يقول أبوهند طابت ليلتي طابه

[alymany]

قصيدة الشاعر الكبير ابوهند حسين الحمري مرسله للشاعر الكبير ابورعد القطنه الحجاجي

يقول أبوهند طابت ليلتي طابه===

=== والهاجس اقبل وقلنا طاب ليلك طاب

هات القلم والدواء واحضرت حسابه ===

==== يالله سرى الليل مادام والقمر ماغاب

اطلع طلوع الجبل وانزل اشاعبه ====

=== بقدرت الله ما با يغلبك غلاب

مادام وأبوهند بعدك عاصر اشنابه====

=== والفين من كور حمره عاصره لشناب

عبر المحيطات والأنهار والغابه====

=== ومر الصين وارض الهند والبنجاب

لا عند أبورعد شاعر كفو مسخا به ===

====ومن وجدته معه من ديرت الأصحاب

سلم لهم عطرباقة ورد جذابه ====

=== لايد أبورعد ويقسم على الأقراب

قله محكم بما الصنبحي جابه====

والحكم لابن القطنه خاب ولا صاب

هذا خرج فصل وانته فاهم أسبابه ====

=== وانت المحكم وعارف كيف جت لسباب

شفنا قبائل عسى المقصود ترضى به ====

=== ما عاد حاجه نصل لا مجلس النواب

وقل لقايد علي لصحاب غصابه ====

=== وحسب قول المثل كسب الصحب غصاب


شعار يافع تراهم ناس عيابه ====

=== يترقبوا بيننا فرصه لدق الباب

يضحك أمامك وسمه داخل انيابه ====

=== واحنا الأطباء نزيل السم من لنياب

تربيت لينين كانوا أمس طلابه ====

=== ومن درس عندهم جانا مريض أعصاب

أمثال ثابت عوض ذي شن محرابه ====

=== وبن سليمان والريوي مع محراب

ثابت بيدي وانا اخبر به وانا ادرى به ====

=== وانا النمر عالفريسه بلوي المخلاب

لا ما يجي معترف وينكس اسلابه ====

=== والعفو مني وتاب الله على من تاب

وانت ابن جبران لاجاء سو به صابه ====

=== لا تقتله قتل لكن صوبه صواب

بناء محاجي وله محجاء تحجا به ====

=== مهما ضحك وابتسم قاسم شفه عياب

هذا كفا لاهنا والشرح قلنا به ====

=== عسى كلامي ينال الود والإعجاب

كأس الوفاء يابني حجاج كلنا به ====

=== لابن القطنه ولاظنيت ظني خاب

وختمها كلما تشرق وما غابه ====

=== على محمد حبيبي سيد الاحباب




جواب الشاعر الكبير ابورعد القطنه الحجاجي على الشاعر الكبير ابوهند حسين الحمري



يقول أبو رعد نار الجيد لهابه ===

=== شعله مضيه بدل نجم السماء ذي غاب

نار الكرم والسخاء للضيف كرابه ===

=== كما يطنب حشا نقفل بوجهه باب

وللعدو مننا نيران قطابه ====

=== تسحق عظامه وتقطب لحمته قطاب

وبعد يامرحبا ضيفي وحيا به ====

=== ماحن راعد وبعده جا مطر سكاب

يامرحبا الصوت بالحمري وما جابه ====

=== والفين ذي قال با يأتوا من الأصحاب

حتى ولو هو وصلنا عاصر أشنابه ====

=== بستقبله في رواقه هادي الأعصاب

القصر عالي وثيق الساس والكابه ====

=== ضد الصواعق وضد العاصفه والزاب

وفوق هذا وهذا فاتح ابوابه ====

=== بستقبل الضيف والمدحون في ترحاب

وخط أبوهند جاني وافتهم ما به ====

=== قريت خطه ونال الود والإعجاب

جاني وحكم على بو صقر واعيابه ====

=== ونعم ببوهند عارف منطق الأعراب

الصنبحي قد غلط واجحد على أربابه ====

=== عاب القطنه وشوه به بدون اسباب

غلط على بن علي بالقول واغتابه ====

