ديـــوان الشاعر محمد يحيى المحبوش

[المحبوش]

بسم الله الرحمن الرحيم

اولا يسرني بل ويشرفني ان اكون ممن خصصتم له في هذا المنتدى الجميل ديوان من خلاله استطيع تدوين بعض كتاباتي المتواضعه
الذي اتمنى ان تحوز على الاستحسان ممن يطلع عليه
واشكر الاخوه القائمين على هذا المنتدى لاتاحة مثل هذا الحيز الجميل

وعلى بركة الله






بدع من كلمات محمد يحيى المحبوش=
ابو يحيى مع الهاجس تأنس=يشركسها بناء طاهش ومفحوس
معه تركه توارثها مؤسس=ولاينطق سوى ماكان مدروس
متى شاف النصع بالحال فلسس=ولايتلبسه ماكان ملبوس
شجرته نابته من دون تغرس=عطاء مخصوص من رحمن قدوس
حروفي عند اهل العلم تدرس=وسري لم يزل للان مغموس
ولا اتمظهر كما غيري وبهلس=ولكنه سله باقيه ناموس
بذلليله نسيم البحر نسنس=ومخزاني من الخيرات متروس
وعاينت الهدف ونه مقنبس=مصور في مخيلتي ومحسوس
ذكرت اسمه وشجاني وحمس=شجرته وحدها بالجو بتنوس
لبوحافظ يسلم له ببنكس=ولو قلبي قده مكسوع ملقوص
وقلت اتنشده باشاوره همس=عسى حظي معه مايضل منحوس
وعاداته معي تمحى وتطمس=لانه عندنا بالعزّ مغروس
وظلم القرب مثل النار تلهس=ونا ماكنت له جاحد وقسقوس
عسى من جهشته لقسين نلقس=ولايرجع لنا المرسول بسبوس
بلغني علم من جهميم مشخص=ودايم بأيمنك بيكون قنبوس
ومحسن ضحكته لاقد تبهسس=وزيدا حين ماتلتاح لظروس
ولاجاني الخبر من شخص مندس= فلا باصدقه واقول جاسوس
وثوب الصدق ابوقاسم ملبس=حكيما بالوفاء والصدق محروس
وقوله ذي شرح يابس ميبّس=خشيع القلب لانحوك ومكئووس
لانك به بتستفسل وتبخس =وهو ذي قابله جابر وقابوس
وسهم المحبشه له قسمةالنص=وماهل لك بها من خُمس مخموس
وفي وقت القصاء تمسي مفلس=لقسمك لقتسم في ذروت الروس
فلا تنكر ولا تغطي على الشمس=معه لثبات مكتوبه بقاموس
وقال المحترم ماليوم طسطس=وتوقيته بوقت العصر دلسوس
نصيف اليوم يبصر لا تجهسس=ولكن دون مايبرى بدلقوس
ولاماهرّشه واحد تكسكس=وحتى لا معه عشرين فانوس
وبسمع قرشته لاهو تعسس=محز البيت رأس العرم متعوس
وبزقر به لعا يدرج ويطحس=ويصبح بالعُبر شُربه ومخلوس
وذه ليام قالوا كم تكربس=وكم ضوي وهو للصبح بيحوس
وبرثي له من الجبار والجبس=وكم شلوه في الاسعاف لبعوس
عليه اليوم كبدي تفتحس فحس=وحسي عنده المسيكن بيطوس
وذا تفصيل هذا علمنا بس=ونا ناظر خبر ياليت معكوس
وفصل لي ولاتبني مطلفس=خبر صافي مصفى ليس منقوص
وتم القول ذا والحق عسعس=بذكره من سكن جنات فردوس

@@@@@@@@@@@@@@@@=@@@@@@@@@@@@@@@@


جواب الشاعر الكبير يوسف المحتــرم=
ابوحافظ قطف من زهر رنجس=ويهديها لشاعر ظبس لظبوس
لبويحيى نمر سرحان لدهس=اذا اعزم مابقي بالعُرم طربوس
وصل خطه وافرغت المسدّس=ورحب فيه كمن جيد دربوس
وبالمقعد رسوله ماتنهّس=وشجرته مخصة ثور جاموس
وفُكّ الطارف العود المحلّس=وخليت العسل بالحال ممروس
بلا كبره نجاوب من تهنجس=لانه قال مولى الكبر منكوس
وابو حافظ سلي ماقط خنّس=بيتفاوض مع هندي وهندوس
تخبّر كم رُسل شقّر وفحّس=فلا يهرج اذا جت مية كربوس
قبيلي مُعتبر يفجي وغطس=واول من طبخ للضيف مكبوس
وابو يحيى لمه هري وهبّس=يدكي لاولى مدماك مهفوس
جلس مشغول ياصوار لفطس=مع عدة خشب من عود لبنوس
رفعت الشخص ذي عندي تقنبس=وقد رحنا كما الشيشان والروس
بتفرح لاضحك ولا تنقوس=وبايصبح سمك بالارض مشموس
وماشي به سخا يخفى ويهمس=بنحتاجه اذا املح جلد مدحوس
ونا لازلت بتحاكي مقلس=فلاتسمع دعاية ضعف لنفوس
على المحبوش زاد المكر والدس=وعنتر كم تعب من بعد لعبوس
وجابر بالبلى يشرد وهرمس=وليته كان تحت الارض مدفوس
طلبني سابقاً لما تعرّس=وقلنا ماقبيلي زار هسهوس
وبحمل ماحدث في كل مترس=ومطلوبي يكون الحد محبوس
وابو حافظ عبر حبّه وريس=مطيب بالوصر خالي من السوس
لبو يحيى سرح حبّه محسحّس=كما حب الذري من زرع مشروس
ومن لقماع ذي كدي وقوس=مع حصلت صُماحي وقعموس
طلبت العذر اذا العارف بينطس=لمه سويت قسمي قسم لخموس
مثيلك مثل ذي قشّب وجدس=وبيقول المديفر سيع لقيوس
دهمت السور والبرج المشركس=ثلاثه دور به جاهز ومملوس
ورعنا مثلما ثعبان واشرس=سلاحي بحمله والبند مهسوس
وساقي ماترزم او تملس=سنوني ثابته مايجزع الموس
وهاشم بن عوض صيح ورفس=ورجع له دُجر مغلي وملسوس
بن المحبوش عذره كم تمجلس=اذا اتعاجوا على وقره وقندوس
صلاتي عالنبي ما الماطر ادفس=وجاهم عقبه يرعد وبيعوس

[المحبوش]

بدع من كلمات الشاعر عبدالسلام الدبيشي=
يارب سألك تكفنا الشر=وتلعن الشيطان لقور
يسر لنا كل ماتعسر=ايضاً وجنبنا البساره
انا احمدك ماالغيم يمطر= واعقبه مسيل مدفر
وسقّي اليابس ولخضر=ويروي ارضه بالمطاره
الليل يلهاجس تنهجر=هذا القلم والبوك فاشعر
ودون ابياتك بدفتر=قدها معي خيرة بشاره
ايش السبب يلهاجس اجهر=جواب لاحد به تخبر
عن غيبتك هو كر اوفر=ولاقد الشُعّار باره
جاوب عليا لاتكدر=حتى ولايحتاج تسهر
قلي بيداتك واشر=ومستعد رهن الاشاره
باحذرك حذرك تُكّبر=وبنصحك اياك تغتر
فمن شطح ولا تمظهر=بيطعم الكأس المراره
اهديت للمحبوش جوهر=وعطر من عندي تعطر
واهدي سلامي له مكرر=لانه قده ذيب المقاره
وبا اسئله عن ماهو اخبر=عن وضع مابين احمر اصفر
باي لحضه قد يفجر=وقد يؤدي لانهياره
ذي جرعونا الموت لحمر=والوضع من سابق مدهور
واصبح شقا الشاقي تودر=لارد ابوها من تجاره
وذي خرج للسوق ظاهر=وذي لقي خرب وكسر
ومن وقع في نار تسعر=جحا وقع ولحق حماره
ياكم بني الباني وعمر=ولاتراجع او تأخر
ومن معه بالسوق تاجر=واهل المهن جوف العماره
وبعدها الكادح تذمر=من اقتصاد اصبح مدمر
واسقونا الكأس المصبّر=وكم عماله في البساره
لكن بما راد المقدر=من خير جي عالرأس او شر
هذا كلامي ماتيسر=واحسن القول اختصاره
صلوا على المختار لزهر=عن خير ماربي تخبر
شفيعنا في يوم نحشر=يارب بلغنا الزياره
@@@@@@@@@@@@@=@@@@@@@@@@@@@

جواب محمد المحبوش=
بديت بك يامن بتغفر=ياعلماً ماكان بالسر
الحمد لك فيما تقدر=وانت الرجاء والاستخاره
لكل متعسر تيسر=والامر لك في كله الامر
سألك تنجينا من الشر=وبرحمتك يالله بغاره
قال الولع الليله اسمر=بسمر مع من حب يسمر
وهاجسي كنه تحرحر=وقلت باساير مساره
من حيد صرصاري بينجر=ياكم من اقواله مسطّر
لامانفع ماظن شي ضر=ولارعد يمطر غزاره
وفرحته لا شاف مفجر=كنه على راسه تسحدر
بيحوله مشهد ومنظر=مسرع بيتحرك قطاره
ولاقضب ولا تظرظر=سعير بركانه تفجر
وفي اصول الكر والفر=جاهز وفي لمح الاشاره
مايمتشر في اليوم لدبر=وللبلى من دون يعثر
يحفر وبعد الحفر يعصر=لكن بعنوه بالعصاره
واليوم له بانصدر الامر=يفتح جناحينه ويشمر
يجلب معه اللول والدر=ذيهن معه دايم جواره
فقلت له الامر مظطر=جاني خبر وانت المخيّر
تطوله ولا تقصر=وقصره دون اختصاره
الخط ذي جانا مشفر=من شخص عندي عالي القدر
تضجره ولا تبشر=حليم تكفيه الاشاره
باقول حيا الجيد لعصر=ابن الدُبيشي الموقر
ترحيب مني لك مكرر=نورت للمحبوش داره
يامرحبا وازيد مخطر=مانسنس البحري من البحر
وزن الحُقب وشامخ العُر= بمن اتانا بالزياره
والان يلمحبوش امر= ماقاله الهاجس وسطر
من يذكرك بالمثل اذكر=من حبه المولى اجاره
وقلت جاهز ماتيسّر=يامرسلي اعزم وبكر
والخير في العاجل من البر=وفي يمينك ذلاماره
ولاوصلت الباب عشّر=وبعد تعشيره بتدفر
وشل حملك ذي بتقدر=من كل مستوفي عياره
وسلمه باغه من الزهر=مشّكله من كل مزهر
تقطر ندى وردي معطر=بالمسك والعنبر عُصاره
قل والخبر قدكم به اخبر=كسورنا ماشي بتجُبر
قلت العسر والرد اعسر=عاثر تعثور بعتثاره
شف ماحصل قدهو مدبّر=ليتك ترى ياكل مُبصر
ويسمعه لصور ولدور=من اجل ما يقل اعتباره
لعور كما قالوا تنقور=ومعلنه من كل منبر
اعلن بها النصر المؤزر=في شعب مدمن بالخساره
ظنه بلق لا مبلق البر=بحكمته واتجاوز الشر
مايدي ان اليوم لغبر=لازال بيوقّد جماره
العلقم اعتدناه والمر=مرارته اكثر واكثر
والشر بيولد معه شر=والمر غطيها المراره
والخوف للشعب المخدر=يصحي وفي صوته وزمجر
والحق نادى الله اكبر= مصير واحد في انتظاره
وكل متجبر بيجبر=يدفع ثمن مابه تجبر
بايكتشف ستره بمجهر= منهو ملطخ بالقذاره
لاتنفعه شرده ولو فر= دمه هدر مايبلق البر
ذي فاخروا بالجُهل والفقر=بشر زمنهم بحتضاره
الى هنا مجبور باقر=ياكم وكم لاقلت ببحر
عسى بنا يالله تستر=في بحرما نوصل قراره

[المحبوش]

بدع من كلمات الشاعر ابونصر اليزيدي=
بو نصر من وكر الأسد= وكر الفتـى صالـح سنـد
أديـب يافـع ذي عمـد= فـوق الجبـال الراسـيـه
من وكر وافيين العهـود = وكـر النمـاره والأسـود
قوم الشجاعـه والصمـود=أهـل العهـود الوافيـه
من مكتب القوم الكـرام = قـوم البطـولات الجسـام
أبطال في وقـت الصـدام = والنـار تشعـل حاميـه
من خامس الخمسه نجوم = كانت على القـاره تحـوم
بالنور من خلـف الغيـوم = ترسـل أشعـه زاكيـه
خمسـه لهـا ميدانـهـا = بارواحـهـا وابدانـهـا
تحمـي حِمـاء سُلطانهـا = ابـن العفيفـي الداهيـه
إبن البطل بن عيدروس = ذي مـا قبـل باالعيدبـوس
باقدامهـا لنـدن تـدوس = أرضـه بـقـوه آلـيـه
اشجـع سلاطيـن اليمـن = مـن المكـلا لا تُـبـن
بالغـدر خانـوه الخـون = خانـوه زمـره جانـيـه
زمره اتـت بعـد النضـال = المُـر ضـد الاحتـلال
مـن أجـل تفتـك بالرجـال = الوافيـه والساميـه
زمـره قضـت بفرادهـا = علـى كـرام اسيـادهـا
زمـره عسـى لا عادهـا =ربـي علينـا والـيـه
وبعـد تسعـه صغتهـا = مـن هاجسـي ألفتـهـا
وبالقلـم دوّنتهـا = عـلـى البـيـاض الصافـيـه
الأن مـن مكتـب كلـد = إحمـل خطابـي يـاولـد
من عندنا فجـر الأحـد = وقبـل تحمـى الضاويـه
مأواك دار ابـن الكريـم = الجيـد والبيـت الحشيـم
محبوش شاعرنا الفهيـم = ذي الكُـل عنـه راضيـه
ورش باالعطـر الفريـد = ذيـب السريـه والحفـيـد
للنجم والشاعـر سعيـد = شيـخ القوافـي الباهيـه
قل له سلامي عدّ ماء=للأرض من بهـو السمـاء
طش المطر واستال ماء = واسقى الحقـول الضاميـه
بو نصر خمسـه وعشـره = سطرتهـا بالمسطـره
ومن هُنـا لا أخّـره = مرسـول لـك مـن راعيـه
لك خاص من عند الشهيد = ذي قاوم الوقـت العنيـد
أيام تسخيـن الحديـد = فـي فـرن نـاره لآصيـه
شهيد قاوم فـي ثبـات = أيـام فيهـا خـذ وهـات
رصاص حمراء محرقـات = والمـوت لبّـى داعيـه
وقال انا زين الشباب = كاالسبع لـي مخلـب ونـاب
للخصم ما بحسب حساب = عنـدي عزيمـه عاليـه
الله اكبـر يـا يمـن = ولعزتـك يـا غلـى وطـن
والله مـا هُـم الثمـن = لوبـه حيـاتـي فانـيـه
وضـد مُحتـل البـلاد = دخلـت ساحـات الجـهـاد
متى أعلن الأهـل الحـداد=علـى حياتـي الغاليـه
واعلن رفاقي في البيان = إسمي بطـل هـذا الكيـان
شهيـد سمونـي فـلان = رحـل بـذمـة بـاريـه
والأن من تحت الثرى = جيـت اسئلـك مـاذا جـرى
من ظُلـم محُتـل افتـرى = خـلا المدامـع باكيـه
هل بعد ما مُتّ ارتحـل = أم فـي بـلادي لـم تـزل
راكب على ظهـر الجمـل = تلـك العجـوز الغازيـه
أم إنه اعلن بالرحيل = ذي أقسم على إنـه مستحيـل
يرحـل مـن الـدار الجميـل = رحـل ويـده خاليـه
رحـل ووقّـع بالقلـم =وتـمّ رفـع أجمـل عـلـم
خفـاق فـي دار الأمـم = والشعـب نـال الحُريـه
هل بعد ما أستشهدت أنا = نلتوا الشـرف يـا أهلنـا
واليوم من غصن الجنـا = تجنـوا الثمـار الحاليـه
هل أشرق الفجر المنير = هل ابصر النـور الضريـر
هل كسـر القيـد الأسيـر = بعـد ارتحـال الحاميـه
هـل انتخبتـم للبـلاد = قـاده عليـهـم لعتـمـاد
كمّـن حليميـن الفـؤاد=وب المهـمّـه داريــه
وهل اخذتم مـن عبـود = كـل المواقـع والحـدود
فـي البحـر او صحـرى ثمـود = الأوّلـه والتاليـه
وهـل توحـد شعبـنـا = اكـبـر املـنـا كلـنـا
محبـوش فضـلاً قلنـا = شفنـا مجالـه ضافـيـه
ختـم شهيـد باالنبـي = صلـي معـي ياصاحـبـي
مانـاح باكـي ناحبـي = مـن ذكـر سيـد الباريـه
شفيعنـا يـوم الحسـاب = عنـد المُنـزل للعـقـاب
شفيع من هـول العـذاب = ونـار حمـراء صاليـه
@@@@@@@@@@@@@=@@@@@@@@@@@@@
جواب المحبوش=
محبوش في عزمه عقد=يالله سألك بالمدد
ترخي بها بعد الشدد=وبالجواب الشافيه
امزج مع اقوالي ورود=وطيب فاخر به وعود
والجيد بالجوده يجود=بالونانها المتزاهيه
حيا بهام نسل الهُمام=لك قرة اعياني مقام
قولك وصلنا بالتمام=بحروفه المتلاويه
ومن علامات التخوم =بتلازم الضيق الهموم
يامرحبا عد النجوم=واقمار تمسي ساريه
رحب معي رميانها=رصوا صفوف اعيانها
مالغيث من امزانها= تخصب وتروي الضاميه
يامرسلي بعد الجلوس= باوكلك مُحيي النفوس
من دار شامخ له حروس=من بين شمخ راسيه
ملجى ومئوى ذو يزن=وكل خايف به امن
سابق وباقي مالزمن =والدهر يمضي باقيه
اعزم لمن كد المقال=بونصر ليه الارتحال
قل ذا جوابي على السؤال=من اوله لاتاليه
بونصر جاد انشادها=احزان في اعيادها
لاردها واورادها=والبطن تمسي خاويه
تركت لنا علاتها = وتهدمت منشاتها
من بعد ما طرزتها=سته عليها ملويه
من حلها وقت الهدد=فوق الجماجم ترتمد
وساس مبناها انتعد=راحت هوى بالهاويه
والله في خلقه حليم=بكل مظلوماً رحيم
ايضاً وفي بطشه عظيم=لمن تجبر طاقيه
والقول والراي المفيد=حكمه ومنها نستفيد
والله يفعل مايريد=نتجنب الاشكاليه
اما الشهيد ابن الفقيد=الحي بالعمر المديد
جواب مني له اكيد=في النشره الاخباريه
باذكّره يوم الممات=من قبل ما يصبح رفات
بذورهم ماته نبات=سدو عليها الساقيه
ومابقي صابه لُباب=من اجل تطويل العذاب
من ذي بيتسهن غراب=ما منه الا الداويه
من بعدكم عم الحزن=وبالعلل تم البدن
صنعاء بتشكي لاعدن=كاوي بيكوي المكويه
محتل كنه بايُعاد=ياتي متى ماهو اراد
ولااشترانا بالمزاد=وعاد له اكراميه
رحلت من قبل الاوان=لوكان بيعود الزمان
ماسبت اهلك للهوان=ردت عليم جابيه
من يبتلي بالمبتلى=ذاق المئاسي والبلى
سلعه رخيص المشترى=ياليتها شي داريه
باقي لنا قبل انصل=لاعندكم بعض الامل
من قبل ماياتي الاجل=للميل حد بيسانيه
نسمة هوى فيها العليل=فيها الاحباء والخليل
لابد للشعب الاصيل=ترجع اليه العافيه
مافايده فيه الندم=كثر الندم يتبع الم
من همنا صار الاهم=نبقي على ذي باقيه
ماحد بيهدم ما بناء=يبقى على طول المداء
ون كان شي صابه ونا=عندي الذي بيداويه
مليت من كثر الهدير=نحو العُلى لازم نسير
المُر ذقنا والمرير=من جاد انا باخاويه
لابد يتحقق مراد=ننوي ونعمل بجتهاد
والله يفعل ما اراد=ننسى الامور الباليه
وما اراده بايسود= مكتوب من رب الوجود
كنا شوافع او زيود= في دارها متخاويه
والله وحد دربنا=به قد نحقق حلمنا
لكن فقط في جهدنا=لاشي نوايا صافيه
هذا الذي عقلي حزر=ون طف به شي او قصر
من زاد جهده يعتثر= عاد الحليله هاويه
ذكر النبي بوفاطمه=صلاه مني دايمه
من خصه الله خاتمه=للامه الاسلاميه

