مشاهدة النسخة كاملة : معركه حامية الوطيــــــــــــــــــــــــــس اتمنى ان تستمتعوا بقراءتها
المحبوش
29-09-2006, 07:23 AM
اخواني الاحباء اعضاء وزوار المجلس اليماني
يسعدني ان انقل لكم جزء من معركه بين اخوه احباء في الله من ابناء يافع
في احد المنتديات اليافعيه وذلك بعد انقطاعنا لبعض الوقت عن زملا اعتز
كل الاعتزاز برفقهم امثال الاعزاء ابواسامه والكابووس وانا الشعب
وكم كنت اتمنى ان تكون خاصية التنسيق للقصائد موجوده هنا
واتمنى من القائمين على شؤون المجلس العمل على ايجادها للاهميه
واليكم جزء منها اتمنى ان ينال استحسانكم
المحبوش=
راعد ثجر لاتحرقد ويلكم لازجم=رفع قراشك نصيحه ذي معك بالعجام
ماتدفعه بايصل لك في اعشره تستلم= حسابك اليوم عندي بالوفاء والتمام
صالح اليافعي=
وابن اليزيدي يروح عاد جسمة سلم=من قبل نكوية مكوى فوق كتفة تمام
ما شي تفيدة حسافة لو يحـس بنـدم=بآنتركة شهر كامل في قفـص لتهـام
عبده اليزيدي=
يالهاجس ارطن وهات البوك هات القلم=ومطر خناجر على صالح وشد الخطام
لنه تطاول على اسياده وماشـي فهـم=نصايحي لاتناطـح شامخـي والكـام
صالح اليافعي=
ما قط ابو (س) بالشعـر اغتلـب وأنهـزم=شاعر محنـك علـى صـدره محمـل وسـام
مش مثل محبوش ذي شعره كدم في كدم=مخلوط كوري وحب اسود مسوس وشام
المحبوش=
شف من دخل للمحاكم يافتى يحتكم= والجيد يلتاح ساعات البلا والصدام
محبوش منته نديديه من قديم القدم=قد لك مقامك وللمحبوش ايضاً مقام
صالح اليافعي=
وشعر بيرق كلام اعـوج بيشتـم وذم=ما هل يطبل على رقصة فروخ الحمام
كتب قصـد باطليـة كـم بهـا كـم وكـم=بعلمة رطل لكن ما بيفهم جرااااااااام
المحبوش=
لاتذكر الجيد واصحاب الاباء والشمـم=الا بخير الوصوف البالغـه لاحتـرام
والبيرق البرق ذي يلمع من اعلا الغمم=وانته بشوف ان قتلك من نباله حـرام
المحبوش=
مايدرك القول ابوسلطان مثل الصنم= يبن اليزيدي كفايه لايصيبه جحام
قلد نمر وانت رجعته بخبطه بسم=مابايقع بيننا المسكين والله شُمام
عبده اليزيدي=
جاك اليزيدي وعاده في جيوشه هجم=وحرق مقرك وبرمع صابرك والعظام
مابرحمك لو تجيي في ثور واربع غنم=وجاه اهل القيبلـه مقبلـك ياغـلام
المحبوش=
لي منعكم يالقبايل يارجال الكرم= خفوا على صاحبي صالح بكثر الزحام
كم مايقع رأسه المسكين من جي دكم= ياليت يرجع يصمدع له حروف الغرام
عبده اليزيدي=
لا بد ما ادرسه مـن شـان بايلتـزم=لنه يظن ان نفسه شيخ فوق العمـام
عندي دواء له وعندي سم مخلوط سم=يقطب امعاه ماهو في مقامـي مقـام
الكاسح=
الكاسح اليوم جاكم يايثير الحمم=والله مرضى على صالح تصيبه زكام
اخفض جناحيك يالمحبوش مالك هذم=زيت زعباق ونته تحت ظل الخيام
المحبوش=
محبوش عالي باجنحته عليكم وظـم=مابايفيد المكسوح هرجته والهـذام
قرّب لي الرأس اذا حبيتهـا تحتقـم=وين المفر من سهامي يافريخ الحمام
الكاسح=
من فين جابوك ياعبده بترعي غنم=ونا اعرفك مامعك باليد غير الكلام
ساعة الجد باتهـرب ولا تستلـم=يالله تنفذ بجلدك لا وقع لصتدام
بن ناجي السعدي=
الليل الليل كم عندك من الناس كم=اقرب هنا لا تزيد يا عزيزي كـلام
مالك بتجري لموتك مثل جري البثم=هنا معارك وباتبقى مدقدق حطـام
بن ناجي السعدي=
الكاسح اليوم يتحكحك كأن به كنم=شف عادها بالبدايه شد زر العظام
مالك بترعش بتتلعثم مثيل العجم=ياصاحبي عادك اتبقى هنا خام رام
الكاسح=
ماظن حلبوب حارش هام ذي فيه سم=بايطحنك طحن بايرمدعليـك العظـام
حتى ولا بك مرض معدي وكلك جذم=بكويك في كل مفصل لا وقع بك ورام
الكاسح=
قال ابن ناجي بدانا معركه وبترم=جاهز مجهز اتينا بانـدق اللكـام
حصلت كاسح بيتشمم بنخريه شم=بدق عظمه وهو واقف مثيل الدرام
الكاسح=
يمين ذي منه الحيد الصليب انقسـم=بنه وقع يوم حامي يالطيمـك لطـام
بمسح بك الارض عبره من مثيلك قدم=واقول خاين وماله في مقامي مقـام
بن ناجي السعدي=
سميت بالله قد اقسمت بالله قسـم=ونا مثيله قسمت ان اذبحك كالنعام
ما باتساوي بقيمت كاب او بالجرم=يدي نظيفه فخذ سرده بطول الحزام
الكاسح=
الكاسح اليوم ياهاجس تفنـن وقـم=من بعد ماطاح ابوعدنان هات الحزام
باهبره وسط ظهره ذي تعلي وطـم=لما تسيل الدماء منه خطمته خطـام
الكاسح=
لنته مجهز انا قدهيه حزم بالحـزم=بشويك بنار حتـى لا عليـا حـرام
وبتر ذراعك وباحطك مثيل الصنـم=امام اهل العشيره او بالسوق الزحام
بن ناجي السعدي=
فهمت ذا الثور لكن للاسف ما فهم=وللاسف مابيحيى وستحي وستلام
قلنا لك الحق نادى لكن انـك بكـم=فقبل ما روح خذ لك كف يقرح تمام
الكاسح=
ماظن سوسه تسي ملطيم راس الردم=ولا تنافس ولا يوخذ بها مـن سئـام
لو ما احترامي طرحتك في بقاع العكم=واقول مجنون ربطناه بقـاع العكـام
الكاسح=
خنجر بايدي ونا ذي بنحرك وستحـم=من بعد قتلك طرحتك للثعل والبسـام
مابا تنـازل لدفنـك عادنـا بالقمـم=والامر امري ونا قاعد على قصر سام
الكاسح=
يافهر كاسح هرب مني وساب الخيم=تحرق وليته جلس ياناس ولا استقام
ناري بتوقد وناره ذي طفيـه وهـم=بن ناجي اصبح معوق ياهيامه هيام
بيرق السعدي=
بعرف نواياك للكاسح بحربي ترم=صبرك رويدا ريويدا بانفك اللثام
عادك بناظر ابو خالد صغيير غزم=حرم نجزم معك ونته بسن الفطام
الكاسح=
كفكف دموعه ويتنهد وجـر النسـم=من ما بحاله كشف وجهه وفك الثام
من عند كاسح حرام اليوم يرجع سلم=حتى ولا هو نذر لله يومـه وصـام
الكاسح=
اطعفر الحب والشيطان فوقه ركـم=وبليس طماع لف الحب تحته رزام
وجاء بن ناجي السعدي وشل العشم=مثله خساره يكون المستلم والامام
الكاسح=
لا تستعن او تنادي بعد ذا اليوم قـم=وهات من عينتك سته يجيدو الكـلام
النار توقد ونا بين العـرب والعجـم=بقطع روؤس الخون ذي سببو لزدحام
الكاسح=
ياذي بتشوح كما الثعلب بالحيد الهجم=منتـه نديدالنمـار القاتلـه بالكـام
الكاسح اقبل بيده سيف صارم عـزم=بايقطع الذيل حقك وايحطـك حطـام
الكاسح=
صحيح من قال متعلم ولكـن زقـم=سرمد وهو يوكل الفدره بدون اللصام
يشعر كما قلت لي شخطاط بيده قلم=الشعر يحتاج له معنا وفيه الرقـام
المحبوش=
كني برى اليوم صيدي احتوش به دسم=لابد ماتصيده حتى ولـو بعـد عـام
في غيبتي قام بيزعبـق وليتـه فهـم=انـه مكّبـل ويـدي ماسكـه للجـام
الصقر اليافعي=
يا الكاسح الليل ما بيهم لا حد رجم = قم قص يده وزيد هبره بالحــــــــزام
لما يسلم ويتعهد ويـــــطرح قسم = وتاخذ الكاس وا نطرح بسدرك وسام
صالح اليافعي=
الكـاسـح اقـبـل بأقـوالـه وشـعـره نـظـم=رتــب قـوافـي معانيـهـا تـمــام الـتـمـام
شاعر محنك كلامـه عـذب صافـي حكـم=صوت المحاجر ترحب به فروخ الحمام
عبده اليزيدي=
كني بشوف السيوف اليوم تقطر بدم=والصغر ماليوم لا عندي قرب وستقام
بشويه بالفرم مادامه بجنحـه لطـم=مابرحمه عاد عبده سيدكم والهمـام
الصقر اليافعي=
يا عبده الصقر بأيطرح بظهرك علم=بايفرمك فرم من اجل الغدء والودام
ما كان قصده ولكن من اعالي القمم=برميك للبحـر لا عـادك تزيـد الكـلام
صالح اليافعي=
والصقر معروف فكوا فـي طريقـة نسـم=في الشعر فنان يطلق من صواريخ سام
ما شي يخاف الثعالب او يخـاف البسـم=ولا يخـاف النعـاج المقرنـه فـي الـديـام
الصقر اليافعي=
يا صالح الليل جهز دفترك والقلم = وحدد اسماء معلــــلوله وفيها ورام
لا ترحم انسان يتكبر وقد به عقم = لا صام شعبان قد يفطر بشهر الصيام
الباشق=
الهاجس اليوم جهز دفترك والقلم=ونظم ابيات موزونه وسيق الكلام
يا الكاسح اهداء وراعه من لطم يلتطم=ما يرحمك سيف صالح والفرس والحسام
صالح اليافعي=
حيـا الفتـى ذي وصـل يرفـع بـيـدة عـلـم=رايـات بيضـاء بيرفعهـا وهــو كــان زام
قسنـاه قسنـاه ون ذا جـاء ثنعـشـر قــدم=صافي مصفصف مصفى بالوفاء والتمام
الباشق=
العاطفي قال ما البيرق خفي ونعدم=ذي ما يخاف الروابي والرهي والاكام
قد كان عندي يولع نارها والحمم=واليوم موجود في جده هيامه هيام
بيرق السعدي=
موجود ياصاحبي جنب الحجر والحرم=ساعه لربي وساعه نبترع بالحسام
مازلت بركان بتفجر هواجس حمم=بكوي عدوي بها عند الوقا والصدام
صالح اليافعي=
وانـا معاهـم نـدق العـود وأحـلـى نـغـم=ننشد بأجمل معاني الحب وأحسن كلام
جيران واخوان من أهل النسب والكرم=من يافـع الحيـد ذي حلـوا بتـاك اللكـام
صالح اليافعي=
ويـن ابـن محبـوش بيـاع الابــل والغـنـم=بدوي من البدو عمرة فـوق سبعيـن عـام
مـا قـط شـي بـدوي اتمـدن ولـو قـال تــم=ما شي بيعرف سوى غير الجمل والسنام
المحبوش=
سيره دلا ياصبي رع عادكم بالنسـم=شف عادنا بحسبك جاهل بسن الفطام
محبوش عنده حراساته وعنده حشم=يمكن تباشر معاهم حين تكبـر دوام
بيرق السعدي=
ياصالح اليافعي خله لرمحي نسم=حسب المثل قال طعنه وسط ميت حرام
والاخ محبوش من بيت الكند والكرم=سر له بعروه والا ما عليا ملام
الباشق=
العاطفي قال يا صالح كفا واحترم=انسان مثلك موفا بالوفا والتمام
لانته نويت الفتن للحرب با نحتزم=اليوم صف البنادق واحتزم يا غلام
صالح اليافعي=
عـادك تصفـي ونـا قدنـي بـروس القمـمم=ن فوق لسيـان بضربكـم بشكـة حـزام
اشعلتـكـم نــار مــن بركـانـنـا والـحـمـم=بآنظربك ظرب يا الباشق بصاروخ سام
الباشق=
قولو لسعدان يرقد له وياكل كدم=ما له وللحرب لا يشطح ووزنه جرام
ما شي معك قرن يا صالح رع انته لجم=لا شفت ابليس شيطاني وقف واستقام
الصقراليافعي=
يا الباشق اهداء رعك معروف راعي غنم = ويش اقربك للمحاج بال جبل ولكام
صالح مدرب ويعرف لا رجم من رجم = وان جر سيفه عليكم ياشوامك شوام
صالح اليافعي=
نعـم نعـم قـال بـن صـالـح بكلـمـة نـعـم=يا ذي على أخر اسمك حرف مبهم ولام
ليتك ترى قلبـي المسكيـن كـم بـه وكـم=آهـات لمـا بشوفـك يـا حسـيـن الـقـوام
بيرق السعدي=
بالام ياصاحبي مافيك قطرات دم=والام ليتك معه مدفون تحت الديام
قد كنت برتاح منكم وايخف الالم=ذي جسمي وجسمك بالوجع والورام
صالح اليافعي=
بيرق مساكين ما عمرة لبس واحتزم=جنبـيـة ولا مـسـك الــي بـيــدة تـمــام
رع ما هلا برحمة لنـه مـن اولاد عـم=ولا ذبحـتـة ورسلـتـة لـكـم فـــي درام
بيرق السعدي=
البارعي قال هاتوا ياجماعه جلم=باقصقص السان صالح والمرض الجذام
يبغا معذب ومايقدر يرد النسم=يبغا جسد خاويه مثله مثيل الدرام
صالح اليافعي=
شيبه معانـا بظبـر البيـت صابـه هـرم=مسكين مرمي عليل النفس فيه الزكام
شكله ملعـوز ولابـس جاكتـة والجـرم=مسكين عبده بشوفة مـا قـدر يستقـام
بيرق السعدي=
ياهاجسي صب غيثك وكتتب ياقلم=ترجم لصالح وقله يحتزم ع الكلام
وكلمتي واضحه فيها نوايا قسم=ياصالح اليافعي بخرم لبوكم خرام
صالح اليافعي=
محد بيخرم وهو جسمة بدى بدى به جذم=يـا بيـرق احتـد شفـنـي هــام والاب هــام
بشلـكـم شـــل لا جـــاء سيـلـنـا والـعــرم=مـن عهـد تبـع ومــن ايــام عـهـد الأمــام
بيرق السعدي=
ماعاد شي برحمك ماليوم باقول بم=ياصالح اليافعي بمنع عليك الكلام
لاتذكرك اهلك ولاتجشا امامي تخم=ونته مسيكين تخنس تي عسنت الديام
صالح اليافعي=
يا ذي تبـع المـدراع او تبيـع الجـزم=خلك ذكي لنك اذلحين في سوق عام
باتسرقك ساحـرة عـورا وأم الصـرم=لا تحسب الناس ذي قدام عينك نيام
المحبوش
29-09-2006, 07:26 AM
صالح اليافعي يغير الحرف=
نغيـر القـاف يـا شعّـار يــا اهــل اليـمـن=يـا ذي تحلـون فـي وديانهـا والحصـون
سـلام مـنـي لـكـم مــا دن قـطـر الـمـزن=واعداد ما فاح زهر الحب فوق الغصون
بيرق السعدي=
خل اليمن لهلها ونته كذا واعسن=تعال نحوي وبارويك وين الصحون
لكن حذارك حذارك من عيون الورن=سقيك ويله وباتظهر براسك قرون
صالح اليافعي=
وين أبن محبوش ذي جسمة شبيـة البثـن=وبيرق الفسـل مـا لـه شكـل واضـح ولـون
والباشق اعور صراحة به شعر تي العسن=وأبن اليزيدي بدة بـه وسـط رأسـة قـرون
بيرق السعدي=
البارعي قال جهزنا لصالح كفن=ماعاد باقولها غبني عليه الغبون
لنه تعدي حدوده ماحسب للثمن=ذي يدفعه لجل كلمه قالها وافنون
المحبوش=
لي منعكم ربطوا صالح بشوفه قرن=هاتوه معبر ولابه جنّ بايخرجـون
ماحد بيضحك ورأسه مثل بوري تُتن=اخشر وعاده بيتبسم وزيدا يضـون
صالح اليافعي=
اتسمعـوا يـا بنـي يـافـع وبــن ذي يــزن=وتفكـروا ويـش عـادة بـعـد هــذا يـكـون
بيـاع ذي بيـع ارضه بيـع برخـص ثـمـن=محبوش قد صار من اهل اللحي والدقون
المحبوش=
ياذي بدوحة قطر جالس بتخدف لبن=قم غيّر الحرف وماقدّر لنا الله يكـون
بشوفكم قد سكتوا كـن عقلـك رزن=نبقى السلى ينتعش ماشا نبي ذلسكون
صالح اليافعي=
وعاد بن ناجس السعـدي شبيـه الـورن=حتـى ولـو كـان قلبـة للحبـايـب حـنـون
ساعة بيشعر على صنعاء وساعة عدن=وأهـل المكـلا بيتركـهـم لغـمـز العـيـون
المحبوش=
لابد ما نعالجه ادعوا لعمه حسـن=لاجل يرجع لعقله كل حاجه تهون
وانقلب اسمه وباسميه حشطه جلن=حتى ولابه حوّل مابايظر العيـون
صالح اليافعي=
فنـون راحـت مـع كثـر البـلا والفـتـن=قامت بترقص مع ذي عندنا يرقصون
وأنتـه تركتـك وحطيتـك لحكـم الزمـن=عساك تسعد على ضحكاتها بالسنـون
المحبوش=
الحاله اتطوره ياناس واصبـح علـن=لله في فيما خلق في حكمته له شؤوون
ماعاد يسوا الجلن اليوم نصف الشلن=يمكن سبب ذلمصيبه من قفاها الديون
صالح اليافعي=
آخر خبر ذي وصل في بيت عبده كتن=منين لا نام طنـة فـوق جسمـة طنـون
بالليـل بتدقـدة دقـداق مـا شــي سـكـن=قلبه بيرجف وهزه خاطـرة والشجـون
المحبوش=
الخصم صوبه من الصوبات صابه وهن=بيده العـزّ ون غامـر معانـا يهـون
دواه عندي وعندي له سمـوم البـدن=وحيث ما رام بالسيره معـه بانكـون
المحبوش=
الكاسح اليوم لاسرّح بيضوي حزن=بقلب حياته وباتصبح بلا اي لـون
لا اتلبّد الجو والراعد من المزن حن=بايصبح اليوم عزرائييل عنده زبون
الزير سالم=
