـل الـقـول حـيـن يخـتـم عـلـى مــا تـعـود=كــل مسـلـم بمـسـك الـقـول حـسـب اعـتـيـادة
واخـتـم الـقـول واصـلـي واسـلـم عـلـى احـمـد=خـاتــم الانـبـيـا ذي عـــم بـقـعـا رشــــادة
واليكم الجـــــواب الذي اتمنـــى ينـــال أعجــــابكم
الشاعر صالح بن سعدان اليافعي ابو سلطان
===========================

يا أحــد يا صمــد يا من بعــرشـك مخــلـد= يا عظيم الرجــاء عبدك عـليك أعـتمـادة
وألف صلـوا عدة ما الحاج كبر وشهـــد=عالنبي ذي جعـل لاسلام أحـسن عبـــادة
قال أبو( س) بـاب الحب عـنــدي تـبـنـــد=ساعة الخــط ذي جاب المعــاني زيـادة
جاءت أبيات أبو راكان مخصوص بالـيـد=رائحتهــا شـذاء أصلي وعـرف الزبادة
مرحـبا به عـدت ما الطير عالغصن غــرد=أوعـدت ما أشرقت شمس الضحى عن بلادة
شرف الدار ساعة موصلة يوم ورد=جاب أبيــات منقشــوه بجنــح الجـــرادة
بفـرش الأرض له مخمــل على شــان يسعد=واستضيفة سنه كامل بفنــدق رمـادة
با نجـيب الشراب الزين والقــات لجـــرد=وآنكيـــف على رقصــات ليلى حمـــادة
مائة مليون مرحب بك على الرأس وأزيد= يا من أبدعت وأحكمة القـوافي أفـــادة
وأنت يا طيــر شل الخط في يوم لحد= وصله بعد ما تناسيت حسب أعتقـــادة
لا تضن أن بن سعدان جالس مقيــد=أو تضن أنني مرمـي بظهــر القعــادة
أنمــا الحــب ذي سيطــر عليا وشـدد=في حصــاره عسى يمكــن يحـقق مراده
كلمـــا مـرت الســاعـــات قـلـبــي تـكـبــد=ضاق صـدري وما فاده عــلاج العيــادة
ما يفيـــد الدواء والقلــب في الجـوف ينهد=كيف بحــيى وعمـــر الآدمي من فؤاده
كل لحــواس هيـمانه وعــقـلي مشــرد=عنــد لحبـاب ذي هم منيتي والسعـــادة
ذا خـرج فصل الثاني جــوابي مؤكـد=عن شبـــاب اليمن وأحـــزابنا والقـــيادة
أختـــلافي معــك عن بند واحــد محـــدد=حول بنت اليمن ذي نــالت أكـــبر شهادة
غــير منطق تقـول العنوسة فاقت الــحــد=ليش تحـــكم على كل الــمدن بل أبــــــاده
في منـــاطق بني يــافع من الحــصن للحد=خمــس بالمائة فـوق التسع تعشر زيــــادة
بنت لثنعـــش قـد حطت خياتم على اليــد= والــدبل ذي يكـد المغــترب لا بلادة
والشـــباب الذي بأرض اليمن قد تعـود=عن ظروفه وأوضاعه وحــكم اقتصاده
دائمــاً مبتسم منذوا يمنـــنا تـــــوحـد=لو حصـــل ما حصـــل عادة قوي ألا راده
أنمــا المغــرب عــايش حياته منكـــد=قبــل ما ينــأم لزم يحتضن للـــوسادة
ذا كــلامي وشف محــد يسمـــي محمـــد=سم أسمــــين من قبـــل الحبـــل والولادة
وأرجـو المعذرة لو كان تأخــير في الرد=القــلم ذي معــيا شف مخلــص مــداده
وأختم القول ما العــابد يكبــر وشهــد=عالنبي ذي جعــل لسّـــلام أحسن عبادة[/QUOTE]

[وليدالمصري]

احدى مشاركتي في مسابقة شاعر الشعراء


من بحري الصافي كتبت ابياتي المتوافيه=على صوافح تنسج الابيات من عذب الكلام
حروف تتنظم من أفكاري بجوده عاليه = على نمط شعبي تزيد القول روعه وانسجام
وارسل تحياتي لمن يسمع حروف القافية= في كل إرجاء الوطن وابعث لهم أغلى سلام
من ارض بشار المحنك من دمشق الراقية= من سوريا فخر العروبة ديرة الناس الكرام
قلعة صلاح الدين ذي صد الجيوش الغازية= في معركة حطين ساعات التلاحم والصدام
وحررالاقصى من الغاصب بقوه ضارية= ودمر الإفرنج واسقاهم مذله وانهزام
تاريخ فية العز تاريخ الدروع الواقيه= تاريخ فيه الرمح والسيف المسمى بالحسام
ياهاجسي ترجم احاسيسي بصوره ساميه=من اجل اوضح غايتي بالقول قوه وانتظام
وراحة الشاعر اذا الاجواء دوماً خاليه= من الشوائب.. يستقيم الحال في طيب المقام
يكتب عباراته يصيغ أشعار ماهي واهيه= يرسم علامات التميز والتقدم بالتمام
باحكي لكم قصه من الواقع ونفسي ضاميه= متعطشه للنصر واذلال العدا والاقتحام
شاهدة بالصدفه صبيه عمرها بالثانيه = عشر وتتلفت ومنظرها يثير الاهتمام
ثارت شجوني قلت باسئلها واشوف الخافيه= وايش السبايب وايش مدلولات هذا الانصدام
كانت اجابتها على استفسار مني قاسيه= قالت لي اتيمت واخواني في الدنيا يتام
مااصغر الدنيا وسط عيني بدون الحريه= ووالدي مدفون مستشهد بنيران اللئام
واصبحت لامأوى ولامسكن ..حياتي داميه=صراع متواصل مع الاحداث عاماً بعد عام
متشرده من ارض محتله بقوه نازيه= تذبح الاطفال والعالم يشاهدها ونام
إني فلسطينية المنشأ وروحي غاليه= لكنها الاقدارهدتنا بفرقه وانقسام
يا أمة الاسلام صارت ارضنا المتراميه= لطراف .. لاعدانا ولانملك بها حتى جرام
اين الشباب الحر اين الغيره الاسلاميه= ماهي مواقفكم من الاقصى وتشريد الانام
عجزت عن ردي وكان الصمت حجه كافيه= فقالت الموضوع متوضح وفعلا لا تُلام
للقدس واليها وللاقصى حمايه راسيه= من الإله الحي سبحانه شديد الانتقام
وختمها صليت ما يتلوا حروف الجاثيه=على حبيب الله طه سيدي بدر التمام
صلاه من قلبي ونفسي عن صلاتي راضيه=ما اجمل الابيات لاذكر النبي جا بالختام

[وليدالمصري]

مايحدث أمام اعيننا ليس جديد على امتنا
وما يحدث من تخاذل نحن نتوقعه تماماً
وما يحدث من ذل وقهر ومهانه متجدد يوما بعد يوم
ومظاهراتنا تملىء الشوارع ونحن نهتف باسماء احزابنا دون النظر الى الواقع المشين
كل حزب يجيش مظاهره مـاذا صنعوا من كل هذا غير مضاعفات الاجراح
كلمات بسيطه تعبر عن واقع مؤلم وأجفان لاتعرف السكون من حرقة الألم ..