[المحبوش]

قصيده كلمات الشاعر محسن ثابت عثمان العامري=

وقال ابن ثابت آح قهري وباطلي=من الفقر ذي ذلحين والكبر والفضول
متى باتقع راحه وهوه كل شي غلي=وجرعه ورا جرعه يمشوا بلا عقول
بشوف ان عادالجهل والفقر واصلي= وعاد اليمن يحتاج الى أعقل العقول
ديمقراطيه معنا بها الحكم قبيلي=وشعب اليمن بيرقص عل الدف والطبول
ووحده بلا قانون قبه بلا ولي=وذي هوه غبي عالرأس بيشلها شلول
غبوني على اكتوبر وكم من مناضلي=وذي اروي بدمه تربة الطين بالحقول
ويافع رجال الحرب كم من مقاتلي= وضحوا عل اكتوبر من القافله قتول
رجال البلا والحرب ماحد بهم دلي=وكم من نمر من صدق ماحد بهم فسول
يقادون كل انسان اعوج وباطلي= وبيعرفون الحق والاصل ولاصول
وحتى ولو كانت مخازينهم خلي=فلا حد يفرط بالوثايق وبالسجول
ويشهد لهم من قبل فضلي وعوذلي= وذا يقرأ التاريخ يعرف لما اقول
رسولي مع الله شل نطقي ومنزلي=على جده اتوكل مع الله بالرسول
وتسئل على المحبوش لاقنت نازلي=سلا مي سلام آلاف له ساعة الوصول
وسلم على النادي بالعطر ذي غلي=عدت ماذلح ماطر وما استاله السيول
وسلم على الاعضاء لاقنت واصلي=وقل جبت ذه الكلمات لاشي لها قبول
وخصيت ابو طارق عز القبائلي=وعارف لبو طارق ونطقه وما يقول
ولا اتخبر المحبوش كيف المراحلي= قل يحشجون الزرع اخضر بلا سبول
بدي جيل يا المحبوش يرجم بلشولي=بيلتاح لك طيب وهوه انذل النذول
وواحد لوحده بالمسيره يواصلي =مابين ستعشر اوادم بلا عقول.
ونا احزيك من بزل في العهد لولي= عدد اربعه من قبل لايظهر الرسول
فلا شي لهم اب ولا أم تحبلي = سبحان رب العرش فاعل لما يقول
اناثي بهم ثنتين واثنين بزلي =بشر منهم أثنين واثنين هم ذلول
ولو تقرأ الختمه من الجزء لأولي=الى جزء ستعشر تلاقي به الحلول
صلاتي على خاتم نبيي ومرسلي=محمد رسول الله ما بعد هو رسول
@@@@@@@@@@@@@@@@@@@=@@@@@@@@@@@@@@@@@@
وهذا جوابي علي الشاعر محسن ثابت عثمان العامري=
يقول الفتى المحبوش العبد مُبتلي=وماقدّر المولى له الحمد والقبول
ولاضاقت الاحوال لابد تنجلي=ولاشده اشتده الا و باتزول
ونا اسألك يامن على العرش مُعتلي=بغفران من عندك لعبدك شقي جهول
تيسّر لنا مخرج وعونك بمدخلي=وتهدي عبيدك عن ضلاله بها ميول
وذلحين ابويحيى دفرني بمقيلي=من العامري مرسول ذهّن به الخمول
ويالهاجس اذهن واحليله معي اعجلي=كفى لاهنا مايوم بحسب بكم كسول
فيا مرحبا في كنّ رأسي ومعقلي=مدينة عدن ترحب وترحب بك الحلول
ولاقلت بتمهل ولاسن معولي=فخوفي تظنوا فرعنا صابه الذبول
فلابد من مخلص وبالبُر عوبلي=فلابد من جوله مع قانص الوعول
وبانبتدي سنبل من انتاج معملي=بجوده مع اهل الجود واكرم بن الاصول
وللعامري باغه من ورد مشتلي=وازهار مرويه بماء الورد بالجبول
واخبار من عندي شف الجوف مُمتلي=وماعندكم عندي وفي شرحها تطول
وما سطّره خطك معي متضّح جلي=وذا الحال مايحتاج في ظني الزلول
فلاسامحه من صور الوضع مخملي=وقال آيربي معز في مرتع الخيول
علي ذي تنكنس بعد ماقرطسه علي=وويش اكلفش واضان بترادعي الفحول
وصاب الشلل جسمي وركه مفاصلي=ولاظن في ذلحال يمكن لنا الوصول
وشعب اليمن باقي على العهد لولي=غنم دون راعي في البراري وفي السهول
فلا صدقوا الصادق بشخطه ببركلي=ولبوا مع الكاذب تتاره مع المقول
وقال ان بن شملان ينذر بصوملي=وهو ذي بيده قد بداء يقرع الطبول
ولكن كما العاده وذا الشعب لاسلي=بيهوى عذابه يوم عرضا ويوم طول
وذا فصل من منسوج ينسج بمغزلي= ولو قلت بافصل كم آعد لك فصول
ومحزاتك اشهد ما انت يالعامري دلي=ولكنه الرحمن الهمني الحلول
وسبحان من اوجد لنا الاب لولي=ومن ضلعه اوجد ما يوازي بها العدول
وثالثهم الناقه ورابعهم الطلي= باعجاز رباني وفي حكمته ذهول
وذا ذي حزر عقلي مفرق ومُجملي=ونا عاد لي محزاه ولاتحسبه فضول
فنا احزيك عن بازل بيفجع اذا خلي=وبه يأمن الجايع ومرعب في الدخول
ولاهو مع من هب او دب يمتلي=ويحتاج له حكمه بفتحه من البتول
ولاحد تساهل فيه الموت لزولي=فوالله مايخرج الا من القتول
وختمتها في ذكر من يذكره سلي=رسول الهدى من خصه الله له رسول

[المحبوش]

قصيده قلتها اثناء العدوان الاسرائيلي على لبنان=
يامغـــــيث الاُمـــــم يامُرتـــجا كل مُتــعب=يامن الامــــر لك بأســمك طلبت الاجابه
في دُجاء اللــــيل اعيـــــاني بها نار تلهب= دمــــعها دمّ من جــــور الالــــم والغُـــلابه
خفف الوزر عنّا وانت لاشك مُغــــضِب=من خطــــايا جســيمه نرتكـــبها مُعــــــابه
فرقتـــــــــنا مصــالح دنــــيويه بتُحــــسب= والتقاعــس عن اعلاء كلمتك والمهابــه
ارض مسرى النبي في اسرها اليوم تُنهب= حظـــها ذي رمـــاها في هوان القــــرابه
من خذلها ؟ فهم احفاد من نسل يعرب= ذي بٌعــــث منّـــهم طـــه وكُلّ الصــــحابه
والسبب من تولوا امرهم دون مذهب= حـــولوهم رعــــايا ما يهشّــــوا ذُبـــــابه
صــــوبونا بمــــقتل للهــــيانه بنــشرب= في ذمـــم خــاربه مايطــــهروا من جنابه
كُلّ اسلــــحتهم لشـــعوبهم ذي تصوّب= والعــــدوا له بيـــركع ذي دنى باقــــترابه
وين قواتــــهم ذي بالمـــــيادين ترهب= تنكـــسر في مذلـــه في الشـــدائد وغــابه
مالها اي معنـــى او تفــاخر بمــكسب= كم وطـــن قد لعـــنهم كم لفظــــــهم ترابه
قادة العُرب تهذي عالكراسي وتشجب= بالمناصـــب يشـــــبوا عالكراسي وشـابه
قالوا ارضك عقيــمه غيرهم مابتنجب= لاجــل مابايُحــــــاسب او تصـــلهم رقابه
واصبح العدل ميــزانه مع من بيـقلب= مثــلما الــغاب والزاجي بيـــفرض عقابه
والرجاء المرتجاء ياغافر الزلّ والذنب=والامل فــــيك غثــــنا ننتـــظر لســتــجابه
ارحم اطفال تُذبح وارحـــــم الام والاب=ارحم الشـــيخ يُطـــمر بالحجر والخــرابه
ارحم اوطان تمطر في حُممها بتسكب= في ثراها تُدنّــــس دون ذنــب ارتـــــكابه
من قبل رجس بن صهيون اوطان تُظرب= والصلـــــيبي انا ســــألك تطـــفي شهابه

[المحبوش]

بدع من كلمات الشاعر احمد صالح البكري=
ابدع بك ادعيك يارحمن كُل الرجاءله = تغفر لعبداً فقير
تيسر الامر لي وتعينني عالحماله = ومن عذاب السعير
القادري قال ياطيار شل الرساله = لا قد نويت المسير
مأواك داخل عدن دار الكرم والجماله = ارض السراج المنير
وبلغ الخط ذي مني لرمز الاصاله = لاعند شاعر قدير
بويحيى اليافعي وتخبره كيف حاله = عساه دايم بخير
قد بحسبه مثل ما شامخ ثمر بكتماله = شاعر برده جدير
بلغته الخط وعطه عطر اصلي جباله = من نوع غالي شهير
سلام مني مختم له وجملة عياله = واخوته والصهير
قله تراء احمد يهنيكم بشهر الفضاله = بشهر نوره ينير
شهراً به العبد يتقرب لرب الجلاله = في الصلاه والسهير
هذا خرج فصل والثاني قرب لا محاله = بانطرحه يامدير
نادي رمات السلب مافيه حتى مقاله = واعضائه امسو شخير
ااسفني الوضع وتمسكت بقوى حباله = وضيق جاني وحير
حاولت بسكت عن الموضوع لاكن بحاله = والهاجس اقبل مغير
وين اهل يافع عزيزي وين راحو رجاله = كانهم وسط بير
وين ابن ناجي وبو نوره عريق السلاله = ذولعس وينه اسير
ووين احمد وبوسلطان وولاد خاله = ذي في قطر ياشعير
وين الازالي وبن يافع رفيق الزماله = والاخ سليل المشير
والعم صالح ابوصنعاء بشعره دلاله = شاعر برتبت سفير
ووين ابو الياس ذي ناظل لتحقيق مناله = له قدر عندي كبير
والعم بكيل القعيطي فترة الغيب طاله = ارجو بانه بخير
شعار يافع لهم تاريخ ماشي مثاله = خاضو معارك كثير
الى هنا يعزيز بكتفي والحماله = واعذر اخوك الصغير
ذا ما رواء هاجسي ودار في وسط باله = حتى ولا هو يسير
والان مطلوب ياغالي تجاوب ساله = انته وكمن خبير
ومن من اخواننا يشتي يقدم مقاله = بيكون افضل وخير
وزكى صلاتي على المختار طه واله = شفيعي يوم الحشير

@@@@@@@@@@@@@@@@@@=@@@@@@@@@@@@@@@@@@
وهذا جواب محمد المحبوش=

يالله ادعوك جنبنا دروب الضلاله= انت السميع القدير
عالم بلسرار لاعبده بقلبه شكاله=في ليل حالك غدير
انا احمده حين تتيسر ووقت الكلاله=بالشر ولا بخير
يقول محبوش بعد اليوم بذلح شلاله=فالخير عاده وفير
جتني رساله بها من كل صافي زُلاله=من عند شاعر جدير
فيها معاني واماني بالغه في الدلاله=من العميد المُشير
وقلت يامرحبا عدد حروف الرساله=وماخطى بالمسير
قوله على الراس حالاً بانلبي مناله=قد اشعل النار كير
يالله سهل لنا بالرد له في عُجاله=قبل الاذان الاخير
والان يامرسلي اعزم ورد الحواله=الان فوراً تطير
للعاصمه ذي بها احمد تخصص مجاله= يجير من يستجير
سلم على والده واشبال قدهم عياله=مني السلام الكثير
وخص منه على النائب علي هو وخاله=ذيهو برتبة وزير
ايضاً تحيه لاهل القادري والزماله=عميدهم والسفير
وكل من حل عنده اونزل في حلاله=سلام صادق وفير
وباغة الورد والكادي لاحمد جباله=وعطر لُبّ العبير
رشرش ثيابه ولاتنسى تبلل شواله=منسوج صافي حرير
قله بقلبي مكانه ماتبدل بداله=عندي جوار الضمير
وبعد يامرسلي قله يرخي حباله= واينجلي الزمهرير
وفي سوالك عن النادي وماذا جرى له= ابشر في الاميرخير
الغاز لاقل في غازه بتطفى الذباله=والعشر ترجع عشير
وعن سؤالك عن الاخوان يبن الاصاله= والزرع ذيهو بكير
ياصاحبي كل واحد فوق ظهره زُماله=كوده عليها زُرير
ماهل بننسم ومن حارب رُهق من قتاله= في وقتنا ذلمرير
ذكرت ابو إلياس ون الدمع عالخد ساله =يمكنه اصبح سفير
ماهل بيظهر علينا حين نطق العداله= كنه يطرف شعير
وابن ناجي الباقي معي بالزماله=يسلى معاه الضجير
جاهز مجهز وماهلا بيفتح شواله = بحر القوافي الغزير
وابن القعيطي مجهز للمعارك نباله=ياويل منهو نكير
اما ابو نور خله في الاجازه لحاله= لما يوالي الخصير
ايضاابو س يمكن قد فتح له وكاله= هو ذي معانا الخبير
ومن يعطّل فصالح من يصلح عطاله=ماحد بشقله نظير
والملجمي لاغفل يمكن شُقل في احتفاله=بظيف سره خطير
لوشفت من ذي يزوره والله بنك رثي له= مايحتمل للهدير
والازلي ذي جواري كأننا له خياله = عندي ولابايطير
وبيننا البين يالبكري باول شواله=بعد الشهيق الزفير
لا ونه البدر اشرق في كمال اكتماله= والدخن يرجع شعير
ذكر النبي سامحوني لابهرجي اطاله= وانلتقيكم بخير

[المحبوش]

بدع من ابوعدنان بن ناجي السعدي=
سبحان من يعلم اسرار البشر= سبحان من اعقب الليل بنهار
سبحان ربي خلق بحرا وبر=سبحان ربي خلق جنه ونار
الحمد له عد قطرات المطر = وعدات ما سيل بالوديان سار
يارب لك وجه ابو عدنان خر= فسالك اجعل لي الجنه ديار
يارب سالك تجنب كل شر= وجعل طريقي مع الناس الخيار
وبعد يامرسلي قم للسفر= ياسعد من سار لحبابه وزار
الى اليمن حيث لي ساس و مقر = سلام يوصل الى المحبوش حار
سلام موزون في شامخ ثمر = ويوزن القاره النصباء وجار
هذه مفاتيح سياره همر=هديتي شلها دون انتظار
وقل له العز والحب استقر = محبوش عندي من الناس الكبار
وبعد قل بالمفيد المختصر = وضح مرادي وقصدي بختصار
قل قال بن ناجي البارح قدر = عثرتني رجل في وضح النهار
للعيش والملح قد نحمل اضر = رغم ان لي يد تكسر حجار
وعلم بانبي لذلك مقتدر= ما اجمل العفو عند الاقتدار
ولا بنا ايها الغالي كبر= لو كنت مخطىء ببادر بعتذار
ماهو علي عيب لو فضل اعتذر =بقدمه في كرامه وفتخار
ولا بعامل بمظهر او صور= مهما يكن له مكانه وعتبار
في طيّب القول تشتد الاسر = والضد للضد يا محبوش دار
من قرّب المر يتجرع امر= فماحلاوه بنطعمها مرار
والشرع واضح نهانا من ضرر = وقاعده لا ضرر بل لا ضرار
لكن اذا شفت من يخطي اصر = ننبهه لجل يعدل للمسار
لو ما رضي قالوا اعذر من نذر= هنا قد اعلن على الدنيا دمار
هذا سلوكي وربك قد غفر = لكل من تاب وصبح شخص بار
بس لا هنا يمكن المقصد ظهر= مافيش داعي لقلاب الحجار
اخوك مافيش به كثر الهذر= وهدر فاضي يطلّع للصفار
ذا امر اول وثاني شي خبر = من ارض بلقيس جب لي كل سار
مايو ظهر نجم بازق كالقمر= عبر الفضائيه نعجب بنبهار
مبروك للشعب باليوم الاغر = بعد التشتت قد اعلن انتصار
اختمت قولي وشفني منتظر = للرد ونته يميني واليسار
وصل يا من سمع او من حضر = صلوا معي ماطلع غيم ومثار
على من ارسل هدايه للبشر = ذي شعشع النور من دينه ونار

@@@@@@@@@@@@@@@@=@@@@@@@@@@@@@@@

جواب المحبوش=
بديت بك يالعزيز المقتدر=يامن بيدك تحاديد المسار
وكل حياً بأمرك يؤتمر=وبقدرتك ياعظيم الاقتدار
من ضلّ دربك بلا شكاً خسر=ياحسرته حين ما يُكسى بكار
يابخت من في عبرها يُعتبر= وبخيرته من زهد بالاختيار
انا احمد عد رشات المطر=واروى بها الارض واكساها الخُضار
واستغفر من خطاء ولا عثر=من دنو ليله الى وقت السحار
يقول محبوش لادربي وعر=وقيع بمشي ولا اخشى لعتثار
وكلمة الحق بنطقها جهر=من دون حاجه لها بالابتكار
حتى ولا كان بالباطل اضر= بكلمة الصدق يبداء لنكسار
واليوم جاء خط من دولة قطر=مطلوب ردي ومن دون انتظار
يامرحبا بالصديق المنتظر=ذي لانطقها بينطق في وقار
شرّف حلالي وداري والمقر =ورحبت به عدن في كل دار
مادام محبوش في بالك خطر=وسام عندي وفي اغلى اطار
يامرحبا ضيف غالي قد دفر=عدات رمل الصحاري والغفار
ومطلبك صم نظر وافطر نظر=من دون توضيح ماصارة وصار
ادركتها بعد تدقيق البصر= ماخاب يالجيد من قد استشار
الصاحب الجيد بالندره ندر=وان وجد رأس مالك والضُمار
ذي تستند فيه من قهر القدر=بلسم جراحك وصادق في القرار
لوجاك منه بغفله شي ضرر=احذر وحاذر بذللحضه تُثار
لابد تتحمله مهما بدر=من مصتصغرات الصغائر والصغار
لانه بشر والبشر يبقى بشر=وبساعة الضيق يتطاير شرار
بالصبر اوصيك سعده من صبر=لابد ماتنجلي بعد الغبار
الاصدقاء والاقارب والاُسّر=لابد من وقت يحصل به شجار
وحين تصفى الخواطر والكدر=بتعود كاالنجم في اعلى مدار
هذا الذي فيه عقلي قد حزر=و الله له في خياره ما استخار
واخبار لعيادفي موسم ثجر=رعده علينا ويمطر في ظفار
الوضع قاتم وخوفي تنفجر=من جورها في شدائد لنفجار
كم خادعونا بتلميع الصور=والوضع ياصاحبي في انحدار
انين ابين بيدوي في عصر=ودم صعده وصل لما جعار
طريق وعره ومليانه حُفر=ماهل معانا من الدوله شعار
ووحدة الارض في اخطر خطر=لو مابتدرك سيبداء الانشطار
نار الغلاء في لهيبه قد شمر= واصبح الشعب يخشى الانصهار
والأب يكبر وكبّر واندبر=حتى وعوده بتتحول بخار
المُر ذقناه ايضاً والأمر=لمّا وصلنا مشارف لحتضار
واعذر اذا طفّ شي ولا قصر=وتعذرونا اذا طال الحوار
واذكر محمد عدد آي السور=شفيعنا من لضى حوم الجمار