الزير جاكم ولي بيرق عجنتـه عجـن=وقلع عيونه وبانقدف عليـه السنـون
مابرحمه ذي تحديني ونـا بـو يـزن=بامسح به الارض واحطه يغسل صحون
الزير اليماني=
قال المهلهل عجب ياناس في ذا الزمـن=بيرق بيشعر ولكن كـن شعـره جنـون
مسكين ضايع وفي جـده تنهـد وحـن=من بعد ماراحت العيله من اعلى القصون
المحبوش
29-09-2006, 07:30 AM
المحبوش يقلب الحرف=
بشوف صالح حنب والحرب كرأ وفر=لايحسب اللعب عندي انه مجرد شجار
محبوش مايترك الساحه سوى منتصر=نصراً مؤزر وبالتأكيـد فـي اقتـدار
المحبوش=
حيا الله الزير سالم ذي بيـده مـذر=حاسب توقّع شف البيرق بينخط شرار
وانته معلق على ظهرك مرابط شتـر=ويش اكلفك وانته الحافي تسابق قطار
الزير اليماني=
عندي دواء لك وجسمك بانحطه وذر=ماعاد باارحم صديقي بعد هذا القرار
لنك تطاولت يالمحبوش فوق الاشر=بكويك بالنار واحطك بسيلت سـرار
المحبوش=
نحنُ هنا ذي عبرناهـا لبحـرًا وبـر=نحنُ لها ذي عليكم قد نوينا الحصار
صالح وجيشه بشوفه قد بداء يحتضر=غشيم ذي قادكم لاوسط سوق الغمار
الزير اليماني=
الحرب حربي وبيرق قد وقع به صور=من مدفـي والقنابـل باتحطـه وذار
مابا نخاف الثعالب ذي معي بالوصر=ولا الخفافيش ذي هيه عالقه بالمدار
بيرق السعدي=
ماقط شي حد سمع ان الثعل بالوصر=ابعد من الشعر خله للقوي والكبار
بالقنك درس واتصبح بقصر النظر=عماك ربي بتشعر مثل شعر الصغار
المحبوش=
لاتسمعه ذي يخطط لك بدولة قطـر=بالتاليه بايبعك مثـل كيلـو خيـار
مابك سخى تقترب يالزير نحو الخطر=ماهل نصحتك لعا ترجع تدور غيـار
بيرق السعدي=
لو قام شيطان قامه خمتعشر عفر=جابك لي الحظ ما الليله نيارك نيار
منته نديدي ولا توقف معي بالمطر=والبرق والرعد يازيري يطلع شرار
الزير اليماني=
الساحره شله الجني وبيـرق حظـر=باسقيه من دم كبده لانـوي بالفـرار
عاد جويهل وكـوده بايشـل الافـر=مايحتمل ضرب سيفي لا ولاابقا صغار
المحبوش=
الله يحميك من غدر الزمـن والاظـر=ياذي تفاخط ومالك شي بلعب الجمار
وان كنت محنون فالمكتوب يصبح قدر=تلميذ خايب وقال ايغلـب المستشـار
الزير اليماني=
حاسب لنفسك ولا تمشي وسيط الحفر=شف عادنا الزير ذي يغزي لكم للوكار
طبع الزمن كل واحد بايخذ لـه عبـر=ونته تعبر من الماضي زمان الدمـار
المحبوش=
الزير بيده بشوفه ان قبـره حفـر=ليته تجمّل وزيدا شي توسل لكـار
يهوين يالزير ليته كان صفّي الخبر=لكن ازاد الذي بيده نوي واستخار
الزير اليماني=
الزير لا قـال ويـن الشاعـر المعتبـر=وين اليزيدي بشوفه غاب منـي وطـار
ليته حظر كنـت بادقـه بالربـع ابـر=يشفى من امراض جسمه لاوقع به صفار
بيرق السعدي=
شعبان ياصاحبي مابا يسابق يصفر=كلا ولا ياعلي مابا تصل لا نزار
مقياس عبده معه لاحد ذرع او شبر=من راسكم للقدم يقتاسكم وار وار
الزير اليماني=
يالميج شني وحطي راس بيرق وذر=لاترحمينه ولامحبوش ذي له ظمار
دكي المواقع وشبي نارش المستعر=خلي جثثهم غنيمه لثعـل والجعـار
بيرق السعدي=
لا تقترب للخطر لاني خطر في خطر=البحر بحري ونا ربان هاذي البحار
والزير مسكين عاده فوق صدره مزر=وشاربه بيتركز مثل ذيل الحمار
الزير اليماني=
البيرق اليوم خرف ويش ذا من خبر=جالس يخربط كانه به جنون البقار
ماظن سحل تقاوم هام مقرن وحـر=مادام يقذف سمومه في عدوه وقار
بيرق السعدي=
بندور الهام لكن للاسف جات ذر=والذر ماتحتمل لوهاج دمي وفار
والزير عاده بيحلم في مواسم ثجر=والبارعي قد تعلي فوق سطح المثار
الزير اليماني=
ياذي تدورعلى هـام المهلهـل بـدر=منك عسى لا تولي خلف صخرات جار
الميج باتقصف القاره وشامـخ ثمـر=والسمسره هي مع الخلوه نشب الشرار
بيرق السعدي=
لاتذكر السمسره ونته بتبعر بعر=بقفل بخمسه وباحرق عليك الجهار
وابن ناجي توصل من سواحل قطر=خيله وسيفه معه مابتشوف السحار
المحبوش=
حيا الله البيرق السعدي بشوفه حظر=والخصم لفّح وصالح مختبي في ظفار
ذوقته المُـر وانتـه ذوقّـه للامـر=لا كان عاقل معي مـا دوّر الانتحـار
بيرق السعدي=
ابن الاسد شبل وكره في شوامخ ثمر=سيته على الراس ابو يحيى ونسل والنمار
والشعر يازير ماهو من توالي نجر=يبغا لها كمبريشن ذي يهد الحجار
الزير اليماني=
مادامنا الزير بالميدان انا منتصر=بهزم عدوي وبادكدك عليه الديار
صبر صقطري على بلعومكم ياعفر=وخنجري سام وينك يانيارك نيـار
المحبوش=
اليوم يومك ابوسلطان ذيـب الغـدر=ذي لاحميه بيخشى الموت والانصهار
الامر مني باعدامـه لبيـرق صـدر=ماعاد له عندنا ايـة امـل اوخيـار
صالح اليافعي=
موجود ابو (س) من فوق السحب والقمر=مـا هـم مسكيـن حتـى لـو تـقـارح شــرار
قـد بعرفـة بيـرق السـعـدي تحـمـل اضــر=لما ضهرنا وهوه مخبـوى فـي حيـد جـار
بيرق السعدي=
تعال ونقذ عيونك لن عمره قصر=ماعاد بايحتمل مكوى وطلقات نار
وشل جثمان ابو عسكرلحيد العشر=القبر جاهز بسرعه وصله للديار
الزير اليماني=
يامرحب خوي جنبك دايمـآ مفتخـر=نورة دارك وقنه شيـخ غالـي وبـار
جاوب على بيرق السعدي وحذرك حذر=ترحم دموعه وتسمع شكوته كالصغار
صالح اليافعي=
حرام يا الزير شف عبدة وبيرق بشر=وأبن محبوش قد ولـي علـى زنجبـار
وعاد بن ناجي السعدي هناك انكسـر=حـط الحراسـة ولكنـة نـجـح بالـفـرار
بن ناجي السعدي=
صالح ابو (س ) لو له نعنعه بالكمـر=يمصها مايفكـر حـر او هـو مثـار
ياصالح اسمع ترى شعبان ما هو صفر=ولا نعانع بتغني من لحـوم الصغـار
بيرق السعدي=
اخوك ماينفعك جسمك تقطع وذر=لاتطلب العون ونته ماتقع لي سبار
الجسم معلول والعله بلثنى عشر=ماريد جسمك بدور ع الدسم والخصار
الزير اليماني=
ماظن حلبوب يتهنجم بالحيد النمـر=لن النماره بالحيـدي دايمآياجعـار
بركان هايج وصالح هاجسه ذي شعر=يدفر كما السيل يابيرق يسي لك دمار
الزير اليماني=
مسكين محبوش ذي اتورط بحربي وفر=لفلف رقاعه وعاده ماوجد لـه حمـار
ذي ينقده من لهيـب النـار لنـه كبـر=عجوز يالله بحسـن الخاتمـه للكبـار
المحبوش=
طيبان امسه محاجيكـم وانتـوا طيـر=هيا ارفعوا الرايه البيضاء بدون اختيار
نحنُ الكواكب تعدينا الشٌهب والمجـر=نحنُ الذي بانلقنكـم فنـون الحـوار
الزير اليماني=
لتسابق النسر ياعصفور فوق الشجر=اليوم يومك ولاعندك مجال الخيـار
لنتو كواكب انا جالس بالسطح القمر=من فوقكم لم ازل قاهر فلا ابقا جوار
بيرق السعدي=
الزير وينه ووينك كيف كيف الخبر=شوهت زير العرب لما طرحته شعار
ارونب شف بنصحك خله شعارك جزر=هذه حقيقه حقيق الشمس وسط النهار
الزير اليماني=
عاد السحب ماطره والسيل عندي دفر=وخر من السيل يامحبوش يدفر دفار
والارض تولع ونيران البنادق مطـر=ياويل ويلك جيوشي باتسي لك حصار
صالح اليافعي=
يا ذي معك قرش حطه وأخبئه بالكمر=شله على السوق يمكن باتخذ به سبار
والزير لا جـاك مـا كفـوه خمسـة نفـر=مثلك ومثـل اليزيـدي بأيسيكـم خصـار
المحبوش=
نجحت في خطتي جبت الذي كان فـر=اغلقت خطي وكور لاعميـق البحـار
والحرب خدعه وصالح لا قبالي دفـر=حيا سلى القلب واحذر لعب جنب الكبار
المحبوش=
يالزير قد جبت صالح وانت تحت الزُبر=مسكين لصلع يمشط في شعر مستعار
كم ناس قبلك تحاول والنهايـه خسـر=رع عادنا ما وصلنا نحو ذيهن عسـار
الزير اليماني=
الحب حبي ونا ذي بالبجه بالوصـر=وابطي السوس ياذي تلعبون القمـار
تاريخ يشهد ومترس راس حيد العشر=ياويل محبوش مني لا خلف بالمسار
المحبوش
29-09-2006, 07:34 AM
المحبوش=
وكن صالح لمحني وانصدم وابتهر=والسبع ذي كان يزئر اقتلب مثل فار
والزير مسكين بيقلد لشيـخ الغفـر=لكن بلاطعم قوله منتقـص للبُهـار
الكاسح=
ماكنت اعلم ان لك تاريخ بيـع الفـدر=او بايع اللحم في مجزرة سوق الخضار
لاتهتري حط لك مقياس قبـل الاظـر=والجيد في ساحة الميدان بين وصـار
المحبوش=
طريقنا سهل والخبـره عليهـم وعـر=ومطلبي الرايه البضياء وزيد اعتـذار
محبوش جيشه بهذا اليوم هو المقتـدر=والخصم هايم بصحراء نجد خلف الغفار
بن ناجي السعدي=
سلام مني لكم ما حن صـوت الهمـر=سلام يدهم رباكم والحصـون الكبـار
محبوش .. بيرق لعبتوا بالجماعه سبر=هذا جزاء من رمي جسمه لفم النمـار
المحبوش=
يامرحبا آلاف ماطشه رشـاش المطـر=ياسيل سيلوووووه دفّر سيلها بالجـرار
يامرحبا من وصـل لاعندنـا بالشفـر=والنصر مضمون له محسوم في الانتظار
الزير اليماني=
عاده توصل ابوعدنان مثل المجـر=بعد المعارك وصلني يطلب الاعتذار
مابا نسيبه باعز الشمس او بالادر=لابد مسقيه من سمي صياني كبار
بن ناجي السعدي=
قرب لراسك امانه بضربه بالمـذر=لان الرصاصه بمثلك يا فندم ودار
الموت لك انت متعود لعيش الحفر=وباتشوف النجوم الضاويه بالنهار
بن ناجي السعدي=
يالزير اشبع لبطنـك سيـر دور فـدر=ما انت للمعركه ما ظن فيـك اقتـدار
لا نته تهلوس... تدور حد يسي لك ابر=ولو تظلي هنا باسـي لعقلـك غيـار
الزير اليماني=
يالله حيوه ذي جاني ذي يشل الافر=وفوق ظهره حمل جلعاب حق الثمار
مادامنا حر عايش مانخاف الفخـر=حتى ولا هيه كريهه شكلها مصتحار
بن ناجي السعدي=
احم احم كح بن ناجي ويمكن جشـر=جشر لماذا ؟ لانه مر جنبـه غبـار
والزير قد مر ... لكنه بسرعه بخـر=هشيت بيدي وهب الزير تحت الحجار
الزير اليماني=
حرب اربعين السنه مره بالمح البصر=جرعت لعداء سم السيف في كل قـار
وقتل جساس بيدي بس نويت استمـر=لني على الحرب عاشق قبل ما خذ بثار
بن ناجي السعدي=
السيف للسيف يا ذي انت بين الجفر=معك مشاحر بتلعب عار ياخوك عار
ان المعارك لها ياخـوك كـرا وفـر=ماهو هدر ان من كثر هدر بار .. بار
بن ناجي السعدي=
ياجن يام القوارح وينكم يـا عفـر=شلو مخيخ الافندم بدلو لـه بغـار
الزير ماله يسابق دون اية بصـر=ماظن سيكل يسابق يا عزيزي قطار
بيرق السعدي=
عندك ثلاثه كوادر من توالي نحر=ونته كما الكبش يارداع جوف الجدار
محبوش بيرق وبن ناجي عممهم قتر=ونته مسيكين تتحزم بمعوز وكار
هدهد سليمان=
ونعم ثلاثه ورابعكم لبس له مصر=ولا اسالوا بو علي ع الجرجره والخمار
الزير عندي وصالح والشبح والهمر=نسور متحلقه والنسر يجرح وطار
الزير اليماني=
الزيرماكـان يبقاكـم لبوكـم عفـر=بس المقادير جابتكـم لنـا يابـوار
كنت ابقاء ابن اليزيدي ذي بكم مقتدر=يمكن يقاوم ويصمد لا بزوق السحار
بن ناجي السعدي=
ياصاحبي قر قد صالح من الامس قر=وحط ظهره ومن جاء طز به جمر نار
ونته مثيله .. فلا تسرع لفتح النخـر=كن سدهن ذه نصيحه يالسلا والظمار
الزير اليماني=
هات المقاييس ياناجي وهات الـدرر=لا تعجن البر بالكوري وشل الصرار
الشعر لنسان قادر ليس من جي شعر=خليك حارس وشل الناي حقك وطار
بن ناجي السعدي=
انا انا الشيخ تشهد لي جميع الاسر=انا المقدم انا المقداد فـي كـل دار
انا معي سيف ببرع فيه بحرا وبر=فما توقف ثواني لو تهيج البحـار
الكاسح=
يامرحباالزيرمامزن السحابه مطـر=وعداد ماغرد العصفور فوق الشجار
طاب السمر طاب ما ليله ندق الوتر=وارد بالصوت من بعد العشي لسحار
بن ناجي السعدي=
واسيل سيلوووه تلصى من عيوني شرر=والهاجـس اقبـل بيقـرح يـا جماعـه شــرار
قد جيـت راكـب حصـان النصـر ياهـل المقـر=والزيـر هـو وات صالـح راكبـيـن الحـمـار
الصقر اليافعي=
يا مرحبا الزير باسويك فوق المصر = وتشهد القاره النصباء وجابح وجار
قد لك مكانك وانا باز العول بو عمر = قد بعرفك يا علي من يوم كنا صقار
الكاسح=
الكاسح اليوم قال المعركـه تستمـر=محبوش وينه وبيرق وين قادر وسار
وابن ناجي كدي من فوق راسه قتر=من سبت الزير دمر كل واحد دمـار
الباشق=
العاطفي قال وا صالح بتروح ذفر=جويك بشات واصالح بعرف الخصار
تطبخ لاجل المره ياخس وارذل بشر=وتوزع الماء على ضهرك وضهر الحمار
صالح اليافعي=
يـا العاطفـي كنـك الليلـه بضهـرك نـعـر=بتلقصـك وانـت قـارر مــا بـيـدك قــرار
بالأمس حطيت في جسمك اشارة خطـر=واليوم بكويك من شأن الوباء والصفار
الكاسح=
العاطفي كيـف يشعرطـاح ولا اعتسـر=ماهو كذا الشعروينك من مدينـة ظفـار
الهيج يهدر وعـاده مـن توالـي دحـر=وحسب طلوعك تراء النزله سهيل المسار
هدهد سليمان=
هدهد سبا قال جينا للسلى والسمر=عزان بانتبرع لما يثور الغبار
ون شفت حد حرك اذياله قلبنا الخبر=بتكون برعه بظهره من هنا للسحار
عبده اليزيدي=
قال اليزيدي طير ماليوم نبقا طيـر=وين الجماعه عليهم يوم حامي وقار
الهدهدي جاء ولازم بايذوق الصبر=وكسر جناحه يصيح ليل ولا نهـار
الكاسح=
دقدق عليهـم ولا ترحـم ولا تصطبـر=شف من توالي رجمهم فوق اربع حجار
بيرق ومحبوش طيرنـا دماهـم جبـر=وكل واحد مصوب مثل صوب الجعـار
بلقيس اليمن=
بلقيس قاله لكم كل الجماعـه صـور=سيرو دلا ياجماعه خصروها خصار
وبالزوامل بتقبل جـن واهـم عفـر=ماشي طرحتوا خزاء للشعر اي اعتبار
هدهد سباء=
يقول هدهد سباء عبده معي له مذر=باصمله صمله ولطم براسه جدار
جسمه شبيه البثم قالوا مغطا شعر=لو كان به فايده ماهو بذيل الحمار
عبده اليزيدي=
مشط جعيدك وحاسب لاتطـف العبـر=يمكن يسو بك عجب ماشفت قبله دمار
او نكشف اخطاك ذي قطيت جوف البير=واتصبح اليك والباشـه معيـا ومـار
صالح اليافعي=
وعادنـا احزيـك مـن بـازل معانـا ضـهـر=مخبوى مخبوى في غرفة قريب المطار
لـنــه بمـسـلـم ولا شـيـعـي ولـنــه كـفــر=شبية جنـي مـن الضوحـة بيبـدي وطـار
المحبوش
29-09-2006, 07:36 AM
صالح اليافعي يقلب الحرف=
قـال ابـن سعـدان ويـن التالـيـة والـمـرد=يا ذي تضلوا بترعوا فـوق تـاك الحيـود
وين ابن محبوش ذي ساكن قريب العند=هاتـوه يـا نـاس بـآسـوي برجـلـه قـيـود
الشامخ=
يقول شامخ مجهز ما عليـا بحـد=جاهز مجهز ومن يقرب ابد ما يعود
وابن سعدان ذي بيشوف نفسه اسد=لا ما سلخناه هو والزير سلخ الجلود
الكاسح=
الكاسح اليوم جاكم وينكـم يابولـد=لاتستديرو على الهربه ورسم الحدود
شامخ كسرته ولو عاده معيا جحـد=ببخش له القبر واحطه باعمق اللحود
