alymany
21-08-2006, 10:37 PM
قصيده الشاعر الكبير ابورعد القطنه مرسله للشاعر القدير ابووضاح ثابت عوض
مع اسفي واعتذاري لكم حيث والجواب لا يوجد لدي فالوقت الحالي وبإذن الله
متى ما حصلت عليه انزله
بو رعد القطنه يقول قواتي قد استنفره=باقود الهجوم القوي واشعل نارها والسعير
واحرق بن عوض ذي وقف مثل العظم بالحنجره =بشرى طيبه ربما قد هذا الهجوم الأخير
ما ظنيت يصمد متى قد نار الوغى استسعره =لا شاف الأمور احورت في حوم المعارك يطير
مهما قال مهما هدر مهما زيد الثرثره =والله اني أمامه جبل تصعب طلعته والدحير
لا تطمع براحه ابد إلا لنت فالمقبره =اما الآن ما شي سلا خلك من عذابي سهير
والثانيه باقول لك يكفي ياعوض عصوره =عشره عام غالطتني ما وصلتني للغدير
حطيت الحواجز علي فالضالع وقمة ثره =ما تشتيني انظر عدن وانشق شمها والعبير
خايف شوف خيراتها والعز الذي تنكره =حبل الكذب قال المثل مهما طال يصبح قصير
خاف الله يا مفتري واحمد ربكم واشكره =صرتوا في جزيل النعم بعد الجوع والقمطرير
أول شي مع انجلترا ظلت قرن مستعمره =والتالي مع ماركس شربها سقطري مرير
لكن مايو المعجزه خلاها في المنظره =واكساها الحلي والحلل والثوب النقي والحرير
حتى الفلك في بحرها بعد الانقطاع أبحره =واليمدا مع اسطولنا انضمت وباتت تطير
بان الفرق يامعتمي فوق العين حط مبصره =حتى تنظر الفرق كم بين اللي يرى والضرير
مات القلب واحنا الذي سوينا لها القسطره =والساعه عدن فالسماء عالي نجمها مستدير
بعد الشح والبهذله صارت تشبه الجوهره =منزلها مفرش بزل بعد الحوثره والحصير
وانت المستفيد الوحيد خل النكر والشوشره =ارجع واستقر في عدن واطمح لك منصب مدير
استثمار فيها قوي كاليابان وانجلتره =والخيرات متوفره بس خلك عليها صبير
فيها الفندقه زاخره والسواح مثل انقره =كلمة حق باقولها يسلم ذي بنا والمشير
كل اللي يشوفونها قالوا لي قد اطوره =قالوا كل ما تشتهي يوجد في عدن يا خبير
وانتوا قبل من جا عدن ظن انه داخل بربره =صومل كلها في عدن من خبازها للوزير
ماشي عذر ثاني معك والشماعه اتكسره =صل معنا وسربل وضم لا تجلس تشب النفير
انته صاحب الفايده لو فعلا قد اتغيره =كل الخير يذهب لكم واحنا اللي معانا يسير
رصوا طرق واسعه والكهرب بها نوره =والميناء بمد البصر جاهز والبواخر تسير
لو قلنا عدن لهلها وابن المسوري مسوره =ماكنتوا حصلتوا على طشه ماء وقوطي عصير
لكن طالما الخير عم وامزان السحاب أمطره =والله ما نخلي عدن والضالع ولحج الخضير
هذا فصل كامل خرج قايسته على المسطره =اتفضل خذه وانتبه تخلط برنا بالشعير
يكفي ردك الأولي ذي سويت به محشره =به بالغت يا بن عوض واتهنجمت ضدي كثير
قصدك باتقلد على بورعد الفتى عنتره =وانته تعرف اني أسد ازأر ضد الأعداء زئير
حط السيف من قبضتك يا نجار فالمنجره =منهو ذي تقل قهوجي ياثابت كلامك كبير
شف لي في دبي رتبتي ضابط هام بالعسكره =تحت امري كتيبه وانا ذي امر عليهم واشير
لا هانا وتم الخبر وين الزهور والمزهره =بهديها لثابت ومن في صفه وجنبه مغير
حتى ولو علاقاتنا عبر الهاجس اتوتره =ما با بيع به واشتري كلن حسب شرعه يسير