[المحبوش]

بدع من كلمات محمد المحبوش=
يقول محبوش الجوده من الموجـود=المعُتلي العرش مايخلـف مواعيـده
عظيم بالشـأن ماقـدّر لنـا بيسـود=ميزانه الحق سامع من رفـع ايـده
انا احمده حمد شاكر نعمة المحمـود=بالعُسر واليُسر حمـداً لـه بماريـده
واذكر محمّد عدد ما له علم محـدود=شفيعنـا يـوم اتٍ فــي تآكـيـده
وبعد قال الولع عامد على المرصـود=ثابت مؤكد وراسخ فـي مراصيـده
من نبع صافي زُلالاً حوضي المورود=ماينطـق إلا وتتبعـهـا اسانـيـده
ومقصدي خير والافضـال للمعبـود=من كان في طاعته يسّـر مقاصيـده
والان يامرسلي في يـدك المقصـود=من عند رامي ولا يخطـي تساديـده
وبساعة الضيق بتلبى بأهـل الجـود=والجيد بالجيد يصبح مـن اجاويـده
ومقصدي ان وصفته كفتّـه بتـزود=وهو حديـدي وكلـن لـه تحاديـده
بالمعزبه حلّ والعقله ثـراء لجـدود=لابد عارف وحقـي لـي وباعيـده
لاعند ابونور خُصه من شذى لورود=نقوه من ازهار مثلـه منهـا زيـده
ومن معه حل رُشه من بخور العـود=ذي شمه الطير وابدع فـي تغاريـده
جباك ذا الخط من بداع لـك مكـدود=وانت في الشعر من المع صناديـده
اتنشدك فـي امـوراً منهـا مكبـود=يمكن تفهن على المحبوش وباتفيـده
ونته معيا الامل فـي آخـر العنقـود=بعد البلا ذي به اصبحنـا محاصيـده
من حل ارض اليمن اصبح بها مفقود=استوطن الفقر واتلاشـت مواريـده
وبالجُرع جرعونـا السـم بالبـارود=واعلامنا بس ذي نسمـع تحاميـده
والحال مُفجع ومرعب شيب المولود=وكـل لحظـه بتتضاعـف تهاديـده
والشعب بيقول ياليت الامـام آيعـود=وذي طردنـاه يتسـلّـم مقالـيـده
اتشبثوا بالكراسـي ذي ملاهـا دود=واهل الكرامـه تولوهـم عماريـده
اما الغلى والبلى قد فاق كـل احـدود=وعادهـم ينفخـوا فينـا قلامـيـده
عاشي امل ذي تشوفه بعد ذه لبنـود=ماهل لك ارسلت قطعه من سراديـده
ردك يصلني ورايك غايـة المنشـود=من بعـد ذلوحـل كـلاً لا قراديـده
والختم صلوا عدد ماحنحنه لرعـود=علـى محمّـد وآلـه فـي تراديـده
صلاه تغشـاه منـا سُجـداً وقعـود=شفيعنـا يـوم بانبصـر مشاهيـده

@@@@@@@@@@@@@@@@@@=@@@@@@@@@@@@@@@@@@

جواب سرو حمير=
قال الفتى خو محمد خاطري مسدود=والجوف يقدح بناره من مواقيده
دنيا تعاسه بوجهي بابها موصود=من وين ما رحت ردتني جلاميده
سالك بنون القلم يالله وسورة هود=تريّح القلب وتبدد تناهيده
بي خوف لا اصبح ضحية فلم روبن هود=واقضي زماني وانا ناظر مواعيده
واتنهش الطير تمري من على العنقود=وباتنبش عنبنا من عناقيده
واترجف الأرض حنشان الرضام السود=ذي جاتنا من بلد بختنص لا صيده
والعين بتشوف والعيب إننا موجود=حارس وعيني ترى والمكر ما جيده
روَح تعبنا هدر ماراح مابيعود=وحسب قول المثل جاب البلاء بيده
حنين حنيت جاوب واجبل مسعود=من باطل ابليس ذي رخّص بنا كيده
يقول ابو نور جودك ياكريم الجود=ياخير معبود جرنا من عرابيده
ذا وانت ياهاجسي بادر من الموجود=رحب وجاوب وهرج المرج ما ريده
رحب بشاعر على نظم الوتر والعود=والواجب آرد له بالمثل وازيده
ومدني من بخور العود ذي بي نود=وعطر مخصوص جاني من تواريده
رحب وسهّل بزاير حل بيت الجود=حيا وسهلا بذي ما اخلف مواعيده
حياه لابيت شامخ معتلي جلمود=راسخ رسوخ الجبل وارسا تحاديده
يرحب به الضيف حيا ما الجبه لرعود=والضيف نُبل الكرم ما اشجره لا ايده
قال ابن صالح لعب بالطاهره عمرود=وادلج بها اعلاج عوجا من عماريده
شقرا شقية شقاها إنشق من نمرود=من عهد عاد إنعقد واجلا تجاليده
رقطا رضيه ورقطا رضّها التيفود=صاب الصبي صُم واحنا صَمنا قيده
واهتز كنز العَوَز والعِز مابيسود=والدم بعد الندم عدّم أماجيده
صك الحنك صك واصبح منّها مطرود=والمارق إنشق ذي لحّن تجاويده
مايسلم اعجم بكم والفمّ ملأه دود=من لطم أُم الصُرَم ضيع مراشيده
وراعي الطين خلا الساقية مسدود=ذي أم مافيد نفسه جار مافيده
قولوا لمحبوش ذي سو السُم بالبارود=واعلام معكوس عمّدها تئآكيده
بالصحن معجون بيدي سُمهم مكرود=وامشاط بارودهم جاهز تساديده
لايوم فك الحِلق ذي عالقدم معقود=يوم آتفور الهوادر من مراصيده
والصبر ياذاك لاما نبلغ المقصود=لني بشوف إن عفرا بيدها جيده
صح إن شعب اليمن من كيدهم مكبود=ومركب الفقر دقّتنا طرابيده
لكن بيوم الفرج ياصاحبي موعود=واجيالنا القادمه تدعم أسانيده
لاهو بوقتي ولا وقتك زوال النود=بل إنما يوم تتحضر أجاويده
لنّ العزيمة بحاضرنا جبل مهدود=ماينهض إلا متا ما اشتد تأييده
واحزابنا فاقة العُمال والليكود=وافعالهم باتفوق إن كان مابيده
مصوا دمانا وخلونا مثلما العود=نجمي الحمل والحمل بانت مقاصيده
قاده سَرق والسرق حَد الله المحدود=المرتشي ( نفي ) والسارق قطعنا ايده
والختم يالله يامن كفك الممدود=صله وصلوا عدة ما اتلوا تواحيده
عالمصطفى الهاشمي ذي سيرته محمود=ذي جاهد الكفر واتقلد مقاليده

[المحبوش]

قصيده جديده كلمات الشاعر محسن ثابت العامري =
مرسله للشاعر محمد المحبوش=
نبدع بمن هوه علينا ناظري = رب السموات ذي به نستعين
واتوب من قلب له واستغفري = اشفق بنا واشفيع المذنبين
ماحد من الناس عل الدنيا بري = حد مننا شلها دنيا ودين
يانفس سألش مسوله تحذري = لا تلحقي مهرت ابليس اللعين
ذكر النبي قولها من خاطري = على النبي ذي سمى طيب امين
محمدا" ذي به المولى سري = وقابل الله رب العالمين
هابعد ذلحين قال العامري = بانسم القلب من كثر الحنين
مادام عيني بتبصر واتري = قد كل حاجه امامي باتبين
ساكن بيافع وبيدي ميزري = والجسم صاحي وانا رامي زكين
ماهُم حاجه ولا اتعب خاطري = واصارع الوقت والله المعين
لانا موظف ولانا مهجري = رزقي على الله رب العالمين
يا مرسلي شل خطي باكري = من رأس يافع له البيض احجرين
سلم لمحبوش خط العامري = وكلمة السر أحذر لاتبين
وباقة الورد بيدك تشتري = وتحطها له يساره واليمين
شعره وصلني وشرف محضري = ورحبوا به جميع الحاضرين
وقل لمحبوش لو مابع دري = يوبه على العُر من بيضا حُسين
قد احرمونا من الصيد الطري = وايحرمونا من اللحم السمين
قد هوه بي اخبر ونا به خابري = مايخسره من معه صاحب حِسين
دايم على العهد ما يتغيري = وانا على العهد باقسم له يمين
من اليمن كل واحد ناشري = وين اليمن وين هيه دولة معين
شعب اليمن يا صديقي وادري = معا اسينا به الشخص الامين
واحد يبايع وواحد يشتري = والكيح ذي بينهم مثل الطبين
هذا اشتراكي وهذا ناصري = والمؤتمربيعحن الدنيا عجين
لا الاب ظالم وعاده مفتري = ما البنت هي وامها ويش ايسين
والقاعده ذي جري فيها جري = والله يعلم من المتسبيين
من بعدها حطموا عدة قري = وين العرب وين عاد المسلمين
بوش انتهازي وابنه عنصري = حط الدول كلها له خاضعين
والشرق لاوسط حرق وتدمري =ولا معانا قوى مستنكرين
ووافقوا عل الهجوم العسكري = ذي شيب الطفل ببطن أمه جنين
وهدموا القدس كم تحته سري = بيت النبوه وبيت المرسلين
قالوا أسامه السبب والظاهري = ذي دخلوا الخوف قلب الامنين
من ذي تدينه ومن ذي هوه بري = باللاه قل لي صراحه من تدين
ياليت انا ونت ولا واحد دري = ولا معانا قوى للمعتدين
وعادنا احزيك من بازل سري = حارب بقوه جيوش المسلمين
ما بين لحظه طلع ونذا بري = ومسكنه في رياض الجنتين
من دون لاتاب ولا استغفري = ولا لربه يصلي ركعتين
من الثلاثين ذي اتبشري = بجنة الخلد بين الصالحين
ختمتها بالشفيع المنذري = وخاتم الانبياء والمرسلين
صلوا معي كل ما القارئ قري = على محمد أمام القبلتين
@@@@@@@@@@=@@@@@@@@@@
جواب محمدالمحبوش=
محبوش عزمه نوي به وانبري=يالهاجس ازجل معي اللحن الشجين
وبدء ذي بدء طيبت خاطري=في اتكالي عليه المستعين
والحمد له مالسحايب تمطري=حمدا مدى الدهر سرمد كل حين
خلق وزين بعين الناظري=ماهي سوى بالبصر للمبصرين
كل من عليها يبجني ماذري=منهم سوياً وفيهم ضآلين
بعث الينا البشير المنذري=صفوت عباده أمام المؤمنين
شفيعنا يوم ضوءه زمهري=لاينفع المال به ولا البنين
حدفي رياض النعيم استبشرى=واهل الظلاله بحزب المُهلكين
صلاه تغشاه ما دمي سري=بالقلب ينبض على مر السنين
هابعد ذلحين كالغيث امطري=ياهاجسي والحليله واعتنين
دام الشرف خصني عن محوري=وان كنت محتار ابدع له منين
كل الدُرر قد جناها العامري=ومطلبه جيم في توضيح سين
عساه يقبل حصيلة جوهري=بقضيه جانب وببقاء له مُدين
يامرحبا ضيف شرف مسمري=ذي رحبوا به جميع السامعين
يملى القُعيطي وحد الحوثري=وازن ثمر ذي لها الحصن الحصين
حطيب رحب واهلي ومعشري=بابيات شاعر باقواله رزين
الشوبلي رحبت والداعري=وسهلوا بالمسنّد والقُرين
ذي يكرموا من وصلهم دافري=والعامري من خيار الوافدين
قلت اطلب الاذن بصعد منبري=اتلي خطابه وما قاله يبين
اجهر بقوله عن الوضع الزري=وما خفت من حقائق ينجلين
في وصف مُحكم يفوق البُحتري=كل من سمع قال فوق المفرقين
ونا على الرأس سيته مُشقري=وواجب اهديه زهر الياسمين
ومن عسل شرع عاده بكوري=عزيز من عزّه الله مايهين
عن وضع مؤسف بلدنا يعتري=وللاسف كلنا متفرجين
زلات امسي ثمنها حاظري=ذي طيّروا الماء زياده عالطحين
بياع ظالم لاسوى مشتري=ليته حفظ رُبع من رُبع الثمين
حتى الوعاء باع ذي فيه الذري=ولا مضارف بقيه له وطين
وما سلم من طوارف مطحري=كن عادهم بي وبه متربصين
واصبحت عاري وهادم مجدري=وذي معي من سبار اتلتلين
في ثوب بالي منتف مُهتري=ووصمت الذل بانت عالجبين
ووالي الامر كالعاده ضري=يرتاح مادامنا مُستضعفين
يُنظر الينا بنظرة مُزدري=ولا يكافي سوى للمرتشين
جنب الطري كوشوا عالجنبري=وجففوا منبت ارض الجنتين
من ثروت الشعب كم فاسد ثري=من زاد فُسده تعلا منصبين
لو ينقلب حيد شمسان اصفري= والنفط يجري كنهر الرافدين
في ظرف اعوام برضه تُهدري=والفقر له باندوام منتمين
من ينتقدهم يقولوا عنصري=خرج على ملة الحقّ المُبين
واحزابنا حين مروا بلفتري=خرجت من عندهم صفر اليدين
كم لي بعاين لهم في مجهري=ابليس جالس لهم مُدبر قرين
من محوري لامشارف مدوري=وشيخ حده ترشح بالدرين
صيني عسل في دباب المقطري=لاجنب مطهر وبه شبضه عجين
خلطه عجيبه تزيد مضجري=نقطه مع العين ون العين غين
ووضع لسلام ماهو ذي تري=تُنسب له افعال منهم حاقدين
خطط لها من قبل مستعمري=احفاد خنزير صهيوني لعين
والله ودينه بما يحدث بري=ذا باختصار الخبر علم اليقين
لاتستمع من فتاوي الازهري=ذي هونوا نصر رباني مبين
من اجل بغداد رادوا تؤسري=والقيد يبقى لاولى القبلتين
واللغز لاتحسب اني عبقري=من ذي بزهده بلس بادل بتين
لكن ملزّم بجبر العامري=عن ذي يحارب جيوش المسلمين
وجدت (حصرم) بآخر دفتري=نال الشهاده بنطق اشهادتين
انوي بما انوى وختمها بري=من قبل يسجد ويركع ركعتين
والمصطفى في منامه له رئي=انه بيسكن رياض الجنتين
واحزيك من بنت تلبس فنجري=لباس خادع وهو كالف ثمين
كم ناس من كذبها به سكري=وكم خزي من وراها اتبثخين
في طيشها ما بتحسب صيفري=وعمرها قد تجاوز لربعين
ذا ماتيسر وبطوي محضري=وصفه بوصفه وحاذر يرتكين
ختامها بالشفيع المنذري=صلاه تغشان مني كل حين

[المحبوش]

بدع محسن ثابت العامري=
قال العامري قلبي تذكر = ليالي الآنس وايام المسيره
فلا ينسى ليالي خور مكسر = غبوني واكريتر وين سيره
وما ظني حدى ينسى كريتر = ولا ينسى شواطيء حيد صيره
ولا ينسى جبل شمسان لعصر = ولا كثر البشر ذي فيه سيره
من أول كان فيه الموت لاحمر = ومخزن للقنابل والذخيره
وقعتي ياعدن في يد لغور = واصبحتي بيداته أسيره
وقد كنتي مقر الزحف لاحمر = وعاصمة الجماهير الغفيره
بأرض الله كنتي خير بندر = وسميتي عدن صقر الجزيره
لعى ميناء بها ولعى معسكر = ولا قائد فئه ولا حظيره
صلاح الدين قد ردوه بنشر = واما الفتح باقي به شريره
الآبه عل الجنوبي ذي تدهور = واصبح في الشوارع كالدهيره
ولا بيسمع سوى ولعى بيبصر = وهو قد كانت اعيانه بصيره
وجالس عل البلاطه فوق مرمر = وبعد الحلو يطعمها مريره
لمه من قبل ما قايس وفكر = وشاف التاليه وينه مصيره
ولًد ما بين ستعشر بيقهر = ولو بعده بشر قوما" كثيره
غلط ما حد يثق بالشخص لبصر = ولا يمشي في الليله القديره
تناسوا كلهم مدرم وعنتر = وكم من جيل ذي قاد الصديره
وذلحينه عسى الرحمن يستر = لعى تقبل لنا اليد النكيره
وعمر اليافعي ما قد تغير = ويده دائما " ما هي قصيره
ولا شي بالمبالغ قد تأثر = ولا بالعيب ما يسمح ضميره
شهد لليافعي لودر وخنفر = ومن ردفان الى لحج الخضيره
رسولي قم صباح الخير بكر = وسر لك دائما " هرشه وسيره
رسولي شل خطي لكن أحذر = على اي انسان لاتبين سريره
وعل المحبوش في الفرزه تخبر = وباتلقى أحد يعرف مصيره
سلآم الآف للمحبوش واكثر = عدت ما النحل للمزهار طيره
وشل العطر ذا والعود لخضر = معك لا شفتها ليله نويره
وللنادي تحياتي مكرر = وللاعضاء جميعا ولًمديره
وقل شعب اليمن كله مكسر = وباق به ذلحينه ذريًره
متى بايعلنون الله وأكبر = صباخ الخير ولا بالظهيره
عسى الله بايسيل الدم لحمر = يسوون أعشره داخل حفيره
وبالمحبوش يافع ما تدًور = وبيعرف للصغيره والكبيره
ولا تقول أن بن عامر بيسخر = وسوى من الشعيره ذه بعيره
وضعنا عند لاحمر عند لصفر = ولا نعرف سعيده من سميره
كفايه وان بن عامر مقصر = توضح لي ومش يدي قصيره
صلاتي كل ما شمس ومثًر = عدت ما ردت الفيئه نشيره
على المختار ذي به ضوء نور = علينا ليلة أ تسمي نويره
@@@@@@@@@@@@@@=@@@@@@@@@@@@

جواب محمد المحبوش=
بذكر الله ابو يحيى تيسّر=وسأله لي ييسرها العسيره
ونا سأله بذاته ذي بينظر =علينا دون ما بسهن لغيره
ليالي حالكه تنذر بمُنكر=بشهر الخير وليام المُخيره
به المنكر بيتبجح ويجهر=ونامت به ضمائرهم غريره
عسى بالشر يهلك فاعل الشر=ويمحقهم وفي ظُلمه غديره
وصلى الله على الخير المبشر=وختم الانبياء نور البصيره
شفيع الخلق يوم البعث والحشر=عسى نصبح معه صحبه وجيره
وذلحين مع من حب نسمر=معه بهرش على نفس الوتيره
وصلني خط فيه اللول والدر=بلغ علمي ونود في عبيره
ونا بارد له بالدُر جوهر=كفا للاوله هي والاخيره
الا يامرحبا مالرعد زمجر=وصب الغيث من مزنه مطيره
وما السيل اندوع واقبل مدفر=ومن بعد القحط تصبح خضيره
ومن حلوا بنادينا الموقر=تحيي جيد ما يوجد نظيره
بمسك العامري ذي جاء وصدر=بنيه صادقه وانقى سريره
بشوفه في عنان الجو شمر=مع من شمر اجنحته وطيره
ومن ضيقه ابويحيى تكدّر=وخلي العقل من همّي بحيره
عسى مالك عدوا يالُحر يؤمر=ورحنا لك سند واحنا العشيره
ولك في سروحمير حين تذكر=وبالتاريخ لك خيرت ذخيره
ومن تاريخ له ساطع مظفر=له الحاظر مكانه به جديره
على وضع البلد يامن تحسر=ومن كان السبب بسمع شخيره
فلاتندم على ماقد تودر=فله يومه سيستحضر نذيره
فلالك شي بهذا الآن مضطر=قفا الجمال ماضيع بعيره
يقولوا غلطة الشاطر بتعشر=ولا ظالم تأنب في ضميره
وماضي الحزب مابه خير يُذكر=لانه من جعلنا له عقيره
قفا ما شرّخ اقماعه ووقر=وارخصنا في بيعه شهيره
وشجّر للحدا لحمي وودر=وحبّ الشر بايصبح نصيره
وسلمنا وطن هالك مشطر=وعاده ماسلم حتى جفيره
طلع بالون باحلامه تبخر= ومثله لاوقع ماحد يجيره
وله منجز وبه لليوم يفخر=جعلنا كلنا تبعه فقيره
فيبن العامري من اخ اصغر=تجاوز من حوشنا بالحضيره
ومن كان السبب في وضعنا المر=وذي ختم خواتمها الحقيره
وذا ذي خط ابويحيى وسطّر=وبعد الليل بايضوي هجيره
ولاداره بك الدنيا بها قر=وعاده ماوصلنا للكسيره
وقالوا من توقع ماتعثر=وقسمك من قسى الدنيا نزيره
وعاين كم عبر وانته تعّبر=سُعد من عبرته كانة بغيره
فلاحد من بلا داره بيظفر=عسى الرحمن يجنبنا سعيره
ولا تأسف على واقع مدهور=وغير الله لاحد تستشيره
ومن بيده لحقاته يودر= ازاده لا لقيها في صبيره
ونا سأله بتيسير المقدّر=ورفقه بي بليام الضريره
ومركبنا يصل لاشاطئ البر=ويصلح من يقودون المسيره
وصلوا كل ما هلل وكبّر=على من ارسله ربه نذيره