غاب عنا صلاح الدين والدين سايب = والسبايب ذيول الذل وآل الخيانة
ألعماله ورخص النفس ساس المصايب = والمناصب يصيدوها رموز الهيانة
المجازر ونار الحرب صارت نوايب = والكتايب في الميدان تحت الصيانة
ظلم جاير على الأطفال و العدل غايب = والأمان انتهى والأمن فاقد أمانه
دمهم سال والمشوار بين الحرايب = طال والكل متفرج فيا للجبانة
والشباب المطور شفت فيهم عجايب = يهتفوا ضد إسرائيل بالبور زانه
والشعارات للأحزاب ذي هم حبايب = في مسيره من اجل الحزب يكسب رهانه
مصلحه من وراء الحرب باسلوب خايب = شمس هذا في الراية وهذا حصانه
لن نوافق ولن نجمع على رأي صايب = كيف باننصر الأقصى بكلمة إدانة
كيف باننتصر والبعض للبعض عايب= والخلافات بالموقف تحطم كيانه
كيف ؟؟؟؟؟[/QUOTE]

[وليدالمصري]

هذا هو البدع من الشاعر القدير ابوصنعاء صالح الزمري اليافعي
مرسل لوليدالمصري

ياشموس السما ليش نورك اليوم غتـم =ماجرى قال ابوصنعاء لمه ذي الغتامه
حق لوهوغضب قد بي غضب زود واعظم = بعـد ماشفت شلة خـاربه لذمامـه
شلة الـويل ماشي تستحي ما بهـا دم =يوم قامت بتشدق كــــلام الائمـه
لنفصال الذي بتطالبه بعـد ما لـتــم =ما يطالب بذا الا عـديم الكرامـــه
وينهي الموطنه ذي يدعي فيها علقـم =صار مكشوف. ماتخفى على حد علامـه
قلتها من زمان لوتحذرون ابن ملجم=ناكر الجُمل ماكر ما يصــدق كلامـه
والوطن في دمي بالحـــق انا بتكلم = لا ولا خاف من حــول عليا انتقامـه
رغم تهــديدهم بيضل راسي بينهم= والله ما قبـل بمن راد يسوق نظامه
لست ظالــم ولانا بالذي راد يُظلـم=مقبل الظلم مانا من يسـوي ظـُـلامه
يارسولي توكـل وركب المهر لدهـم = شل خطي عجل ربي معك بالسلامه
اب حيث الفتى المقـدام ابن المقـدم = شاعر الجــيل ابوركان ورفع مقامه
قوله مابيخفى ماحصل ونتـه اعلـم= ونت بالله مــيز بين قمحه وشامه
لتقولي الصحف ولا غلط ما تترجـم =اوتقولي الائيم الان جت له شهامة
انطق الحق لاتبقى كما شخص اعجم= وحذر الخــوف لا تبقى لسانك عُجامه
الدمقراطيه والحـــريه ذي بنحلم =استغلونها مـولى الغتر والعمامــه
وصبح الفار ذي بالجحر حقه افندم=بعد ما عطوه من مال الغـُرم والغرامه
باع نفسه لاصاحب الظمـير المحطم =وصبــح الان خادم له وخادم غلامه
يا وليد افهـم المغز وانا فيك افهـم =لا تغطي عيــونك مثل ولدالنعـامه
ما سمعنا بنقدك ع الغلط ذي تقـدم =بينه وظهره لاتحـزمه في رزامـه
وينهو مجلس النواب مهما تهنجم = ما يباء المصلحه قصده بمـاء في حزامه
وين لجان الفساد ما هل مشاريع توهم=من تحاسب قبـائل بكر ولا خزامـه
والحكومه امانه ما به شــم يشتم= أكلها سمـج ما يُطعم لآكل طعـامه
اعدمو القمح هل رادون لشعب يعدم=اما اردون فــوضه واتقوم القيامة
لكن الرمز سبحان الذي عطاه ولهم=عـارف الي رامى وين اينشن سهامه
ظرف ساعه صدر امره موقع مُختم =واطفئ النار ذي رامو العداء اضطـرامه
هكذا القـائد المقــدام منه تعلم = وخدم الشعب يا من رمت تاج الفخامة
من غلط حاسبوه وفوق ذا ادوه ملطم= ولجمونه وسوو له بخشمه لثـامه
فصل ثاني عسى الرحمن بايفرج الهم= وايزيل العــدو ويدمر الله عظامه
ما لعرب كلهم باقـــول الله يرحم =وين حكامهم ماحد صحي من منامه
العراق انتهى ومسجد القدس يهدم=وين ذي ينسبُ لاهل الشرف والشهامه
لامتى لا متى بايبقى الكل مهتـم = بالكراسي وباينسون عز النشــامه
ولاهنا هاجسي وقف كلامه وختم = مايزيد لعاء ترجــع علينا مــلامه
بنتظر شاعر الأجيال ماذا يقــدم = خـوف بي لا وليد يقطع علينا سلامه
وختمها بالنبي نور الإله المعظم = مالسيول اقبلة بالواد تدهم دهـامه
ونت يامن سمع صله معي ع المكرم =عد ما سبح العابد وما الشهر صامه

جواب ابوراكان وليدالمصري على قصيدة الشاعر القدير ابوصنعاء

من ذكر مالك الاملاك ماقط يندم = صانع الكون سبحانه ومجري نظامه
يالله ادعيك ياخالق من الطين آدم = يسر احوال اخو راجي وحقق مرامه
انت سلطاننا الاعظم وبالحال تعلم = يا عظيم الرجا حَسن لعبدك ختامه
قال اخو قيس عاد الهيج خشمه مخطم = والقوافل بدرب السير حسب انتظامه
والسفينه تفك الموج في لُجة اليم =والميامين بالواجب حموا كل هامه
شعبنا الحُر تاريخه للاقطار معلم = شعب قاتل على الوحده بشفرة حُسامه
منطقه دائماُ(حد الحُسام الملهذم )=يقطع اعناق من حاول يفك انظمامه
وحدة الشعب محمية بفرسان تزهم = ساعة الصدق والفيلق يتم التحامه
درعها الجيش والشعب الأبي خير معصم = أمرها تم والوحده لصدري وسامه
والمسيئين تتغذى الرصاص المقلم = في دماهم وموقعهم يتم اقتحامه
لن يمس الوطن معتوه فكره مقسم = لوث الحقد تاريخه ودامه دوامه
قد لبسنا الجُعب والبر جنيف المصمم = ضد من رغبته للصف يلقى انقسامه
أنتهى فصل والثاني بيانه تنظم = مرحبا ضيف جا عندي وباشر مهامه
ضيف مرسول من يافع وصلني وسلم= قول من عند ابو صنعاء وتم استلامه
رحب اعماد والحصن العريق المحزم = والمحيطات حيت به وروس اللكامه
ينزل الضيف في ساحة بها الجود خيم = ساحة العز من جاها ينال احترامه
شاعر الوحده المشهور والحيد الاصيم = ذوق واخلاق في طبعه وحُسن استقامه
ذي هجاني في ابياته وانا راسي الصم = ماتجراء ولا شاعر يصيغ اتهامه
قد بدع يخلط الاوراق والبادع اظلم = قال بي خوف وانا ذي مامن خيامه
ماعلي لوم لوصغت الكلام المسمم = واحرق اجفان ابوبلقيس واكسر خُرامه
رد منظوم والزاكي كرام المرقم = مثلها الحرف يتلهجم بقوة هيامه
درس بالقنه صالح على الكيف والكم = لجل يصحى ويتناسى امور الغشامه
عاد انا أمس شجعته وما كان يحلم= أن يواجه قوى شاعر شديد الصرامه
ماعرف ينتقد موضوع او يشرح الغم =غير بالمدح والتعتيم نلقى انسجامه
ينظر الوضع من جانب ولو زاد تمم = كان يفهم من الواقع فصول الدرامه
شعب مظلوم في قوته ولازال مُعدم = واصبح البعض يتناول فتات القمامه
دخل محدود والبترول سعره تضخم = والمواطن عجز يدفع رسوم الإقامه
والوزارات تسكنها الذيابه وتنعم = بالسيوله وتتباهى بقوت اليتامه
والمحاكم على المكتب تشوف المعمم= لابس التوزه الزينه وشاله امامه
مامعه هم غير الجيب يبقى مرزم = بالملايين والاحكام حسب احتكامه
يسهر الليل من اجل الثريد المدسم = قوت بُكره وحق القات كيف التهامه
قال بن زيد سطح الدار مهما ترمم = يعتبر هش والفجوه بوسط الدعامه
كيف يستبدلوا عاطل بغيره مهشم = والمحطم يصينوا له بقايا رُكامه
الخلل في عمود الجسم والعله اقدم = من الم صار مستعصي وصعب التئامه
باعد الوضع بين الأب والابن والعم = دون ماحد على الثاني مسوي خصامه
كم سمعنا وكم شفنا القرار المحكم = دون تنفيذ والفاسد مواصل دوامه
يازعيم البلد عاد الخطر ما تأقلم = فيكم الخير للعابس تعود ابتسامه
يكفي الشعب ماعاناه في كل ماتم = قد وثق فيك .. لاعد تشعره بالندامه
فصل قاسي مضى والأن ياذاك يلزم = نشرح الوضع ذي سبب لجسمي سُقامه
حال بغداد والاقصى وحال المخيم = حال ميئوس وانقاذه نشوف انعدامه
الجناحين تتناحر والاعداء تزحم = واصبح الحال نيرانه (قليم قلامه)
فتح ترمي وابومازن بحلمه تعشم = حلم مفقود وآماله تعود الحمامه
يطلب السلم والجاني بجنده مدعم = والعراقين مشغوله بأمر الزعامه
والمناضل يدوس الدرب ذي هو ملغم = والحجاره بيد الطفل بعد انفطامه
لاهنا وقف الهاجس وانا قلت له تم = يكفي الشرح ملينا بكثر ازدحامه
واذكر المصطفى ماطاف بالبيت واحرم = عبد طايع وماشنت مزون الغمامه