عبده اليزيدي=
لا تامـن الدهـر ياعفـري وكلـك صـرد=وحسب على الطقس في موسم حما او برود
محبوش بتار فـي سيفـه وهـو مستعـد=يسحق عظامـك ويرمـي جثتـك للاسـود
الكاسح=
يقول كاسح معي صالح لكم مستعد=يالكوكبان الثلاثه مالكم شي وجود
والشيخ عبده بقيته بذلحه للمخـد=لنه عدوي واكبر خصم ذي لـدود
صالح اليافعي=
يا الشامخ ابلاك ربي ويش هذا الحسد=اكيد عايش معك بالبيـت خمسـه زيـود
يا ليـت ربـي يصيبـك بالعمـاء والرمـد=من شان نسكه ونبرد لنك اكبر حسـود
الشامخ=
يقول شامخ نكد قابلت صالـح نكـد=ان شفته اذكر زمن تبع وحمير وهود
بيده عصاء خاويه ووسط بر استعـد=وما دري ان جنبي قاعـده للسكـود
الكاسح=
ماحد يطبطب على بطنه سوى ذي اكتبد=ويطلب اسعاف من ذي ماشطات الجعود
يالالسف قال كاسح ويش ذا مـن ولـد=فلت رقاعه وكوتـه والكمـر والنقـود
صالح اليافعي=
فكوا لي الباب فكوا وأرجمـة بالحـرد=هو ويت ذي حل قدامة بشعب اليهود
عبـر زمانـه ووقتـة بالتـعـب والنـكـد=العمر ولي وهو في مملكة بن سعـود
الشامخ=
يقول شامخ بساعد.. شل سيفي حـرد=وبقطع الزير ذي جانـا يجـر النهـود
ياصاحبي حرب ونت الحرب مش لك ابد=انا اعرفك سير بيع التمر جنب الهنـود
الكاسح=
الهيج يهدر وكاسح في طريقـه رصـد=موقع لشامخ بحاره كل ابوهـا هنـود
صاروخ ستعش بقصف حيث ماهو وجد=يحرق مقره ومن حوله فلا له وجـود
عبده اليزيدي=
قال اليزيدي معي آلي وبطلق ربـد=فوق ابن سعدان والشامخ يرقع جلود
لا غبت قلتوا اليزيدي من قداكم شرد=ونتو ثعالب امامي مالكـم اي عـود
الكاسح=
حيا الله انسان عاجز فوق كرسي قع=ديرطن وذي يسمعه باقول شل السدود
وهوه مسيكين بالدكان يشتـي خـرد=والبيع ماشي وبالشارع ردع له عمود
صالح اليافعي=
بقـرى عليكـم تبـارك والفلـق والمـسـد=من شأن عبده وذي جنبة يضلوا رقود
لكن بشوفه عمـل مخفـي ويمكـن شـرد=وحـط لـي داخـل الملعـب ثـلاثـة قــرود
عبده اليزيدي=
بحفر لك القبر ياصالح بطرف النقد=من بعد ماعذبك واكفكفك بالخـدود
واقو عاله علينـا مانريـده ابـد=انسان معلول كيف اليوم عني يجود
الزير اليماني=
يهوين يالزير كم يتمـت كمـن ولـد=وكم قطعت الصحاري من عدن لا ثمود
حتى اللبن قد اخذته وقد قتلت الا سـد=في صحتك يا المهلهل قد قطعت الحيود
الشامخ=
يقول شامخ صمد وسط المعرك صمـد=صامد كما حيد عالي راسخات الصمود
وانت يالزير اشرب ذي يحـط الكبـد=يحطها يابسه من قبـل فـك الكبـود
عبده اليزيدي=
العقعقي جاء ونا باكفكفـه بالحـرد=فرصه ثمينه وجدته نانحطـه كـرود
يالزير ماهل معك اسمك على النت عد=لنته بشاعر ولا عمرك تجيد الـردود
الزير اليماني=
ياويل ويلاه ياويـلاه كلـن شـرد=والزير لا جنب ابو س واقف صمود
لا ترحم الكاسح انزل عليه البـردوبيرق السعدي انا برسله لك طرود
الشامخ=
يقول شامـخ تاكـد ان للقـول رد=انا ومحبوش والبيرق نظلي هدود
وعاد بن ناجي السعدي وعبده ورد=بارد بالصوت واغني على نغم عود
الكاسح=
بانت عليك الحقيقه بالمتـارس رقـد=يشخر ويحلم بانه راحلـي ع القعـود
والشيخ عبده على ظهره طرحت المسد=وابن ناجي كويته باربعـه بالنهـود
عبده اليزيدي=
قال اليزيدي كـلام الزيرمالـه عمـد=يشوح شواحه كما الثعلب وهو بالحيود
كوده لذيله يشله ذي امحنـه لوشـرد=ماله بصف المحاجي او جبال الاسـود
صالح اليافعي=
يا بيرق الفسل مـا ينفـع تاشـر لحـد=منين لا قمت تحسب غلطوك العدود
غشوك غشوك في جده بوسط البلـد=وأبن اليزيدي بيتفرج مع خو حمود
عبده اليزيدي=
لاتذكر الجيد يامخبول مالك عـدد=بين القبايل ولا لك بالمجالس بنود
بيرق يدك الجبل فوقك وشبل الاسد=منه نديده لانك من فصيلت قـرود
صالح اليافعي=
يـا ليـت بـن ناجـي السعـدي معـيـا جـحـد=قد كنت بطلق صواريخ الحسن والصمود
بـآحــط يـــدي عـلــى أرقـامـهـم بـالـعــدد=وطلق ابوهن على شبوة وصحراء ثمـود
بن ناجي السعدي=
يقول بن ناجي السعـدي بنعـرف كلـد=وبعرف الصفحه البيضاء وصفحات سود
لمه لمـه ياابـو سلطـان يـدك بيـد=بيد تعجـن تحـط البـر كلـه كـرود
عبده اليزيدي=
القصف واصل من الميراج فوق السدد=والارض تولع وبن سعدان جر النهود
جاك اليزيدي بالسيفه يطعنك بالكبـد=وقلع عيونك وبكتب وسط صدرك عنود
الكاسح=
ماعمر حلبوب فجع هام راس البلد=تهابه الجن والسحل تفـر الحيـود
مبقا كلام العسل منك ابد في ابـد=ماليوم جيتك وباسوي بالرجلك قيود
الشامخ=
يقول شامخ وعدناكم .. اذا قد وعد=الجيد لابد يوفي ماوعد من وعـود
وعدت في قتل كاسح عمد والله عمد=واحط راسه كره او فلتره او بـدود
الكاسح=
ماظن مثلك وعد ونته مكرمح حفـد=منذوق بالفرش تتاوح وجيع الخدود
من ما ضربتك وشدشدنا عليك المشد=ماعاد لك حيل بتقاوم شبال الاسـود
الكاسح=
هيهـات قبـل المدافـع باتهـد البلـد=يالشامخ انثر كلامك هات ذي بالبنـود
نيران تشعل بالقلبي والكبـد والجسـد=والهاجس اقبل وكاسح في بلد بن سعود
الشامخ=
يقول شامخ معيا سيف حامـي وحـد=ذي يقطع العنق يالكاسح وبزق الكبود
احذر تولي اذا ق السيف فيـك انفـرد=بس اعرفك سوف تبذل للمخابىء جهود
الكاسح=
لو ما احترامي لمنطقتك وجـاه الولـد=بسمح بك الارض ورمي جثتك للفهـود
شف عانا اسقيك من دمك وصفو الصدد=عذاب عـذاب تتمنـي حياتـك تسـود
الشامخ=
النار باتلهبك ..سر شلتـك ياولـد=مالك ترى عاد بالدنيا اسود وفهود
ياصاحبي سير دور لك صنايع بُنـد=ياخوك روح لارضك خير مثلك يعود
المحبوش=
حياك ياشامخ اشمخ بين شُمّـخ اكـد=بين النماره بتصحبهم ومعهـم فهـود
محبوش واقف بجنبك ون وصلنا الحرد=مابا يضلوا معانا طين لحضه صمـود
الكاسح=
كشرت لنياب ماحطيـت فيكـم اسـد=اثعل محجى عليكـم ياقليـل العهـود
انته على الضرص سويتك لانك عنـد=بصهر بدنتك ومن جسمك جلود الجلود
الكاسح=
خلي سيوفك بيدك قبل تظهـر لحـد=مادام خوفك بجوفك صعب تنزع كبود
اكبر مصيبه معانا يوم شامخ رقـد=لابله اليوم سيـب عدنـه والكنـود
الشامخ=
يقول شامخ ترى لا قد عصدها عصد=باتشرب المر يالكاسح ولك بانقـود
وباتظلي عبر من شان لو حد وفـد=ون حد تحرك تاكد بنسفـه وانـذود
الكاسح=
الكاسح اليوم عاده فوق راسـك قعـد=ماباتلاقي سهاله حـد نفسـك حـدود
النارنـاري ونـا ولعتـهـا بالعـمـد=بلشويك فيها كما بالشوي جرادت حفود
المحبوش=
شبيك لبيـك والمحبـوش جالـك عمـد=ولاوصل ساعة الوصله بتبداء الشـرود
وانت معذور سوقك في وجـودي كسـد=لوكان غيرك حصل له ذي حصل لن يعود
الكاسح=
الشاهد اليوم باين رعد من فوق رعد=والخنجر اليوم جاهز والنمش ياحدود
جاني بشوفه وحن الفلب له وستعـد=ماليوم يومك فلا فكك شبر ياحسـود
المحبوش=
منـي سلاميـن لايحصـى ولابايعـد=من عند محبوش توصل لاجميع الوفود
ون حد مشاغب معيا له صميل العُقـد=ياليلة النوره هزه لي نسيـم البـرود
الكاسح=
يقول كاسح بقيتـه ذي يجـي يجتهـد=بالشعر يسرد ويرعد مثل صوت الرعود
ماريد مهجى ولا تعليـم عنـدي يجـد=عندي بوارج تدمركل شي ع الوجـود
المحبوش=
كني برى ذ لمكسوح مارضي ينقعد=قله جبابر امامه ماتهـم الرخـود
بخاف لوجه تجاهه بعدهـا يفتئـد=ياكم مصاكيع قبله جرجروها نهود
الكاسح=
بيرق توصل ونا بمطرعليـه البـرد=وسقيه من سمي الذباح يهمد همود
ماريد يظهر ويتمزنط وعـاده نكـد=ماهو نديدي ونا باسوق بيرق باعود
بيرق السعدي=
البارعي قال حيا طلتك واسند=ماشي عرفتك مهلا قد عرفت القيود
الله يشفي عيونك والمُلأًً والرمد=قدام عيني رقد ونذه عيونه هدود
الشامخ=
البيرق اقبل وبيرق جنب شامخ يجـد=مضمون مضمون شف ما باتلاقي برود
لولا احترامي لوجه الملتقـى والمـرد=لكن ترى بعد ذه المره سيبقوا شهـود
بيرق السعدي=
معك معك ياصديقي بالفرح والنكد=كلآ معه حربته لما يئط القعود
وكاسح اليوم متاكد بانه لبد=ذي بايقع ند لي مابع خلق بالجود
المحبوش=
ياليت ابوصالح اتجمّل وليته رقـد=ماكان لخجف معانا في جواته ينود
ساعه صواريخ يطلقهن وهو بالمخد=وكلها احلام واعيانه بتمسي قهـود
بيرق السعدي=
جسم صالح مغطا في جلود الاسد=درس مايتنسي في صف رابع ينود
ومن فهمها فهم ماشي نوضح ابد=باتنسحر لجدره وايذبلين الرخود
صالح اليافعي=
ويش آنسي ويش يا بيرق بعبد الصمد=سنة وشهرين يا غطاف بعض الـورود
وزهرت الطين بن صالـح قطفهـا عمـد=وشلهـا خــاص وديـهـا لقـصـر العـنـود
المحبوش=
يالشامخ الجيد صوبته بصوب الكبـد=تستاهل اهديك باغه من جميع الورود
لوقال ماقال ابوسلطان مهما اجتهـد=مابايقع لك شمامه وايصيبه جمـود
المحبوش
29-09-2006, 07:37 AM
المحبوش يقلب الحرف=
يالله انا ادعوك يامن فيك بانتكـل=يسّر اموري وترزقني برزق الحلال
في فجرجمعه بها بارك بخير العمل=ماغير لك مد يدي بالرجاء والسؤال
المحبوش=
انا على الخط ناظر كن صالح كسل=يالله اقرب ويكفي لعب مثل العيال
شفنا مجهز مخازيني ملاها وفـل=وانته توكل بكيله وايجيك المكـال
المحبوش=
محبوش قد له عوايد من قديم الازل=شل الصداره وباقي فوقها لم يـزال
مازال يشمر باجنحته بهـا مانـزل=ويوم سعده بساعات البلا والنـزال
المحبوش=
واظن صالح بهذا اليوم يمكن عقـل=ون ما عقل قد معيا فضل ماسك عقال
يسير عنده وخير القـول ماقـل ودل=يقطبه وسط ظهره وايجـي لعتـدال
صالح اليافعي=
لـمـا مـتـى باتضـلـي باتـسـوق الجـمـل=شفـة محنـب وضهـره رابطـه بالحبـال
مقـدر يشـل الحمولـه لــن حمـلـه ثـقـل=لا زال تعبان مرمي فوق سطح الرمال
المحبوش=
حمل الجمل فوق ظهره حيث ماينتقل=يشل لحمـال لانـه مايهـم الثقـال
العيب لوكان في الحمال بعض الخلل=يستاهل انه يذوق اليوم طعن النصال
صالح اليافعي=
اقـول لـك وانتـه اسمـع مـا يقـول المـثـل=ذي يشـرب المـر لازم بايصيـبـه سـهـال
ذي ضيـع العمـر وتعنـي بشـهـر العـسـل=روح من السوق خالي ما معه راس مال
المحبوش=
ياناس صالح بيهـذي وفتقـد للامـل=شارد ورجليه بتغرّز بوسـط الرمـال
لاحد دري ويش قصده فسروا لي عجل=يهوين يهوين باطـل يسترف ذلقبـال
المحبوش=
لنته تخطط شف التخطيط حقك فشـل=شفنا هنا منتظر لك في خروجي مُحال
ون كنت مفلس تسلّف لايصيبك خجل=مابحرجك خذ لك الفرصه واطول مجال
صالح اليافعي=
مـن شامـخ العـر للـقـاره وروس الجـبـل=وأبين وشبوه وحتى وسـط شـارع جمـال
معروف معرف يا المحبوش منذوا الأزل=الكـل عـارف لـبـو سلـطـان عـنـد القـتـال
المحبوش=
بخاف لايقتلب الذيب بعـدا رخـل=بساعة الجد بايلتاح فـن المقـال
وانته بشوفك بتبني والبناء به خلل=شف تالي اليوم بيبين بحصد الغلال
صالح اليافعي=
كـل مـا سمعنـاه عنـك قـالـوا انــك ثـعـل=مـا هـل لسانـك طويلـه للهرى والجـدال
لو نجمك الدلو يا محبوش نجمي الحمل=مــا يـأكـل الا فــؤاد المرجـبـة والـغــزال
المحبوش=
مقبول منـك وماقلتـه فقـط بـه هـزل=والواقع انك بتلحم حلـم اصبـح محـال
مسكين في الارض والمحبوش فوق الزُحل=وانته مخرف ومن خرف رجـع للخُبـال
صالح اليافعي=
خلك على جنب رح بعلك كراث او بصل=ودور انسان غيـري مـن حـدود الشمـال
مانا معي لك صميل اخضر فـلا لـه مثـل=بفجـر عليـك المـراره والكبـد والطـحـال
المحبوش=
يامرحبا النور ذي شعشع بنوره هشل=يامرحبا من بصولاته ركينـا وجـال
ميضار قال آيفلسس حيـد مايرتقـل=الليله الحبس ناظر لك قفا الاعتقـال
صالح اليافعي=
لا لا تصيـح ولا تنـادي لخـيـر العـمـل=ما شي يفيد اليزيدي ذي معك والعيال
واحـد عطينـاه اربـع مـئـة لـمـا اتـكـل=اما البقية فـلا يساهلـووووون الريـال
المحبوش=
باسايرك وانشوف الزور وين آيصـل=كله خطاء في خطاء لما امتلين السلال
واانته ومن هم معك ما باتساووا هلل=ماغيرهـا روسكـم باينفعيـنـا دلال
صالح اليافعي=
قولوا لبو يحيى المسكين دمعة هطل=جرح خدوده وجرح مقلتـه والسبـال
من قبل كنا نشوفة مثل كوكب زحـل=واليوم مسكين خايف يعلن الانعـزال
المحبوش=
بالفعل مفروض من اعلا الغمـم اعتـزل=يكفيني النصر ذي احرزت فـي ذالنـزال
من بعد ماشفت سبع الليـل ذي يمتـذل=هارب اذا ابصر بن المحبوش في الاتصال
المحبوش=
يقول محبوش من شلّ الحموله شـدل=مابايصل مقصـده الا فـي الاعتـدال
وصالح اليافعي اليـوم شـلّ الفشـل=مابايقع شي سوى ضامي وراوي زُلال
المحبوش=
رميانها شمروا الليله وجب نحتفـل=والخصم رفّع براياته بـلا رأسمـال
مادامه القائد المغوار صابـه شلـل=والرأس غطيه في كرتون ماهو بشال
المحبوش=
بشوفه الخصم قد تلتل وصفي المقـل=وقالوا الصطل سالم زيد بيع التـوال
من بعدما هاجس المحبوش قد اكتفـل=وخلي انصاعهم طيبان وامسحه جحال
صالح اليافعي=
يا نـاس حـد يرحمـة منـا رعـوه اقتتـل=مسكين محبوش يمكن قد هرب للسفال
وأنـا مكانـي وبتـزمـل مــع مــن زمــل=بكتب حروفي وبطبع ختم فوق المقـال
المحبوش=
محبوش ماهل معاكم للسلى يرتجـل=وشاربي منكم مازال مصفـي بهـال
من غير ماحد بيستفسر لماذا وهل؟=لما متى صبر ابويحيى بيرخي الحبال
صالح اليافعي=
لو كنت تحسب لنفسك انك اكبـر بطـل=غلطان غلطان يا المحبوش هذا محال
الشعـر اصلـه معانـي والمعانـي جُمـل=وانته تخربـط ابوهـا بيمنـك والشمـال
المحبوش=
من دون احسب انا بالفعل من لك اذل=ووقعك بعد غزوه لك فـي الاحتـلال
في قيد مأسور متكدر وصابك زعـل=واصبحت توشك باعلانك في الاعتزال
المحبوش=
كني برى الصقر يتشاوق وهو منفعل=بيكون ناجح اذا قرر في الانفصـال
بانمنحه عفوا لو بادر لعـلا وعـل=لمـا يقـع بيننـا باينفعـه لنتقـال
الصقر اليافعي=
يا مرحبا قول ابو يحيى وفيه الخجل = ما فارق الزير والكاسح بنصف القتال
وعاد صالح ابو سلطان ذيب العول = والصقر عاده مسيطر عل المواقع وجال
المحبوش=
الزير قالوا من السحباب صابه شل=وكل قوته بيتشمشم لـه البرتقـال
اما ابو (س) قالوا انه رجع للغـزل=وفاقد الذاكره وغير اسمـه كمـال
الصقر اليافعي=
الصقر واقف على الجوله للعب الابل = وان ما معك خص يا ذي سلبوك العيال