[المحبوش]

بدع من كلمات الشاعر عبدالله دهوّل=

يقول عبدالله احمد هاجسي صرح=وقال ماعذر مازاور اخو صالح
من ساير الجيد لايندم ولا يضبح=وخاص من هو على الناموس بيكافح
هابعد ذلحين قم ياعازم اتصبح=وشل مكتوب ذيبه كل شي واضح
لايد اخوصالح المحبوش لوتسمح=ذي مايجيب الكلام الحارق الجارح
وخذ معك عطر غالي محسنه ينفح=وباغة الورد ذي بازهارها فاتح
سلام مني على الجيد الفتى لشبح=ماشن ماطر على حربوب والصالح
ايضاً سلامي على صالح ومن صلح=ووالده لولمحته عندهم صافح
شل الهدايا الثمينه عندهم واطرح=ماشي خساره وظني عادنا الرابح
محمد الجيد ذي في كفته رجح=لااتخبرك قُل حُمد ياصاحبي ناقح
والآن ياصاحبي شفني عجل بسرح=ماهل بقيت اسألك حرفين يافالح
سمعت قالوا طلعت اليوم عالمسرح=من دون تحسب حسابك ويش بتناطح
المحترم لو سمع ذلقول بايقرح=وبايخليك تطعم كل شي مالح
لاتجرح المحترم بالله لاتجرح=انسان فهمان باعلا مستوى ناجح
ويعجبك بالمجالس حين يتفصح=كم سير دورات في عدة دول سايح
هذه حقايق ونا ماكنت بتمدّح=ون ماتصدق بذه لقوال باطارح
وناس من ناس لايفرح ولايمرح=ولااقبل الضيف عنده سبّر الصايح
عمك محمد بدع ذلحين يتشطح=من كثرت المدح صدق كفته راجح
سويت له ناصفه بالطين والمطرح=من حق من وين عقلك قلنا سارح
وانته بذالصوت ذلحينه بتتفرح=نصبت ذي كان يمسي للفول شارح
لنته بتمزح بهذا الامر لاتمزح=راجع حسابك ونا با اعفيك واسامح
لوخطك اعوج بسيطه شطبه وامسح=يكفيك ياصاحبي سهرتني البارح
لاتنتحي نحو ذي بيبيت يتأجح=ولاتحرش عباد الله عالكادح
ماشي معي بك سخى تنهد وتتأوح=ونا وياتك بناكل كل شي ناجح
ذكر النبي مارعد راعد وماسبح= وانزل الغيث يروي الضامي القالح


@@@@@@@@@@@@@@@@=@@@@@@@@@@@@@@@@
جواب محمد المحبوش=
ياهاجسي فيك ابويحيى بيتسلّح=والسيف بايدي ونا فوق الفرس جامح
ولا علي دين مابهمل ولابسجح=ما ارتاح الا قُضي بالحال واتبارح
واليوم دهول باخباره بيتنقح=جوده نصايح ولاعندي بتتقارح
باقول حيا بمن قد شرف المطرح=حيا على رأس اخو صالح وابوصالح
والعطر ذي ارسله شفته وزيد افرح=خلى ثيابي بعرفه بالشذى فايح
حتى ولاهو هجم له قصد يتمصلح=على حسابي هجومه ذي بداء كاسح
والاكل ليته نجح ذي كد لي واملح=يمكن معه شرك من ام اعشره جادح
من بعد رفع العتب ملزوم له بشرح=والجيد منهو على الناموس بيواتح
عساه يوصل جوابي له وهو مصتح= وفرصته ذي منُح لي مثلها مانح
سألتني عن طلوعي اليوم للمسرح=وانته بجدك بتسأل او فقط مازح
شفتك الى حال واحد بس بتنشح=من دون تمييز للصالح من الطالح
يمكن بياني سمعته حين ما اتصرح=ساويت بين البلس والدوم بتناضح
اما البناء لاوقع شماذ وتشربح=والوعد ذي جيت به ماهو معك سانح
من بيننا البين بتفارع وتتفرح=واقبلت لاعندنا واعض وبتناصح
ماشفت حد من دهاول يوم بيسبح=ولاحدا يوم لبي لاسمع صايح
واهل البيوت الكبيره حين تتنقح=وكلهم ارتووا القافيه من سافح
ومن غلط مننا اخوه بيصحح=لان الخطاء لا استمر بالوقت يتلاقح
لاتحسب ان لي هدف مقصود به بطمح=ماغير بجنح لباب الخير به جانح
والمحترم مابيسمع هرج من وقح=ذي يوم عيده متى ابصرنا بنتلادح
ون شفت بعض الخلل لابد يتصحصح=ويش اكلفك بيننا تدخل وتتكاشح
وقول ابواحمد باوقات الحوا بيشح= ياليت به طعم او في ريحته نافح
وبيذكر الجيد ابوقاسم وبيلمح= لما الكبد وجعه من سبته طافح
لكن معيا جبل ماشي بيتزحزح=دهول بيذرا بتربه يابسه مالح
بايرهبه لا التفت نحوه ولا اتنحنح=والمدح مافاده الممدوح والمادح
وذي رفعته وسيته سمحت المسُنح=بخاف لايوم له باتصبح الذالح
لاتحنبه بالزرب بالصوت ذي تشوح=مهما اختلفنا بنتصالح ونتسامح
بهرش على هرشته نمشي ونترتح=ياذي بتسعى انا واياه نتجارح
نصيحتي لاتزيّد قفز عالمشجح=والردع رادع معك جلعابك القافح
والمحترم عاد له عرقي بنا يرمح=ون صدقك بقطبه لاقام بيلاتح
والقول من عندابوقاسم فلايكبح=لما فطن مقصدك يالشاكي النايح
بضاعتك بايره بور بها مصلح=والربح فيها عسى شاتولد الصادح
والشوك ذي سيت من كليبه اتبردح=حتى ولا رأس ابو يحيى بيتوازح
دفست كل الحفر وازيد واجبّح= وانته بعقلك تبصّر قبل ما اتكاوح
وختم كلامي بمن بالجنه اتبحبح=شفيعنا يوم به خاسر وبه رابح

[المحبوش]

الشاعر..محسن ثابت العامري=
قال العامري عل الجبل = جالس فوق شامخ نهيل
ما ظني حدا بايصل = ذا من سابع المستحيل
والغلطان لو ما اعتدل = باقديه بيدي صميل
وأدق الجبل بالجبل = ماشي عاش يافع ذليل
يافع فيه كم من بطل = يشهد جيل من بعد جيل
يضرب باهل بافع مثل = ماشي لاهل يافع مثيل
ان شي له بيأخذ قبل = وان عنده يكيل ويستكيل
ما هو مثل ذي قد قتل = يحضر عند نعش القتيل
سيت السمن فوق العسل = ون ماحد ذكر لي جميـــــل
من ساير رذيل ارتذل = واصبح شخص مثله رذيل
حيا هاجسي ذي وصل = لا عندي بيــهشل هشيل
قال ارجوك فك الكسل = عادك تصنع المستحيل
يدعي لك بحسن العمل = وا يجعل زمانك طويل
تحقيق الامل بالعمل = ما هو شي بقيلة وقيل
قلت ارجوك ما قل دل = على الدنيا معي دليل
ما باسي بظهري مدل = شف طبعي وجدي اصيل
طبع اليافعي ما يذل = من حاشد ولا من بكيل
او بيجس تحت الرسل = يافع طول وقته نبيل
ياسيار لا تختجل = ما ذلحين شد الرحيل
عند الهرج كن معتدل = وعبر لك بخط السبيل
على المحبوش باتتصل = قد رقمه معك بالدليل
دكانه ورقم المحل = اوبه عند غيره تميل
بلغ له سلامي دبل = من عندي وشكري الجزيل
ما مزن السحابه هطل = من وادي لوادي يسيل
لتخبر عليَ أو سأل = قل له صاحبك ما يميل
والمحبوش ساعة تصل = بيرحب بمن جي دخيل
يا محبوش زاد الملل = في شعب اليمن والكليل
هل هو من توكل أكل = ويخون البلاد الوكيل
يا المحبوش باريد حل = للمسكين ذي هو عليل
وايقنع على ماحصل = ذي سرمد ورزقه قليل
شلوها البنيه قبَِل = والدمعات منها تسيل
خلوها بشهر العسل = ترقص عاريه بالحبيل
يا المحبوش قال المثل = ما شاجع بيرجع ذليل
ماشي بالمحبه زعل = او رغبه تقع بالصميل
بختمها بخيرة رسل = في ذا الشهر شهر الفضيل
شهر الصوم لناس هل = ذكر الهاشمي والخليل
شفني احزيك واريد حل = من بكره امامك ذليل
بتوديك حيث تصل = من خط الطرق ما تميل
با تعطي اشاره عجل = لو شفتك تميل قليل
بكره دائما ما تمل = او تكذب من المستحيل
@@@@@@@@@@@=@@@@@@@@@@

جواب المحبوش=
سيل العامري احتمل=من اعلا غممها يسيل
للمحبوش قوله وصل=قلنا مرحبا بالاصيل
من بعد الكسل والملل=نشطنا قدوم الدخيل
اكرمنا بكرمه جزل=والمحبوش ماهو بخيل
يبن العامري بالمهل لاتكرم بشد الفتيل
رع قنته معيا الوسل=شف عاد المراحل طويل
ماحد في يُفاعه فسل=لاحنحن برعده سُهيل
شف عاد الجبل له جبل = من فوقه وتحته نقيل
والحيد العجي ما ارتقل=شامخ جيل من بعد جيل
ون به جرح مايندمل=الا لرتوي السلسبيل
والتاريخ به نستدل=فيه اثباتنا والدليل
والواقع بصدقه يدل=مايشفا لشاني غليل
لكن قولنا المعتدل=يهدينا لخير السبيل
بزقر في خيوط الامل=وتخف الحمول الثقيل
والحاصل قده ذي حصل=ذا واقع ولا له بديل
ماتنفع دموع المُقل=في شعلان اوبن شُعيل
ونسى ذكر من بالقبل=شف قولي وقولك جُليل
والله ذي بيده اجل=يمحق او يضلّ الضليل
ياجمال ضاع الجمل= والتمرات من عالنخيل
وانته نجم فوق الزُحل=من خيرت سُلاله سليل
واحذر من خلل او زلل=لاتخلط لحنضل وهيل
لان الامر عاده جلل=واصل والحموله ثقيل
والانسان لاقد زجل=مابايصبح النمل فيل
والاخيار منذو الازل=ماشراً لهم بايزيل
والحاذق فهو من حسل=ماطيّر لهن بالحبيل
لان الخيل لاقد صهل= ويله من بجوعه هزيل
من بيده دخل معتقل=زاده في مثيله قليل
لااتمثل ولم يمتثل=عاله دون ماله مُعيل
يستاهل لطعن النصل=ماكاله فبه يستكيل
ذا ردي لكم في عجل=واتمهل معي يازميل
لان الكُرم فيه الملل=لو نكرم بقيلاً وقيل
والمحزاه فيها جدل=تترهمش لكثر الغسيل
واوجدنا لها ميت حل=منها الجاسره والدقيل
مثل البوصله تتصل=ترشد كل منهو ضليل
لاميل وهو يرتحل=يتبعها ولابايميل
ختمنا بختم الرُسل =ذي يشفع بيوماً مُهيل
عالمختار وانته تصل=وعاصحابه ومن له اهيل

[المحبوش]

قصيده بدع من كلمات بيرق السعدي=

البارعي قال ياشاعف مطر مرشـــــوش = رشرش بلادي وخل الواد مرشوشه
لني بشوف الجرب والحيد بك معطـوش = والبن لحمر عطش للغيث معطـوشه
يلله بماطر سخي تنعش به المنعــــــوش = والنفس بعد المطر ساليه منعــــوشه
والان يامرسلي بالخط للمحبــــــــــــوش = بلغ سلامي عمايم اهل محبـــــــوشه
قله طريقه درر والورد به مفـــــــــروش = ودار بن سعد للمحبوش مفـــــروشه
بالشعر بارع ونا سيته على الطربــــوش = من فوق راسي مكانه مثل طربوشه
اذهلني الشعر خلا هاجسي مربــــــــوش = والذاكره بعد شعره شبه مربـــــوشه
ذي ما معه قلب بايطلع وهو مرعــــوش = والقلب فازع هلع والكبد مرعــــوشه
لانه مضلع عطش من داخل المطــروش = والزان في داخله حاميه مطــروشه
هذي الحقيقه ونا باقول بالمفتــــــــــــوش = لاحد يغامر اذا لعصار مفتـــــــوشه
اسمك له العرش من فوق الجبل معروش = ونغام شعرك قوام الساس معــروشه
اسمك بيافع على عالي ثمر منقــــــــوش = وفي صدور القبايل محبوش منقوشه

@@@@@@@@@@@@@@@@@@@@=@@@@@@@@@@@@@@@@@@@@

جواب المحبوش =

اليوم بارق من القبله وصل بينوش=وراعده بسمع الحنات مرجوشه
ياليلة الانس حتى للكبد متروش=بعد القحط امطره وتبيت مهدوشه
والفيل اصبح بيذلح بالصفا دردوش=والارض مرويه مصتانه ومبطوشه
وزاد جاء خط من شاعر حنش لحنوش=يملا به العين وتغطيه ارموشه
من خاصمه دايما بيقع على الدرموش=ولابضاعه معه بتكون مغشوشه
ولا تكلم تنظم في ذهب وقروش=جميعت الناس بالاعجاب مدهوشه
حتى ولاكان زيّد مدح للمحبوش= الله يصونه بن السعدي وطربوشه
واليوم اصبح معيا ضوء في الغبشوش=وخصمنا بايحصلها بدرموشه
يدي بيده ووجهي مبتهج مبشوش=مالي ومال الذي معبس بغرغوشه
الحق دايم على الباطل هو المنبوش=اما الضغاين معاها ناس معشوشه
يابيرق اليوم حانة ساعة التجهوش=خذنا الوعل بعد ما خشش بدخشوشه
بالحرف ذا من يهادشنا هو المهدوش=بعض القوافي بها الشُعّار متروشه

[المحبوش]

قصيده ( بدع )للشاعر محسن ثابت العامري=

نبدع بك ادعيك يامن بالعباد ازهد = يا معتلي عل الوجود
يارازق الطير لعجم ذي عل الغصن غرد = يسرح بباكر عمود
يا خالق الناس كل انسان عمره محدد = يعيش في ذا الوجود
ولا يأخر ولاحتى دقيقه يزيد = معدود وقته عدود
وأستغفر الله وأقرأ قل هو الله احد = من كل عين حسود
وأعوذ بالله من الشيطان وابليس لمرد = وكل من هوه حقود
يا مرحبا هاجسي جاني على غير موعد = ما يختلف بالوعود
وقال لي هاجسي ارجوك يابومحمد = أوبه تثق بالعنود
واحذر من الوقت ذي قدام عينك معقد = كم هيه أوادم شرود
وقلت ياهاجسي باسيك في خير مقعد = بين الحمى والبرود
يقول ابوفضل رجليني وساقي مقيد = وأيش آيفك القيود
والباب مغلق أمامي والحراسه مشدد = سوو العساكر زيود
ارض اليمن كنها بتروح من يد الى يد = باقي معانا ثمود
ماسي كذا لا الامام يحي ولاالبدر أحمد = ما فرطوا بالحدود
تي مثل ذي سي علي وقع بيده وحدد = مع الملك بن سعود
واليوم سوي علينا درب مبني مشيد = سدوا المنافذ سدود
باطل علينا من أمريكا وبوش المشدد = وشارون جد اليهود
من بعد بغداد معاشي عروبه مؤكد = الشرق لاوسط رقود
ها بعد ذلحين واسيار من يافع أشتد = واسرح بباكر عمود
من مسقط الرأس حيث الاب به حل والجد = وحيث حلوا الجدود
عارف ليافع من الساحل وللعر والحد = وبكل بقعه عمود
المالكي الان هوه والقاصدي ماتردد = وقت البلا والحشود
أثنين اخوه عيال أمٍٍ ورجال واحد = سرمد الله سدود
حتي ولاحد بهم بعض الاوادم تمرد = بيلتزم بالردود
بلغ سلامي على المحبوش مني مزيد = ماحن صوت الرعود
مقدار من عند ابو لعمور بالعطر والند = وفي زهور الورود
تجمل به الاهل جمله كلهم لاتحدد = ماهز فوج البرود
لاتخبرك خابر المحبوش الله يشهد = والناس جمله شهود
ما خون بالعهد طول الوقت هذا مؤكد = ولا اختلف بالوعود
مادام نحنا بدأنا الأن بالأخذ والرد = وباستمع للردود
اللغز ذي رسلت لك حليت لغزي مؤكد = شاعر بتبذل جهود
شاعر ذكي صدق يالمحبوش باقولها جد = يا وعل بين الاسود
واللغز ذي قلت لي ذلحين الحل والرد = من جاد مثله اجود
شف مدفن الحب يالمحبوش بيفتك باليد = وبي جبحونه ردود
ذي ما يحاسب حسابه قبل ما الجو يبرد = وأيمد ضوءه مدود
ودعته الله يتوسد مع من توسد = بين الصلى واللحود
وعادنا احزيك من بكره من الحر تبرد = وهيه بتشعل وقود
واكلها ذي بتأكل سرمد الله مردد = وما أكلته يعود
صلاة مني على المختار سيدي محمد = ما امسوا وظلوا سجود
@@@@@@@@@@@@@@@@@@@=@@@@@@@@@@@@@@@@@@@