وختمها بذكر النبي ذي رب السماء طهره =وارسل به لكل امته للإسلام داعي بشير
مع اسفي واعتذاري لكم حيث والجواب لا يوجد لدي فالوقت الحالي وبإذن الله
متى ما حصلت عليه انزله
بو رعد القطنه يقول قواتي قد استنفره=باقود الهجوم القوي واشعل نارها والسعير
واحرق بن عوض ذي وقف مثل العظم بالحنجره =بشرى طيبه ربما قد هذا الهجوم الأخير
ما ظنيت يصمد متى قد نار الوغى استسعره =لا شاف الأمور احورت في حوم المعارك يطير
مهما قال مهما هدر مهما زيد الثرثره =والله اني أمامه جبل تصعب طلعته والدحير
لا تطمع براحه ابد إلا لنت فالمقبره =اما الآن ما شي سلا خلك من عذابي سهير
والثانيه باقول لك يكفي ياعوض عصوره =عشره عام غالطتني ما وصلتني للغدير
حطيت الحواجز علي فالضالع وقمة ثره =ما تشتيني انظر عدن وانشق شمها والعبير
خايف شوف خيراتها والعز الذي تنكره =حبل الكذب قال المثل مهما طال يصبح قصير
خاف الله يا مفتري واحمد ربكم واشكره =صرتوا في جزيل النعم بعد الجوع والقمطرير
أول شي مع انجلترا ظلت قرن مستعمره =والتالي مع ماركس شربها سقطري مرير
لكن مايو المعجزه خلاها في المنظره =واكساها الحلي والحلل والثوب النقي والحرير
حتى الفلك في بحرها بعد الانقطاع أبحره =واليمدا مع اسطولنا انضمت وباتت تطير
بان الفرق يامعتمي فوق العين حط مبصره =حتى تنظر الفرق كم بين اللي يرى والضرير
مات القلب واحنا الذي سوينا لها القسطره =والساعه عدن فالسماء عالي نجمها مستدير
بعد الشح والبهذله صارت تشبه الجوهره =منزلها مفرش بزل بعد الحوثره والحصير
وانت المستفيد الوحيد خل النكر والشوشره =ارجع واستقر في عدن واطمح لك منصب مدير
استثمار فيها قوي كاليابان وانجلتره =والخيرات متوفره بس خلك عليها صبير
فيها الفندقه زاخره والسواح مثل انقره =كلمة حق باقولها يسلم ذي بنا والمشير
كل اللي يشوفونها قالوا لي قد اطوره =قالوا كل ما تشتهي يوجد في عدن يا خبير
وانتوا قبل من جا عدن ظن انه داخل بربره =صومل كلها في عدن من خبازها للوزير
ماشي عذر ثاني معك والشماعه اتكسره =صل معنا وسربل وضم لا تجلس تشب النفير
انته صاحب الفايده لو فعلا قد اتغيره =كل الخير يذهب لكم واحنا اللي معانا يسير
رصوا طرق واسعه والكهرب بها نوره =والميناء بمد البصر جاهز والبواخر تسير
لو قلنا عدن لهلها وابن المسوري مسوره =ماكنتوا حصلتوا على طشه ماء وقوطي عصير
لكن طالما الخير عم وامزان السحاب أمطره =والله ما نخلي عدن والضالع ولحج الخضير
هذا فصل كامل خرج قايسته على المسطره =اتفضل خذه وانتبه تخلط برنا بالشعير
يكفي ردك الأولي ذي سويت به محشره =به بالغت يا بن عوض واتهنجمت ضدي كثير
قصدك باتقلد على بورعد الفتى عنتره =وانته تعرف اني أسد ازأر ضد الأعداء زئير
حط السيف من قبضتك يا نجار فالمنجره =منهو ذي تقل قهوجي ياثابت كلامك كبير
شف لي في دبي رتبتي ضابط هام بالعسكره =تحت امري كتيبه وانا ذي امر عليهم واشير
لا هانا وتم الخبر وين الزهور والمزهره =بهديها لثابت ومن في صفه وجنبه مغير
حتى ولو علاقاتنا عبر الهاجس اتوتره =ما با بيع به واشتري كلن حسب شرعه يسير
وختمها بذكر النبي ذي رب السماء طهره =وارسل به لكل امته للإسلام داعي بشير