كنك موكن على بيرق اذا قد زمـــــــل = وهو مسيكين يتشكي وجع بطحـــــــــال
المحبوش=
قد قلت للذيب بيرق نام لك بالعسـل=وفرقة الرعب تتسلى بهذا المجـال
قدنا مكفي بكم في راحتي والمهـل=بعطيكم الدرس كامل بالوفاء والكمال
الصقر اليافعي=
وين اتقع وين ياذي فوق راسك بصل = كيف اتناطح جليلات القرون الجلال
الجاء لعبده عسا الله شي يفك الزعل = ويحمل الحمل عنك والعنا والثقال
المحبوش=
مهما تحاول معي يالصقر كل السُبـل=سراجكم ما يقارن شي بضوء الهلال
والشيخ عبده مريح ون طلبته بطـل=ويش آتبي فوق هذا الدم ذي بك يُسال
المحبوش=
قلت انصح الصقر لكن مارضي يمتثل=والان انا بكرمـه يتجهـز الانتـوال
بشوف انا الجو بارد قد دخلني ملـل=من انتظاري لذي عالبال والامر طال
صالح اليافعي=
يا سائق الجيـب عشـق موتـرك بالدبـل=وامشة درويدا على خط الهدى والطوال
حاسب لنفسـك تـرى قدامـك اكبـر جبـل=الصقر ذي شل فوق اجناحة اكبر غزال
صبري اليهري=
قال السراجي معاذ الله مـن ذي قتـل=نفساً بريئـة ببطـن الام ام الرجـال
وصاحب الكذب ما يعرف بطعم العسل=يعرف يذوق المراره ذي سقاها وصال
صالح اليافعي=
حيا بشاعر وصنا ذي له اكثبـر ثقـل=شاعر محنك بيشعر بلحروف الدوال
يجيب كلمات محلاها عسل في عسل=بتسلي القلب والخاطر على كل حـال
صبري اليهري=
القات يا صالـح الليلـة معـه بالدبـل=وانت معك زعقتك ذي هي بخمسه ريال
ماتعرف الشبل لما با يجي لـك شبـل=محبوش يا صالح الليلة معه لـك زلال
صبري اليهري=
قال السراجي رويدا ذي بتنطح جبـل=رع عادها للجبل قامة وخمسه جبـال
لا تعلي الصوت بالجهرى وتشتي تصل=رع طلعته سهل لكن خوفتـي لنتـزال
المحبوش=
حيا الله اليوم صبري ذي بشوفه وصل=ماطش ماطر وماسيله قفا الطش سـال
حيا الله النور والمصبـاح ذي اشتعـل=ذي جاء يسدد على صالح ويرمي النبال
المحبوش=
كني برى الخصم قد اصبح مصابه جلل=كلاً تحمل على ظهـره ثلاثـه شـوال
وخير رامي بهم قد صاب عينه حـول=هذا جزاء كل من ينوي معي الاحتيـال
المحبوش
29-09-2006, 08:07 AM
صالح اليافعي يقلب الحرف=
بأنقلب القاف ورسـل ريحـي العاطـر=للـنـاس جمـلـه ولـلـزوار والـشـعـار
احباب قلبي يسلـوا القلـب والخاطـر=برسل لهم عطر وارسل باقة الازهار
المحبوش=
بسمر مع من رغب الليله السامـر=واعطيه موجز وبعدا فصل الاخبار
من قلب صافي ونيه صادقه طاهر=من منع الجود والجوده من الاخيار
صالح اليافعي=
قال أبن سعدان بلعبهـا علـى الطايـر=ما همني ذي بيحمل فوق رأسه طار
ضاعت حقوقة وضيع حمله الجايـر=وأصبح يطالب بحق المعرفة والجار
المحبوش=
من حيث تبداء انا بالمثل بابـاد=رشفها بتخصب عليا غيثها مـدرار
ولي رجاء بطلبه من خوف لتغادر=حتى يصل موعد اتناول به الافطار
صالح اليافعي=
لا زلـت معـروف رقمـك عندنـا العـاشـر=خمسين في المئة والباقي طلعت اصفار
ويش من ذكى ويش بك يا رب يا ساتر=ما هل بتعـرف فكـوك البـاب والمسمـار
المجبوش=
ماهمني من بنا الزايد ومن قاصـر=عند المهمه بتستدعي لـك الاقـرار
لو با افذخك بس فذخه توصلك شاتر=مثل القشاشه بتتبـدد بهـا طيـار
المحبوش=
ماهمني من بنا الزايد ومن قاصـر=عند المهمه بتستدعي لـك الاقـرار
لو با افذخك بس فذخه توصلك شاتر=مثل القشاشه بتتبـدد بهـا طيـار
الزير اليماني=
ما دام إنا الزير سيفي أسمة القاهـر=زر زر حباله وبيرق زر زره زر زار
ون كان محبوش يبصر نفسه الشاطر=صحيح شاطر ولكنه رجـل سمسـار
المحبوش=
الشاطر الزير لكن وحدي الماهـر=انا احمد الله ساقتكم لـي الاقـدار
ياليلة النور باشرني ونا حاظـر=باناخذ اليوم برعه وابداء المشوار
صالح اليافعي=
لـول لطمـنـاه بـيـن الـخـد والصـابـر=والثانـي اقبـل وسينـا داخلـه منظـار
وعـاد محبـوش لا لــول والا الأخــر=بالأمس سمسار واليوم اغتلب جزار
المحبوش=
بدعت ياصاحبي بالنـار بتغامـر=والعذر مقبول لكن يتبعـه انـذار
ماتدري انك امام الشاعر الكابـر=وانته فراشه وما با تحتمل لعصار
الزير اليماني=
من فوق حليم وقلعة شعب للظاهر=ومن حيد جابح لحيد العر لا لعصار
الكل يعرف بأن الزيـر ذا شاعـر=وداخل الملتقى له رتبـت الطيـار
المحبوش=
طيار لكـن معيـا اليـوم تتطايـر=والملتقى بايصلح لك هنـا تذكـار
بركان تحتك وفوقك بالسماء ثايـر=ونور محبوش عنده يخطف الابصار
الزير اليماني=
ياناس ياناس ويـش أقـول وأخابـر=وقع وقع محبوش يلبيرق وسط لمنار
بو(س) بطالبك عاشـي لنـا خاطـر=لاتقتله شوف رع ماشي معه له كار
المحبوش=
انا انصحك لاتخابر وانتـه الضامـر=بايحسبونك مع صالح فريـق اثـوار
شف نجم محبوش عالي بالسماء قاهر=مهما يطول الزمن باتمضـي الاقـرار
المحبوش=
الزير مسكين روحها في الصابـر=وذقته اليـوم للعلقـم وللصُبـار
والشيخ صالح باشرته على الطاير=لما سلخنا جناحه لا ولا المنغـار
صالح اليافعي=
ابن اليزيدي بيشبه لا علي ناصـر=مجرم وخاين وهوه الثعلب المكار
كم ذبح الناس فـي احـداث يانايـر=والناس للأن بتطالـب بحـق الثـار
عبده اليزيدي=
يالميج حني وجيبي لي خبر باكر=وتفقدي وين صالح في قطر محتار
قولي له ابن اليزيدي عندكم عابر=من شان باسحببه اهبـره هبـار
المحبوش=
عادك هنا كيف عادك تنتفـز باكـر=ولا فقط بس بتـدور معـي اعـذار
قلنا توكـل ياخاسـر قـدك خاسـر=ماعاد شي بك سخى تكفيك ذه لظرار
المحبوش=
امثال ذلزير زوره يكسـر الخاطـر=ذي جاء يقلد على الخجفان كالبيطار
وحين ماحن صوتي واقبلـه هـادر=اتحول القُمع بالتاليـه لا ميضـار
المحبوش=
عاد الجماعه هنا وبشوفهم ظاهر=يتبادلوا للعتب وبيكشفوا لسرار
قالوا منين اقبلنا اليوم ذا الساحر=مايدروا انّا مثالي نادر المعيـار
المحبوش=
عندي صواريخ باتوصل لكم عابر=ذي باتطفي سراج الويل والاشرار
ونا معاكم هنا صامد لكـم قـارر=من دون خيره بهزمكم وبالاجبار
المحبوش=
يقول محبوش بيدي المخبط الجاسر=لو قلت بكتب فخوفي تكمل الاحبـار
والحمـد لله خيـره عندنـا وافـر=مانا كما ذي يغشونـا بلكسسـوار
المحبوش=
طاب السمر طاب والهاجس بنتجابر=اهل العزائم بيتحلوا فـي الاصـرار
ومن حمد نعمته بيكون له ناصـر=اتبدد الخصم مني اتودروا طعفـار
المحبوش=
قدنا عليها مؤصل من زمن غابر=محبوش قدذاع صيته كافة الاقطار
من وهدفه في طريقي حضه العاثر=والخير له لو يشل الطبل والمزمار
بيرق السعدي=
ياساتر اليوم ماشي بعدها ساتر=بالحصن ياكم دوه صفارت الانذار
وفعال محبوش مثل الرعد والماطر=ماهل سمعنا علي بالبيت ياأووار
احمد القعيطي=
يازير بطل من الكلام ذا العاثر = خليك واعي كفايه هرج واتنخفار
عادك بتشحت زوامل مننا ساير = واليوم تشعر وتتحدى هنا الشعار
الزير اليماني=
يأبن القعيطي نعم با قول لك ناكـر=تنكر جميلي وأنتـه عندنـا ثرثـار
عملتك الشعر لكنـك رجـل فاجـر=ليتك بتحسن بتمثيلك في الادوار
عبده اليزيدي=
قال اليزيدي بشوف الزيـر يتنحمـر=وهوه مسيكين يحمل سلنـه والطـار
بالوي ذراعه وباحطه يشوف احـور=وسحق عظامه وجسمه بالحرقه بالنار
بيرق السعدي=
واسيل سيللووه سيلي بالسيل دافر=ماعاد يرحم احد شلشل جرب وعبار
وشل زير اليمن مايعتبر شاعر=قد قالها احمد بيتسلف من الشعار
عبده اليزيدي=
اليله الرعد يرعـد والمطـر ماطـر=والارض خصبه وعاده بالمطر مدرار
وين ابن سعدان وينه عادهو ناظـر=ولا خرج رافع الرايه مـن الاوكـار
الزير اليماني=
يلبيرق اسمع كلامي وإعلن الحاضر=شف بقبرك وسط حفره دون قطعت كـار
السيف سيفي ونا بالمعركـة قـادر=بسحق عظامك وجسمك بابتره بتار
صالح اليافعي=
انا هنا وأنت ذي حليـت فـي صائـر=اخوال وأنساب والباقين هم اصهار
حتى ولو بعضهم بالمنطقـه ساحـر=يهود اهل اليمن مـن قبـل لستعمـار
عبده اليزيدي=
ماحد يغني وهو سامر بجنب اصـور=ياصالح اصبر على ضربي وكوي النار
ولا شنقتك وقلـت انسـان متجفسـر=مالـه مكانـه معانـا لا ولا لـه دار
عبده اليزيدي=
لا نجمك الدلو عاده نجمي القاهر=يالكاسح اليوم جيتك مابقيت اعذار
باجرعك سم ينزل بالكبد صاهـر=وقلب حياتك تعاسه عنجرك عنجار
صبري اليهري=
وين الحمم بيرق السعدي انا صابر=باشوف ذي تعلنه قدامهم بصـرار
ما شفت منك سوى بقباق يا شاعر=لا صوت منك بيأتيني ولا مزمـار
الباشق=
يا الكاسح اهدء دلا با حذرك حاذر=لا تقرب النار والباروت والتيار
امهر على الشط لا تسبح مع الماهر=وحذر من العاصفه والريح والاعصار
صبري اليهري=
خوفي على الشعر لا جيتك تقع خاسـر=ما هي خسـارة علينـا كلنـا شعـار
يا ذي تقول الكوارد في عـدن حـاذر=عصورتهم في عدن يا صاحبي عصوار
صبري اليهري=
ماينفعك صقـرك الجـارح ولا جابـر=رعني من اهل السراجي نعم سابع جار
اسأل على جدي السابـع وع العاشـر=ذي أرخوا وسط يافع كم من اعظم صار
الباشق=
فجأه اتا هاجسي وقام بيشارر =جاني مسلح معصرقلت له وش صار
وقال يا بو حمد شف هاجسك قادر=بقضي على الباطلي با كسره كسار
عبده اليريدي=
يالميج حني وجيبي لي خبر باكر=وتفقدي وين صالح في قطر محتار
قولي له ابن اليزيدي عندكم عابر=من شان باسحببه واهبره هبـار
صالح اليافعي=
والله لو جيـت بأبنشـر لـك التايـر=وآكسرك انـت والبابـور ذا كسّـار
حتى ولو جأت لا داخل قطر زائر=بأندهفك دهـف لمـا داخـل الـدوار
عبده اليزيدي=
فضت عليك المكينـه ويـش بتخابـر=والهبس روح ولا تقدر على المشـوار
راجع حسابك وشف ذي ايش لك صاير=من فبل ما ترمي الفوطـه ويـا اوار
الشامخ=
اهلا هلا بك هلا مـا حـن بالماطـر=اهلا ... وصالح ترى بايجزع الادوار
لانه كمـا تعرفـه بالمكـر ياساتـر=لكن عليه آآنحـط السهـم والمنظـار
عبده اليزيدي=
قال اليزيدي هلا بالشاعر النـادر=نورت دارك وحيا صاحبي والبـار
قد لي عوايد على خيلي وبه حافر=في ساحت المعركه باسي لهم وذار
عبده اليزيدي=
الحيد حيدي ولي في بحرها والبر=ونته مسيكين ماهل عندنا سمسار
ياصالح ابن اليزيدي شر بنفر شر=احتد منـه والا كسـرك كسـار
صبري اليهري=
وش اغصبك حيد يافع لانته له عابر=يا بيرق احذر وخلي عنـك الحـذار
من يسكن الحيد لسمر بد هو قـادر=ويعرف الكيـل بالمكيـال والمعيـار
بيرق السعدي=
منته من الحيد لحمرلا ولا ناصر=كلا ولا من بني قاصد ولا لصهار
بلهجت اليافعي ياصاحبي قاصر=مابااعترف به ولو سوي لسانه وار
صبري اليهري=
شنيت حربك ونا يا البيرقي صابر=لا تحسب الدرهم الليلة مع الدولار
شفني عجي من حيود القاهرة قاهر=وتعرف البيت والجيران قبل الدار
صبري اليهري=
وعبده اليوم قدهو للسهـر ساهـر=لا بيت في المملكة عنده ولا له جار
فوق الدكاكين ساكن مثلمـا طاهـر=بن عمه اللي سكب بالغاز فوق النار
الزير اليماني=
الزير لا قال يا رحمة ويـا عامـر=فكو لي الباب بعلن حالت استنفـار
بعلن هجومي على الشيبة وعالقاصر=وابن القعيطي معي باكركره كركار
احمد القعيطي=
ما الزير شفته هبيله ياولد قاصر=واخوه صالح حرامي يلعبوا بالنار
لكن قعيطي معاهم للبحر ماهـر=بغرق الخصم وابيعه في الدينـار
بيرق السعدي=
يابو محمد معانا بالسماء كاسر=ياويل ويل الفريسه لوجنح او طار
صبري مع الزير قد اشكالهم نادر=لنه بوبري ولنه تي العسن والفار
صبري اليهري=
صنفت لي بيت يا بيرق على الطاير=وقلت شاعر تحارب كم من الشعـار
من علمك في اصول الشعر يا شاطر=عادك ربيب الاظافر والنبي المختار
بيرق السعدي=
الحربي حربي وانته يافتى ساخر=لا تلتفيك القوارح واللهب والنار
حذرك معك قلتها لك مننا حاذر=هذا يمين القسم باطعمك صبار
بيرق السعدي=
مايدخل البحر الا مثلنا ماهر=والبحر مثلك خطر لايلتفيه اعصار
قدهي تشيل الصعه من عمها جابر=والله ماتنتكت يبغا لها عطوار
الزير اليماني=
علمتك الشعر يا احمد ليش تتفاخر=شف بيرق اليوم بيقرقر معي قرقار
حملته الحمل يا ربي ويـا ساتـر=بابيعكم كلكـم باليـن والـدولار
بيرق السعدي=
ثرثرت زير اليمن يبغا لها جاسر=يقرح صميلي بظهره لو لفت او دار
مرزم قده موسمك يازايرياقاصر=ترعد وتبرق ولا قطره من الامطار
المحبوش
29-09-2006, 08:09 AM
صالح اليافعي يقلب الحرف=
بأنقلـب الـقـاف وأنـبـدى بـقـاف اعــوج=والشعر يا ناس ما في به خزى واحراج
بـرسـل اشــاره يفـكـوا صـالـة الـمـدرج=مـن شــأن بقـلـع معـيـا طـائـره مـيـراج
المحبوش=
ياليلة النور للساحه انا بخـرج=بيدي السوط واليسرى بها ملباج
بشوف صالح لتربيته قده احوج=واليوم يلتاح الصادق من الزفاج
صالح اليافعي=
لو عادنا شفت بن محبوش يترجرج=بعلـن حصـاره وبـآدقـة كـمـا لـبـراج
مـا برحمـة شـي لأنـه دائمـا اعــوج=يشوف ننفسة مركب فوق رأسه تاج
المحبوش=
ماعاد باينفعك ذليوم تتلجلـج=باتفتضح حين مابتبين الانتاج
مهما تبند ولو زيدت لك معلج=لابد تفحم وباتعجب من الفلاج
صالح اليافعي=
ماذا عمل ويش سوي لو زرع وانتج=ولفلف القطن من باتيـس والدرجـاج
كنـي بشوفـة يـدور لـه علـى مخـرج=مهمـا عمـل عادنـا بآحـرجـة حــراج
محبوش=
اليوم بالبخس بابيعك انا واضفج=وامثال مثلك معيا سهل بالضلفاج
بقطع لسانك ومن لقلوقها بحشج=وين المفر ما تلاقي عندنا افراج
صالح اليافعي=
بآسكـر البـاب بالموسـك وبالمعـلـج=وعادنـا لجلجـه داخـل عـدن لجـلاج
بآهبره في صميل أخضر وبالعوسج=ويمكن آكسـر اضراسـة لأنهـا عـاج
المحبوش=
هذا عوايد اذا محبوش جاء تصنج=بتخاف لا يعرضك للبيع في قرطاج
لو ماتبطـل تأكـد انـك اتلبـج=امشه قدا بطل اللفلاف والعنـواج
صالح اليافعي=
وابن اليزيدي يقولوا راح يتدحـرج=شيبه مخرف وطول الوقت يا تلباج
خلـه علـى جنـب يتعجـب ويتـفـرج=بأدرسة من فنـون العلـم والمنهـاج
عبده اليزيدي=
قال اليزيدي بشوفه صالح المزعج=كثر من الهرج ليته داخل الدرجاج
باقول خادم وشكله مثلهم ملبـج=والشعر ياصاحبي عاده يبي حواج
صالح اليافعي=
كيف آتسي كيـف وأنتـه عندنـا اصنـج=ولا معك ظرس صاحي كل ابوهن عاج
عـجـوز شيـبـه وعــاده قــال يـتــزوج=رجليه عالقبر ما هـل دحرجـه دحـراج