جواب محمد المحبوش=
بديت بالله ربي المطّلع ذي بيشهد=ماله مثل بالشهود
ذي لاوعد صادق الميعاد مايخلف الوعد=يوفي بكل الوعود
انا احمده حمد ماغيثه على الارض يضمد=من فيض جوده يجود
وازكى صلاتي على صفوت عباده محمد=ماتحتصي بالعدود
يقول منهو بالوقات الشدائد بيشتد=في نزلته والصعود
بشوفه العماري سيله علينا مورد=لما امتلين السدود
واليوم دينه ملزّم به وواجب يُسدد=لاعاش منهو جحود
يامرحبا مازجم رعده بصوته تحرقد=واتلاجبه بالرعود
حتى ولاكان مستعجل وطبعه مجوّد=في سرد كل البنود
لاغبت البحر طرولني ويدي مقيّد= ومامضي لن يعود
والان يامرسلي رد الجواب المعمد=من اجل نوفي العهود
سلم على العامري واعطه خطابي المفنّد=وعطر فاخر وعود
ومن حظرعندهم رشّه شمطري مزبد= وخل داره ينود
قله مقامك على رأسي وازيد مزيد=والناس جمعا شهود
ومن ذري خير بالتاليه يجني ويحصد= للخير يوم الحصود
لكن علينا تهرش بالدلى سر ورود= من اجل تشفاء اللكود
رع عادها بيننا الايام والوقت سرمد= لابد له من صمود
والدار يالعامري اصبح جذاره منعدد= لاماسلم عالهدود
والجيد منهو على اهله محافظ مجلهد= ويش اعذره من جهود
وبن اليهودي نحمّل من عليهم تيهود= لاقد بلغنا النجود
والدهر طاويه بايكشف على كل مُفسد=والحق لازم يسود
مهما يطول الزمن ماحد عليها مخلّد= ماغير ذكر الخلود
والباطلي لافرح له يوم لابد ينهد=حلّ ماتفيد نهود
ماصح باطل ورب العرش بالعرش يرصد=مهما نعاني الركود
والحق ياصاحبي يحُمى بحد المحدد=لونندفس باللحود
والارض حُبلى عسى بالخير يالله تولد=يكفي لطيم الخدود
ياكم تأجل عمل يومي ويومك الى الغد=لما اقبلينا ذرود
ووضعنا ذي تشوفه في حباله معقد= ما با يفيد الشدود
رخه حباله وبالوقت المناسب تشدد= لاقد عضين الرخود
من دون تطويل ماحاجه في الشرح نسرد=ولا لكثر الطرود
وصاحب الامر رأسه عالوساده موسد=لاتسهنه شايذود
ونصف شعبه بارض الله هايم مشرد=وذي بقوا به قرود
وذا غرابي اذا يشدو بصوته وغرد=كم ضد له من ضدود
يالعامري من عثر في مسلكه لاتكسبد=ذرفه عسى لايعود
شف عادها ازمتي ومحنتك احرد احر=والخوف نمسي الوقود
والجيد من سير في ريضه واوقات جنّد=لايكتبونه لدود
اما النصع ذي طرحته لك بحبه تقلفد=وخذت تقديرgood
راحت زمان المدافن بس لازم نجدد=وذكر عهد الجدود
ذي عاصروا وقت كلاً للشدائد ترصد=مايأكلوها كرود
بيطيروا من تعنوج بينهم او تعمرد=لاخلف سبعه نجود
وانت حازيتني عن ذي قريبه من اليد=للثلخ دار الخلود
ولاخرج منها بيذوب بالحوم يسبد= والماء بها للجمود
وازكى صلاتي على صفوت عباده محمد=ماتحتصي بالعدود

[المحبوش]

تعرضت لمقلب من صديقين قاما بزيارتي=
ولم اعرفهما مسبقا الا عن طريق الانترنت=
فحاولا الايقاع بي في قصه طريفه=
اتمنى ان تنال اعجابكم=

قصيدة اللقاء للشاعر ابو يحيى المحبوش=
ابو يحيى بحرف السين دربس=وما دام الحليله عندي امسه
وهاجس ذي معاها قد تهنجس=وراسي طاب لاحنحن برعسه
بيبنيها شوامخ لاترجس=ولامقنف شطح الا وهسه
وطاب الانس والبحري تنسنس=سبول العوبلي بديت لقسه
معي قصه عن التقدير واللبس=وكم صابت من اتسرع بنكسه
توقع قبل ماتطعم وتلحس=عسل مجهول فيه السم دسه
ومن لم تعرفه ابدع تعسس=وحتى البيض رجه قبل فقسه
ونا بالناس بستبشر وبئنس=بكمن جيد بتفائل بأنسه
على بابي معيا ذي بيحرس=مباشر دائماً حاضر بحسه
قدم جنبي وفي اذني بيهمس=وماقاله فلايحتاج همسه
فقد جاني طلب بالاسم لي بس=وقالوا اليوم للمحبوش نحسه
وعند الباب واقف شخص مشخص=وصافحته وباشرني بهلسه
ووجهه بالعرق كنه تبلهس=ورحبنا ولي ناوي بطحسه
سبقني واتبعه بعده مهبس=ونا تي كبش رايح نحو دحسه
وفي البابور له صاحب مقنبس=نزل سلم علي لكن بعبسه
فقلت اتفضلوا لاخير مجلس =كوادر داخله دكه وجسه
وماحد منهم نحوي تحمس=ومطلبهم هدوء من غير رفسه
وقلبي ابتدى منهم بيلهس=وماحد منهم عرف بنفسه
فجابوا لي طلب كني مهندس=لسياره بتسوى نصف عرسه
معه بابور يرثى له مكسكس=بلا ابواب والصدام ترسه
زجاجه ذي بقدامه مفلسس=وماتعتد من دحشه وهفسه
وصاحب صاحب البابور معبس=ونا قد صابني غاثي ونعسه
وقاتي من سببهم قد تيبس=قُطف مخصوص لي من خير غرسه
وعقلي طاس في ذلامر يدرس=ولكن ما افتهم لي بعد درسه
ولا لي في ذه المهره تخصص=كما لخشر وبيلقّس بشرسه
وقالوا انت سمكرها وفحسس=ولانشتي سوى المحبوش نفسه
وبو يحيى بوسواسه توجس=وهم يتراطنوا لخسه بلخسه
وغيضي بين احشائي محلس=وعقلي بالتلى صدق لحدسه
بها مقلب ومرسل ومندس=وتالي الليل بين نور شمسه
وقلنا التاليه النفس بالنفس=وشرع الدهر دقسه بعد دقسه
ونا اتأكدت لما كثروا الهمس=وهذا يبتسم من تحت ظرسه
وبعدا قلت انا ذينا بخنطس=بكلم ناس ماحد فيه لُحسه
ولكن الفرج لما تبهسس=وكل الامر اتبدل بعكسه
طلع ذي الف القصه وهرمس=ونا قد كنت من غيضي السه
طلع لي الملجمي المرهف الحس=وبو نوره مع رمحه وتُرسه
ولم تطلع بضاعه سعرها بخس= ولو فيها حصل بقصه وملسه
وتمت فرحيتي في ليلة الانس=معاهم واجتمعنا خير جلسه

[المحبوش]

بدع الشاعر عبده اليزيدي =

يالله يامن على العرش اعتلاء= سهل اموري وجرني الموبقات
وغفر ذنوبي يوم للقبر انزلاء =ادعوك يالله سا لك بثــــــــبات
والفين صلوعدماالنوب ازجلاء= عالمصطفى صل يامسلم ميات
قال اليزيدي اح من بين الكلاء=من باطل الوقت شمتنا شمــات
شعب اليمن كم تحمل من غلاء=والفقر يئتيه من كل الجهــات
والسبه الوالد اليوم اهـــــــملاء= بيته وماشي تعبر لــــــولات
والحاشيه ذي معه اكبر بـــــلاء= بتقودنا قود نحو الهاويـــات
خايف يجي يوم يشبه كــربــلاء= ما تسمع الا صياح الامهات
يامرسلي شل خطي عا جــلاء= لا عندمحبوش سلم بـــالميات
لتخبرك قل برق بارق عـــلاء=شمسان والرعدفي صنعاءيبات
وتغير الحال من اسواء الاء=اسواء وعاده كل يوم اكبر شتات
منين عاده يقع فينا ســـلاء = والشعب مسكين فيه الموجعات
عا لمنبر الوالد اصبح قايلاء= ضد الفساد الاداري والرشـــــات
كلمه نطقها صريحه عالملاء= من دون تنفيذ صـــبح حيث بـــات
لا بد من ليل اسود ينــجــلاء= والناس للارض تتغير فــــئــــــات
والفين صلوعدماالنوب ازجلاء= عالمصطفى صل يامسلم ميات
@@@@@@@@@@@@@@@@=@@@@@@@@@@@@@@@@@

جواب المحبوش
يالله سالك تيسّر مدخلا= والامر لك ماتقدّر مُنصفات
نسعد بسعدك وتبلي المبُتلى= ياعالماً كل ماهو بالنيات
ونا احمدك بالرخاء او بالكلا=مادام قلبي بينبض بالحياة
يقول محبوش جاني هاجلا=ذهّن عيوني من بعد السُبات
وضيف غالي لداري اتوصلا=بشم ارياح لكن عاطرات
حّياه والقلب سيته منزلا=والذات دايم بتتلبى بذات
من حيد عالي بجوده ممتلى=وكمن اشبح بيفدونه حُمات
ياالف مرحب ومثله مسهلا=بابن اليزيدي سنيدي والسلات
حتى ولا الجو مُلبد ما انجلا=كان المنى شي صوّر به صافيات
حتى ولا زدت نار الهُشلا=مابا يبانين برضه واضحات
والرد بارد لكن بالدلا=بعض المقاييس ماهن وافيات
وعادها للبدايل بُدّلا=شُلّ الرّطب وانتبه لي عالنواة
يبن اليزيدي قدك ذيب الخلا=شفها رده كم بتتبعها ردات
شعب اليمن فوق صفعه ترقلا=مايعرف الا السنين المقفرات
قده منظّم مُبرمج عالولا=لمن اذاقه صنوف المنقصات
ووالي الامر ماهو يجهلا=ماباقي الا يُصدق بالنيات
لوهو يريد البقاء له في العُلا=فوق الغمم ذي بتشمخ راسيات
بيكون في المجد وازي مندلا=حكمت يماني تداولها الروات
لاني بشوف السفينه مُنخلى=ماتحتمل للعواصف قاصمات
وكُلنا فوقها والدُخلا=اشباح واقرب لتصنيف الرُفات
وقسم يعُطى ومُعطي مجزلا= والاقلبيه بيتباهوا حُفات
ماباقي الا قدوم الازولا=حتى ولاشي بها قارب نجات
ياليتنا كنت من تحت الصلا= من قبل انهد على عصر الغُزات
من وضع مخزي واصبح مُخجلا=اسم اليمن تحت كُلّ التسميات
والشعب خانع حيلّهم تُنطلا=والويل عاده لنا بالمُقبلات
لما بصفقّ لمن بي نكلا=ذي مصّ دمي واعطيني الفُتات
قطبني السوط وجسمي ماحلا=والله مايرتضي بالمُنكرات
واعلام تحصيل قوله حاصلا=مايتقن الا يصيغ البرقيات
الكون يُعلى وارضي تنزلا=وبوق كاذب بيسرد منجزات
يامن بتعلى على كُل من علا=يامن لك اركع واسجد بالصلاة
ضربه من الحق تبليهُم بلا=اخوان ابليس واعداء الحياه
يامن بتمهل ولاشي تهملا= الحٌكم لك وانت عالم بالنيات
هذا جوابي ولا هو المُتلى=قطره وصلتك من نهر الفُرات
ذكر النبي ما المُرتل رتلا=آيات من عند ربي مُرسلات

[المحبوش]

هذا البدع من كلمات الشاعر عبده اليزيدي=
وهو مرسل الي الشاعر محمد المحبوش=
دعيناك يارحمان يافرد ياصـــمـــد = ويامن لداعينا بتسمع وتستجـــيـــب
يالله يا سامع دعا ئي فلا احـــــــــد= يفرج همومي انت عالم بنا رقــيــب
لك الحمدمالمزان تمطرومارعـــــــد=-وماسيلت لشعاب بالوادي الجديـــــب
وصلوعلى من لانبي بعدهويجـــــد =محمد رسول الله ومن هو لناحبيـــب
يقول اليزيدي كم صبرناعلى النكــد=ون النكدخيم على شعبنا اللـــــبــيــب
عسى الله يخارجنا ويهدي ابوحمد =من قبل لا نوقع بدوامت الصلـــيــب
لان الزمن قدار والبحر مابعــــــــــد=وجسرجوي ذي بترمي حمم لهــــيـب
على سفح صنعاءبات في ليلةالاحد=يغني مع السمارفي لحنه الشــــــجيب
فلابل ذي يسمر ولابل ذي رغــــــد=كلا هم وسط مثني من البردوالضريب
وياكم شكاوي كم سرق داخل البلـد=يبيتون يا ليلوه للــــــحــق يا نــهيــب
ليالي عصيبه ليت لاعاد حد يجـــــد=ذئابه باغابه بينها البيـــــــــــن ياخليب
وحد يعصر الجلجل وحديكسرالحود=عجين اعتجنا ما عرفنا من المصيـــب
وضاقت بنا الدنيا وكم قلبي اكتبــــد=على دارنا يارب فرج على الكئيــــــــب
متى يسعدالمحبوب في يومه السعد=متى تحتظنا ارض بلغيس ياطبيــــــــب
ومن بعدياعازم بالخطي معك تـــود=لمحبوش نعم الاخ والشاعر الاديـــــب
وطيب ثيابه مسك صافي اذا قعـــــد=ومن حل داره طيبه احســــن المطيب
لتخبرك قل له فعه داخل النــــــقــــد=بتلعب بنا لعبه وهي من وراءالزريب
وحد جهز النمشه وحد منها ابتعــد=وحديمسك الاطراف من الذيل ياقطيب
قلنا عدن تفرح وافراح للابـــــــــــد=ون عادها هيويت بلغيس يا نحــــيــب
حمدناه حمدآ كل ما العبد له سجـــد=وما لملم الجاهم على الارض ياخصيب
وصلو على من لا نبي بعدهو يجــد=محمد رسول الله ومن هو لنا حبيــــب

@@@@@@@@@@@@@@@@@@@=@@@@@@@@@@@@@@@@@

جواب المحبــــوش=
يقول الفتى المحبوش بالواحد الاحد=بحسبه وتحسيبه وهو الحسب والحسيب
بأسمائه الحُسنى وافيه بالعدد=ومن قال ياواسع في الجود مايخيب
له الحُكم والتدبير ماراد لايُرد=ولاعننا غافل معانا فلايغيب
على العرش والكرسي تفرّد بلا ندد=وفي قربه الاقرب من كل شي قريب
رفعها طباقاً جلّ شأنه بلا عمد=وبالمُلك هو المالك بملكه بلا ربيب
مُغيث الخلايق منّه العون والمدد=بيسمع شُكى الشاكي ولاغيره المجيب
وذلحين يلهاجس عسى في امل تهد=سباتك عليا طال لما متى المغيب
وعيني تعاني من جفاء النوم والسهد=من الوقت ذي خلي به الطفل بايشيب
ولي مطلبي عندك بتنشدك ترد=وتأخذ معي من بعض ذي المُرلك نصيب
فلاخير في صاحب عن صاحبه شرد=وقتله وجب لكن معي مصرعك ذنيب
فقال السكوت اليوم من يلزمه سعد=وتسعد بسعده والرضاء لك من المُهيب
وقول الغُثى لازاد بالتاليه زبد=بيكمل ويتلاشى من كثرت السكيب
فياكم شدائد عشتها قبل ذه الشدد=ولعصاب ماتحمل في وقتنا العصيب
بشداتها بشتد لكنها الاشد=تخطت خطاياها على كل شي مُصيب
وذلحين جاني خط ملزوم له برد=ولا(سين) الا كان له (جيم) به يجيب
فياعازم احمل ماتيسر لنا ورد=لابن اليزيدي من قعيطي سكن حطيب
سلامي لهُم مارفّ بارق من المهد=ورعده زجم والغيث تكرم مطر خصيب
وقله شف الزانه ذي جودها ردد=ببندق مصدي مابتقرح ولا تصيب
وسكين قد كمّل من كُثرت الحدد=ومخزان فاضي لاتطلب بها زبيب
وكبره بلا اظراس قالوا عسى تلد=وواحد معه محلب بيطلّب الحليب
فمن ذي بيسهن خير من مامعه يجد=بتفطن بقولي ياليزيدي قدك لبيب
فلا الوالد اتحمّد ولم يقنع الولد=فنا ارتاب وانت ارتاب من امره المُريب
ولاتنتظر رحمه من عند مُستبد=فقد طالت الخطبه يهوين عالخطيب
ولاتنتظر شي خير ياتيك من فسد=ولا جُرحه المجروح من جارحه يطيب
ولمّا يصح الرأس بايصلح الجسد=وحيث الخسع يُبتر وايبرد اللهيب
فلاعاد انا وانته نُحسب مع وضد=وفي القبر لم يسلم لبوزه وباصهيب
فلابد للجلاد في يوم ينجلد=فما شمس تشرق دون مابالتلى تغيب
بذكر النبي ختمت قولي بذا الصدد= شفيع الامم ذي خصه الله له حبيب

[المحبوش]

ترحيب بالشاعر منير السعدي=


بأسمه بدئنا من به المؤمن اتكلّ=وهو المكتفل بي في سكوني ولرتحال
باسمائه الحسنى والمفرد اكتمل=ولا له نديداً جلّ شأنه في الكمال
وذكره يؤنس كل من صابه الوجل=بفضله يجنبنا المسلك الضلال
ونوره ضياء للروح ومبعث الامل=ومابين طرفت عين بيوجد المَحال
خلقنا واحيانا ويقضي في الاجل=له الامر ما قدّر في البعث والمئال
له الحمد حمداً ما وهبنا وما جزل=وحمداً مماثل في بلانا لذو الجلال
وصلوا على من وحي ربه لهً نزل=شفيعاً لنا في يوم تَحصد به الغلال
فيهناه من قد قابله باحسن العمل=وياويل من يلقى كتابه في الشمال
وذلحين ابويحيى بصوت الشجن زجل=ومن نهره الجاري من منبعه زَلال
وصلني خبر عاجل وبادرت في عجل=ووقت العجل مقبول لوقلت برتجال
على صفحة النادي برى نور قد اطل=وشعشع ضيائه مثلما الشمس في الظلال
وله بالمكانه عند محبوش لم يصل=اليها صديقاً وافي العهد والمكال
منيراً مضيئاً في حلاله قد اشتعل=باركان نادينا من لحظة الوصال
فيا مرحبا شاعر محنك وصل وحلّ=ويا تاج فوق الرأس باقي ومايزال
معك اشرق النادي في ابهاء الحلل=بصفوه من الشَعّار معيارهم ثقال
ومن مكتب السعدي ذي خلّف العول=اذا سطروا الابيات بيتقنوا المقال
مع اخوتك بيرق وبن ناجي البطل=اضائت نجوم الليل وبتخجل الهلال
فيا بن محمد مطرحك داخل المَقل=بدارك منور مطرحك فيه والحلال
يَفاعه بتتكاتف من قادم الازل=وهم حيث حلوا في البوادي وفي الجبال
اشداء اقوياء مايعرفوا الكلّ والكسل=رجال العمل مايعرفوا مهرت العطال
كما المعدن الاصفر لاحيث ما انتقل=بيبقى ذهب صافي ياخيرت الرجال
مبارك ليافع منتداها وللجبل=ولولا المشاغل كنت بانظم احتفال
وختمتها واعذر محمد على عجل=لاجلك منير والمعذره لابها اختلال
بذكر النبي ياكل قارئ عليه صلّ=محمد رسول الله باتمم المقال


جواب الشاعر منير السعدي=
بأسمه بدئنا من به المؤمن اتكلّ=وهو المكتفل بي في سكوني ولرتحال
باسمائه الحسنى والمفرد اكتمل=ولا له نديداً جلّ شأنه في الكمال
وذكره يؤنس كل من صابه الوجل=بفضله يجنبنا المسلك الضلال
ونوره ضياء للروح ومبعث الامل=ومابين طرفت عين بيوجد المَحال
خلقنا واحيانا ويقضي في الاجل=له الامر ما قدّر في البعث والمئال
له الحمد حمداً ما وهبنا وما جزل=وحمداً مماثل في بلانا لذو الجلال
وصلوا على من وحي ربه لهً نزل=شفيعاً لنا في يوم تَحصد به الغلال
فيهناه من قد قابله باحسن العمل=وياويل من يلقى كتابه في الشمال
وذلحين ابويحيى بصوت الشجن زجل=ومن نهره الجاري من منبعه زَلال
وصلني خبر عاجل وبادرت في عجل=ووقت العجل مقبول لوقلت برتجال
على صفحة النادي برى نور قد اطل=وشعشع ضيائه مثلما الشمس في الظلال
وله بالمكانه عند محبوش لم يصل=اليها صديقاً وافي العهد والمكال
منيراً مضيئاً في حلاله قد اشتعل=باركان نادينا من لحظة الوصال
فيا مرحبا شاعر محنك وصل وحلّ=ويا تاج فوق الرأس باقي ومايزال
معك اشرق النادي في ابهاء الحلل=بصفوه من الشَعّار معيارهم ثقال
ومن مكتب السعدي ذي خلّف العول=اذا سطروا الابيات بيتقنوا المقال
مع اخوتك بيرق وبن ناجي البطل=اضائت نجوم الليل وبتخجل الهلال
فيا بن محمد مطرحك داخل المَقل=بدارك منور مطرحك فيه والحلال
يَفاعه بتتكاتف من قادم الازل=وهم حيث حلوا في البوادي وفي الجبال
اشداء اقوياء مايعرفوا الكلّ والكسل=رجال العمل مايعرفوا مهرت العطال
كما المعدن الاصفر لاحيث ما انتقل=بيبقى ذهب صافي ياخيرت الرجال
مبارك ليافع منتداها وللجبل=ولولا المشاغل كنت بانظم احتفال
وختمتها واعذر محمد على عجل=لاجلك منير والمعذره لابها اختلال
بذكر النبي ياكل قارئ عليه صلّ=محمد رسول الله باتمم المقال