[وليدالمصري]

عشقت القوافي عشقة البـدو للسلـب
وعشق الفوارس للخيـول المحجلـه
وعشق المحارب للميـازر وللجعـب
وعشق الروابـي للغصـون المـبلله
وعشق المفارق ذي عن الحالي اغترب
وعشق المتاجـر للجمـال المحملـه
عشقت القوافي عشق فطري ومكتسب
زوامـل وبالـه والقصيـد المطولـه
عشقت القوافي واصبحت غاية الطلب
وفكـري تولـع بالحـروف المبجلـه
مسيره وسيره عاشها فاكـري وشـب
عليها .. وفيهـا امنياتـي مسلسلـه
هيامي..وحبي ..وانتمائي ..هو السبب
ومن دونها تصبـح حياتـي معطلـه
لذا .. غايتي امسي واصبح مـع الأدب
اراقب .. أتابع .. اخترع أي مسئلـه
أداوي جروحي واكتب الحرف من ذهب
واصاحب خيالي مرحله تلـو مرحلـه
على منظر الخضراء وآثار حصن حب
وآثار يحصـب والحصـون المقفلـه
منـارات عليـا بالمقامـات والرتـب
معـادن ثمينـه بالجواهـر مــكلله
مساحات فخري عنها هاجسـي كتـب
مآثـر عريقـه والملاحـم مسجـلـه
ملوك الشراسه عنهـم قالـت العـرب
وعن مجدهم تلقى الحقائـق ماصلـه
مع الشعر يسبح خاطري كلما وجـب
أنقب وابحث عـن محاسـن مجملـه
وعن أرث شعبي عبر الازمان والحقب
كنوز القوافـي عندنـا غيـر مهملـه
وذكر النبي يجلي همومي مع الكـرب
صلاتي على من مالك الملـك رسلـه
محمد شفيعي من حمـا النـار واللهب
حبيب البريـه مالـك الملـك فضلـه

[وليدالمصري]

مالك الملك ياموجـود قبـل البدايـات
ياعظيم الرجا منـك تكـون الحمايـه
استر الحال يامنان مـن كـل آفـات
واغفر الذنب وألهمنا التقى والوقايـة
وألف أصلي على المختار سيدالرسالات
خاتم الأنبيـاء طـه رسـول الهدايـه
قد كتبنا على صدر الزمـن عدةابيـات
واصطنعنا من افعال المعـادي روايـه
واحترقنـا بنـار القاذفهكلمـا جـات
نحو الاطفال واستهداف دور الرعايـه
كم شجبنا ونددنـا علـى مرالاوقـات
واعتنينـا بتنظيـم القوافـي عنايـه
بالملاييـن تلقاهاقصـايـد مهـمـات
تشرح الوضع تتبين بهـا كـل غايـه
كل مسلم من الواقع يصـرح بآهـات
والقيـادات مشغولـه بأمـر الجبايـه
رغم إن الحقيقه عند اخو قيس بالذات
غير مايرسم الواقـع بتلـك الحكايـه
في فلسطين للابطال والنصـر رايـات
حطمت للأعادي فـي المياديـن رايـه
بالحجاره يصدو الف موجه وموجـات
يكسروا صف مستعمر بتلـك الرمايـه
يدحروا .جيش, دبابة, قذائف, ودانات
مايهموا سلاح الخصم وقـت الجنايـه
هؤلاء الرجال الشاجعـه والحضـارات
عنهم ترصد الخطوات رغم ا لوشايـه
عز الابطال من عز الوطن والمهارات
تصنع الموت للغازي وتصنـع نكايـه
والعدو المسلح كل ما فات .. مافـات
بالنضال الرجولي با تجي لـه نهايـه
لن يمر الزمـن حتـى تمرالاصابـات
في صفوفه وبا يصبح سلاحـه نفايـه
وألف أصلي على المختار سيدالرسالات
خاتم الأنبيـاء طـه رسـول الهدايـه

[وليدالمصري]

يا مالك الملـك ثبـت قلبـي المؤمـن
على الهداية بفضل النـور والماعـون
والهمني الصبر فيما صرت لـه مذعـن
من بث الأخبار.. أثر الطحن والمطحون
عروبـة اليـوم لاتغنـي ولاتسـمـن
ولاتـوازي بهـذ المعركـة كبـسـون
دم العروبـه ودم الطـفـل لايثـمـن
قطره من الدم .. تسري من جسد ملعون
لو ..ضل جندي تشوف الميج واليوشن
وأسطول حربي وتتحرك بني صهيـون
وابن العروبة .. يذوق الموت .. لايمكن
ساكن تحرك ..ولو قتلى العرب مليـون
فوارق الدم فـي ميـزان مـن يـوزن
حد في الثريا وثانـي بالثـرى مدفـون
عروبـة اليـوم قـد حكامهـا تيـقـن
معالم الـذل لكـن عزمهـم مسجـون
ياقهر اخوقيس مـن خُـدام واشنطـن
ذي باعوا الدم واهدوا عارنا المصيـون
قلبي تمزق وجفنـي بالسهـر مدمـن
لانوم جاني واقضي عيشتـي مغبـون
كيف ارغب العيش والتلفاز لـي معلـن
عن كارثة حرب وآنـا منهـا مدحـون
طوبى لمن مات يوم المشهـد المحـزن
في ارض لبنان والبصـره وبالزيتـون
عاش المقاوم ويخسىء كل مـن يفتـن
في قادة النصر فعلا نصرهـم مضمـون
بضعة رجا جيل فوق أكد افهـم إف إن
يقودهم شخص من بين البشر مأمـون
ساله الهـي بفضـل القارعـه والجـن
ينصر عباده ويهـزم ذلـك الشمعـون

[وليدالمصري]