الكاسح=
صحيح قولك وعبده دايمـآ يزحـج=بيحن والراس شيبه داخل المشجاج
مسكين مسكين كم له صار يتهجهج=وهوه مضيع باجده مامعه منهـاج
المحبوش=
اليوم عبده دفر بيقادي الاعـوج=وصالح اخجف ولا بيمل بالدجداج
وفاقده الذاكره والعقل به مرتـج=ونورنا في سماهم بالضياء وهاج
الكاسح=
ياليت محبوش ينوي ذه السنه للحج=سعف العجاجيز بايرحل مع الحجاج
من بعد ذا العمر يتحـدي ويتلخـج=لا هومثيلي ونا في هاجسي وهـاج
المحبوش=
بأذن واحد احد ياراعـي المحلـج=لكنه الخوف تعديني في الخمـاج
واليوم باترتدي في دمك آتضـرج=ماهل بعطسه وباتصبح قفا سوهاج
المحبوش=
من كثر ماترتعش واطرافك آتسفج=محبوش بايبتـدي الان بالحـواج
ماينفعك لون من الـوان تترنـج=ماهل تصيح ومامنك سوى لزعاج
الزير اليماني=
مسكين بيرق بيتفـرع ويتشنـج=فلجتة اليوم يـا شعارنـا فـلاج
واصبح بشعره بيتانان ويتلجلـج=لنه عزوبي ولانه ضمن ذه لزواج
بيرق السعدي=
ماريد انا سحله ماريد ذي يزحج=الباب بابي وعارف بقعت المعلاج
والزير عاده طري والعظم يتزلهج=والله مايحتمل للطرق والرجاج
الكاسح=
صوره جميله ولكن مثـل مـا عربـج=ياريت ما اظهرتها يـا ايـه الملبـاج
قد كنت مخفي واسمك بيـرق الاعـوج=من خلف صخره بتضرب لا جبل مسراج
بيرق السعدي=
مرجوج كاسح وعقله دايمآ مرتج=ابحر بغارب وبحر البارعي مهتاج
وصورتي واضحه وهاجسي ملعج=كالصقر فوقك ونوري دايمآ وهاج
الكاسح=
عقلي مرجح ولي قولي ولـي منهـج=بادرسك درس منعني كمـا الحجـاج
والحرب حربي ونا في هاجسي صرنج=بنتف لك الريش لنته صغر في لمداج
بيرق السعدي=
ياويل ويلك اذا ناري بدت تلعج=من يدخل النار ماواحد خرجها ناج
بكويك فيها لحتى الجسم يتزلهج=واعلمك كيف تدخل ساحت الرجاج
الكاسح=
طاب السمر طاب ياعفري من المطرج=مسعور ماشفت مثلك باليمن زحـاج
حاشى وكلى تقع ندي ولـي بـورج=بطلق صواريخ فوقك من على لبـراج
الكاسح=
مابا نخاف الثعالب ذي لها مخرج=بوكارها تطلب الرحمه من اللباج
البل بلي ونا فوق الجمل لهيـج=يابيرق احتد لاجاك الجمل هيـاج
المحبوش=
انا احمده ذا عليا اليـوم قـد فّـرج=واقبل لي الزير ذي ناوي له العسواج
عرقي لصالح الى ذا الزير قد شّـرج=وفيه خصله ملي ثوبه مـن اللجّـاج
المحبوش=
حيا الله الزير والليلـه بتتمنـج=البحر هايج وماتقدر على الامواج
يابختهم ذي عليك اليوم يتفـرج=وروني لامعك حرفين بـالادراج
المحبوش=
الزير لفّح قفا صالح قُتل او طج=قالوا بمكه نووا يستقبلوا الحجاج
واحد مطوف وثاني بالدعاء يلهج=يدعوا عليا غلابه بعد ذا الفنداج
المحبوش=
ارعبكم الوحش بن محبوش ذي هربج=وانتوا فقط تصلحوا ماهل في الهـراج
صالح تفلّج وزيره قـد هـرب محتـج=ويش اكلف البعم والاخجف في الخنجاج
صالح اليافعي=
دور على الباب وأبحث وين هو المخرج=لنـك مضـيـع طريـقـك يــا بــن الحـجـاج
سيبـك مـن الهـرج ذي تهـرج وتتحجـج=وأنظـر متـى ينـزل التصـريـح بـألأفـراج
المحبوش=
انا المؤلف وبيرق وحده المخرج=والشيخ عبده وبو مقعط لهم لنتاج
ونارنا حين ماتلصى بكـم تلعـج=انتم حطبهـا بتدفينـا وللسـرّاج
بيرق السعدي=
نعم نعم كلنا بالفعل والمنهج=بندق معي للعدو والخبز للمحتاج
والشله الفاسده من فلعلنا يزحج=بالبحر ياكم وكم سينا لهم حراج
الكاسح=
ماشفت مسرح ولا بالارض لك منتج=ماغير جلعاب تملك لا ولا المدجـاج
نارك طفيه ونـا نـاري بتتوهـج=بحرق بها المعتدي وزحرجه زحراج
المحبوش=
بتغالط النفس ياذي بسمعك تشهج=ونا بيدي لتلقينك معـي كربـاج
محبوش ياذلمكسوح نحوك اتبرمج=بايمطرك بالحُمم من غيثه الهزاج
بيرق السعدي=
مالك اسس ثابته عادك بتترجرج=محبوش بايضربك والكل يارواج
لما تقرقر نسمتك ذي بتتلخج=واتعرف انك غبي في ساعت الرجاج
المحبوش=
زعيمكم من سياطي قد هرب مرتج=والهاجس اقبل معي اليوم بالافواج
لما لمحني امامه هـاج واتشنـج=وبربع ساعه تخبوا داخل الامداج
صبري اليهري=
قال السراجي تعال الليلـة اتفـرج=يا صالح احكم على ذي ينكر السراج
البيرق انكر وخلاني أريـم اعـرج=قله لمه ياعزيزي ايش معك تهتـاج
بيرق السعدي=
ماشي نكرتك ولكنك بتتدحرج=بشعاب بيرق ترفق يابن السراج
من يقفل الباب معاشي معه مخرج=منهو حديدي معي غصبآ يروح عاج
صبري اليهري=
قال السراجي صباح الخير يـا لهمـج=يا ذي تعديت عل الكعبة وعل والحجاج
من قبل تعرف تعلـم كيـف باتنهـج=طريق سابر ودربـي مابهـا رجـراج
المحبوش=
اسعد صباح الذي خالف في المنهج=ونـا بعـزه ولابشـرح ولابحتـاج
الغزل بيدي ونا وحدي الذي ينسـج=والمسك والطيب عندي عرفه العجاج
الكاسح=
يقول كاسح وصلكم وينهو لعـوج=بسقيه سمي وباظفج بهم ظفـاج
الزير زرك ونا بـازر وادحـرج=جسمك على ساحة الميدان يابراج
ابــو صخر
29-09-2006, 09:01 AM
ياسلام عليك يامحبوش فعلا معارك حامية الوطيس
تحتاج الى نسخ للذكرى
هذا كلام اما اخوننا باالمجلس فقد شردوا الكثير من الشعراء
حيث المطلوب ان تكون مجامل تحب مايحب المشرف والا استاجر لك شاعر يشتمك
اما هذا المجلس اظن هكذا اكثر اعضائه مشايخ يشتي تظل تكتب له 24ساعه
على شان يظهر بعد اسبوع يقلك صح الله لسانك
والله حاله
اخي المحبوش تقبل تحيه من اعماق ابوصخر
حياك الله اخي المحبوش
وتشكر على ما قدمته ولو ان الشكر قليل
ونتمنى لك ان شاء الله التوفيق
وننتظر منك كل جديد
اخي ابو صخر ان شاء الله تكون مرتاح
فهمت من كلامك انك شفت تصرفات من المشرفين غير جيده .. حسب مافهمه
فاتمنى ان تبين وهذا لمصلحه الجميع
ولكم جميعا التحيه والتقدير
المحبوش
30-09-2006, 10:33 AM
بيرق السعدي يقلب الحرف=
بانقلب القاف مادامه وصل علان=يرعد ويبرق وحباتي بمخزاني
منشان كاسح يردد بعذب الالحان=منشان كاسح ليشعر مش على شاني
الكاسح=
يابايع البز لا ترخص به الاثمـان=السوق سوقي ولي لولي ومرجاني
متر وقايس وحاسب لا تقع خسران=لني بشوفك على المتنه وميلانـي
المحبوش=
يامن بتهذي اشوفك زدت بالهذيان=عرفك وصل عندنا مجوي وصناني
حاسب لنفسك اذحبيتهـا تصتـان=بطّل لها العنوجه لارجعك سانـي
الكاسح=
مالك بترطن ورطنك مثل ما الطليان=ماذا اصابك وماذا فيـك سرحانـي
تنعق نعيقك كما ماتنعـق الغربـان=ساعه تلخبط وساعه انت زعلانـي
بيرق السعدي=
البارعي قال باكسر قرون الضان=ونشفت لعوج ميل بارجعه ساني
بعرص بنفيب وساسي عالي البنيان=يهناك كاس البطل يالماهر الباني
المحبوش=
سلام من بحر طامي ممتلي مرجان=يعم في ملتقـاء اهلـي واخوانـي
وازيد منه لمن قد رجّـح الميـزان=ذي ابدع اقوال موزونه بها اشجاني
الكاسح=
ياقارة الله دمعه من علـى لعيـان=فارق محبيه والجمـرات تكوانـي
بيرق مضيع وفي جده زهق وهتان=من باطل الزيرذي كفه بالوجانـي
بيرق السعدي=
البارعي قال راحوا معضم الشجعان=ياحسرتي كيف راحوا معضم اخواني
وراح صبري وودعنا ولد سعدان=وداعت الله ياكاسح رعك يافاني
بيرق السعدي=
برهان قدام كاسح وعرف البرهان=بتكون ياصاحبي عن نفسك الجاني
ونحد شتمني وقال البارعي مهتان=باذوقه بالحمم من فوه بركاني
الكاسح=
لا تنطوي عادها الدنيا على حسبان=ونظر حواليك يابيرق على الثانـي
الموت آتيك خذ لحظه على لقصان=من قبل مانخع رقبتك في ذراعاني
الشامخ=
الليل اليل خـل البـز بالدكـان=هنا معارك هنا صعده وشي ثاني
وبيرق الجيد دقـك دق يافنـان=وعادنا جيت بارويك سيطانـي
الكاسح=
الشامخ اقبل يخبط مثل ما العميان=ياويـل ويـلاه بايحـرق بنيرانـي
السيف سيفي ونا في ساحة الميدان=بقطع لسانـه اذا عـاده تحدانـي
المحبوش=
ماطال فرعون مثلك وانت ياهامان=من دونما سمعّك يـاذاك ايمانـي
واهم بميدان باتهلك به الجـرذان=ودرس مخصوص با يأتيك مجاني
الكاسح=
ياناس محبوش وينه داخل العربان=ذي قال فارس وهومرجوج عقلاني
مفسد رصاصه ولا تقرح ولا دخان=كيف آيقاوم صواريخي وفرسانـي
بيرق السعدي=
الشامخ اليوم جاهز محزمه مليان=الموت بيده ونا جبته لكم عاني
ياكاسح اليوم بايقطع لك الاذان=منته بلول ولا قطعهم لا ولا ثاني
الشامخ=
ياسؤ حظي وقع شامخ مع عجمـان=الكاسح اعجم ويمكن شخص عمياني
ماشي بيبصر ولا بيرتـب القيفـان=لكن معي حبل باسي فيه طنطانـي
الكاسح=
لا قلت جناه قالو جن من لسيـان=من ظمنهم شامخ المخبول حزناني
كيف آيربط وعاده داخل القضبان=يشوح كما الثعلب المكار يخواني
الشامخ=
هاتوا لي السيف بانكع لذا لعيـان=انا... بكاسح امانه ربـي ابلانـي
قده كما ثور ابلش جمع من رعيان=باحمله عود يعمل وسط وديانـي
الكاسح=
ماهمني الهرج ونته داخل المخزان=جالس تلعثث وعادك دوب زعلاني
دك المواقع وهز البيت والاركـان=ونته يسوقك كما بوشه مع الرعيان
المحبوش=
برثي لحالك معي يالعاجـز الغلبـان=وانته بلا اظراس عادك جيت تحساني
لو بدك اللعب العب لك مع القلمـان=لانا بشوفك كمـا شعـره باجفانـي
الكاسح=
الكاسح اليوم قال اليل يالخـوان=هاتو سلاحي مع سيفي وعصياني
الزير جنبي ونا لاجنب ابو سلطان=الدم فاير براسي الـف شيطانـي
المحبوش=
ياذي بتغرق وعادك باطرف الشطئان=لو مطلبك تنتحر وانته لهـا شانـي
شفنا هنا من خلف في حكمته لقمان=مابا تصل في زمانك جنب خلجانـي
الكاسح=
راجع حسابك وحاسب لا تقع قلطان=وبط حبك من الصالـح وخربانـي
السوس بالحب عندك داخل المخزان=لاترك اليوم في بيـرق وعدنانـي
المحبوش=
خلي النصيحه معك يالعاجز الجربان=ونا وبيرق وبو عدنـان عمدانـي
ذي مننا تنتصب وبتشمخ البنيـان=لو يطلبوا الرأس يفديهم ولا اتواني
بن ناجي السعدي=
احنا هنا صف واحـد ونتـم الجـرذان=معنا اساطيل ونتـه .. انتـه الفانـي
رغم ان نفسي بهذا الوقت شف ضبحان=لكن لشـان اندقـك سـرت فرحانـي
الشامخ=
انته شراره انا في داخلي بركـان=ذي يحرق الارض والقاصي مع الداني
انا نمر ونت ياكاسح مـن الجـرذان=ساعد قوي ونت ياخي ساعدك وانـي
الكاسح=
ماظن عود العشر يقلي به النيران=دخان ماهل يعكي ويـن نيرانـي
زعتور مثلك تهنجم مامعه برهان=والقرد لا قد تعني جاب حوانـي
الشامخ=
يالهاجس الليل برهن وطرح البرهان=وقل لكاسح ترى الميـدان ميدانـي
قد حان موتك وقتلك يالمكسح حـان=بف باف بارش لك لنـك كديدانـي
الكاسح=
يالجانيه لا نهزي زهـرت الاغصـان=لني بشوف ان شامخ جاء على شاني
مريض لعصاب سرمد بالكبد وجعـان=عندي ابر للوجع صينـي وآلمانـي
المحبوش=
ياناس حد يسحبه ذلشيبه الخرفـان=كاسح مكسوح في الواقع ورحماني
مسكين ملبوج مستلبج وصل خرمان=من كثرت الظرب اتوالين عصيانـي
بيرق السعدي=
ياراعي المزرعه حافظ على البستان=اليم ليمي وذا الرمان رماني
عامد عليكم كما وسط اليمن بقشان=بالحرب ياصاحبي يعميك دخاني
الكاسح=
يقول كاسح على صوت الطرب والدان=طاب السمرطاب ياشامخ على الداني
لنته مثيلـي ولا قـدي تقـع فنـان=لي حق برميك في نـاري وبركانـي
صبري اليهري=
قـال السراجـي سرقنـي صاحبـي فـنـان=ذي شـل بالصـوت قـبـل ارجـعـه جـانـي
بيرق خرج شي معاكم لي غصين البان=وشـي تـرك لـي معاكـم حـرز صنعـانـي
عبده اليزيدي=
قال اليزيدي امانه ياقمـر شعبـان=نور طريقي وشف لي ذي تحدانـي
ما بسمح اليوم لشاني يحط الحـان=في مسرحي يشترح في شعر قيفاني
بن ناجي السعدي=
يابو علي هات يدك ولقف السكان=ونا معك وين ما وجهت تلقانـي
ونحو كاسح نوجـه نقلعـه الان=يدي بيدك مؤكد جيت له عانـي
عبده اليزيدي=
حيا ابن ناجي وحيا الصاحب الوهان=شيخ المشايخ تحيه له من اشجاني
ذي لا نطق في كلامه قال يامنـان=استر عبيدك دعيتك انـت رحمانـي
صبري اليهري=
البحر بحري وانا الكبتن وانا القبطان=لا تجزع الضبر يا عبده على شانـي
وابن السراجي عرف في لعبة الاخوان=واحد يجي ضبر لما يجـزع الثانـي
عبده اليزيدي=
ماظن لك بحر ونته سرت به ورطان=عاد المراكب على لمـواج تندانـي
حاسب لنفسك من الامواج والحيتان=باتبلعك قبل مـا توصـل لبرانـي
صبري اليهري=
أمهلتكم يوم يا عبدة وابو عدنـان=حتى يجي بيرق السعدي علي ساني
وان كان متعذر الليلة على الدكـان=قولو معي له بضاعة ملئ دكانـي
بيرق السعدي=
البارعي قال صبري يفتدي لسيان=وسخه بارضه وصوته مثل غرباني
واليوم دشه وحطه فوقه الذبان=ياريت بايفتهم خطي وعنواني
عبده اليزيدي=
ياذي تعرص ونا بادق دق البنيـان=الحيد حيدي ومطرقتـي وبنيانـي
مبقاك تمهل تراء الميدان له شجعان=ونته مضعضع كما زعبور بودااني
بن ناجي السعدي=
سلام مني لصبري يملاء الحيطان=سلام ما حن راعد من كريمانـي
وبيرق السعد هذا الشاعر الولهان=مالك وله لو يجي بتعود حزناني
صبري اليهري=
بن ناجي اقبل وصوته بالاذن رنـان=جاني اتصاله ولا شفتـه بالاعيانـي
يا فضل ليش الزعل والكبر والحنحان=رعها بُقيعا وعادك بارض بن ثانـي
بن ناجي السعدي=
اهلا هلا مايردوا صوت ..صوت الـدان=يامرحبـا مايحـن الرعـد بمـزانـي
يا اخ صبـري مؤكـد انـك الغلطـان=ما هو كبر ... ونت عارف وين عنواني
صبري اليهري=
الصبر يا بوعلي يا صقر بالميـدان=رعني بشوف الطحاطح وسط ميداني
واحد كتب بيت والثاني كتب للحـان=ويمكن معاهم ملحن صوت همدانـي
عبه اليزيدي=
لا تنخش اليوم بيدك جعبت الحربان=باتلقصك ونتهـا امـرك بالكفانـي
احذر وحاذر طريقك وعر في الوديان=قـد ربمـا تلتقـي حيـه وثعبانـي
صبري اليهري=
يا رب الارباب يا معبود يا منـان=يا كاضم الغيض يا مُعلن له ايماني
ألهمني الصبر وألهم اهلي السلوان=من بعد ما شفت بيرق بالكفن فاني
الكاسح=
ياللاسف قال كاسح كلهـم خجفـان=كلآهرب والسماء تمطـر بنيرانـي
بيرق توكل وشامخ راح من سنحان=ذي كان يضرب وضربه دوب دخاني
المحبوش=
سبحان ذي سوي العركوض بالسمان=تعـال بعطيـك ياجيعـان دبئانـي
قد جاك ذي بايردك عالـم النسيـان=عبره لمن يعتبر قاصي مع الدانـي
بيرق السعدي=
بيرق طلبته ماكد باتقع خسران=ياكم شنب قد دحقته وسط ميداني
لوشفت بيرق بسرعه شغل الونان=وعلن طوارء لانك ياولد فاني