=== بلا مراعاه للعادات والآداب

باع النسب والصحب بلفاظ كذابه ====

=== والعيش والملح ذي كلناه به ماطاب

ذا صاحبك ياعزيزي وانته أدرابه ====

=== أحمد عملها كبيره وآب منه وآب

ما عاد بانكسر أقفاله ودولابه ====

=== أو بيع أبوصقر واهدي فيه للأغراب

با رجع الحكم لك وانته تعنابه ====

=== وشوف ما حكم من خان الصحب واغتاب

تحاكمه انته اخبر به وأولا به ====

=== والحكم لك فالنهايه مطلق الأبواب

أو سامحه وادفن الماضي مع أسبابه ====

=== حتى ولا صاحبك يحتاج كسر أنياب

مهيل أنا خايف احمد ينكر أنسابه ====

=== ويغرق المركب الحربي مع الركاب

شف من غدر صاحبه يغدر في اقرابه ====

=== با حذرك قبل ما توقع في المحناب

والثانيه من يعاشر ناس نصابه ====

=== يتعلم النصب واصبح مثلهم نصاب

هذا خرج فصل والثاني خذ اجوابه ====

=== من راس شاعر قبيلي صابها ما خاب

يافع وشعارها شعار حرابه ====

=== با قولها صدق لا خايف ولا مرتاب

لو كان حد غيرهم باتحرق أعصابه ====

=== ما ظن يتحمل التهديد والإرهاب

وهم ونعمك رجال الدم شرابه ====

=== لو جاهم الموت تلقاهم رجال أرجاب

ونا وثابت دخلنا وسط محنا به ====

=== من عام تسعين واربع معلنين إضراب

لا طاع يخضع ولا نا قابل إرهابه====

=== كلن بمحجاه انا مدمي وهو مصطاب

يحرق بناري وانا مزكوم من زابه ====

=== لا قلت توبه ولاهو من عذابي تاب

والنار بالنار من مدفع ودبابه ====

=== جهِراً نهاراً ولا عبته ولا هو عاب

وبا نضلي كذا فتنه ومضرابه ====

=== لما يفك العقد رب السماء الوهاب

أما ابن جبران عاده ما بزغ نابه===

=== لازال يابن محمد داخل المزراب

حتى ولو قلد البصري علي بابه ====

=== أو ثار أو غار ما با صوبه صواب

قتل القبيلي ولا قهره وعذابه ====

=== ترتاح منه ولا يجلب لك الأتعاب

وحسب ما قلت لي لصحاب غصابه ====

=== عدو عاقل ولا صحبة غبي كذاب

حلل مقالي على مهلك تأنا به ====

=== وافهم رموزي وحلل عقدة الألقاب

ولك تحيات شاعر حزت بعجابه ====

=== من حيث بدعك وقولك قول ناس اطياب

وختمها بالنبي طه وبصحابه ====

ماحن راعد وسيله يسقي الاشعاب

[ابــو صخر]

حيا الله الناقل لقصايد الجبابره ابو هند وابورعد
وكانت قصيدة ابو هند قويه وتطرقه الى احقاد الصنبحي وشعار يافع وحكم قايد علي
============================================= ===
وفي جواب مميز وقوي وذكي جدا
قلب قايد علي السحر على الساحروارجع الحمل كامل ظهر ابو هند
مع تحيه خاصه للشاعرين والناقل من اعماق ابو صخر

[انا الشعب]

اقول وبالله التوفيق ان القصيده للاخ حسين محمد كانت اقل جوده وصياغه من ذي قبل والمعروف عن ابو هند بداع ويشهد له الجميع في قصايده السابقه ولاكن هذه القصيده كانت دون المستوى واتا الجواب من الشاعر ابو رعد كان قوي جداً وكلمة الحق تقال كما عودناكم ولو انه شرح الصنبحي
تشريح ويبدو من خلال جواب ابو رعد ان في خلاف ما بين ابو رعد وابو صقر والدليل رد ابو رعد حول موضوع الصنبحي

اخيراً لك شكري وتقديري اخي العزيز مدير منتديات حجاج على اتحافنا بهاتين الراعتين فسلمت من كل شر