وهذا بدع الشاعر وليد المصري






يامن على العرش من فوق الطباق
سالـك الهـي بفضـل الواقعـة
والنـور والمائـدة والانشـقـاق
تنجنـي يـوم نــارك والـعـه
واغفر ذنوبي ويسر كـل شـاق
قلبـي يخافـك ونفسـي طايعـه
ياطايـر السعـد حـد الانطـلاق
ملفـاك عنـد الرجـال الشاجعـه
اسود ماهمهـم لا الوقـت ضـاق
سيوفهـم ضـد الاعـدا قاطعـه
والقبيـلـة قابلتـهـم بالعـنـاق
دام الله أهـل الصفـات الرايعـه
سلـم عليهـم بلهفـة واشتيـاق
وخصهم بالحـروف ألبـا دعـه
صقر ألحدا ذي يصـون الاتفـاق
وآبـو أسامـه نجومـه ساطعـة
يبن النصيري دمي زاد احتـراق
من يوم شفت القبـل متصارعـة
الجهل ضيق على القوم الخنـاق
وسبـب أحـداث عـده فاجـعـه
كم راحت اغمار من فعل الشقـاق
وأجيال بالثـار صـارت ضايعـه
الأم تبكـي بساعـات الـفـراق
والطفل تمسـي عيونـه دامعـه
هـذا توفـى وذا عايـش معـاق
وذاك شـارد وخصمـه تابـعـه
والنار يشعل حماهـا كـل عـاق
ما قوتهـا إلا الرجـال الفازعـه
وكل واحـد يقـل عـاد الغـلاق
نـار المضلـع لخصمـي طامعـة
ايش السبب دمهم في الأرض راق
وروسهـم بـالافـن متقامـعـه
ماحد من الزوبعـة فكـر وفـاق
إلا ذوي العـقـول الـبـارعـة
ماذى جنى ذي زرع بذرة نفـاق
وذي تسبـب لفتـنـه واسـعـه
بين الخلايق حمل مـا لا يٌطـاق
في يوم تلقـى النواصـي راكعـة
حرب القبا يل مشقـه وانـزلاق
بيـن الجرايـم وقعـر اللاسعـه
هل من أمل يا نصيـري للوفـاق
والا مواقـف نـراهـا رادعــة
والأمن في الشعب ما يلقى اختراق
والقـوم يلقـوا معيشـة قانعـة
وكل فاسـد فـي الدولـة يسـاق
والمرتشي واللصوص الجا وعـه
والختم صليت ما طـاف البـراق
على النبي ذي صعد لا السابعـة

جواب الشاعر محمد النصيري

يــالله سـهـل لـعـبـدك بـالـوفــــاق === بـحـرمــة الـفـاتـحـه والـقــارعــه

وجنّـبَـه فتـنـة الـنــاس الحـمـــاق === يامـن لـك الخلـق تركـع خاشـعـه

وبـعـد يامـرحـبـا غَـطَــى نـطـــاق === الكـون واملـى سمـاه الشاسعـه

بمـن ربـح كـل جــولات السـبــاق === واجـتـاز كــل الخـطـوط المـانـعـه

مصري من اهل المعاليق الوثــاق === والقبيـلـه فـي جبـيـنـه لامـعــه

ياهاجسـي قـوم بـادر باستـبـــاق === الــوقــت والـثـانـيـة مـتـسـارعـه

وانطم لي الرد في نفس السياق === وحــــل كـلـمـاتــه المـتـقـاطـعـه

قــال النصـيـري محـمـد يـارفــاق === الـثــار خـــلا الـعــرب مـتـواجـعـه

الـثـار لـعـنـة وفـتـنـه واشـتـقـاق === واللـعـنـه اكبرمصـيـبـه فـاجـعــه

ياصبـرأيـوب لا ..مـا الصـبـر طــاق === يـاأرض ضاقـت رحـاهـا الواسـعـه

يامصري الشعـب عـاده مـا أفـآق === مُــحــــال تـلـقـى أذانا"سامـعـه

بنظـرة العطـف حـدقـت إحـتـداق === لـعــل نـفـسـك علـيـهـم بـاخـعـه

مـاتـدري إن التـراحـم والـشـفـاق === مقـطـوع وانـتـه عيـونـك دامـعــه

الـثـار مـاهـو مـذاهــب واعـتـنـاق === لـلـثـار دافـــع وبـشــرح دافــعــه

مـادام والجهـل ملصـوق إلتصـاق === بالـشـعـب عقـلـيـتـه مـتـراجـعـه

والحقدوالغـل هـوسـاس إفـتـراق === الــنــاس بـالـنـازلــه الـطـالـعــه

وابلـيـس لادلـهـف الـبـواق بـــاق === مـايـخــرج إلاوهــــي مـتـقـارعـه

والنـار تمضـي بلحضـة لرتـشـاق === عمـيـا ولاتــدري ايـنــي جـازعــه

والـــدم لـــوراق بـعــده بــاتــراق === دمـــــا ومـاضـنـهــا مـتـفــارعــه

هـذايـدورغـريـمــه بـاشــتــيــاق === وذاك هـــارب وخـصـمـه تـابـعــه

وصاحـب الـدم ينـسـاق انسـيـاق === ونــــار ثــــاره بـتـبـقـى والــعـــه

يضـل يتنـشـق الـمـوت انتـشـاق === ولومـعـه فـــي حـيـاتـه مـامـعـه

ماتنـطـفـي نــــاره إلا بـانـزهــاق === روح اعــتــدت أورئــآهــآ نــازعــه

فـي ذلـك الحيـن يتهـنـى مــذاق === الـنـوم والـنـاس تبـقـى هـاجـعـه

ماعاد بايسـرق السمـع استـراق === يمشـي وبيضـاء تـرفـرف ناصـعـه

وهـكـذا الـثــــار يُخـلـق باخـتـلاق === الـجـهـل وآ آثــــآره الـمـتـتـابـعـه

والا قـد الكـل حـاسـس بختـنـاق === مــاواحــد إلا ونـفـســه نـاكــعــه

لاحــظ بنـفـسـك إذا مـــا دم راق === والـنـاس فــي حينـهـا متـنـازعـه

إن كـان لـه مــن واء الضـهـر واق === كـــل الـقُـبــل بـاتـثـورهـا مــعــه

وان كـان مـال القتيـل اي التحـاق === ولا وسـاطـه ولا اســره شـابـعـه

مـن سـوف يآخـذ بثـاره واللحــاق === بـقـاتـلـه والأيـــــادي الـضـالـعــه

مــادام والأمــن مـالـه اي طـــاق === ولامــعـــه اي قـــــوه رادعــــــه

لو يمضغـون الدمـاء بيـن البصـاق === لــن يستطيـعـوا يـزوعـوا زايـعــه

ياأمـن مــا أمــن الـنـاس الـقــلاق === يـاعـدل ويـــن الـعـدالـه ضـايـعـه

هل آن نلقي قـدم أمنـي وســاق === والـعـدل هــل آن يمنحـنـا سـعـه

أم أن شعـب اليمـن بيـضـل بـــاق === رهـن المحـن والمآسـي طابـعـه

يكفيه ماقد مضى به فـي غـــلاق === سـنـيـنـه الـتـاسـعـه والـرابــعــه

ومانشاهـد ونسمـع فـي العـراق === مـــن الـمـذابـح أدلـــه سـاطـعـه

تبت يد الفسق والنـاس الفســاق === واهــل الفـسـاد الأداري جـامـعـه

ون قـالــوا الـقـبـيـلـه بـالاتــفـــاق === ضـــرر فـقــد رُب ضـــره نـافـعــه

كـانــت قديمـــاًبـحــدات الــــذلاق === أكـبـر قبيـلـه تـجـي لــك طايـعـه

واحكـامـهـا بـالـمـراود والــحــلاق === تمـضـي وكــل القبـايـل خاضـعـه

مالـيـوم مـاهـل نعتـقـهـا عـتـــاق === مـن بعـد مـا الكـل ضـيـع وازعــه

ياليـت والأمـن يمسـك بالـوشـاق === يـقـمـع بـشــده وقـــوه رازعــــه

لاكــن عليـلـة مُصـابـه بالـفـتــاق === وكـــل الامـــراض فـيـهـا واقـعــه

وكــل ضـابـط زفـيـره والـشـهـاق === مايـآخـذه غـيـر لا امـلـى لاجـعـه

لـــن نـنـهـي الـثــار إلا بانـطـبـاق === أحـكـام ربـــي بـصــوره قـاطـعـه

ولا قــد الـوعـي والتعلـيـم فـــاق === الجـهـل بـتـكـون خـطــوه رائـعــه

واتناسق العـدل والأمـن انتسـاق === للــزام الأطـــراف ذي متشـارعـه

وكــل مسـئـول حـــارب لـرتــزاق === بـصــدق نـيــة ونـفـسـه قـانـعـه

وحـاول إصـلاح مـن حولـه وتـــآق === لــردع كــل الـنـفـوس الطـامـعـه

خـتــامـهـا ضـاق بالحـرف الخنـاق === بالـكـاد صـغـنـا الحـلـول النافـعـه

علـيـك ياشافـعـي يــوم الـتـــلاق === صلـى فـؤادي ونفسـي خاشعـه

[وليدالمصري]