الكاسح=
سبحان من زينك يالبوم فـي لعيـان=وسيلك اجنـاح فيهـا خيـر للوانـي
من شان تصطاد لك ضفدع مع الجرذان=تشبع بها معدتـك وتكـون فرحانـي
عبده اليزيدي=
ياخالق الكون سألك وانته الرحمـن=يامن خلقت السحل هي ويت قرداني
قرب لنا اليوم كاسح ذي هرب وهتان=بانلبجـه لبـج والاخـر سحيبانـي
الشامخ=
ياخوك..سر شوف لك نعنع مع لبان=قد انت اخجف وقايد كل خجفانـي
بيرق وشامخ يلصوا فيكم النيـران=وانت مرجوج قـد زودت هذيانـي
عبده اليزيدي=
قال اليزيدي وصل كاسح وبه هجان=بسحق عظامه وبا كسر له اسناني
لو ما امتثل بنحره وقطع له الاذان=واعلقه وسط سوق القات ياخواني
صبري اليهري=
قال السراجي معاكم نجل ابو عثمان=من ما عجبه العجب باسقيه فنجاني
العين بالعين يا عبده وانا الكسبان=والسن بالسن والبادي كما الجاني
عبده اليزيدي=
لا تندعي بالزرافه او تجي بحسان=او تستعن ظهر غيرك ونت تعباني
لملم جروحك وداوي قلبك الظبحان=ونظر لحالك تراء العمر له فانـي
صبري اليهري=
ما همني لقصة الحربـى ولا الثعبـان=افهن كلامي وسـه بالعقـل ميزانـي
ويش اوصلك قاعنا يا صاحب القمصان=ياذي تبيع الحريـر الصنـع يابانـي
عبده اليزيدي=
كشر نيابه وحط اللول والمرجـان=مدري خداعه بعقله ويش ذا الراني
ماحد يدكي على صخره بها ميلان=للهاويه غير صبري ذوب طيشاني
صبري اليهري=
قال السراجي عموم الناس يا انسـان=تعرف مقامي وتعرف كيـف خلانـي
بالامس ترعي لنا نجعه وبعض الضان=واليوم بالسوق عندك كشك نسوانـي
عبده اليزيدي=
كفكف دموعك وامسح من على الاوجان=دمعك من الضرب ذي سويت لك عاني
من شان تحلى وتعرف فارس الفرسان=اني زعيمـك وبـا حطـك بقضبانـي
صالح اليافعي=
من حيد يافع ومن لسيان لا كحلان=والعر لنصنب وقرية قرت اعيانـي
هذه تحية لكم من صادق الوجـدان=والان جينـا لكـم فـي خطنـا سـانـي
صالح اليافعي=
يقـول ابـو س بـأولـع بـكـم بـركـان=محـد مـن النـاس قـال انـه تحـدانـي
عاد اليزيدي وصل لا عندنا ضبحان=هـديـة الـقـرد يــا لـخـوان حـوانــي
عبده اليزيدي=
قال اليزيدي هلا ذي حل فـي كحـلان=جانـي مهـدد ونـا باصملـه ثانـي
مابع حلى ما وقع له ساعـة النيـران=ذي احرقت جسمها بها من فهو بركاني
صالح اليافعي=
انا فرنسا وانـا الروسـي ولمريكـان=الحرب حربي وانا لي جيش الماني
وانتـه مساكيـن لا تبـدي ولا بتبـان=ما هل بتضهر معي بالطابق الثانـي
عبده اليزيدي=
سبحان ذي ساك سبحانه هو الرحمن=ياذي تقول ان حربك حرب عثمانـي
ماحد سمع لصراصر لا ولا الحـوان=شنين في حرب كاسح داخل اودانـي
صبري اليهري=
يقول ابويوسف الليلة حصل بركان=في الجولة السابعة من شعر قيفاني
ما قلت يا صاحبي لا تنكر القيفان=كودك تقع مخبزي او شيف شيباني
عبده اليزيدي=
ماتحتمل ضرب عبده لا ولا العصيان=جسمك هلى كيف تحمل سيفي الهاني
لو ما احترامي لكم والجود والعرفان=كنت اذبحك للحداحد هيه ونسرانـي
المحبوش
30-09-2006, 10:35 AM
صالح اليافعي=
بالله يا ناس شوفوا لي ابو عدنان=قولوا يسلـم علـى زيـد السليمانـي
ولو يبي الأسم والتاريخ والعنـوان=بترك له الخط فيه اسمي وعنواني
بن ناجي السعدي=
يالهاجس الليل دقدق لي ابو سلطان=لان فيه الكـذب والـزور مليانـي
من سبته طار طاير من على لغصان=وصبح يغرد بصوته فوق لغصانـي
بن ناجي السعدي=
يامرحبا الف حيا فيه بـن سعـدان=عبرك سلامك وصل لا مصنع الراني
اهلا هلا ذي وصلنا مثلما السكران=قالوا لي انك بتعمل شغـل كرانـي
عبده اليزيدي=
لاتستعن بالخلايق ايـه الشيطـان=الجيد يعرف بالسيفه وسط ميدانـي
الخوف بالجوف فيكم سربنا عدوان=بمسح بك الارض ياعقعق وشيطاني
صالح اليافعي=
الان بـاشـقـل الـعــداد والــونــان=بأطفي القلب ذي احرقتة بنيراني
ونحط أبن اليزيدي داخل البستان=حتى ولو كـان فـي قولـه تعدانـي
بن ناجي السعدي=
ياصالح ابعد وقل قد كان ياماكـان=وبرد القلب وشرب حبـة الشانـي
وبن اليزيدي متين الساس والبنيان=لو قال دوري تلف الارض وكواني
عبده اليزيدي=
ماليله الرعد يرعد من على لمـزان=والارض حمراء من القاصف ودخاني
نزعت قلبه وعلقته علـى العمـدان=عبره لذي معتبر في كـل لوطانـي
صبري اليهري=
سبحان من نطقك ياحيدنا سبحـان=بركان ثاير حرق جسمه وينسانـي
سر لك طريق الهدى للعاصمة عَمان=داوي حروقك وحط بالكشك لبنانـي
الصقر اليافعي=
شبت حرايق وشب الحرب في لبنان = وصبري الجيد فجر حرب بركناني
وعاد صالح وصل ذي مخزنه مليان = يا ويل عبده وبيرق لا تحــــــاداني
عبده اليزيدي=
بنتف لك الريش وقطع ذيلك الوهفان=واجهز السطو لك عاني مع اكفانـي
حتى ولا كنت جالس بيننا ورطـان=مابرحمك لو تقول الناس حمقانـي
بيرق السعدي=
قد برحم الصقر ذي يمشي على العيدان=شيبه عدا القبر رجلينه بلكفاني
ان قلت بسكت اظر بايزعلوا لخوان=وان قلت باكويه بصبح بالعجز جاني
صبري اليهري=
من يوم جالي ولد والناس يـا تلفـان=واحد يبي لحمتـة او عيـش بريانـي
واحمد ظهرلي مع المأرب يبي فنجـان=وكسرة من الصعد يا صالح وجي عاني
عبده اليزيدي=
مبروك مبروك عله خيـرت الولـدان=يحميه ربي ويجعـل خيـر وحسانـي
سوه مرق لك وعيشك جب من المخزان=من شـان بطنـك تمليهـا وتنسانـي
عبده اليزيدي=
قال اليزيدي بشوف الناس ياطعـان=صوت السيوف الذليقه تصرع الشاني
جيشي مجهز مع لرمـاح والرميـان=في المعركه مايخيبو رمح رميانـي
المحبوش=
فرقه من اجوادها تبرق في اللمعان=والثانيه فانيـه بيقودهـا وانـي
ولا الزعامه كذا بيصيبها الفلتـان=الخاتمه واصله عيفـه وشرمانـي
بيرق السعدي=
واسيل سيلوه شني واسحب لمزان=شني قنابل يزيديه ونيراني
لا دير كاسح وشنيها على الرعيان=ماريد في ساحتي بربر وخرفاني
بن ناجي السعدي=
عبده تراها معانـا زاده الذبـان=بالله هشهش ترى ما ريد تلفاني
صالح يرادع براسه مثلما الثيران=مسكين شاف الحجر بالار رماني
عبده اليزيدي=
عندي بوارج وفوق البحر والربان=تقصف بنيرانها تحرق بالودانـي
زلزال بالارض ياصالح فلا كتمان=دمرتكم وين تهـرب ياكحيمانـي
صالح اليافعي=
شف عادنا اشمتك تشميت تي الجولان=بـيـدي جـواكـر وانـتـه بـيـدك الـرانـي
صبري مع الصقر والكاس وبن زعان=سيع اعشره منكم يـا شخـص ردمانـي
عبده اليزيدي=
سيره رويداءعلى الله ياركوب الجان=شف عادها الارض وعره فيه نمراني
ماحديفيدك اذا انته بالشبـك حنبـان=مهما تصيح لانك سـرت ورطانـي
بن ناجي السعدي=
سبحان رب السماء ياخواننا سبحان=ذي رفع انسان ماله وزن ميزانـي
صالح مسيكين دايم هاهنا سهـران=بيصبح الصبح ون ظهـره مليأنـي
بن ناجي السعدي=
فتوى جديده نعممها على الاديـان=حرام في حرمة الله شاي سيلانـي
صالح بيختم يقل طازج وهو خربان=ومنتهي صار له من عهد عثمانـي
صالح اليافعي=
لو عاد فرعون قله جـاء الـه هامـان=وأذكــرة شـعـر يـافــع والحميـقـانـي
احسن لمحبوش يذهب نحو باكستان=لني بشوفة ظهر لي الحاسد الشانـي
المحبوش=
رع عادنا طلعك وانزلك طيبـان=وارجعك تشقتقل بالغصب كرانـي
ماعاد باينقذك زعطان او فلتـان=احسن لك ارجع كما قد كنت تواني
صالح اليافعي=
يقول ابـو س يـا حـارس علـى البستـان=الـخـوخ خـوخـي وذا الـرمــان رمـانــي
وانته كما الطير ذي غرد على الأغصان=هـيـج شـعـوري وأحسـاسـي ووجـدانـي
المحبوش=
حيا المتيم وحيا العاشق الولهـان=ذي قام مخصوص من نومه ليلقاني
قصده خداعي ونا متقلـد التيجـان=ونا بمشـط فلولـه حـب يثنانـي
صالح اليافعي=
محبوش يا ناس كنه زود الطنطـان=كنـي بـرى جسمـه اذلحيـن بردانـي
شف عادنا بمسكـك بالانـف والاذان=من شأن اويدك الى سجن البريماني
بن ناجي السعدي=
لو جاك محبوش مابتلاقي الحذيان=اكيد تهرب ... ولكن اوب حذياني
وشف لك باب لو عادك بحد خرمان=خذها نصيحه... ومانا ويش بلّاني
المحبوش=
ويش اكلفك قمت من نومك معك حرفان=يويش آتسوي جنب طيبي ذا وريحانـي
شف دم محبوش لو يغلي في الشريـان=بيقـع لكـم يـوم حنانـي وطنـانـي
المحبوش=
اقبع وجنبه قرنبع قلـدوا حيتـان=وامسوا ملخات باتحنب باسنانـي
ونا على عادتي من غابر الازمان=انا المؤسس على شامخ ونا الباني
المحبوش=
استسلم اليوم صالح بعد ذلـدرزان=ومن معه لو يهوب زدت بامعانـي
باعذبه كل انواع العـذاب الـوان=ان لم يقل لي على نفسي انا الجاني
المحبوش=
من سولت نفسه آيحتاج للـرزان=مظمون من يدهم لبطال هو الفاني
ومن تجراء قفا السمره في النكران=باعود واعلمه من بعـض مرانـي
المحبوش=
الحمد لـك انـت يارحمـن يامنـان=حمدا على ماكتبتـه لـي ولقرانـي
في معركه روحوا صالح على العيدان=من دون ذره تقـرّب لـي وتلفانـي
الصقر اليافعي=
اشهد شهاده وعندي الصدق والبرهان = ان صورة البيت ذ ي بالمملكه داني
من داخله يا لطيف الطف من الحذيان = ما حد بيعرف وين حقاته من الثاني
عبده اليزيدي=
مانا مصدق كلامك ياولـد عثمـان=جيك آاتعد الجواتي فـوق حذيانـي
ساعة وصولك عزمنا الكل بك فرحان=ونته بتحفر لعبـده قبـر بالطيانـي
الكاسح=
ياملك الملك سالك ياعظيم الشـان=حلل لمحبوش عقدة رتلت اللساني
لنه تلعثم وبان الخط ع العنـوان=وصبح مكبل وسط حيطان اسجاني
المحبوش=
محبوش ماله بحاجة مدّعي بهتان=عنده مواهب عطاء من فضل رباني
نصيحتي لك تلزّم منطق الكتمـان=هذه نصيحه بها اشفـاق انسانـي
عبده اليزيدي=
قال اليزيدي على صوت الطرب والدان=ياذي بتركض برجلك ويـن هربانـي
والله لتـروح لمركيـه وباكسـتـان=لابد ما مسقيك مـن سمـي بفنجانـي
الكاسح=
ذي يشرع اليوم في لعبار والوديـان=سقي جرب دانيـه عنبـا ورمانـي
ماريد من نام وصبح قال انا الشجعان=وهوه بيشخرطريح الفرش وحدانـي
المحبوش=
ماهمني الحقد لوجاني من الكسلان=وهو فراشه بلا قيمـه بميزانـي
هستر وكنّه بداء يدخل في التوهان=يشتي يقلّـد يسايرنـي باوزانـي
عبده اليزيدي=
واسيل سيلوه سقيها جرب وطيان=والمزن يخصب وعاد الرعد حناني
ياكاسح اليوم ماشي عذر بعد الان=جني مصفعن ولونه لون غربانـي
الكاسح=
ماحد يعلـم معلـم وازن القيفـاي=نثر درر بحرها لولـي ومرجانـي
رامي وصياد ياما صدت من غزلان=والجيد مني اوي دمعه على اوجاني
المحبوش=
صياد بيده طماشه طشطشه جوان=والان هذا مكاني فيـه عنوانـي
باتنتسب بعد ساعة لا ولا العجمان=من يسمعك بايظنّك ظمن خرفاني
عبده اليزيدي=
لنته نديده ولنته مثلنا ياخـان=اتعلم الشعر وعرف كل قيفاني
حرام مثلك يجي بايبترع طبلان=بين الرجاجيل ذي بتشب نيراني
الصارم البتار=
يقول صارم معك يالكاسح الفهمان=لا فوق عبده وبيرق قول يهوانـي
يدي بيـدك لان اثنينهـم بكمـان=مايفهموا ... قول دان الليل واداني
بيرق السعدي=
ياصارم الحصو بيدي برجم الشيطان=والاخ عبده على جنبه مريكاني
خذلك حكم ياصديقي من حكم لقمان=لاتشتم الجيد لن الجيد خرماني
الكاسح=
يقول كاسح زمان اقلـب وبـه ميـلان=هـذا ذمـاري وهـذا صـار صنعانـي
وين ابن محبوش في شارع عدن هربان=لفلـف ثيابـه ويـا صيـاح خزانـي
المحبوش=
انته وصالح سوى تشدوا كما الكروان=لكن وقعتم مـع طاهـش وشرانـي
واحد بلا اظراس وعاده اشتري لُبان=وواحد اعمي وقال آينقـش اعيانـي
بن ناجي السعدي=
بالله قل لي امانه انت انس او جان=او انت من هند او ياذاك ايرانـي
انا بشوفك كثير الهذر والنسيـان=نسيت محبوش لمّا ردك الشانـي
صبري اليهري=
الهاجس اقبل ودمع العيـن بالاوجـان=من شوق من حرقتي حنيت لاوطانـي
صنعاء وساحل عدن وابين مع شمسان=يا روح روحي معك خفي على اوجاني
بيرق السعدي=
خلك مدفا لاني ببصرك بردان=يابن السراجي كفا لاتذكر اوطاني
قد بعت ارضك وبدلت الملك بالجان=منته يماني حشا قد صرت ليواني
صبري اليهري=
قتقطع القلب انا في غربتي ولهان=من زود ما قلتها قطّعت شريانـي
ما شفت في حسنها في كافة البلدان=درة ثامينة وعقدك لولو مرجانـي
بيرق السعدي=
اليوم صبري بداء بايعلن العصيان=واليوم بايقتدي من هبر عصياني
عادك جويهل وعاد الفم به لبان=ويش اطلعك ياولد لاحيد عزاني
عبده اليزيدي=
لاترحم الصغر عانا اشويه بالافران=وكديه للهر وجبه فوق صحفانـي
لنه مخرف ودايم في قطر طفشان=من بيت لا بيت يتلطم وخجفانـي
صبري اليهري=
قال السراجي ظهر بيرق مع للوان=كني بشوفه ظهر باللـون افغانـي
سبحان يا بيرق السعدي لمه تهتان=ارجع لصفي وضم الصوت للحاني
بيرق السعدي=
ماقع بصفك وصفك يافتى خربان=ارجع لبحري وشل لولي ومرجاني
وان كان عادك تمثل تي بني علوان=لو تظهر الجن يظهر الف شيطاني
عبده اليزيدي=
عندي صوايخ برميها عليك اطنان=ياذي بتكذب متى بتكون انسانـي
هات الصراحه لاني شايفك ذرعان=ونته مكبل معيا داخـل اسجانـي
صبري اليهري=
ان كنت عاجز خلاص اليوم لك برهان=واعطيك من كاسة الخمرة وشي ثاني
والجيد ذي قلت عبده شل صوت الدان=رعه من الامس جا عانـي ترجانـي
عبده اليزيدي=
ماريد ضحكه ولا بي كشفت الاسنان=ياذي تحيزت وسط الخـط عيبانـي
ابن اليزيدي وصل ماليوم لك عطشان=وبندقي فوق كتفـي صنـع يابانـي
صبري اليهري=
يقلب القاف يا عبده وبو عدنان ؟؟=هاتوا لنا قاف نشعر به علـى لسانـي
وان كان شي لي معاكم من خبر واعلان=هاتوا لنا قاتكـم مئصـص ورويانـي
المحبوش
30-09-2006, 10:37 AM
عبده اليزيدي يقلب الحرف=
غيرت قافي وصبري وينهو راقد=بالله صحوه قولو يسرح المحداد
يشقى على اسرته مابيه يتعمرد=انسان كسلان مايعمل ولا يعتاد
بيرق السعدي=
هذا هو القاف تسلم يابني مزيد=صبري غزاله وبانعجب لمن يصتاد
الهاجس اقبل وفوجي بالنسم ورد=بادك حصن المعنى ونت لك لقواد
عبده اليزيدي=
قال اليزيدي معي لادار ذي يرصـد=موقع لصبري وصالح يطلب الانجاد
نيراننـا دايمـآ يـا نـاس تتوقـد=والجيش جاهز وسيفي ياعرب مجراد
بيرق السعدي=
باضلي جنبك موازر طعنها والرد=بقطع وريد الفريسه ونزع الاكباد
وقل لحدحد مكانه بالسماء حدحد=حتى ولا طار عندي له لهب وقاد
عبده اليزيدي=