[ابو شيماء]

الشاعر المحبوش انت مبدع قصائد جميله جدا

[المحبوش]

بسم الله الرحمن الرحيم
اخواني الكرام هذه الابيات تناولت فيها بعض الاوضاع المترديه
التي لاتسر عدوا ولاصديق عن بعض احوال امتنا العربيه
اتمنى ان تنال استحسانكم وملاحضاتكم القيمه مطلوبه
ولكم تحياتي

بخيرة مُبتداها الاسم الاعظم=من اكرمنا بنعمة دين الاسلام
تقدس ذوالجلاله جلَّ وأحكم=وله دار الفلك آيه باحكام
بتسعه فوق تسعونَ بتُختم=لهُ الحُسنى بتتعدد له آاسام
به المحبوش اتوكل واعزم=بتوفيقه رجيته لي والهام
وصلى الله على من به قد اختم=شجرة الانبياء ومسك لختام
عليه آلآف صلى الله وسلم=عدد مايسجد المؤمن وماقام
ابو يحيى بداء في ليل مُبهم=بشهر الحج واتلبس للحرام
ولكنه حُرم من قبل يحرم=تذكر دين واتكبل بلقدام
وديني دينكم ياكل مسلم=وحجمه قد تجاوز كل لحجام
من الاموال ياكم قد تراكم=وضعف اضعاف من اوزار وآثام
وضعف اضعافها اسموم علقم=زرعناها وباتحصد بآلآم
واكبر قسم واعظمها هوالدم=وذو الالباب استمروا وا بلوهام
بلاد الرافدين اليوم تهدم=وواقعها حُجب عن وصف لعلام
متى ماالليل في بغداد يظلم=فلاعين اغمضة او طفل به نام
وباقي اشرافها للشر مغنم=لتزهق روح طاهر لاجل للجام
واشرف قادة الاُمه سيُعدم=فيا ويل العرب لاراح صدام
فصدام الكرامه قد تكرم=ابأ التطويع في موكب لخُدّام
تمنوا ان يروا عزمه محطّم=ويتوسم عشم من يد ازلام
ولكنه وفي للعهد ذي اقسم=ومن اجل الوطن ماهاب لعدام
فكم قاده وكم من رمز مُلهم=معه في جمعهم جنبه كا اقزام
بكلمة حق لاتوجد بمعجم=ونسمع معترض في وجه هدام
على الاُمه تولوا والوهن عمّ=وعشنا الوهم منهم بعد اوهام
وفي مسرى النبي مأتم بمأتم=بتتربص بهُم فتنه واحوام
مخطط في عنايه فائقه تم=عساكر في مذله تمسك الزام
بيخلص للعدو وتكافئ السُمّ=وهو بالداخليه جيد مقدام
مصابه والجلل والهم والغم=وتصدير البيان الناري الهام
تجاه اخوه يتمترس مُلثم=عسى المصتاب بايحتاج تمام
مجهز في عتاده دون يهتم=دسيسه غدر من تدبير حاخام
ويتناسى لقم تحته ملقّم=فقط ضد اخوته خصام غرام
وفي لبنان زاد الهم لي هم=رماده ابتداء الدخُان واحوام
تعافى وانتكس وعاد يُسقم=وكل الخوف يتعاظم بليام
وكلاً قال انا خصمي بن العم=فلاتمييز بين الخاص والعام
بنصرالله نصراً قد تعمم=ولم يفرح بنصره بعض لقوام
تمنوا في خلال ايام يُهزم=وكانوا للعدوا مسند واسهام
ولكن حلمهم اصبح محطّم=ولم يجنوا سوى اوهام باوهام
بيوصم بالعماله قالوا اجرم=لانه قال انا حلفي مع الشام
وشعبه قال له بالروح بالدم=ونصر الله لك والحقّ صمام
وبعد النصر بالواقع بيُصدم=على النصر المؤزر صار يلتام
وفي كل المحافل صار يُتهم=بتهمه واضحه تًسرد بالمام
وقف في وجه سافل ماتحشم=وصده عن حمى داره باقدام
ولآذانه مًريب النُصح قد صمّ=ولم يسمع نصيحه امرها الزام
فتح جبهه وقاتل خصم اجرم=فهذا فعل غامر به واجرام
وهذا بعض من اجزاء تقسم=بتتقسم علينا سهم واقسام
فقولوا لامتى ياكل مسلم=يكون الحق بين الناس لمّام
بختم القول بنطقها وبجزم=سنوصم في وصوف الدهر انعام
ولاتاريخ بيخلّد لمُعدم=ولا آثار باتشهد لاصنام
وفي ذكر النبي تميت واختم=لقصه مفزعه وتجف لقلام[/QUOTE]

[المحبوش]

بدع الشاعر حيدره عبدالله الحطيبي=
دعوتك ياملبي كل طالب=رجائي المرتجاءياخير مطلوب
تبلغني بها خير المراتب=بدنيا تحتوي الصافي مع الشوب
وتجمعني بصُحبة خير صاحب=لثاني اثنين من بالغار مصحوب
كما ان عندي وصيه للنجايب=طرحها الجدّعنّه خير منجوب
وقال اعمل وكنّ لله تايب=طريق الخير له دمغه واسلوب
ومن جنس العمل تأتي العواقب=بذي ما حاور الانسان منسوب
من اجداده معه بعض التجارب=وكأسه عندنا وافي ومجروب
وسه يامرسلي له كل واجب=توكل والامانه شلّ مكتوب
وعنوانه معك عالضرف صايب=لذي عنده قليل الخير مشطوب
سليل البندقه كمن محارب=بن المحبوش دايم بندقه صوب
وقول له قال ابوقاسم عجايب=بدهري واذهلت راهب ومرهوب
كذا تصريفها والحق غالب=يغلبها على غالب ومغلوب
خطر في بال اخو نشوان راجب=دعاء الله مايرى لك حال مكروب
يخصك من عسل صافي وطايب=تذوقه من قدح عاللوح مسكوب
وانا وياه صاحب جنب صاحب=تركنا اهل الحيّل وانسلى الحوب
اذا قلنا نهاوب كم نهاوب=وواحد بين سبعه اشخاض مضروب
خطاء نصح المعاند والمشاغب=مع الغشمان صار الحال متعوب
ومن جاء ينتقد سو له مغالب= وقالوا الشخص هذا غير مرغوب
برغم ان الخطاء في كل جانب=جلي للعيس ماهو امر محجوب
يريدونا نطبل للخوايب=فلا طبّال يبني دار مخروب
لنا الرحمن لانابه نوايب=على من ماسعاهم حاصدي الشوب
كما ان الأدمي دهره مراقب=يقُل للفاشل انت اليوم مرسوب
ومن له حق ماهو مال سايب=موثق بالورق والحبر مكتوب
لنا يوم أنسوي كل واجب=وبايظهر لنا ماكان محجوب
وبايظهر لنا صادق وكاذب=يحق الحق وان ظنوه مسلوب
غبي ذي ما يفكر بالعواقب=ولاخذ من عبر يوسف ويعقوب
وهذا البدع مني وانت جاوب=وغلبها على غالب ومغلوب
وصل الله على خير النجايب=لثاني اثنين ذي في الغار مصحوب
1
1
1

جواب محمد المحبوش=
بك اتوكل بن المحبوش يارب=بذكرك سلوتي للقلب مكروب
تطيب خاطري من كل شائب=وترشدني بمسلكها الى الصوب
ونا بتحمدك ظاهر وغايب=بما قدرت لي من امر مكتوب
وطالب مغفره من قلب تايب=فلا تحصى خطايانا ولذنوب
فلا نفسي بتبرى من مطالب=فتعصمني زلل في امر مقضوب
بشوف الجو متعكّر وصاخب=بنسقى به زٌعاف السٌمّ بالكوب
وابو يحيى على العاده مواضب=بهمه والغلق بالوضع مرعوب
وصلني خط من شاعر يقاطب=بحجه دامغه والشخص موهوب
وهو عندي بلغ اعلى المراتب=وهو مثلي بامر الحال متعوب
ابو قاسم طلبني للتجاوب=وفوضني صلاحيات مندوب
تميز بالبلاغه والتخاطب=وفند وضع فيه الشرح مسهوب
وشاعر معتبر عاصر تجارب=ونا عكسه فلا جربت مجروب
طلب رأيي ونا تلميذ خايب=وظهري من هموم الدهر مقتوب
ومركبنا تخلف عالمراكب=بوسط البحر بين الموج معطوب
وذي جنبه مربطهن غوارب=ولا واحد بهن الا ومثقوب
ولايدري سبيله اين ذاهب=وعاد العاصفه بالبعد بتلوب
ولكنه زمن فيه الغرايب=ووصفه عندنا ذا وضع موثوب
فلا في شرقها او بالمغارب=بحاله مزريه والكل منكوب
وصد النوم من لعيان هارب=بفقدان الامل باليأس بيذوب
بتدبيره ومن اعلا المناصب=بعكس الكون نتفرد بمقلوب
فلابسمه بدت في وجه شاحب=ولاتفكير عقلاني لمجذوب
وذا جانب وله عدة جوانب=بمشهد ليتها الاعيان معصوب
بضاعه فاسده باجمل غوالب=بها اهدار بالمُنكر لمكسوب
ويوم الحق له ياذاك صاحب=وزرعي جنب زرعك صار مصروب
رحم ذي قسم الماء عالشعايب=بقسمه عادله حتى ملى الغوب
وذي يُفجر ولا يخشى المعاقب=فله بالكسب ضعفه سُحت مهكوب
فللغاصب وبالوقت المناسب=بيتكفن باوزاره ومخشوب
سيشكو وحدته من غير نائب=ولاله ظهر يُسند به وعرقوب
وذا ردي صدى صوتك تلاجب=بشوف العين وانته بالتلسكوب
ولاعين اعتله فوق الحواجب=ولا اتجاوزت اشر لي بلسطوب
ويكفي لاهنا سرد المنادب= ونا بستغفرك يالله واتوب
وصلى الله على نسل الاطايب=وختم الانبياء بالذكر منسوب[/QUOTE]

[المحبوش]

بدع من حسن الذيباني

يا مندوب رايح عدن=خليك الكسل واللدن
دور لي صحيح البدن=واستعجل برد الجواب
#######
من قلبي ومن خاطري=بهدي كل ما هو طري
والهامور والجمبري=وأنواع الشقر والشذاب
#######
حتى لا غلي سعرهن=ماشي معذرة منهن
برهن طين من اجلهن=ولا شيك تحت الحساب
#######
المحبوش غالي كثير=متواضع وشعره مثير
لو شفناه عبر الأثير=قلنا عرسنا اليوم طاب
#######
قلبي له من العام رف=بتمني له امسك طرف
ولليلة حصل لي الشرف=هاتوا المسطرة والكتاب
#######
ما ضنيت يشطح علي=أو برجع ويدي خلي
ما دامه سلي بن سلي=عاشق للطرب والرباب
هذا فصل يا أصحابنا=والمحبوش صرح لنا
نتطرق لموضوعنا=ذي شيب براسي شياب
#######
حول أوضاعنا الحالية=أين أتخرج التالية
شف ثرواتنا الغالية=تتكالب عليها الذئاب
#######
والحوثي رجع من جديد=ماسكها بيد من حديد
متحدي العدد والعديد=عذراء واغتصبها اغتصاب
#######
حتى القوة ألضاربه=تصريحاتها كاذبة
شافوا بالجبل حاطبة=قالوا كان لابس نقاب
#######
وين العدل وين الأمان=ذي نحلم بهن من زمان
بعد العجرفة والهوان=حطمنا طموح الشباب
ما الت اليه الامور=ينذرنا بعام الدبور
يا عالم بما في الصدور=ارحم كل شايب وشاب
#######
جرحي زاد حجمه دبل=باطل ما يشله جبل
والرشوة قبل ياقبل=جابت لي مرض لكتأب
#######
والماساه والطامة=في ارض اليمن عامة
شفنا ظاهرة مؤلمة=شحاتة على كل باب
#######
شفت الشعب في حالته=كنه في كنف خالته
وأسعار الغلاء ذلته=حالة والشوارع خراب
#######
جئنا لليمن قبل عام=وذهلنا خمول النظام
ما خطوة قدم للإمام=سكان اليمن في عذاب
#######
العالم كم أتطورت=بالعلم اعتلت وارتقت
رغم المشكلة ذي جرت=أتخطوا جميع الصعاب
#######
وحنا باليمن عالقين=بالماضي عجنا عجين
كل اثنين متفاتنين=وأعضاء الحكومة غياب
#######
عاشي بالحكومة أمل=للكادر توفر عمل
ولا با تضلي همل=مثل المعز والظن خاب
ملينا فراق اليمن=يالمحبوش بشكي لمن
بتغرب من أهلي زمن=ما عندي سوى الاغتراب
#######
لا ذنبي ولا ذنبها=ما واجب نشهر بها
لكن ما رأينا بها=اجبرني على ذا الخطاب
#######
ونته يا حليم افتني=واثق فيك ما تردني
هل ما صابكم صابني=ولا انتوا عليكم ضباب
#######
لا تسكت عن العاطلين=ونته بالحقيقة أميين
ون قلبك من ألحوم لين=حملناك بعض العتاب
#######
هذا ما توفر معي=يا دكتوري الجامعي
موضوع اعتقد واقعي=مملي بالعجب والعجاب
#######
والساعة بذكر النبي=ختمنا بها مطلبي
والباقي على صاحبي=يحكم بالخطأ والصواب
جواب المحبوش

ياعازف بلحن الشجن=تتغنى بوصف الوطن
في لحن امتزج بالحزن=والموال بالاضطراب
تطلب كأس من معبري=في تقرير من محوري
خوفي يقضب المسوري=واتمسي عظامي كباب
لايُطلى ولا يندهن=من يحلم وفجأه ذهن
في اوهن وهن مُمتهن=في داويه فوقه ذُباب
قالوا اتحمدوا انتوا بخير=والمتعوس ماهو فقير
والجاهل برُتبه خبير=والمُعدم ينال الثواب
من جاهد عرق بالشرف=حط الخير صوبه هدف
بايلقاء من اهل الترف=يتكافئ باسواء مُصاب
واليوم اتضح وانجلي=من الاصحاب مانا خلي
بحسب ماعليا ولي=ووجدها بطي الخطاب
من صاحب وفي بن وفي=باوصافه انا ما اكتفي
اصفر بالنغاء ذي صفي=مايكفي بوصفه كتاب
والاصحاب في ذلزمن=المُحسن بهم والحسن
من بين الاعزاء حسن=والمحبوش له مُستجاب
يسألني بما صابنا=منهم سُبت اصوابنا
والجور الذي نابنا=يطلبني بكشف النقاب
لأجل آيفتي الجاليه=في اسرارها الحاليه
ماسك في خًطط باليه=مايدري سبب ذلخراب
والحوثي تربي بليد=من كادر يمنّا السعيد
بأسبابه يزيد الرصيد= للمرصود زاد اللُعاب
كلاً شغّل الحاسبه=طبعاً كلها سالبه
قول الكذب له عاقبه=بعد الفوز والانتخاب
لما الوقت ازلف وحان=والتطبيق خير امتحان
لون اخضر تلعمج وبان=يفتح معركه بالشعاب
والإيمان تصبح فجور=والمتعوس شاهد بزور
في اعجاز صنع الشرور=الشيطان منكوس خاب
يستهزوا قبل ياقبل=والغلبان شل الضبل
يسقونا فشل في فشل=يمحي وعد باطل وذاب
لاحسّن لهم خاتمه=شله فاسده جاثمه
خلّوا دورنا هادمه=والحلم انتهى لاسراب
والشعب الجُرع والته=عن صوب الرجاء مالته
بعد الثالثه ثابته=هدّت من جُبل عالقاب
مُقراطيه في انفصام=في واقع به المُر سام
نترحم عليه الامام=ذي قدنا عليه انقلاب
في عصر التُقدّم نُبت=نُسلك مايوصّل لتحت
عالنفس البراقش جنت=ذي بتعاينه بانجذاب
تتقن في امور الخلل=تتكسب بجلب العلل
والنجم اليماني افل=ذي اتعدى الشُهب والسحاب
ياشاكي بتشكي لمن=لايجلس بقلبك سهن
يمكن يوم بانفتهن=للحال استمر بالتراب
في ذنب الذي صابها=والواقع هُم اذنابها
متمادون في اعطابها=واحنا مالقينا مناب
قولك صح يالاصمعي=دونته وسط مرجعي
يمكن فيه يوم اندعي=لوعشنا لوقت الصراب
والموضوع لم ينتهي=لكن مابشوفه شهي
والمقصود به مُلتهي=عنّا في امور الحساب
لكنه بيد القوي=يفعل ما يشاء لانوي
يرفع امر منهو سوي=مابينه وشاكي حجاب
امري له ولطفه بنا=يرحمنا ويغفر لنا
يرشدنا ومن امرنا=تيسيره بنور الكتاب

[المحبوش]

هذه القصيده من كلمات الشاعر محمد قاسم المحبوش من ولاية شيكاغو
مرسله لابن عمه محمد يحيى المحبوش
ابديت بالله ذي سرمد عليه اتكالي = بدأت بسم الالاه
الخالق الرازق الباري عظيم الجلالي = مالي الهً سواه
يجعل لنا الجنة الخضرى نعيم الحلالي = ونعوذ به من لضاه
في يوم ماتنفع الاموال به والعيالي = ولا زعامه وجاه
والكتب متباينه بيماننا والشمالي = كلاً جني ما ذراه
وازكى صلاتي على المختار بدر الليالي = نور الدجى مصتفاه
ذي حطم اصنام اهل الكفر واهل الضلالي = والمجرمين الطغاه
نسنس نسيم الهوى بالليل والقلب سالي = والهاجس اقبل وراه
من قاعة البحر جاب اللول لي والّاّلي = نقي الجواهر نقاه
ونا بدوري جلبت الغالي البرتقالي = ماهمني شي حضاه
من اجل ابو يحيى الشاعر رخص كل غالي = ياليت جيبي ملاه
قد كنت بشحن من النعنع ومن كل حالي = كرتون ودفع كراه
حتى ولو قد جرحني بالكلام الثقالي = يصعب عليا جفاه
قد بحسبه داخل الاسره معيا المثالي = فاهم امور الحياه
والساع من هو رسولي يعتني في مقالي = ويلتزم في وداه
مدفوع عنه تكاليف السفر والنوالي = يطير باي اتجاه
والمروح الدار عند اهل الشروع الطوالي = جيران سمر الجباه
سلم على الاهل والجيران لا كل آلّي = وهديت كلاً كساه
وقصد بن العم ذي حل الطباق العوالي = بينعم بصفوة هواه
محبوش سرمد على الشكه محّزم واآلي = والناس تعرف رماه
ولو تسأئل علينا بالعمل والنضالي = نشبه عجلة السناه
مرثاه حال المهاجر كم بهجره يصالي = ولا ترمم بناه
ولآن باسئل ولاكن من يجاوب سؤالي = يهل العقول الرزاه
عاشي خبر من ابو عبّادي الراسمالي = ام قد تلاشي وتاه
احرمت نفسي من الراحه واخرت فالي = قلنا نلبي شُكاه
واليوم عامين مرت بالوفا والكمالي = ونا مراعي نباه
بيوت جاهز وغارق بالحصى والرمالي = لا كهرباء لا مياه
عا حد بها وامحمد من يشد الرحالي = ويخذ مقدم شقاه
او عل اقل حافضوا لنا بالتلى عل الحلالي = لا تخرجونا حفاه
واتضحك الناس عنّا والاسر والاهالي = والحاسدين البغاه
والختم بالله ذي في ذكره ارتاح بالي = وهم قلبي جلاه
وعلى النبي الهاشمي مالتاح بارق شلالي = صلاة تتبع صلاه
وهذا جوابي المتواضع على الشاعر محمد قاسم فاضل المحبوش