اليــــمن


موطن العز والتاريخ عنك يقـــول = موطن الفخر والامجاد طول الحياه
في شرايين قلبي كل لحظه يجول = زورق الود. من اجل المــحبــه بقاه
افتخر بانتمائي طول ماعشت طول = اليمن تاج راسي بل وراسي فداه
يرخص الدم ياموطن عريق الاصول = لجل تبقـــى بها شامخ بكل اتجاه
اليمن موطن الايمـــان قال الرسـول = الف اصلــي على طه وطيــب ثراه
الصديق الوفي


يـشـهد الله انـك يالصـديق الوفــي = مثل روحي ومثل الكف والساعدين
مختفي عن عـيوني بس ماتختفي = من فؤادي ولك كل الحواس انشدين
بك سراج الاخوه دوم ما ينطفي = يا سلاح الحرايب ياكريم اليديــن
مفتخر فيك وامثالك بهم مكتــفي = وعد من حر لن الوعد للحر ديــــن





((هواجيــــس ))



اخو علي قال برق الـشـعر والراعد = في هاجسي كفو والحساد مغبونه
ياهاجسي هات من بركانك الصاعد = واكتب عبارات للزوار مزيونه
الشـعر انا كفـه اليمنى مع السـاعد = وهو سلاحي ومحزق الف كبسونه
مسكين من هاجسه بالرأس متقاعد= ومعظم ابيات شعره غير موزونه
اعتز بالجيد لانه درعي الواعـد= فالجيد معروف في شرعه ومضمونه
والفسل عن ميزة الاجواد متباعد= والكذب عادات عند الكل ملعونـــــه
والشك يجعل قليل المعرفه قاعـد= في ساحة إبليس ينبش كـل مـدفونه

[وليدالمصري]

يانهــار اسود



بســم الإلــه الـوليد اســـرد=بـيــان شــعــره وتـبـيـــانه
فوق السماء السابعه يُعبد = و يـــحــكم الكــون سلطانه
اتــشـكـــره دوم واتـحــمــد=علــى نــعـيــمــة واحسانه
وغــأيــتـي رحـمـته سرمد= ومقـصد القـلب غـفـرانــه
وازكى صلاتي تزوراحمد=ماالكون تتراقص اغصانه
يا هاجس المـصري أتأكـد=وحــط للــشـعــر قـيـفــانـه
لـلــقـافـيـة بــحــر يـتـجـدد=والـحــرف يـعــلـيه عنوانه
حاسب على جزرها والمد=والـوزن للـقــول مـيــزانـه
والصـدر والـعـجـز يـتـبند=لاواجــه أفــكــار تــعــبانـه
ومـسـتــوى الـنـظم يـتحدد=بـبـنـيـة الــبـيـت وأركـانــه
مـا شـاعــر إلا مـن أتعود=على أعذب الشعر وألحانه
وغاص في البحــرواتصيد=لــولـه ودره ومـرجــــانـه
والنـقد بالـجـمـع والمفـــرد=له العبـــارات عطشـــانــه
وهاجـس المصـري أتوقـد=وفـاض بـالشــعـر بــركانه
واتسلسل القول واتـأبــجـد=واتزيـنـت ســاحـة اعلانــه
في ضل تفكير شفت أغيد=تداعب الـريــح ســـيقــانــه
يـمـيــزه عــنـفــوان القـــد=وقامــت الـجـسم واعدانـــه
شفت المباسم وشفت الخد=وقــلــت للــــرب سـبحـانـه
ذي كـونه من عدم واوجد=وجـمـلـه واحــكـم اتــقــانـه
حـسين مـا مثل حسنه حـد=ولا جــمــالــه بـإنـســانــه
فيه البساتيـــن تــــتــــورد=عقـــود مـن فــل نـيســــانه
قد فـاق الأوصاف واتفـرد=ورمـش الاعـيــان فتــانــه
وكــــل مـغـــوار يتقــــيـد= لا صــوب الـسهم باعيانـه
طـافـت بـي امـواج تتجرد=مـن الـعـنـا وسـط مـيـدانـه
رغم إن برج الهوىموصد=عنــدي وسـكرت بيبــانـه
وماحدث كان وضع اعند=من الجبل شـامـخ ازبانـــه
وكـل مـا قـد نـويت الصد=تردنــي موجة اجـفــــانــه
وموقفي مـن دلالــه جـــد=واهملت لحظات طــعانــه
وافكار الاصـرار تـتـوافد=وبعض الافــكـــارخــوانه
من جانبي قدوضعت الحد=وانهيت احاسيس غلطانـه
لكـن صـمـتـه بـداء يـنـهـد=واتبينت معظم اشجـــانــه
يستجدي اغراب واستـنجـد=بمن يعينه على اغبــانــه
مــن حـاجة الـمال مد اليد=ودمع الاعيـــان شنــــانـه
شـمـوخ مـنــهــار واتـبدد=بــذل الاعـزاز واذعـانــه
فقلت له يانــهـــار اســود=لوما يجد في يـــدك عــانه
ما تأتي الناس في مقـصد=كم باتت أقوام جـيـعـــانــه
وحاجتك عـند مـن مـهــد= لكـوكب الارض وديانـــه
جوب عليـا وكـــاد الــرد=يـزيل للـقـلـب شـريـــانـــه
قالت انا حـــال لايُحســد=والدهر لاقيـــت حــرمـانه
مخــالــب الـغـدر تترغد=ياقهر مــــن صــاحبه خانه
قهر الوطن ذي به اتشيد=قصـرالبطل وانتهى شــانـه
واتحطم الدار والـمعبـــد=وانهارت ابطال شـجعـانــه
كان الرداء حولنا ممـتـد=والجند للنصــــر تـيـجـانـــه
والخصم من بأسنا يرتـد=ونحرقــه وســـط نـيـرانـــه
واليوم من أرضنا نُطرد=وللجـســد نحمــل اكفــــانــه
والعاصفة نارها تُخمـــد= هـذا أمــل قــوم هلكـــانـــه
هـــد الــزمن حيلهم واشتد=عليـهـم الـخـصـم واعوانه
أتـنـمـر الثـعــل واستأســـد=وكشر الكـــلب باسنـــانــه
والمجد في معصمه مرود=سجـين فــي يــد سجــــانه
والذل قد صارمستــــورد=وتشـرب القـــوم كيســـانه
والانــتهاكـــات تــتعــدد= والحـــب فــي يــد طحــانه
مسكين من ضاع واتشرد=مــن اقـربــائه وخـــلانـــه
هذا ســـبب يـإســنا وازيـد=عـتاب مــن ناس فـهـمانه
صـدمـه قـويـه تـصد الرد= ويـخـذل الـمـرء لـسـانــه
مـواقـف الـوقــت تـتــعـقدد=والـقـول تـحـتـار فرسانه
جوارحــي عــافــت المرقد= وتمـسـي الـعين سهرانه
واصبحت في واحةالقصود=أعايش الوضع واحزانه
والشاعـر الفاهـم الامجـــد=يلمح من القول اتقانــــه
والرمز في قولنا مشهـــــد= والشر ملعون شيطانه
وازكى صلاتي تزوراحمد=ماالكون تتراقص اغصانه

[وليدالمصري]

اما أنا اخترت اخي ابو راكان شاعر الشاب الاستاذ وليد المصري . الشرعي ابوعلي



أبو سعاد قال : حالي مثل طير الكناري = وحال أخو قيس جاري مثل يعسوب الأزهار
مطعمه شهد علاني ..ومنصب وزاري = بين ربعه . وراجي يبصره أين ما سار
والمعنى كناري!! مسكنه عـ السواري = غادر الشط والمرفأ ..مهاجر وطيار
فاني العمر منتقل !! وليلي نهاري = لا جزا الله بالحسنا " قبايل وتجار "
والسياسي معاهم والضليع الإداري = كلهم يا نشاما ،وإلحقوا ابنها البار
شوهوها . وباعوها بسوق الجواري = وابنها البار مردوده من البيع صبّار
فوق سندان موثوق القدم .شبه عاري= والمطارق على أم الرأس. والوقت دوار
يوم يا خو علي ل -أحمد . ويوماً ل- ساري= وآخر الليل تاتيك الدواهي بالاخبار
لا تقولوا محابي . أو تقولوا يساري = أين ما السهم يسقط .مغنم الرامي اصفار
وان توفق بسهمه صاد قط المجاري = الله اكبر عليهم .والله اكبر على الثار