بانقلب القـاف يالخـوان متعمـد=وين المعاريم وين اصحابنا لجواد
ياذي تبي الشرح هات العود وترود=ورد بالصوت مثل الطري الغـراد
بيرق السعدي=
البارعي قال لطمه تعتلم بالخد=في وجه كاسح وصالح مثلما لمخاد
والزير هو ويت صبري بعصره باليد=ياسامعين النداء بيرق لكم مرصاد
الكاسح=
حاولت باسيك تحفه في جبل مرصد=وبيرق السعدي المخبول في للحاد
راجع حسابك وقـل يالله ياواحـد=يشفي جروحك وبيرق يزرقه لقواد
عبده اليزيدي=
قال اليزيدي بشوفه زاد وتحشـرد=من مثله انخع رقبته طالما هوناد
ماله مكانه ونـا ماليـوم باوسـد=كاسح وبرميه من شامخ جبل حداد
بيرق السعدي=
وعاد يدي على يدك نزيد العـد=لما نسيح دماهم في طرق لرصاد
ماهم نديدي ولا مثلك تراء محد=شله ومن مثلهم باكبـده كبـاد
بيرق السعدي=
عبده قطع لك وريد ك بالنصع والمد=قد غير القاف ونته فوق ياحدحاد
قد ما بتحسب بشاعر وفهم المقصد=كلا ولا تحتسب منا في التعداد
عبده اليزيدي=
لالاتغري وحاسـب ياوليـد الجـد=صبري له الشعر دايم من زمن لجداد
بالمعركه منتصـر دايـم ولا يحتـد=عنده بوارج وفي يده مسـك لكنـاد
صبري اليهري=
قال السراجي معي لش يا عسن مرقد=في تالي الليل حيا بش على ميعـاد
خليت قافي على حرفين يـا معبـد=واليوم قد شفتكم عصبة أيا لجـواد
عبده اليزيدي=
ماظن سعديه بتـزود علـى معبـد=حتى ولا هيه كشيفه مثل ما لقـراد
حفرت لك قبر واسي فوقه المشهـد=وكتب على القبر صبري نسلته لكراد
صبري اليهري=
قال السراجي معي لك عصرنا يشهد=يا ذي على يد بن عثمان سرت الواد
مسكين بيرق متي يسلـم ويتشهـد=يا رب الارباب وحدك تهدي الاوغاد
عبده اليزيدي=
يالغامد هات شعرك قـوم وتسـرد=هات القوافي معك جهز قلم ومـداد
من حقي اسمع وباشوفك معي ترعد=من يدخل المعركه يصبر على الوقاد
عبده اليزيدي=
صالح رقد له وقام اليـوم يتنهـد=حيا الغرابي وحيا صالـح المرتـاد
الناس راحت وهو عاده وصل يصعد=في سلمي ويش جابه عند ذه لجواد
صبري اليهري=
قال الفتي خو صلاح الليلـه اتشهـد=يا ذي على بيرنا جهزت لك لضمـاد
ما انته ولا خمستعشر صلحوا لي حد=من تحت ايدي خرج بيرق وهو منقاد
صبري اليهري=
عثمان شاعر وصبري من ابوه امتد=يا عبده احذر ولانته من سلالة عاد
يا ويل ويلاه يا ولي علـى مرتـد=من باع بالرخص ارضه يتم الاولاد
صالح اليافعي=
وين ابن محبوش وينه ذي بيتوعد=النـاس قـد جـرده وهـوه بـلا جـراد
وابن السراجي مسك له بندقه باليد=وبيـرق الفسـل قـد شلـوه عالابعـاد
صالح اليافعي=
لا يشـكـر الله ولا سـلــم ولا أتـحـمـد=ما هل بيعرف رباط الحمل والشدشاد
انا اعرفه صح من قبل الأمـام احمـد=حداد اصلـه وشغلـه فـي عـدن حـداد
صالح اليافعي=
وين اليزيـدي يقـول انـه بنـي مزيـد=وهو يهودي ومنطقته بهـا موسـواد
قــول الحقيـقـة وانـتـه حمـلـك قـلــد=لا انته قبيلي ولا أنته من بني لسياد
عبه اليزيدي=
ياقارة الله شفت الجـو يتحـرود=وشفت جاهم مسودكن به مبـراد
ياخوعلي قف عندك لا تفوت الحد=عاد اليزيدي معه لك قيد ياحـداد
صالح اليافعي=
لا يشـكـر الله ولا سـلــم ولا أتـحـمـد=ما هل بيعرف رباط الحمل والشدشاد
انا اعرفه صح من قبل الأمـام احمـد=حداد اصلـه وشغلـه فـي عـدن حـداد
عبده اليزيدي=
مالك بشور القبايـل دوب متشـرد=ماغير جلعاب تسرح به وسط لقواد
ولا لكم بالمحاجـي دايمـآ راقـد=لا حان وقت المجلد جائك الجـلاد
الصقر اليافعي=
خاف كاسح والاصالح والا من حد = والا بذي سيل ذا المجلاب يا قــــــراد
عبده يزيدي والا يقهر والا ينــــهد = معروف في ساحت الميدان والمجراد
صالح اليافعي=
بالله يـا نـاس قولـوا لـي مــن المـرتـد=بـيـاع قــد بـيـع دهـلاتــه مـــع لـنـقـاد
قولـوا لــه الـيـوم مــا ذلحـيـن بتعـمـد=ويش آيسي الصقر والصياد بالمرصاد
الصقر اليافعي=
عادك مقيد وسبحان الذي قيــــــــد = وكيف بتكون لصقر القــــــوي صياد
الصقر بالجو وانته جس بالمورد = وصبر لما جاك ما يحتاج للفناد
المحبوش
30-09-2006, 10:38 AM
صالح اليافعي يغير القافيه=
بآنقلب القاف والقاف العجـي لـوّل=وتغير الحـال مـن حالـه الـى حالـه
وذي لعبب لعبتة ع الجول قد جول=قد كان صلـح بـذا الميـدان مقتالـه
عبده اليزيدي=
بانكشف اليوم ذا من وجهه المجول=واقول هذا الذي منـزوع بركالـه
شوفو دموعه وعاده قال ليا اخول=مابعترف به وهو مقطوب سرواله
صالح اليافعي=
ذي كنت بخرم له الليله قد اتحول=واصبـح قريمـي بأقوالـه وأفعالـة
والله يـا لشّـول انـه بآيظـل أشـول=حتى ولـو كـان يداتـه معـه طالـه
المحبوش=
اليوم صالح مراثي لـه بيتزدفـل=الصقر شمر جناحينـه بحوالـه
لاعند كمن فتى في الموقع الافضل=وانته بتنكر لمجهـوه وافضالـه
عبده اليزيدي=
ياخارم اليوم لاتنظر بالعين احول=شف حالتك ونت تسال ناس جعاله
من له عمل بالبدن دايم وهومرول=شحات ماشي شبع للبطن وزماله
الصقر اليافعي=
واسيل سيلوه شفني ضـــدك الاول = ما عاد برحم لعا جده والا خاله
لانك كما الجيب لاراح الدبل هرول = بيضيع الرون وذعولك تذعواله
المحبوش=
يامرحبا جيد بين اجوادها اتحول=بشوف صالح عليه الدايره ماله
ذي مازهد كيف يتحكم ويتدرول=بالتاليه بايحصل زيد طروالـه
صالح اليافعي=
حملت عزي علـى ظهـري كـم اتحمـل=لمـا وصـل قـال مـا ذلحيـن مـا ابقـالـه
مع يعرف انه كما الكرتون ذي اتفصل=حـطـوه منـظـر خـلـي مـرمـي ببقـالـه
عبده اليزيدي=
الجيب مفحوص ونته يا اخي ادرول=وتعلم السير فـي طلعـه ومنزالـه
ون شفت رفصه عجيه سير وتخجول=او ع الاقل سيب السكـان وحمالـه
صبري اليهري=
ما ينفع القيل والقلقـال ذي قـول=قله من الناس ذي معروفه اقوالـه
يا صالح الهاجس الليلة معي فوّل=يا ويل بيرق مع المحبوش واخواله
عبده اليزيدي=
ياسامع الصوت شف صبري قد اتفضول=وحصل الضرب في راسه مـع اقبالـه
ونا عليا اسحبه ورميـه فـي صـرول=من دون ماحـط لـه كرسـي ونقالـه
بن ناجي السعدي=
ياصاحبي من معه مفتاح قد غفـل=ماظن حد حط مفتاحه على اغفاله
بيرق ومحبوش من قاربهم اتدحمل=وكل واحد عـرف برقـام جوالـه
صبري اليهري=
من عاش عله على لعـلال يتعـول=ويا عين جفي دموعك من ذه الحاله
من ناس سرمد وطول الليل يتحول=واستخدم السحر في تربية اطفالـه
عبده اليزيدي=
من يزرع الخير بين الناس يتدول=محبوب للكل يحصد خير افعالـه
والسحر يوجد مع انسان متسول=يبيع للهل النفوس الحاقده اشناله
صالح اليافعي=
نشرت يا خوك قد طفيت عن مكيل=وأدموع عينك على لخدود قد ساله
وانا حسبتك بيافع ظمن ذي اتسول=ذي يكرهوا الاخ ويحبوا بن الخاله
عبده اليزيدي=
حاسب لنفسك تراك اليوم باتنذل=امام قومك تجنب كـل بهذالـه
شيطان عبده اذا قد هد ما يقبل=من راس كحلان باكعدل وكعداله
صالح اليافعي=
كحلان يا خوك رأسه قصن من جنتل=ويش اوصلك لا جبل شامـخ وقلقالـه
لــو راح بـنـدل معـيـا بآيـجـي بـنـدل=اهم شـي الفايـده والـرأس فـي مالـه
عبده اليزيدي=
ياما غزيناه من سابق وكم عـزل=ذي اتشردوا من قراكم حين زلزاله
ولا اسال اصحابكم لنته معي مختل=ايام كانوا يقولـوا مالنـا مالـه
الصقر اليافعي=
يا عبده الليل لا عاشي معك طربل = وحط صالح مطربل جوف طرباله
ما ينفعه ذي معه طالع والا منزل = من سايره بي ضيع نصف جهاله
صالح اليافعي=
قولوا لبن ناجي السعـدي لعـى يحـول=مثل أبن علاوان ذي لا حط شي شاله
كلما ظهر قام وسط الملتقـى اتذعـول=ويـحــط شـعــره بـذنـابـة ودعــلالــه
بن ناجي السعدي=
ياصاحبي قال لك بيرق سر اتسرول=او قل لصبري يسي لك مثل سرواله
لمه لمه هكـذا تمشـي وتتهدبـل=ودايمـاً دوم اكلـك حـب نخالـه
صالح اليافعي=
القفل ضايع ومفتاحة قـد اتكنسـل=والخادمـه عادهـا بالبيـت شقـالـه
ترقص على الطبل بتغني وتتزمل=ويم ترقص تهرول بـس هروالـه
عبده اليزيدي=
والراقده بدفـاء بتركـض الكنبـل=بتراقب الجو ويش النـاس ذه قالـه
من شان صالح طرح بالعارضه سنبل=مسكين مايل طريقه صاحبـي مالـه
بن ناجي السعدي=
وصالح الجيد ..صالح قالوا اتبتـل=شل الجلاعيب حل الشِعب حلحالـه
والشعب ذي كان خارب زرّعه فجل=وصبح يقاول ويدي خيـر بصّالـه
عبده اليزيدي=
هاتو لي الكار والطربال باطربل=صالح وباسيه كدافه بالطربالـه
ماباه ماباه متئنوج ولا يخجـل=ياريت ماشي عرفته لا ولا امثاله
صالح اليافعي=
هاتوا لي الصقر هاتوه ساعة المقيل=بشويه فـي نـار حمـراء نـار شعالـه
كنت احسبه هام لكنه طلع لـي اهبـل=محـد يفـك الصبـح وآيمسـك اذوالــه
المحبوش=
قد قلت لك كفتك ياذاك بتميـل=من دون طلعه ولكن نحو منزاله
والخير لك تعتزل لاعاد تتزمـل=الصقر بايمحقك قد جاك زلزاله
صالح اليافعي=
انــا تمهـلـت وأنـتـه مثـلـي اتمـهـل=لا تـأكـل الاكــل كـلـه دون بسمـالـه
وأن شفت حد مر قدامك قل اتفضـل=واغسل له الثوب يا بو (ي) بغساله
عبده اليزيدي=
الصغر جنح ولـه عـادات يتجـول=يصطاد فرخ الحمامه من على الذواله
ويش اكلفك ياغرابي جنبـه اتزمـل=بايخبطك في جناحـه خبـط مقتالـه
صبري اليهري=
مسكين بيرق صباح السبت يتسول=من ذي جرى له وعبده شل بثقاله
يا عبده اسكه تحاكه هات لك مجول=لاني بشوفك كسيف القلب والحاله
بن ناجي السعدي=
فشل فشل آآآآح ياصبري لمه تفشل=كن ذق كلامك وحاسب قبل انزالـه
خذها نصيحه .. نصيحة اخ لا تزعل=قد قلت مجول وعبده سيـد رجالـه
صبري اليهري=
فارس محنك دخل في ساحة المقتـل=عبده وبيرق معاهـم طقـم نشالـه
بن ناجي ارجوك لا تفتن .. ولا يزعل=عبده بعـزه معـزة اخ بـن خالـه
بن ناجي السعدي=
قال ابن ناجي عجب البعض ما يقبل=مايقبل النصح ... والله انها حالـه
فمثل هـذا مؤكـد يـوم يتطـرول=ماشي بيحسب لطلعاتـه ومنزالـه
عبده اليزيدي=
هاتو لي السيف هاتو بندق الجرمل=بنخل فواده وبـا حطـه بمسقالـه
بيرق لطم وجنتك لطمه ولطم اشول=خليك ترعف وعادك عندنا عالـه
بن ناجي السعدي=
قال ابن ناجي معيا سيـف يتشعمـل=ومن يقرب مؤكـد نقطـع اوصالـه
بيرق.. ومحبوش ..عبده ..دقوا العوّل=قولوا لصالح ينظـف كـون جُهالـه
عبده اليزيدي=
ليله نويره معك ياصاحبي نعمـل=صالح مجحدر ترك كوته ودسماله
مادام عندي رجاجيل البلاء تشعل=لا بد ما دك بن سعـدان بطوالـه
عبده اليزيدي=
يالميج حني وجيبي لي خبر معجل=ورمي قذايف بداره زيدي اشعاله
من ارض يافع بقيت الان بايرحل=صالح فلا له مكانه غير بالجالـه
صالح اليافعي=
القلب مرتاح والهاجش معيا ازجل=حنحن برعده وعاده مدمد احبالـه
والصقر يا ناس قرر لكن استعجل=كنه وطى في حجر عوجـا ورقالـه
الصقر اليافعي=
الصقر بيطير مش مثلك بيذعول = ما بع خلق ذي يقع قانص وقتاله
شف السليط المعصر مايقع خردل = والا الجعيدي يقع شوبي ونخاله
بن ناجي السعدي=
حيا الله الجيد حيا صقرنـا لـول=وخل ابو س صالح مالك ومالـه
شفه مسيكين بل سنين تي المجزل=ان هزت الريح من شافه بيرثا له
صالح اليافعي=
المشـكـه بالجعـيـدي يــوم يـتـبـدل=بكـيـلـة الـبــن ذي بتـكـيـل كـيـالـه
الحبل جاهز وظهره يحمل المجزل=هاتـوا لنـا اليـوم شـلالـه وحمـالـه
عبده اليزيدي=
طحن حبوبك طحينك ونخلـه ونخـل=لني بشوفه مسوس صعـب نخالـه
وفحس عيونك وشاهد اخر المجـزل=من قبل ما اقلع عيونك هي مع اسباله
جبل يافع=
يا ناس حيو جبل يافع قد اتوصل = جينا نشارك معاكم هذه الجوله
قاتي بايدي وبا خزن بــذا المقيل = وما عليا تقول النا س ماقاله
صبري اليهري=
يا مرحبا قال ابو يوسف بمن اقبـل=شرف لنا الدار يا الله نفرش الصالة
وان ما وسع له مكاني قلت يتفضل=جبل يفاعه من اهل الخير وابطالـه
صبري اليهري=
الله افرشوا الارض بالريحان يا عول=هاتوا لنـا الطـار والشحـاذ طبالـه
يا وينك اليوم يا بيـرق معـي منخـل=قلك انخلـك لا تصيـر اليـوم نخالـه
صبري اليهري=
المكحلة ما تصير الا مع المحكـل=والنار ما تحرق الا من حرق حاله
هذه نصيحة وهذا شرحنـا كمـل=يا الله ترزق عبيدك كلما احتالـه
صبري اليهري=
بالله قولوا لبو عدنـان لا يزعـل=وان كان يتعب معي له بنت شغاله
تزرع له الطين بالرمان والفجـل=والقات الاحمر معه وبالجيب جواله
صبري اليهري=
من يوم شفته على صبري قد تدخل=صديت عنه وقلت المـوت حيالـه
ما قصدي الفتنه الفتنه ولاشي حل=فجرت في داخلي نيـران شعلالـه
المحبوش
30-09-2006, 10:40 AM
بن ناجي السعدي يغير الحرف=
الحمد لله ما شخب المطـر يذلـح=الحمـد لله نفسـي دوم مرتـاحـه
اما الزعل ما بنزعل قلت بس ننصح=والبنت خذها لصالح تغسل اقداحـه
هدهد سليمان=
هدهد سبا قال فوق الكل انا بشطح=حتى ولو هامت الاعداء قد طاحه
يابن ناجي حرام اليوم ماتشرح=في ارض هدهد وعادك طفل بساحه
بن ناجي السعدي=
ان زاد بالملح ملّح ون قصر طيح=ومن يقرب لراسه جـاز قرداحـه
مالي ولك خل صالح فيـك يتفلـح=مالي ولك ونت تجلس دون طرّاحه
الشامخ=
يقول شامخ متى يا هدهدي تسرح=ووين خطك وجزعاتك بمسراحه
لشان برميك او لا بيـر بانذلـح=لان مثلك وجب قتلـه وقرّاحـه
بن اجي السعدي=
قد قلبي اليوم من بو (س ) بايقرح=نفسي حزينه وهو بيعيش بفراحه
لمه لمه وا ابو سلطان ما تطـرح=لصاحبك لحم ولّا نصـف تفاحـه
هدهد سليمان=
صالح مليكي شاهده من قرح يقرح=انسان راقي وشعره شهد بقداحه
ربان في بحر طامي ونت بالمسبح=ويش اوصلك مركزه ونته بمرجاحه
بن ناجي السعدي=
مبرووك مبروك هذا القول طبعا صح=مبـروك ..والصـح والكذبـه قـد التاحـه
قدنـا بقـول ان صالـح ليـش يتـرنـح-=اثـار انـه معـك ذي ريحـتـك فـاحـه
بيرق السعدي=
مبروك ياهدهدي سيته على المسرح=اثنينكم بيض خايض جوي الساحه
كيف الخبر كيف لعمى يطرح الاكسح=فوق العمامه وهو ويته عدى الضاحه
هدهد سليمان=
اليوم هفيت بيرق لا ركب مفلح=وعبده اليوم كعدلته عدا الضاحه
ماعاد بايسلمواودمائهم تذلح=جحجحتهم بالقصد ياخس جحجاحه
بيرق السعدي=
البارعي قال شفت الثور يتنطح=مكسور قرنه دخل في وكر نطاحه