يامن بتسمع بصمتي شكوتي وابتهالي=وبرجوتي للنجاه
يامن تعالى بعُليا مُنتهى علو عالي=الى مداء منتهاه
انا سألك ياعظيم الشأن حقق منالي=والعفو اقصى مناه
والحمد لك ماغمض عيني وتفتح سبالي=مالعرق يُنبض حياه
هابعد يالهاجس اغرف من معينك زًلالي=من عذب يروي الضُماه
رحب وسهل بدافر به تشرف حلالي=واشرق بداري ضياه
من عند فارس مرسّل جاء يروم النزالي=اوضح بخطه نباه
باقول حيا على رأسي متوّج عقالي=والزند وقت الحواه
واليوم ملزوم برجع عن قرار اعتزالي=ذي كان عقلي نواه
من سُبّت المحبشه وحدي برحّل حمالي=احرمت قلبي سلاه
ماكان للشعر واقواله بتخطر ببالي=واصبحت حامل لواه
لما اسم محبوش من ساحاتها كان خالي=واليوم في مستواه
واليوم جاء خط يحوي لغز يشكوا الثقالي=من سُبتي قد جناه
من دون توضيح واتسبب ببعض اختجالي=وقلت ماذا دهاه
من دون توضيح اوتفسير منه عطالي=توضيح من ما شكاه
والان لحمه بصحنه لبن عمي امتثالي=لكن يعجل نباه
ذا فصل والان لاقلت ابتدي بالحوالي=ما اريد تحرق شواه
المُر والغير والعلقم ملاها سلالي= والارض تروح جواه
سألتني عن ابوعباد كيف التوالي=وشي امل بالنجاه
مسكين من بعدنا جلده ملعوز مشالي=كلاً فذخ له حصاه
والعيب فينا بلاتخطيط صرف ارتجالي=اعمى مساير عُماه
للناس مثلي ومثلك بانصل للاعالي=بالحرص والانتباه
واهل القضيه بها الثلثين ماحد مبالي=وقسمنا ماعساه
حكومة الويل ذي منها نصالي المصالي=ماهل حكومة جُباه
يستثمروا ارض للخُبره فذا لك وذا لي=من له حصانه وجاه
ومن نقدها رجع حاقد عميل انفصالي=ومن فلول الوشاه
ون قلت كلمه لنصرت حق قالوا ضلالي=ولاّ بحزب الدُعاه
وابن اليمن ذي تجرّع بالجُرع استحالي=ماعاد همه خزاه
لكن تطمن فُدي بالرأس مسكن عيالي=مالي ولك شي سواه
وذي ببالك تأكد ان مثيله ببالي=عسى يتمه عساه
ختمت ردي وعذرك مطلبي بو بلالي=واهتم لي بالوصاه
واذكر محمد شفيع الخلق يوم التوالي=من فضّله واصطفاه

[المحبوش]

قصيدة انا الشعب

انت وحدك فلا غيرك بكونك مخلّد= تعلم اسرار ابو تبع وما في فؤاده
سالك المغفره يا من لك اسماء تُمجد= يا من انطقت بن مريم وهو في مهاده
يا من اعقبت نور الشمس في ليل سرمد= يا احد يا صمد يا من رجائي وداده
قال ابو تبع الي من رفاقي تمرد= با يعود ولو طول علينا بعاده
ذي حسبته بوقت الجد للظهر مسند= انقلب سافع العيلات لا با رماده
جاء مصمم يبى المريخ في يوم يصعد= ما درى ان عاد للمريخ علم الرياده
يا اهل ذي حجر هل من عقل باقي مجمد= نشعل النار برباعه ونخمد جماده
نجعله عبرت الشعار لليوم والغد= والذي ما اعتبر بايعتبر بالاعاده
عاد بحر الادب في لجه الماء مبرد= من يبى شربت الكوثر يسلم جواده
وانت يا طير بالجوان حلق وغرد=شل مكتوب ابو تبع وحط اعتماده
وصله عند ابو يحيى من اليد لليد=وابلغه في امور الديوله والقياده
قله الوضع متأزم وشعبه مشرد= الفساد اجبره يخرج ويترك بلاده
كل ما مرت الايام قلنا سنسعد= اصبح العكس زاد الفقر يكثر زياده
من زمان الامام احمد وهيثم وحيمد= ما رينا نتايج مرضيه او افاده
والمواطن تعب حاله وعيشه منكد=لا تهنى ولا شاف الرخاء والسعاده
يقطف اوهام والصندوق بالزور يشهد=غصب عنا اراد الشعب او ما اراده
هكذاء يقبل المحكوم بالحل لوحد= بين نارين والحداد شغله حداده
عنجهيه ومن له جنب جاسر تيهود= وابن لرياف يتمنى بارضه عياده
المصالح دمار المجتمع يا محمد=ترفع الظلم والكادر تبيده اباده
وانعدام الثقه تعقيد فوق المعقد= واسود اللون(مرهم) ما يبدد سواده
والدلايل جليه للذي ما تأكد= قالها الجار واعلنها بمؤجز حصاده
قال ماشي ثقه في حكم سطحي مهدد= بالرشاوي ودمر بنيته في فساده
حكم غامض ومتسلط على كل مورد=خلخل المجتمع واستنزفه من مواده
دام جاري يرى ضعفي بعينه وحدد= كيف بي صاحب الدوله ومولى السياده
يا عجيبي عجب من دولة الجزر والمد= حطمت شعبنا وانهار كل اقتصاده
لا رقابه ولا قانون واضح محدد= كل حاكم يدير الوضع حسب اعتقاده
وارحلي يا سفينة نوح من دون مقصد= في فلك دائري للموت ولا الشهاده
وا صلي سيرك العكسي الى نار تؤقد=علها تلتهم من باعنا في مزاده
صبرنا فاض واحلام الرعيه تبدد= وانطفت كلمة الشارع بكبح الاراده
عقدوا قلب ابو تبع وانا ما تعقد= غيرتي ع الوطن توقد فوادي وقاده
طالما عاد في يدي قلم ما تردد= طول عمري بتصحيح الخطاء وانتقاده
لا هنا نكتفي والان نستقبل الرد= من صديق الادب رمز الوفاء والاشاده
رجل مخلص وتربطنا صداقه مؤكد= والصداقه تبناها قبايل وساده
والف صلوا على المختار طه محمد= سيد الخلق صلى الله على افضل عباده جواب المحبوش

ياصمد بالمدد سألك لك الكفّ ممتد=في وجل مُرتجاء الراجي لتقضي مراده
ماتخيّب امل ساهن لجودك تجوّد=ياكريم العطاء عبدك عليك اعتماده
واسألك رُشد يسّر لي سبيله به ارٌشد=واغفر الذنب واعصمني زلل به نُقاده
والف صلوا على من به نطق من تشهّد=خاتم الانبياء وصفوته من عباده
بعد ياهاجسي الليله محاذر تروّد=اطلق ابوابها في ليل حالك سواده
والهدف لاح واللماح للتاح سدد=عند رامي ويده ماتبارح زناده
بعذره لاتسرع في دفاعه مُهدد=خوف مرعوب يوم الحرب مابه هواده
واشهد انه على المريخ مأسور مُقعد=حلم موهوم في ظُلمه يعاني سُهاده
صدّر اقوال للمحبوش من خيش شيّد=بأسم شعب اليمن يبداء معيا جهاده
دام والشعب انته وانت يمكن مولد=ماحدا يسهن المجهول يوم استفاده
ماتصيب النصع ياذي بتضُرب من البُعد=وانت عالبر من موجه بتبصر زباده
من طلب حقّ له اسلوب لابد يزهد= سالف الدين يستوجب وحالاً سداده
مايفيد الشُكى مُعدم كلامه مردد=والحكومه تشوفه مدح فوق اعتياده
لنت تبقاء حسابك في الزمان المحدد=وابتداء سوقك الرايج يعاني كساده
لان كُل البلاء ياشعب منّك بيُرصد=صرت معتاد عالتطبيل حتى البلاده
والخنوع اتركه لومطلبك يوم تُسعد=ذي بتُسقى الجُرع وانته بتفرش وساده
ماتصلي بنية خير خالص مجرّد=والدعاء مايلبي حق بأمر استعاده
همي اليوم يحيى هو وتُبّع في الغد=وانت ياشعب بتمثل هنا باقتاده
كنت بشكي من التشطير واصبح موحد=والوهن ذي بارضك لاصله باتحاده
حلمنا صار واقع به حلمنا من المهد=آمنه مطمئنه وحدته في فراده
واصبح الامر مُبهم كل مكسي يُجرد=فاعل الخير يُنبذ إن فعل شي واجاده
واعتلي بالمناصب كل عربيد مُفسد=والمكلّف لنا يقتص مُعلن حياده
ما نلفّق تُهم نُسرد لواقع مُجسّد=جُرح غائر وواجبنا نحاول ضماده
قلت بوجز لكم ياشعب جالس موسّد=وانت حلمك بيتبدد بترك القعاده
امر تاريخك الساطع فلا بايُجدد=ذي بلحمر كُتب نوره وسطّر مداده
لامتى لامتى تاريخ غابر بنسرد=دونوه الاماجد بالهمم والاراده
مابظني لنا التاريخ يوماً يخلّد=شعب ماغير يشكي من عذاب اضطهاده
وانفردنا بخيبه مابها لي ولك ندّ=ليتنا للوطن بين الثراء له سماده
والكلام اكتمل والسيل عاده مورد=اول العشر واندعي لكم في العياده
واسأله من بيده يفتحه كل موصد=والامل بالفرج من ضيق زاد اشتداده
والف صلوا على من خصه الله وايّد=خاتم الانبياء والمصطفى من عباده[/QUOTE]

[المحبوش]

قصيده من كلمات الشاعر الكبير حسن اليزيدي ابوهاني والملقب (((مدرم))) مرسله لمحمد المحبوش


مــــدرم بإسمك يالحبيب المـــــــؤصل = بادون الأبيان في كُل لحــــــــــــوال
بـــئسم الخليفه للأديب المُبـــــــــــجل = أديب يافــع سين عـــــــــيناَ ويا دال
أديب خلف بو لوز خير وافـــــــــــضل = قايد رفع راية بـــــــــلاده بما قــــال
عن ثورة إكـــــــتوبر وسبتنمبر أشعل = سعـــــــــير نيران الهواجيس شعال
شاعر وفي بحر الغــــــــــزل كم تغزل = خلى العذارى يذرفوا الدمع ســـيال
ومات أبو لوزه ومن بعده أقـــــــــــبل = رجال يسوى الفرد ميتين رجــــــال
قـالوا إذا شايف رحل فيــــــــه من حل = كمن فـــــــتى دون قوافيه باســجال
وفي القعيطي ألف شاعر مُســـــــــجل = وهاكذا أجيال من بعدها أجـــــــــيال
والأن مـــــدرم قال يالطائر أحــــــــمل = من أرض جده للرجاجـــــيل مرسال
واجمل تحيه خاص مني مُرســـــــــــل = لجـــــــيد ذي ما قط عن موقفه مال
محمد المحبوش ذي ما تــــــــــــــــبدل = صديق صادق وإن تجافيه حمـــــال
من أجل شخصه يارسولي تجـــــــمل = قل قال مـــدرم بعد شهرين وصــال
يزوركم ويزور من في الحشاء حــــل = عاصمة أرضي الإقتصاديه لا الفال
قالوا صدق ولا فــــــــــــلا عاد بئــمل = بمن بقي فارس على الخــــيل خيال
ذي ما صدق مهما حلف لي وبســمل = ورد بعد البســـــــــــــمله لحن موال
له خمس وحدعشر سنه ما تعــــــدل = ولا رحمني أو رحــــــــــم بنتي أمال
صابر ويحسب إنني الإبن لـــــــــهبل = أو إن خواتي السِت ما حد لهن خال
ما يعرف إني النار والمــــوت لزول = ونا الذي من سُبتي الكــــاهن إنزال
ونا الذي من فوق أرضــــــــي توكل = صـــاغر لعزمي بعد ما شاف لهوال
ونا الموحد لليمن قــــــــــــــبل يحتل = أرضي بقوه نصفها قوم جُــــــــــهال
جائو بفتوى شيخ ســــاهي ومُخــتل = وقال دكوا كُل كافر ومُــــــــــــــحتال
ذا ذي حصل وإن كان مـدرم تعـــجل = الحُـــــــــكم لك ياإبن القيطي بما أل
لك باعتذر عن ما نطقته وباقـــــــبل = وللنــــــقد أبو هاني حسن ذيب قبال
وقبل ما أطوي صفحتي واجب اسئل = وابــــــارك الترقيه من عال لا عال
مبروك مني عد ما الماطر أهـــمل = بدله جميله سيت و الراس دسـمال
واصبح محمد مُشرف القســـــم لول = وحق له يطرح على كتـــــفه الشال
ودور مـــدرم بالتــــــــباريك حـــــول = وبالتــــــــــــــــهاني للمُبجل بما نال
ختامخها ذكر النبي عد مـــــــــــا هل = بدر الدجاء لوح وما سيله أســتال
وما مُلبي الحج كبر وهـــــــــــــــــلل = علـــــــيه مني ألف والصحب والآل

جواب المحبوش=
محبوش من شامخ عجي ماترقّل=فوق الرواسي حزم رأسي بلسجال
فوق الاعالي في شموخه محزقل=طول المدى ماهزه الريح اومال
سبحان ذي كوّن اساسه وثفل=وازن بمعياره بلثقال مثقال
حصني وباصونه ومن فيه قدحلّ=ون غبّر الشارب تملّست بالهال
طول المداء لليوم لغبر موسل=واهله اشداء بالشدائد ولهوال
زانت قصوره في عقابه ونقوّل=من شافها تسحر عيونه باذهال
لاهو مسعدن في الملاوي بيذهل=ابدع بها الواصف على وصف آزال
وبعد جاء طاير بصوته بيزجل=من عند ابوهاني وحامل لمرسال
وقلت ياحيا ومليون مسهل=بابن اليزيدي والف حيا بماقال
به رحبت صيره وشمسان اجمل=وساحل ابين عدّ حبات لرمال
وعلمنا والعلم عندك مفصل=والحمل به كفه لها الميل ميال
حتى الامل ذي كان باقي تململ=ماعاد يخطر لي على الحسّ والبال
وذي بيقطع وعد آجل مؤجل=تمثال للتمويه خادع وصلصال
ياكم وكم من وعد منه تنصل=كأنه بيتفضل علينا تجمال
عاد الجرب والجسم مبلي بدُمّل=والديلمي ماصدّقه غير جمال
وامنا الوحده وهي الحلم لفضل=عطل بها التشويه من فعل بطال
والعدل ساس الحكم في وضع مُهمل=يأخذ مع من ناوله دون ايصال
وكفت الميزان للسؤ تختل=والظلم مابايزول الا بزلزال
هذا فقط موجز ولو قلت بجزل=بتقول هذا الوصف من ارض صومال
وان قلت بقطف ورد ماعاد مشتل=الا وله حارس يصلي بسربال
والشكر لك يبن اليزيدي المبجل=ياذي بتشرب عذب كوثر وسلسال
عالتهنئه شكري اليكم مدبل=ومعرفتكم خير من روس لموال
جهدي مع جهدك وبالبذل بانصل=وجيلنا لاراح باتعقب اجيال
والمعذره فالقول ماقلّ وبه دلّ=ختمت بالسيره ولكن تزلال
ذكرالنبي ذي بالشفاعه بيشمل=من يذكرونه في شروقه ولئصال
اتمنى ان تحوزا على استحسانكم=
[/QUOTE][/align]

[المحبوش]

وهذه هي قصيده الاخ ناصر القاضي

يا قادة الامه معانا رددو= هذا شعار الشعب كلٌن ردده
عاشت فلسطين العروبة ناشدوا= حرة ابية مستقلة ماجده
واتصالحوا واتحالفوا واتوحدو= كونوا امام الخصم يدٌاً واحده
وشاهدوا طفل الحجر واستشهدو= من ما يقدٌم من ملاحم خالده
الى متى في السلبية تتكايدو=الى متى ذا الوضع واحنا نشهده
اذا اردتم في الكتب تتخلدو=أمثال من تاريخنا قد خلٌده
من ما زرعتوا للامم با تحصدو= كلٌن وما قدٌم وما تذرا يده
مع قضيتنا اذا با تصمدو= القدس هاتاك الديار الصامده
لللاجئين في الديار اتشردو= لازم يعودوا كل من لا معمده
نادوا بتحرير البلاد اتأكدو= إن شعبكم معكم ونبض الأفئده
لاودكم في الذاكرة تتمجدو= كلن يفكر كيف با يبني غده
لا تسجدوا للبيت الابيض واسجدو= لله وحده سعد من قد وحٌده
انتو لها لكن نبا تتساعدو= على الكرامة حرٌها والبارده
في ملتقاكم في الرياض اتفقٌدو= كل القضايا العالقة والمسنده
وشيدوا مجد العروبة شيدو= تاريخنا على الكواهل سؤدده
سؤال ذي حير حضرنا والبدو= ومنٌه القادات شبه مقيده
هل نجحت امريكا بتحويل العدو؟= وهل وقعتوا في شباك المصيده؟
هل مسلمي ايران صح اتيهودو؟= وامريك واسرائيل قوم مجاهده؟
طهران عاثوا في العروبة وافسدو!!!= وحاربو لسلام حرب مشدده!!!
لأستراتيجية الحرب اوجدو= قوة حديثة بالعلوم مشيدة
صحيوا بوقت العرب ساروا يرقدو= ماحد يصحي قوم كانت راقده
احتلوا القدس الشريف وعربدو!!!=واغتالوا الدره وصابوا والده!!!
داسوا على قرآننا يوم الحدو!!!= واجروا علينا في المعامل أكسده!!!
وبوش والجيش الصليبي وحدو!!!= وابنا اليهودي بطٌلوا لليهوده!!!
ياقادة الاسلام بالله اسعدو= يهنا صلاح الدين يهنا مرقده
لا ذه سيوف الحق ذي قد جاهدو= فا اشلا لهذا السيف يرجع مغمده
في الما العكر يا قوم لاتتصيدو= ولا تظلٌوا في المياة الراكده
اعدائنا جيش { الصليب } اتفيدو= الارض والانسان { واهل المايده }
لا توقعونا في الضلالة واهتدو= من قبل ما للسيف كلن جرده
في وجه اخوه لأن الاخوه يفتدو= بعضاتهم بالروح هذه قاعده
واستنجدوا قوات فارس واسندو=قوات باكستان قوة زايده
وأنقرة وابناء جاوه واخمدو= فتنه متى ما الجنب يسند ساعده
هذاك رأيي في الأصايل والغدو= ما اغيٌره للنار حمرا واقده
به مقتنع با اشعر وبا اشدو به شدو= وبا تغنى به تِلا واتهجده
يا ابن الهبيلي لا انتهينا فابتدو= بالرد والمحبوش لازم يورده
وطفوا النار الكريهة واوقدو= نار الضيوف اللي لهبها صاعده
لن الكرم فيكم وغيري يشهدو= شبوة ويافع بالكرم متفرده
ولا هقيت الشعر هم من يقصدو= ويلقوا الابيات جند مجنده
الغوا وضيفوا او لرأيي عمٌدو= مقبول عندي من رفض او أيده
وازكى تحية من قبايل حايدو= كل الفتن لجل الاخا لانفقده
وفي الحظا قدها لهم وانعودو= يقودوا ابطال النضال المارده
للين والدولار ما ذي يعبدو= في ذا المجال تشوفهم متمرده
خولان في الجودات ما يترددو= يا جيش متسلح سيوف مهنده
وبعدهم لجيال ما يتبددو= قوة فريدة للنشاط مجدده
في الختم صلوا واشكروا واتحمدو=ورددو للقدس عاشت ماجده
تعقيب محمد المحبوش

