يا خاينه. . . وين الوعود

[عمر اليافعـــي]

يا خاينه. . . وين الوعود


يا خاينه زيحي الحدود==وين الاماني والعهــود
واحـلام ماتت بالولـود==من بعد هجرك والصـدود
يا خاينه. . . وين الوعود


ارتاح بالك يوم خان==خنتي الاماكن والزمان
وأنا وحبي والحنـان==مثلك لو يعطا جحــود
يا خاينه. . . وين الوعود


ماني على مثلك حزين==حزني على عمر وسنـين
ياليت بس تستاهلـين==من بعض ما قلبي يجود
يا خاينه. . . وين الوعود


من خاننا والله خان==ما عاد نعطيه الامان
ولا بتطريه اللسان==يرجع ويتاسف بــزود
يا خاينه. . . وين الوعود


جيتي وقصدك ترجعين==شملك وشملي تجمعــين
اي والله انك تحلمين==مارجع لو الدنيا ورود
يا خاينه. . . وين الوعود


تبقي لقلبي خاينه==ومنتي لعيني زايــنه
وللحب منتي صاينه==ذكرى من الماضي تعود
يا خاينه. . . وين الوعود


لكم

تحيتي

عمر اليافعــــي

[العرقبان]

تسلم يا اخ عمر
كلام جميل من شاعر موهوب مثلك
وصح الله لسانك ونتمنا منك المزيد

وتقبل تحياتي الحارة

[شاعر]

حياك الله اخي عمر اليافعي
قصيده جميله
تمنياتي لك بالتوفيق
ولك كل التحيه والتقدير

[أبو أسامه]

هذا هو الشاعر الشاب عمر
دآئما في خصام معا النيا الدنيه اللتي لا أمان لها
ومعا من يحبوها ويجعلوها هدفهم ومقصدهم
يسلم شاعرنا
ومني ياأخ عمر
لا تبكه على خائن ولو كان الهواء والماء
أبو أسامه

[منير السعدي]

وين كنت مخبي هذه القصائد ياعمر ،،، لاتجنن فيني
رهيبات رهيبات
تسلم لسانك يالغالي
خالص الود والمنى