وابن ناجي جبل كالجاح في مفلح=صعيب هذا الجبل ياطير زحزاحه
بيرق السعدي=
عاد الميازين فيها من ثقل رجح=اصبر لليام واتعرف برجاحه
والسيل قادم دهمهما من على المسفح=مادام خيط الفريسه للاسد لاحه
صبري اليهري=
قال السراجي معيا صادحي يصدح=لا حن وقت الدجى حنيت لصياحه
الديك معروف في وقته ولا يمزح=بالصبح لما تجي لشموس والتاحة
صبري اليهري=
من يسرق البيض في سرق الجمل يطمح=وما يعـرف النـوب الا بنـا اجباحـه
يا بيرق اجزع على الخزنـة ولا تفتـح=خـل المقفـل مقفـل هـات مفتـاحـة
بيرق السعدي=
خزنه معاكم كريهه من عرق ترشح=ماعاد بجزع على خزنات لقاحه
اما مخازين بيرق بالشقر تنفح=في عطرها والكمثرى دوب نفاحه
بيرق السعدي=
اسمك جبل لكن الايام باتفضح=شعرك ترفق ترى الايام فضاحه
والحذر مني تراني البارعي لشبح=دايم عدوي بنفسه حط نشاحه
جبل يافع=
يابيرق اهدا وحاسب قبل ما تشطح = امشه رويدا ترا في ناس شطاحه
ليام تثبت من الي مننا يفرح = والحكم ياخوي لشعار والساحه
نجم يافع=
زحزح جبل والجبل ماشي بيتزحزح=يابيرق أبه تجي رجلك عدم مضاحه
رعنى برا أمحيد كل ماله قوي يقرح=وبرقـك المعتلـي مابـان لياحـه
نجم يافع=
زحزح جبل والجبل ماشي بيتزحزح=يابيرق أبه تجي رجلك عدم مضاحه
رعنى برا أمحيد كل ماله قوي يقرح=وبرقـك المعتلـي مابـان لياحـه
بن ناجي السعدي=
حيا الله الجيد فوق الراس لك مطرح=والهدهدي قل لعبده كسروا اجناحه
لانه تمادي وبشعاره قـد اتوذلـح=بالله دقوه سو لـه ميـت وذلاحـه
صالح اليافعي=
ويش أنسي ويش لو جلد البقر قردح=ماشـي يفيـد الدفـاء كنـبـل وطـراحـة
يبي لهم يقعـدوا ساعـات ع المسـرح=يمـثـلـوا بالـخـفـى اثــــوار نـطـاحــة
المحبوش=
شفنا هنا منتظر ما اضحك ولا بمـزح=نـاوي لبو(س)الليـلـه بكرفـاحـه
فوق الفرس دون ما اتزحزح ولا ببرح=بستثمر اليوم فرصه لي قـد التاحـه
المحبوش=
صبوا لي الشاي الليله بـه اتمرقح=ـمن اجل صالح نويت اليوم فساحـه
ياليت يرجع من الشيشه وقد صحصح=محبوش له منتظـر عـازم بتناحـه
المحبوش=
يقول محبوش في وقت الشدد بفرح=لان الشدد شدتي بتكـون جماحـه
وبالشدد سرمدي وحدي الذي يربح=والخصم يخرج وهو في غمّة اتراحه
المحبوش=
وعند غيري ابو سلطان كم يشطح=وجاه من يذلحه لمّا وراء الضاحه
حاول يناطح لكن ويش باينطـح=اعميه محبوش في انوار مصباحه
نجم يافع=
وأسيل سيلوه بشوف الناس تتقرقح=وكل واحد بعش سيفه عد الساحـه
وانت وأنجم يافـع ويـن تتنقـح=لاشفت راجز ولا بنـدق بقراحـه
المحبوش=
حيا الله النجم ذي جاء مجتهد يكدح=مايدري ان صاحبه مبتوره اجناحـه
احسن لك ارجع سلم من قبل ماتجرح=لانك بوادي صفي من كـل شراحـه
نجم يافع=
ياصالح اسمع ترى بيرق قد اتمردح = يكفي كفى مالعب في داخل الواحه
ان كان عـابـه زجـا ينـزل ويـتـرمـح = وانـا علـيا لكـم بـاكسـر اجـنـاحـه
صالح اليافعي=
حيـا وسهـلا عــدد مــا مـاطـره يـذلـح=واعداد ما الشمس من بعد الفجر لاحه
حدد لي الوقت يـا شاعـر متـى نسـرح=من شأن نقضي عليهـم داخـل الواحـة
المحبوش=
الفحل قالوا من المدري قده ينفح=وهيبتك بعد هذا اليوم منزاحـه
والحبه الباقيه ماظـن باتقـرح=ماغير حاول تلصيهـا بقداحـه
نجم يافع=
ألنجم عالي وفي علم ألفلك يسبـح=من كان له نجم سامر طف مصباحه
اٍسمه على الكون دن ألليل به وصبح=لوكان محبوش مايعرف له أوضاحه
المحبوش=
ماعاد شفنا لبوسلطان شي ملمح=بالون منفوخ استوضح بقراحـه
ماظن صالح بتالي ايامه آيصلح=حتي بمرهم ولو حاولت لقّاحـه
نجم يافع=
ياصالح الامر بيدك لو تبي نسرح = ذلحين باجيب لك بـيرق بطـراحه
اشـر بـيـدك وقلـي ويـن بـانطـرح = وانته تسمع وخايل وقت شراحه
الشامخ=
ياصاحبي قبلك السعدان اتدحدح=وانت مثله يقع لك مية دحداحـه
ما دام عاده بجسمك عرق يترمح=بانقطعه وايوقف والدماء ساحـه
الشامخ=
ياصاحبي سير دور لقمتك وكدح=فقبلكم ناس ياكم ناس قد صاحه
وانته وبو (س) لا تفرح ولا تمدح=باياتي الهيج يرميكـم ببلداحـه
صبري اليهري=
ذي يزرع البن يقطف بعد ما ينجـح=من دهلة السيل يا عامـل وفلاحـه
يا زارع القات لا تحـزن ولا تفـرح=رع من سقى القات حاسب قبل براحه
المحبوش
30-09-2006, 10:41 AM
صالح اليافعي يقلب الحرف=
بأنقلب القـاف مـن جمـرة الـى تمـره=من شأن لا يحرقوا لصاحب في ناره
وقصدنـا يـا جماعـة تحـلـى السـمـرة=هاتوا لنا العود يطربنا علـى اوتـاره
المحبوش=
يالله بذا اليوم سالك اكفنا شـره=وذي يروج بضاعه بعدمـا بـاره
والوعد ما دمت جنبك ماتري سره=والجاهم اظلم تكنن قبـل مطـاره
صالح اليافعي=
وين ابن محبوش وينه جهزوا قبره=القبـر جـاهـز وجهـزنـا مـعـه كــاره
انــا ويـافـع وصـبـري كـلـنـا دفـــره=وانته معك نـاس مخبولـه ومحتـاره
المحبوش=
ياذي بتدعـي تعـوذ بنـدق القـدره=ياذي براسـك علـم سويـت بقـاره
محبوش فارس زمانه ذي سبق عصره=ماظن لـك مقـدره تسبـح بابحـاره
الشامخ=
ياحنا هنا وز منـي هـذه الهـدره=ونته معك هدهدي شف وين قد طاره
ياحسرتي الف بل ياحسرتي حسـره=هم شلوا اللحم ونته شـل شحـاره
صالح اليافعي=
عاده وصل بو علي برميه لا حفره=ولا دعـمـتــه وكـسـرتــة بـسـيــاره
بالامس عـاده بيافـع يحمـل الافـره=واليوم بيشوف نفسه سيـد الحـاره
المحبوش=
اما المساكين ذي جنبك بلا مهره=دقيت مشور وضاعوا قبل جداره
اول بداء اشبعوا فدره ومن كسره=الجوع كافر وكيف آيبتدوا القاره
صالح اليافعي=
من داخل البير والله ما يخذ قطـره=باعطوره في حبالي الف عطـواره
وجهة مسود وقد ماشي معه نخره=اتقول قصقصتها بالموس والفـاره
المحبوش=
عاين لظهرك وعاين بقعت الشتره=يا ذي بتقطع مشاويرك بطيـاره
كلاً وله حمل بشله علـى قـدره=وانته جلاعيب ما خليت محـزاره
الشامخ=
يقول شامخ وجب واجب علي دحره=صالح ابو(0س) ماريد اسمع اخباره
من سبته صار امس الامس تي بكره=وصرت يا جار بين الجار والجـاره
صالح اليافعي=
لمه لمه وآصديقي كـن بـك نعـره=وجهك تغلب وصارت فيك حمّاره
لا لا تخف وأضماري ابعد البهره=انته هنـا ظيـف للموقـع وشعّـاره
صالح اليافعي=
مسكين عبده اليزيدي حسرته حسره=مـاشـي يـشـوف البـشـر الا بـنـظـاره
كلما مشي سيـت قدامـه حجـر عثـره=والهدهـدي كـم نغـب رأسـه بمنـقـاره
الشامخ=
عبده موجود قل للهدهدي صبره=وهو كما بحر ونتم نص مطاره
جبل جبل وايقع للهدهدي جزره=انا اعرفه بايسي ياخوك مجزاره
صالح اليافعي=
وعاد بن ناجي السعدي على الحره=لا زال سره بقلبي ما افضح اسراره
حتى ولو كـان نـاوي يعـزم النشـره=ما شي تفيـده امـل كعـدل ولا سـاره
المحبوش=
اخطيت ياذي تخص الجيد في قدره=ومقصدك عندنا شرحـه وفسـاره
باترجع اليوم ياصالح هنا عبـره=لاقد وصل فضل اتوكد لااعصـاره
بن ناجي السعدي=
بارد بارد لان النفـس للنخـره=بارد ابو (س) بل وادقدق اوكاره
قدك ابوها وق انته كامل الفقره=وانت ياخوك عود الجمر والناره
الشامخ=
يقول شامخ انا ناجي ونـا ازره=ونا لصالح هنا باقص منخـاره
اليوم نزّل لنا ابيات من مغتـره=قصده يفضح بنفسه داخل الحاره
المحبوش=
يالشامخ الجيد مثلك ليتهم كثره=والصفر مهما شطح بزيد صفاره
ماحد يشوره ولاحد يعتبر امـره=وما معه غير يجني كامل اوزاره
المحبوش=
هدهد سليمان عندي هذه المـره=كني بشوفه وصل وبأيمنه طاره
قدنا مخرم مصادفته في الحضره=ياليت يصمد ولا بقبل باعـذاره
هدهد سليمان=
يقول هدهد وصلنا اخرالنشره=واجب علينا نسي محبوش طهاره
جانا يبلبل ونا ماخاف من جشره=قد مخلب الهدهدي جاهز ومنقاره
المحبوش=
المعتبـر بايكـون اليـوم ذا عبـره=وانته عشاء اليوم لي باتكون خصاره
بديـت برميـك اول رميتـي شتـره=والثانيـه باتصـل وافيـه معبـاره
هدهد سليمان=
ياصالح اليوم هات الحبل والشفره=باقص محبوش واتسمع بقرقاره
ماهو بثابت ولا تي صنبحي حمره=عاده جويهل بيلعب له على الحاره
المحبوش=
شهد العسل من لسانك قد بداء قطره=الهدهدي ابتـداء يعـزف بجيتـاره
يمكن خجافه ورثها ورث بالفطـره=والذنب لا قلت ابـداء الان خنفـاره
المحبوش=
يالهدهدي اقترب لاشي معك شفره=ناظر بيانك متى تنوي باصـداره
في غيبتي محسنك تتصدر الهدره=وين الذي تهتري به دون سطاره
هدهد سليمان=
بنتف نسمتك كما باننتف الدجره=وفتفتك فتفته واسيك مضاره
والبحر ياصاحبي بالمد والجزره=مايدخل البحر الا ناس بحاره
المحبوش=
ماحد معك صاحبك بايرتفع فخره=اقوال شاعر محنك بانت اشعاره
بتبان لي ان بك شده وبك زحره=مايسحق الكفن مثلـك وقبـاره
هدهد سليمان=
عندي جناحي بيهبر هبرته هبره=والهدهدي صعب يامحبوش كركاره
بعطيك وحده وبانخرج لك البهره=واعلمك كيف تشعر بين شعاره
المحبوش=
لاتذكر الا معك منهو في الحضره=واحسن الفاظ من تنوي بصواره
لاما تحشمت من غثيت في ذكره=باتكتسر كسر مايشفاء بجبـاره
هدهد سليمان=
وين المضلع بدجفه تنكع القشره=بيفحس المرو والاعداء في ناره
ومجز كامل قدا محبوش في صدره=واجب على هدهدي ياناس فرفاره
المحبوش=
ما اظن عصفور يجرج نسر في ظفره=في ظرف لحضات بـاردك لطحـاره
بتظهر العكس ذي بين مـن النبـره=والواقع الهش ذي بتعيش اضـراره
هدهد سليمان=
شيبه مخرف وقد بين من الخشره=قل كيف يصمد وغيثي صب مدراره
والله وحق النبي برميه في قبره=لاعاد زود بها او فك منخاره
المحبوش=
ياليلة النور طابـت عندنـا السمـره=ياسيل سيلوووووووه فكوا كامل اعباره
واليلـة الهدهـدي ماذاقـهـا دهــره=استغفر لله من آثام ـونـجـاره
هدهد سليمان=
وطاب طاب السمر باتحلو السهره=لما نسوي بكم ياخوك مجزاره
بايصبح الملتقى كالقدس والبصره=لما نسيل دماكم داخل الحاره
بن ناجي السعدي=
ياهدهدي ويش ذا التوقيع ما قره=بقرتكم كن فيهـا جـن منهـاره
يمكن بها سحر او يمكن بها نعره=او يمكن ان الرجل ما يفهم ابقاره
هدهد سليمان=
يارب يد ابن ناجي شي لها الكسره=من قال ان هدهد ضار زقاره
هدهد معلي على الموصف وعن نخره=دايم طريقه وعر تي مثل هداره
المحبوش=
يالشامخ الجيد سددها علـى صـدره=قـده مفلـس ولا بيخـاف طـفـاره
بضحك على الديك ذي يزقي وفي كبره=فرحان بالحمحمه مـن دون منقـاره
الشامخ=
يامرحبا ولف حيا فـوق ع القتـره=ومن على الراس المحبوش مقـداره
و(ص ) ابو (س) قد ولى الى ظبره=مسكين ابو (س ) يرقد وسط سحاره
بن ناجي السعدي=
شامخ تقدم وبو يحيى دفق بحره=ونا لصالح هنا اعلنـت انـذاره
فقط اوضح انا ما قد سلف ذكره=قولوا لصالح يوقف لا الفلك داره
المحبوش=
مسكين هدهد بيحلم وهم في نصره=مايدري اليوم دمه حـان طعفـاره
وصاحبه ذي بيرجف له وفي ظبره=بيعاينه حين ما بمسـك بزمـاره
هدهد سليمان=
دحرت محبوش برع مسهله دحره=دكمه بجنبي وطيرته مع طاره
ماهو كما صالح الضرقام في عصره=من قال بايدحره يحنب بحفاره
المحبوش=
الهدهدي عادها كره ورى كـره=والرعد مازل لم يبداء بزمجاره
هذه حقائق وقول الحق به مره=والخجع عالراس بيطرق بكواره
بن ناجي السعدي=
والله هدهد امانه بايبي زقـره=يمكن تعود على ظربه وزقـاره
عبدوه ماينحنيي ياهدهد الطفره=وباتشوف العجب يقرح باشعاره
هدهد سليمان=
بيرق لطمته وعبده دن لي ظهره=ورورتهم بالقصد ياخس ورواره
سر وعجب الملتقى وتمعن النشره=ونهوا عتب بالنظر خيال بنظاره
المحبوش=
يالهدهدي قلت لا ترمي حجر عثرهماظن ريشك معي يتحـاج هبـاره
لي منعكم حد بيعرف لي بكم سعرهباجهـزه لا ولا قرشيـن كفـاره
نجم يافع=
يادابره دبرينـي ليلـة القبـره=وجهزي لي صميلي اليل وحجاره
بقدي البيرق الي مالقـى عـذره=بعرفه كيف حكم الجار في جاره
صبري اليهري=
قال السراجي سلام الله ع الاسـرة=قدني بشوف القوافي مثل كسـارة
الاخ صالح بقي والصقر ضاع وكرة=ما عاد يعرف منين الشعر واسرارة
الصقر اليافعي=
يا صبري اهداء بخذ جره علىجره=لا ريد صالح والا اخباره واسـراره
شفني مهدا عجزت اليوم في امـره=ملـيـت مـنـه ومــن شـوفـه ودواره
صبري اليهري=
با حن من داخلي لما يجـي بكـرة=يا رب عجل لنـا بالخـط سيـارة
يا ليت لي من عدن لحظة ولو نظرة=والشيخ عثمان والساحل وممـدارة
نجم يافع=
يا وردة الفل والكادي نفح عطره=من الحسيني تشم المسك بجواره
على عدن شلني منعك نجي دفره=نستاجر الباص ولا سعف طياره
صبري اليهري=
ما اليوم بيرق بشوفه قد نشف حبره=باع القلم والورق وامسـك بحبـارة
يا بيرق اسأل وسلم لا معـك قـدره=رعني بشوف السلى ما اليوم مخدارة
صبري اليهري=
من يعلم الغيب وحده ربنا ستـره=يلطف بنا يوم ذاك الحشر واشراره
محسوبه ايام بن ادم علـى قبـرة=يا رب تلطف بنا من نار غـدارة
نجم يافع=
بن ناجي اليوم شفته داخل امحفره=صالح وهدهد رموه لاوسط ثنجاره
بايت بليله نكيـده لليلـة الدبـره=بمبرد يمسي بصحرى من بعد داره
المحبوش=
محبوش عاده بداء سطره وفي شطره=والخصم دمه مطيـر هـو انصـاره
لاجل السلى قلت بتسلـى ولا ظـره=وبساعة الصفـر مـا باهـم دمـاره
صقر يافع=
هدهد سليمان لتجلس على الحره = الصقر واصل تجنب كل هباره
الصقر معروف دره والنبي دره = بيخرج المختبي من داخل اوكاره
تمت بحمد الله
مع تحيات ابويحيى المحبوش
العرقبان
30-09-2006, 03:29 PM
تسلم يا اخ محبوش والله انكم احييتو الموقع وكلمات موزونه وجميله
وكم أتمنا من شعارنا الأكارم أن يكون لهم موضوع بمثل هذا الموضوع
وتقبل الله منا ومنك صالح الأعمال , وتقبل تحياتي الحـــــــــــــــــارة
الدبيشي
30-09-2006, 07:08 PM
ماشاءلله عليك ابويحيى
مجهود تستحق عليه كل الشكر والتقدير
تحياتي الصادقه اليك يامحبوش
أبو أسامه
01-10-2006, 12:57 AM
حيا الله أبو يحيى
والله ذكرتنا بيام زمان
يوم كنت كل يوم وانا ألهب بضهرك وشوي
ههههههههههههههههههههههههههههههه
تعرف إن هذه المعارك أو ما كنا نسميه الحرب البارده
تنمي موهبت الواحد وتعطيه سرعه في التعامل معا القافيه مهما كانه صعبه
خالص الود
أبو أسامه
vBulletin® v3.8.6, Copyright ©2000-2012,