جوابي على الاخ الشرعي


ياهجوس الحليله وقفي في مداري = وأعلني بالاجابـــه من مضامين الافكار
زجلة العيل والعنقا ورقص الحباري =شوقتني نسيم التل ساعات الاسحار
مدنوني وانا بدوي بطابع حضاري = والوساطه بدربي مالها أي مقدار
باجتهادي طعمت المر حسب اختياري=واستقيت التعلم من ينابيع الانوار
الوفاء راس مالي والصراحه ضماري = لارعى الله من ينشر ضميره بمنشار
عشرساعات يوميا بحسب انتشاري = باعتمادي على ذاتي عزيمه واصرار
والمهاجر رصيده في البنوكات جاري =والفلل والمباني قد تصل تسعه ادوار
لهجته قد تشبهها ببدو الصحاري = وانتقاده موسع عنده الوضع منهار
قال ان الوطن في يد بايع وشاري = والتطور بارضه مايجد أي معيار
اليمن واهلها في خير ..دارك وداري= حب ,انسانيه,نخوه,اخوه وايثار

[وليدالمصري]

طير يا هدهدي لو كان بالإمكان=بلغ ابيات موزونه و محكومه
لابن زيد المكنى في أبو راكان=فارس الشعر والمغوار في قومه
أنشده كيف حال الأرض والسكان=هل تعيش الهناء بالعز منعومه
أم مكان القبيلي راعي الدكان=محتكر زعقته والقرع والدومه
واسأله كيف لما ذلك البركان=بعد ثورات ما قامت معه قومه
من يجاري حمم ناره رجع هلكان=والذي ما درى كانت بمعلومه
كيف أوصف لخلق الله لما كان=ترجع اعداه مذعوره ومهزومه
بالقوافي يهز الروس وامريكان= وين جاء هاجسه ؟؟ يا لومته لومه
وتقبل خالص التحايا العطره

رحب الميج والسخوي والفلكان = بالعبارات ذي بالقول منظومه
شعر موزون وابداعات بالقيفان= والبيانات حسب البدع مرقومه
مرحبا آلاف تتسابق من الوجدان= والمطايا من اجل الجيد مخطومه
اليمن عامره بالأمن والايمان = والمواطن قناعاته بمقسومه
نحمد الله ماحد في اليمن مهتان= واساله ان يقينا كل مشئومه
عزة النفس تبقى ميزة الانسان = واليماني اموره دوم محزومه
واحمر العين ذي له بالادب عنوان= شاسع الصيت والعدوان مصدومه
انت تعرف مسيرة شعره الفتان = والقذايف ذي احرق كل مذمومه
كم تحدى وكم دمر من الفرسان = لكن المرء يتماشى بملزومه
والمشاغل توقف موجة الطوفان = رزق الانسان .. والافكار مهمومه
كم تمنيت نتقابل في الميدان = بالقوافي بمفهومي ومفهومه

[youtube]

السلام عليكم ورحمة الله وبركاته/ مشكوووووور والله يعطيك الف عافيه to you

[وليدالمصري]

البدايه من خالد القعيطي

يامصــــري أخـــبرني عن أخبـــار البــــلد= هـــل في أمـــل نرتــــاح من بعــد الركـــــود
أو هـي مــآســي باقيــة طــــول الأ بــــــد= والشعـــب بين الصمــــت حــائر والصمــــــود
لايخــدعك بو قيـــس .. حتى لا أنتقـــــــد=شـُـف لو وجـــد منصــــب يصفــّـق للزيـــــود
كم ظــل يحــلم , لكن الفـــرد الصمـــــد= مــاحقـــق ّ الأحــــــلام للنـــــاس الرقــــــود
رد ابوقيس العلفي على خالد القعيطي


النفس عفّت وافترض حلمي رقد=في كل الاحوال النتيجه لي تعود
لا كلت مال أحد ولا شارعت أحد=هذا الذي ثابت وكلمة"لو" جحود
"لو" كلمة المفلس وحيلة من فسد=أفلست يا سعدون والعلفي يجود
إن جئت للأقوال من مثلي نشد=وان جئت للأفعال سل عني القيود
وينك وانا ويني تروّد يا ولد=ويش الذي با يوصلك شمخ سنود
إن عاد شي بك جهد وإلا أطلب مدد=أفرش وقل يا طالب الحسنات جود
رد وليد المصري على خالد القعيطي


وضع البلد من جد ياخالد وجد =ومن تمرد مالقي غير الجحود
شوف الوطن واحد موحد مُتحد= لاشافعي يوجد ولازيدي يقود
والعنصريه سم ينهي كل غد = والوضع عنه بانوضح بالبنود
السعر رافع والمرتب بالعدد = ماعد يوازي سعر لترات الوقود
والخير واجد والمطاره والبرد = في كل قمه في السوايل والنجود
تعقيب ابو قيس العلفي على وليد المصري

سعدون ينشد علم منك معتمد=شي علم والا ما مع شارد ردود
كنك على صعده بتمشي قع أسد=شي زومله وإلا أستعدوا للشدود
"برّع" من الصفحه وبه كمن ولد=بايحرقوا حده ومن فيها قعود
طلبت رايك قبل عن رأس البلد=رجعت بترامي ذي خلف الحيود
ماشي أمل إلاّ حبالاً من مسد=مادام عاد احنا مع الطاغي جنود
يا شعبنا بؤسك بك أشتد واستبد=وانتَ كمن لا وجود له في ذا الوجود
رد وليدالمصري على ابوقيس

ياللعجب قد بحر ابو حاشد جمد = والمعتمد قد كرره وسط الحشود
ماشي اسد من واقع الامه شرد= ولاتراجع رامي الظبي الشرود
شيبت يا درع القصايد والسند = وبندقك ماعد رمى والا يذود
والزومله هي عادتي اباً وجد = وانشي جماله خذتها بين الوفود
ومنطقي باوضحه من دون صد = واخو علي في موقفه صامد صمود
برع.. لمن ..يا حاشدي في ذا الصدد = وانا الذي في همتي فقت الحدود
لاتربط الماضي بما يوجد فقد = غادر زمن وما رحل ما با يعود
تعقيب ابو قيس على الشاعرين بسبب تأخر الردود نظرالفارق التوقيت

وداعة الباري يهودي من قعد=جبتوا لي الغمه لكم غُمه وعود
وش من سلا هذا جعلني في كبد= قد يا شويتاه أنتزر وانتوا رقود
يا عيّتي منكم عمى زايد رمد= ما معكم إلا هرطقه وإلا ركود
ناموا نومة بوي ذي ماعاد هد=ما انتوا لها واحد عدمكم والوجود
ناموا وانا با روح دور لي ند=أتحرشه أما لبيضاء أو لسود

رد وليدالمصري

بارق برق والهجس من قوه رعد = من قوته قد ذابت اكتاف الحيود
كلاً معه في ذا الحياه جزراً ومد = والرزق يحتاج السعايه والجهود
ما..لو توظفنا جوار المستند = لانرتمي في قعر ماشي له حدود
لكنها وسله لتحطيم النكد = وتسليه للقلب واركان الكبود
والحاشدي لاماوصل منه مدد=هل بايسلي خاطره هذا الصدود
وان قد رحل من عندنا والا ابتعد = هذا مسافه حطها فهد الفهود
ماكنت اظن النجم يطلع له غُدد = ولا يضايق من تإخار الوفود

تعقيب ابو قيس
يا ليت وانتَ صدق با ترعد بجد= ارعد وقد ما من "ثجر" إلاّ رعود
ارعد فقط واترك علي أمر البرد=قبحت لو خليت "للزقوم" عود
با ردّها من حيث ما المقهور رد=رياح تستأصل بقايا قوم هود
رديت لك ردين مطويه برد=رد خاص لك وآخر لمن قلنا قرود
كماً وكيفاً يرحم الله من رفد=ويسكنه جنات عدنٍ والخلود
ومنتظر سيلك متى شفته ورد=لك من جبيني منزلة سعد السعود

[وليدالمصري]

الشاعر خالد القعيطي وبدايه جديده وحرف جديد

بوقيــــس مفروض ماتغـــــضب من المـــؤتمر= لا أنتــه ولا الشــاعر المصري , وماصـار صـار
لن ّ الفــوائد معــــاكم دون كـُل البشـــــــر=ياكــم مشـــاريع في ( نعوة ) وقــاعة ( ذمـــار )
وإبن القعيــطي ( بيــافع ) معتـــمــد عالمطـــر=لا ماء معــانا , ولا شقـــوا طــُـرق بالجــــرار
هذا أعتقـــادي ومن له إي وجهـة نظــــر=يشــرح لنــا قبــــل يـــبداء بإتخـــــاذ القــــرار
مادام ذا الشعب صامـت مثل صمــت الحجــر= ويـش الســبب تشعلوا الساحة قذائــف ونـــــار
وليدالمصري

يقول اخو قيس من يافع وصلني خبر = ان المشاريع تتزاحم بكل ازدهار
وان البنايات قد صارت بسطح القمر = لبعوس والحد والمحفد وتلك الديار
وان البداوه حقيقه قد يعدوا حضر = بعد التطور تميز توا بعدة ثمــار
واحنا بوادي بلا كهرب نعيش الغًدر = ولا مشاريع تنعشنا بوضح النهار
لكن أملنا في الوحده مبقي أثر = للصبر والعيش في حضن الحيود القفار

تعقيب وليدالمصري على ابو قيس العلفي آخر مساجله في القافيه السابقه

حيا ببو قيس ما هبت رياح البُكر= ما شن ماطر وغذى الباطنه والظهار
عجيب ياذاك تكرار انتشار (الثجر) = لني قرأته وتصحيحك وصل بختصار
شاعر نطقها وانت اليوم تحفر حُفر = بالقول ماعاد لك قدره ولا اقتدار
يعجبني القول ذي حرفه مؤشر خطر = ويوضع الرأي في مظمون كل اعتبار
والشعر نيران تتلاصى ومن قد حضر = يشد باسه وإلا يعلن الانكسار
رد ابو قيس على وليدالمصري

احياك يا بي وطابت ليلتك والسمر=انا اشهد أنك ضليع الفلسفه والحوار
مسكتني يا وليد المصري المعتبر=مسكه قويه فضحت أمري نهاراً جهار
راعد ثجر حِكر والعلفي أهيهي طمر=من حق من ؟ هكذا سرقه بوضح النهار
ابقى على "منت" يا المصري بكرٍ وفر=في ضيقه ما بها غيرك وغير الجدار
آبر لك تحترم عقل المتابع آبر=لا تأخذك عزتك بالإثم صحح مسار
دع كل هذا وفسّر لي فساد أنتشر=وين "ابننا البار" واقف منه يا "مستشار"؟
رد ابوقيس العلفي على خالد القعيطي

لا اسعد صباحك ولا مسّاك ماشي بصر=ولا نفس يوصلك للؤلؤه والمحار
أنظر إلى كيف تتناول ونوع الخبر=واحكم لنفسك بنفسك "في فمي ماء ونار"
رغم أبتذالك ورغم إسفاف طف الشعر=حاولت أو المعجزه تحصل ويفهم (هههه) غِرار
لا بك ولا باعتقادك أي وجهة نظر؟=وأي بطيخ يا راجل تنيّل بقار
مطار واحد ومستشفى بنعوه وعر؟=تثبت سوى جامعه معنا "بقاع البتار"
مأساه عمّت شعـّبنا والحجر والشجر=وانتَ على تجزئتها مجتهد يا (هههه) "الضمار
ابو قيس

يقول ابوقيس أول ما حكيت أنفجر=وبان لي ما في الأنفس لحق من دمار
الحقد والغل والبغضاء في أبشع صور=عمار يا قلبي المفعم بطيبك عمار
ما كنت اصدق ولكن هكذا "الحب أمر"=لا بارك الله هذا اليوم يوم الحمار
فيه أكتشفت أيش في بعض الصدور أستقر=يجيرنا الله من مرضى النفوس الصغار
سعدون سعدون يا سعدون جهز وجر=لظهر من صفحتك شبت في أحشاه نار
ما عاد با طيل وانتَ عارف المستتر=صفوا حساباتكم في بعد هذا الأطار.
خالد القعيطي ورده على العلفي

حتى ولو قلبك اصفــئ من حبوب المطـــر= قــد عطــلّـت بــك لسانك .. طولـها ميـة وار
منين ما اعطـــيتك الفرصـة تعـــيد النـــظر= رجعــتني حســب عاداتك لنفــــس الحــــــوار
ماهو لك ( النقـــد ) .. نغماتــك على ذا الوتـر= هــمّــك تشــارع وتطعــن بأيمنــك واليســـــار
تُــصلح مُـدافــع على هذا النظـــام الأغــــر= ما انته من الشعــب ذي عــانى وذاق المـرار
حتى هجــومك عليهم ... مقصــدك لو ظهــر= يمكن يحطـــوك قـــائد في جيوش التتـــــــار

رد العلفي على القعيطي

أقطع ذراعي وأرميها لكلب "الدفر"=لو القعيطي عرف ما قلت له باختصار
أحكي ونود الصبا تذري ويذهب هدر=حوار طرشان غبني وا ضماري ضمار
باطل على ما نثرته من نفيس الدرر=(ترلّلّي) ذي حسبته يلتقطها وطار
نقطة نظام أعترض واطلب ثلاثه نفر=تحضر وتنظر وتحكم حول ماهومُثار
وتستمر في راقابتها إذا ما أستمر=هذا السجال الذي للآن خالي الثمار
بـِنـِا على ...(لو) ... و...(يمكن) حشو شاعر شعر=إنه سيبقى مهمش في وجود الكبار
وهذا رد آخر من العلفي

سعدون كف التخطي ليس لك من مفر=أرجع هنا لا يقع لك يوم (هه هههههه) حامي الغبار
عاليه فيها التقطنا لك خفايا الصور=وما قد أقريتك إلاّ من قصار القصار
آيات واحكام وضعيه مليئه عبر=أثري بها وأنت وأمثالك جذابه وزار
"زنقول حاره" وانا في مرتبة من قدر=بذهن صافي وعمق إدراك يصنع قرار
أنا الذي كلما غيّبت مثلك ظهر =وينصرف في حضوري كل مؤذي وضار
وأنتَ حضورك حضور الهم والغم والكدر=وفي غيابك يعم الخير والإزدهار
نعقيب وليدالمصري على الشاعر العلفي

يامرحبا ماتلاصت فوهة الهوتزر = بشاعر الشعب ذي له في المقام اعتبار
لك قدر في القلب يتوازى بشامخ ثمر= وقمة العُر والقله وحصن المنار
والكر والفر لا يُحصر ولا يُنحصر = على جدارت مصموتات حول المدار
ناقشتني حول وضع الشعب في ذا الممر = وآنا قضيتك وقلت السعر زاد العيار
وقلت غامض وقلنا لك جيــوب الكمر = ماعد بها قرش يابوقيس يكفي هدار
كم يا مشاكل وكم يا في الدواير غُدر = وكم ممرات ممنوعة من الاشتهار
بافك لك باب للأوضاع والمحتكر = ماعاد يوجد وموج الشعر فك الزرار

رد العلفي على المصري

عارف فالاحساس واحد يا وليد إنشطر=بيني وبينك موده يا أليف الديار
ونظرتي فيك نظرة شخص شاخص بصر=يرصد سهيل اليماني خلف هام المثار
لكننا الآن في ساحة نزال استعر=الزمت نفسي بربط اثنين كمن (هههه) هزار
لاقيت بين الحروف المبنيه حرف جر=والناصبه "إن" "للتوكيد" في الإنحسار
لا بأس قرّبت خطوه من معسكر"شبر"=وعاد باقي معك "سع" من عدن "لا" جعار
القصر دونه وديني مارسينا ببر=القصر والا فلا منجى من الإنفجار

[وليدالمصري]

تعقيب من الشاعر ابو قيس الصباحي

فضول شاعر

قال الفتى بوقيس حيا مَن وفد=مِن معشر الشعار وادغال الأسود
شفنا قوافيهم ...وقلنا لش رَمَد=يعميش ياعين المشهبر والحسود
الله على هذه الزوامل في العدد=تقييمها عند الصباحي(good) جود جود
فيها النقاش اللي معه شعبي وجَد=تشخيص دائه ذي مضى له كم عقود
سعدون باشر بالهجوم المتحد=في زوملته اليافعيه بالبرود
مايدري ان الصيد ذي صابه عمَد=أخطاه في عشرين زانه ما تجود
طالَب مصالح شخصيه ما تـُـعـتـَـمَـد=والمصلحه أعيانها زرقاء وسود
ما فكَّر ان الكل عائش مضطهد=واسبابها بعض الثعالب والقرود
والمصري البداع عارض وانتقد=لمن تناسى أو نِسي تلك الجهود
قال الغلط في ابن القعيطي يوم شد=حمله على جنبه وناقضها العهود
قلنا صراحه يوم موطنا اتحد=ووثق الوحده بترسيم الحدود
أكبر مكاسب أكتسبناها بـ (جَـد)= من حجة الثوار لا شرقي ثمود
لكن صراحه وضعنا وضع النكد=دقدق مباني الصبر وابراج الصمود
لا داعي الإنكار واحنا ما نجد=حق ابن هادي ذي أكل كل الفيود
والعلفي المغوار بالحكمه وَرَد=و نصها "لا خير في من لا يجود"
لا بد ما نستئصل امراض الكبد=لو كلف استئصالها ردم الحيود
هيا اسمعوا يا اصحابنا يكفي عُقـَد=وفكروا في الوضع لا وين الركود
الشعب نومه طار... جفنه ما رقد=وانتم و وجهات النظر لستم سدود

[وليدالمصري]

الاخوه الاكارم تحيه وتقدير وانقل لكم هذه المساجله التي كان سببها زامل
ارسلته للشاعر خالد صالح السعيدي من ابناء منطقة القفر لواء اب حول
حرب صعده تقول كلماته


تحيتي يالقرن الاعصر والسلام اتقبله= مني وربعي والشماريخ المنيعه واللكام
صعده مشاكل تذهل السامع وقالوا جندله= ياهل ترى ذا الجرح ياخالد يجيه الالتئام


وقد تأخر الرد واذا بالشاعر يرسل قصيده حول الموضوع تقول كلماتها :-



مرحب يابو راكان اقوله وانت عده واجمله= مليون بسمك حاصله تقدير مني واحترام
ياشامخ القُلّه وحيا مهيدك والزومله= قافي وشَله جاتني لامقيلي والهجس قام
يعلن تراحيب الزماله والمخوه والصله= قال السعيدي في رساله عطرها مثل الخُزام
في شعر لوله بيض وافصاص العقيق المُرسله= مثل الاهِلّّّه لاسرت وابراجها قصر الرُّخام
وابياتكم مثل الزبيب ذي قلت واطماعي ولَه= لوهن ميِّه سلَُّه وانا ادفع لك ثمنهن بالتمام
غير اطلبك مهله سنه للرد لاتستعجله= فالهجس ماهله معي ذا الحين وانا وسط الزحام
ماعن سؤالك فانته ادرى بالسؤال ذي تسأله= حسبي تفاصيله وانا لاقراء ولافهم بالكلام
وان قلت لاحوله ولاقوه سوى بالله وله=ماراد باحكامه وعدله من معارك واصطدام
والحق واهله شق مؤمن في حلول المسأله= واهل الضلاله شق مؤمن بالعداوه والخصام
ما الحرب إمًّاحرب من اجل المبادىء سجله= واجب مقدس واجعله ياخي وليد ظمن المهام
وامًّاعماله قد يغرك ثوبها ذي تغزله= بسم الوطن واصل النذاله تحت دسمال اللِّئام
ماحرب صعده فالدلاله واضحه من أوله= داعي الطوايف قل عقله ذي دعانا من رزام
واقبل بجمله فارسيه قد نجادي مًّوله= فيها وقلًّه حرب شيعي طايفي يابن الامام
والسيف والبغله علينا وان طلبت القنبله= والصعق شله ياحمر العينين فالهيبه تمام
ذا الحرب تحليله على الظاهر سمعته وانقله= من مصدرالدوله لكم وان كان والصدق التزام
فالحرب كلًّه بين عشاق الهوى والديوله= واهل الكراسي بالوكاله ثوروا قبل الهيام
حرب المحنش والحنش والخاتمه قد يقتله = لاماتهياء له سوى ها والتحيه والسلام
يانهر دجله والمحيط الاطلسي ذي ساحله = جاني بتمويله من قداك والصبح باين والضلام

الجــواب من وليد المصري



سطح القمر حوله محطات الحروف المذهله= ترسل وتستقبل وصوله صاحبي باعلى انسجام
والحصن والتله وحيد اعماد قام استقبله = والارض مشتله وتقديره وزن شامخ ريام
شاعر وله صوله وجوله والادب مايجهله= أصله وفصله من رجال الموت وانسال الكرام
ابن السعيدي قد محله في الكبد ذي داخله= فُله وبستانين والقصر المشيد له مقام
حيا ببوخولان خالد ذي تغذى بركله = من بحر موجاته عتيه تلقي الشامخ رُكام
أرسلت له زامل وقوله قد تعدى مرحله= وطالت الرحله وانا فكرت له بالانتقام
أزداد في طوله وثُقل الحجم كنت اتخيله = في وزن مجموله مية مليار ياخالد جرام
وهل مرسوله وجا بالرد تاج المخوله= ذي حل مدلوله وسط خانات لحمي والعظام
شاهدت تفصيله وبينت السبب ذي اجله= فالسيل من قوة زجيله لاتأخر ما يُلام
والحرب بانفتح سجله والامور المقفله= تحليلها يحتاج نقله من ثرى صعده وسام
شباب مؤمن يستغله ظلم كاهن خوله= للقتل بالنبله وبالخنجر وفي حد الحُسام
مايردعه جهله ولا يختل فكر المرذله= من راس قد شُغله دمار الارض واعدام الانام
تفكيرهم ضِله قد استشرى وصارت بلبله = في ارضنا عله وصار الصف يلقاه انقسام
افكار مختله تبث السم واصبح معضله= شيعه وهم قله وكلاً يفتي الثاني حرام
فئات تتقسم بحاله ياصديقي مخجله= وارض اليمن صاله لتوسيع الطوايف والمرام
فروق بالملة وزيدي شافعي والحنبله= حتى السلف واهله وزاد المبتدع فك اللجام
دستورنا القرآن قاله حي قادر وانزله= على محمد والرساله بددت عصر الظلام
قال المثل قوله بإن الرمح يطعن باوله = ومن ظهر فعله يذوق المر من كاسه ونام
واسباب مجهوله وعاد اسباب عده واصله= كلين تأويله على ماجاه من وسط الخيام
لكنها بكله تحملها اليمن ذي كاهله= قد ضاق من حمله وكم ياهم يحتاج اهتمام
والمعتدي حبله قد اتمزق وصفه خلخله= وداعمة ذله وجنده اعلنوا بالانهزام
والريش مبتله لنظم الشعر حول المشكله= وهاجسي شُعله ويكفي لاهنا كان الختام
والختم باصلي على طه ذي الله فضله= صلاه من قلبي تزوره توصله بدر التمام

[مهري بن حيدران]

صح الله لسانك يالطيب ولاهنت
ولله ابيات ممتازه في التصوير الشعري

والوصف

وهي ابيات نادره بما قرات هنا