يالله يامن فيك القوم اسندوا=يامطلع بما تكن الافئده
افتح لنا ابواب من عنّا اوصدوا=والشر عنّا ياالاهي تبعده
العاصفه قالوا بيسبقها هدو=ببصر معالمها على الامه بده
يسّر لنا رُشدا لمن منّا اهتدوا= ماخير الا من تجاهك نوجده
تسمع رجائي في الاصايل والغدو=ترفق بنا يوم الغيوم اتلبده
يافاتح ابواب الرجاء ذي اوصدوا=محبوش بك وحدك امل يتسنده
مادام بني صهيون منّا جسدوا=واحلامهم منّا وفينا اتمدده
واسبابها الحكّام واذناب العدو=امجاد اُمّه للاسف اتجرده
واليوم يتنادوا لقمّه يعقدوا=واواجاههم في خزيها اتهرده
مادامهم في جيدهم قد عيدوا=وّالدّ اعدانا معاهم عيده
ياقهرنا في ابن المجيد الامجدو=صبنا بمقتل في الامل ذي جدده
كان الشرف عنده قفا ماجرّدوا=واصبح ملازم له دُفن في مرقده
وفي دنائه مُفرطه فيها بدوا=والنار شبت في جميع الاورده
بغداد فيها للصليبي مهدوا=ولليهودي ذي بيوم اتهدده
في ارض معراج النبي قد جسدوا=دنو الدنائه لاجل ترضى السيده
تخجل بهم القاب فيها اتقلدوا=وهُم حُثاله بالبشر اتفرده
بأسم الفخامه والجلاله ينشدوا=والعار وصمه في الجباه اتجسده
والامر من رايس فقط به يقتدوا=من امر سيدهم وهو في معبده
يترغبوا الفرصه متى قال اسجدوا=في بيته الاسود ووكر اليهوده
لاحيث ماحدّد لهم يتحددوا=عُمي البصائر عن مرامي مقصده
تاريخ ساطع للاسف قد سودوا=ماعاد فيهم من رجاء اتنشده
وشجبهم معروف ياكم نددوا=وكم بينات اصدرو ومشدده
مايصلح الدهر سرمد ما افسدوا=في عهد عشنا من سواده اسوده
ثوب العداء الصارخ فقط قد ارتدوا=لاشراف اُمتهم عيون اترصده
ذي للعدو المحتل ضربه سددوا=وحُبّ تربة ارضهم في الافئده
من اجل سادتهم بهم يستأسدوا=ودوّنوهم في جموع اتمرده
لاجل الكراسي ذي عليها قد صدوا=وهي معاهم في الصدا ايضاً صده
بومازن احسبهم بصف الي اعتدوا=عبيد خلوا اُمّتك مستعبده
دليلنا واقع ومُزري جسدوا=والله اعلم بالذي ما نشهده

[المحبوش]

قصيده من كلمات الشاعر القدير
يوسف عبدالله يوسف بن عتيق
وهي مرسله الى محمد يحيى المحبوش


ياعالماً باحوالنا وناظر=والكون ما تخفى عليك اسراره
يارب ياستار انت الساتر=وانت الذي لاقلت دوري داره
انا اسْألك تجعل اموري سابر=وكل مخلوقاً وله مقداره
انا احمدك ولك اضلي شاكر=شكرآ عدد ما صبه المطاره
وسال وسقى كل غصناً ظامر=وتفتحة اشجارها وازهاره
بخت المزارع ذي لزرعه ناظر=متفائلاً يجني حصاد اثماره
واليوم يالهاجس معيا بادر=شفنا انا متزعم الصاداره
بادر معي ببيات تسلي الخاطر=والمستمع شفنا نريد ابهاره
وقالي يابو سميه باشر=باجيب لؤلؤ من عميق ابحاره
تحت الطلب شفنا معك وحاظر=ولا تعول وانت وحش القاره
منذؤ الطفوله ونت اصلك شاعر=كانوا يسمونك امير الحاره
عند الملاعب كان يوسف سامر=كمن حمامه ردده باشعاره
قالو رحم قاسم وقدهوه ظاهر=ماحد ظهر ولا لصه شراره
ديارهم طافيه والمناظر=والمحترم ماهل معه نواره
وكان خالي من كلامه ساخر=بيقول ياخجف لا تقع سماره
اما ابو يحيى بصفه عاشر=وهوه بيلعب قشر بلمحزاره
وابوه من كثر الضبح بيزاقر=وهوه اذي مايلتفي لحجاره
ولاسرح وادي وحبه هاجر=يقطب سبوله وظنها مضاره
والكل بيدعي متئ يسافر=من شان باتهدا البلد والحاره
حتى استمع ربي لذيهوه صابر=قالوا محمد قد صدر قراره
وصبح على ارض المملكه مقادر=ثم استقر وتعلم النجاره
ماشي سمعنا له ولانا ذاكر=انشي معه حرفين او عباره
والان جاني بالسيوف الباتر=عاده تهيض وابتدا مشواره
وانا بابي قاسم اظلي فاخر=ماشي على دربه وفي قطاره
ماحد على هذه الحموله قادر=لكن انا حملتها بجداره
حملتها بالصبر لكن شاطر=من بعد ما الله بن عوض اختاره
واليوم قدنا في سماها طاير=بالمركبه طاير بلا طياره
والمحترم نحو المجنه ناشر=شيبه وبيضلي ورا حماره
خف النظر ماهل على المباصر=والاكل مابايطري العصاره
اما محمد بالتجاره ماهر=يختار بين الشعر والتجاره
ماشي يقع مولا الحليله تاجر=مشغول بصناف الخشب وسعاره
اما انا والله مانا فاكر=لو باتجيني كل ساعه قاره
خو نصر متربي على الميازر=والخصم ياويله ويادماره
كمن بطل حاول وصّبح خاسر=وبعرف المكسب من الخساره
واليوم يوسف بيت طرفه ساهر=والقلب يشعل مثل لا به ناره
قم يارسولي بالصباح الباكر=الا عند ذي رجع عليا انكاره
ياهوين بالف اهوين ويش آخابر=وانا سؤالي كان عن اخباره
جاني الجفى منه وعانا زاير=والكل بارك هاذه الزياره
ولان هذا البدع شكوى جاْئر=باقدم الشكوى الى الاداره
ونشي غلط مني معي بو ناصر=يقطع ويعطيني فقط اشاره
باتعدم التبعان والباربر=للمنتدا داري انا وداره
وبن علي عطاف واهل داعر=اخوه وتربط بيننا صهاره
يتكلمو من عالي المنابر=هم واليزيدي ذي سكن بالقاره
وحمد بن احمد جنبكم مساير=يراجع المحبوش والا جاره
جنبيتي باحطها والهامر=وهوه يقابلني بهن سياره
وبو بلال بالحق بايناصر=ماهوه كما بعض البشر غداره
ما ينطق الا الصدق مثله نادر=وحيق قدهوه مسكن النماره
رجال تعرف منهم الاكابر=ويعفو التاريخ والحضاره
ولا بيحكو بالكلاام العاثر=حتئ ولانا جيت من عثاره
وانا ابن معتق جيد مانا قاصر=كم وسطوا لي ناس بالسفاره
قالو كفايه عود يامهاجر=وابو حسن بايسلمك وزاره
ارض اليمن تحتاج الى كوادر=ومسكنك بالعاصمه عماره
وقلت مشتي منكم عماير=والشيخ ما ينضم للجزاره
ياسارقين الشعب ثوبي طاهر=تحرم عليا منكم كواره
قدنا انا شاعر خليفة شاعر=وهاجسي بالحال ياخذ ثاره
خو نصر ماشي في طريقه عابر=ما ضن حد يقدر على حصاره
لا سال سيله ردها مهاذر=شل العرم والواد هوه وعباره
ويش اكلفك يا صنو على المخاطر=والسيل دفر والمطر غزاره
والخال عارف ان نجمي القاهر=لكن مؤكد ما سمع حواره
وانا ابن معتق ذي سكن مساطر =بيت الكرم والجود والاماره
طيب مع الطيب ووحش كاسر=والموت مثل الحبه السجاره
يا بو محمد شوف دمي فاير=والنصر ابو عبده قده شعاره
والبحر ما يسبح به الا الماهر=وبنك ابد مايعرف المهاره
ما ينفعه بو حافظ المناور=جالس يطنبل له على مزماره
انصح بنك مادامها شواتر=بافجعه بالضرب الا يساره
وخص نفسك بالسلام العاطر=والخال ذي مثل النمر بوكاره
سلام جمله بالعطور الفاخر=ومن فصر منكم وجب بخاره
والعفو لاشي طف والا قاصر=قالوا مزبدح من كثر هداره
والختم صلوا على الرسول الطاهر=محمدآ ذي فضله واختاره
ما الحاج لبى وكمل الشعائر=وليله اظلم واعقبه نهاره
جواب من كلمات محمد يحيى المحبوش


بدأت بك واعالم السرائر=والكون بأمرك يحتكم مساره
ياعالم المكنون والمشاعر =وماخُفي منها وللظهاره
ذكرك سلى للروح والخواطر=والنفس في وسواسها الاماره
يسّر بيسرك نسلك المعابر=وخف جور احمالنا لا جاره
واغفر لعبدك من خطاه العاثر=لاجاك تايب مُثقلاً باوزاره
واكرم لمن ذاق المراره صابر=والسر في صدره معك اجهاره
واليوم يالهاجس معي تباشر=من غمده المُرهف وجب اشهاره
بيني وبينك اوثق الاواصر=كالغيث في خيراته المدراره
تركت اكابر في عناية كابر=فوق الشُهب بين العُلاء مداره
بحر الأدب لك فخر والمفاخر=ماندّ له قُدره يصدّ اعصاره
رُبّان ماهر حطّم الاباطر=قولك جميع الناس في انتظاره
في كل غزوه لك نصيب وافر=والحرب فنك في جميع اطواره
من دون هروى مابتحمل هابر=خل الهراء للجاهلون اغواره
وقال ملكك من زماناً غابر=وفي يدك وحدك جميع ازراره
واليوم صوتك بالمحافل هادر=ومن تعرض لك ظمن وداره
معاد شي جنبك لمقعد شاغر=اقسامها قسمك مع الكُباره
واليوم جاني مسك اصلي فاخر=ومطلبه تنفيد لستفساره
وبطيته شكوى لظلماً جائر=ولغز لاجنبه طلب فسّاره
باقول حيا بالعزيز الدافر=مالفجر شعشع بالضياء انواره
حيا بيوسف والصميل الجاسر=حتى ولا نحوي وصل بغاره
دخل بدعوى بعدما جي زاير=وعند ابويحيى الوفاء معباره
وحنا بتربطنا اوثق الاواصر=ولي الشرف باكون مستشاره
يسرني لما بنا بيفاخر=باهل الادب ذي حازوا الصداره
والجيد باخواله قده مفاخر=وبوالده ذي اتقن الصهاره
والشيخ ليته كان جي محاذر=يشوف ابويحيى هنا واخباره
ذي قال سوقي بالقوافي باير=والكنز ذي بيده نوي اهداره
لاهو بغفله يسأل العشاير=من ذي على المسرح قفا الستاره
ولا فتحنا لو تبي الدفاتر=خذ ملئ عينك وامسح النظاره
حاذر تصدق هرج من طنابر=رع من سمعهم قللوا مقداره
شف ساحتي ماتقبل المغامر=ونا لها وابليس يوقد ناره
ماحد بنا زايد وواحد قاصر=والمُرهفه شفها معي بتاره
علمي عُلم لي ترفع المزاهر=ماهمني رامي بدع شتواره
اثبات افعالي في المحاضر=تشهد لي الوديان والحجاره
فيني التواضع وامقت المكابر=ومُدرك المغزى مع شفاره
وان حد معي حاول فقط بيناور=ماهل بنفخه تنطفي انواره
ما ارضى على يوسف بقول العاثر=والشيخ مايصلح هنا عمهاره
ولا يصل مني تجاهه هابر=وهو هنا جنبي بداء مشواره
قومه الى جنبه معه كواسر=من مكتبه له رهن للاشاره
والمحترم ثوبه منقى طاهر=شفنا تجاهلت الخبر واخطاره
بازيد واكمّل لك المعاذر=منذي بنا يقدر على طنباره
قولك مع قوله مكانه فاتر=مهما تحاول عكسها باظهاره
ياكم وكم شُطّر مع شواطر=ماحد بهم روّح بلا طفاره
ماسك بيده كامل الجواكر=والفن بأسمه دندنوا باوتاره
ولايهله هرجت الدواهر=قد حط لك فيما مضى تذكاره
ماحد بيتجهش سبوله عاجر=حتى ولا التاحه بها صفراره
وواجبك نحوه تظلي شاكر=ذي عتقك واشبعك سباره
لولاه ماسيلك وصل مهاذر=لوماسمح لك تجزعه باعباره
والسحر بالتالي ببيت الساحر=ياليت تفطن مقصد العباره
والمحبشه ذي ظمه الدكاتر=والجيد معهم من خرج باصفاره
حظك قد الوالد لهم مصاهر=لولاه كنت آتسمعه شنفاره
هذا الذي لك عبر الهواء مباشر=ماعاد داعي نفتح السحّاره
طولت في بدعك ونا لك عاذر=لما لمحت البحر والبحاره
من قل قوله نقي الجواهر=والناس بتمل من كثر هداره
والجيد يقطف حُمحُم المشاقر=وما اكتسرافضل لنا جباره
ختامها بالمسك ينفح عاطر=بذكر طه الطيب بستذكاره
عليه صلوا تغنموا معاشر=ياسعد من مثواه يصبح جاره
مع تحيات بن عتيق
والمحبــــــــــوش[/QUOTE]

[المحبوش]

هذا بدع الشاعر الكبير محمد الصلاحي ابو زايد
وهو مرسل الى محمد المحبــــــــــوش

بدأت با سمك يا الهي واحمدك طول الوقوت = الحمدلك والشكر ما هلل وما نادى المناد
تفنى الخلا يق كلها وأنت حيا لا تموت = في ستة اياما خلقت ارضك مع السبع الشداد
يا رب ترحمنا متى ما حملونا عالتخوت = ومن عذابك نجنا لا وسدونا باللحاد
قال الصلاحي بو علي يا هاجسي فك ا لنتوت = فك العجا من شان ابو زايد يعبر ما أراد
كل الكماليات حد الان تعمل بالريموت = بالعلم نتقدم وبعض الناس ما مل الرقاد
يا هاجسي حت القوافي حتها عندي حتوت = والشاهي اسعفني به المحبوب سلى عالفؤاد
أ قبلني الهاجس بيتحطرم أتى من حضرموت = هاجس معي هندي مولد من بلد حيدر أ باد
أما الحليله باعها لا هل الكدم واهل الشفوت = والزرع والمحصول حقي تاكله سرب الجراد
وا صبحت مفلس لا معي بيسه ولا حتى سنوت = واهل البلد ذي حرروها أ صبحوا منها بعاد
دعيت ربي في صلا تي والتهجد والقنوت = أن يكمل النعمه على الامه برحمه للعباد
فيما جرى للمسلمين اليوم ما يجوز السكوت = جا بوش با سم الحرب عالا رهاب يحتل البلاد
تكذب كشفنا الكذب قد بانت لنا كل الكروت = با يهلكك ربي كما اهلك قديما قوم عاد
ارض العرب ما با تقع لك فعلتك ما تفوت = لا اشعلت عالا سلام حربك نارها تصبح رماد
ما يفيد الكذب لو كتيت كذبك لي كتوت = آلا ف من جيشك قتل وانته مصمم عالعناد
قصف المساجد والمدارس والمصانع والبيوت = وقتل النساء اصبح ديدنك والعرف بعته بالمزاد
وبتنعت الا سلام بالا رهاب ذا شر النعوت = عندك عمى الا لوان لبيض تبصره عينك سواد
في عهدك الدولار تصبح قيمته تحت التحوت = والخطوة الاخرى لا مريكا الى نحو الكساد
بغداد يا بغداد يا بغداد يا بنت البنوت = زو جتها يا بوش للشيعه عقد فيها نجاد
أعلنت يا بغداد حزني في برامج تايم أوت = عليش يا بغداد أ علنت المآ ثم والحداد
من عقب ما كانت منيعه حل فيها العنكبوت = واليوم قد صارت حكايه من حكاوي السندباد
من عقب ما كانت بتزرع كل أنواع الفروت = واليوم بالا لغام والعبوات تزرع با ضطراد
والحاقدين الشيعه افنوها ولتوها لتوت = با حقادهم واطماعهم عاثوا ببغداد الفساد
ويسرقوا خيراتها عندي على ذالك ثبوت = ويقتلوا السنه ويرموهم على تاك الرصاد
أ هل العميم السود لبسهم لنا بوش البشوت = والمسبحه بيده مع الرشاش قابض عالزناد
حتى اليمن دزوا لها الحوثي يفتفتها فتوت = أ حقادهم زادت على السنه وزاد الظلم زاد
ذا فصل والثاني وبا راسل كبيرين البخوت = عاني معنى سيت للمحبوش نقشه بالمداد
هذه قصيده لك بدعناها لها صوره وصوت = شاعر محنك طار صيته له تحيه با زدياد
سلا م للمحبوش يملا بحرها يملا الخبوت = يملا جميع الارض مخصوصه وله من بو عباد
عد الحجر عد المدر يملا بيوته فوت فوت = حيا بعود اخضر وعطر اصلي يخصه با نفراد
أ شكر مرورك عالقصايد ذي نحتناها نحوت = أنا والعبيدي نشكرك أ حسنت منك يستفاد
وارجو السموحه منك لا قصرت فيها او لهوت = أ نت البحر أما بضاعتنا بضاعة عنكداد
با حزيك من بازل ثمينا جوهره في بطن حوت = اذا صلح تصلح عباد الله ما يظهر فساد
وفي فساده تفسد الدنياء وتتخرب بيوت = وفي صلا حه مصلحه للفرد ولكل العباد
والختم صلوا عالنبي ما شنشن الماطر حتوت = واسقى البلد يفرح به الفلاح حصل ما أ راد
صلاة ربي عالنبي زين النسب زين النعوت = والال والاصحاب أ هل المعرفه أ هل الرشادجواب محمد المحبوش الى الشاعر القدير الاخ العزيز / الصلاحي محمد


يالله انا سألك بايماني على هديك ثبوت=بالمرتجاء فيك الرجاء لك ترتفع كل الاياد
ذكرك ألاهي راحتي وزاد للمسلم وقوت= لا اشتده الشده فرجها منك يارب العباد
ياخالق الدنيا دنت لك في تصاريف البخوت= والكون لك والمنتهاء ماشئت له بالامتداد
والشمس لك هي والقمر منك ضياها والخفوت=آيات في برهان تفسيره يفوق الاعتقاد
قال الفتى المحبوش من يزهد لغرسه بالنبوت=يجني ثماره وافيه اوصافها يوم الحصاد
والخير ماهو فوت لو يهمل يزيد الفوت فوت= لو ماقضي في وقته الانسب بيصعب باضطراد
ومن عليه الدين بايتعب بحمله والعتوت=باقي على ظهره بنزله كان او طالع نجاد
هذه وصيه قالها الاول وقوله به ثبوت= من بعد ما اتعبّر لمن هو للتجارب بافتقاد
ونا بحملي دين والديان حسبني سهوت= في ظن قالوا اثم من يحكم خطاء بالاعتقاد
ابيات كاتبها وفي قافيه جحوتها جحوت= من اجل يظمن سوقه المحبوش يصبح في كساد
جاني الخبر والنوم يغلبني ومن نظره صحوت=ومن تفاصيل الخبر قد صابني منها السهاد
باقول حيا بالصلاحي ذي هبط بالبارشوت=وربّ صُدفه خير وابرك من تحاديد المعاد
حيا بلاعب محترف ابدع بتسديده لشوت= ومن سمع ما سطره استحسنه ايضاً واشاد
حتى ولا هو مقصده من ملعبه اخرج لئوت=في حرف به جرّد بن المحبوش من كل العتاد
ما يدري انّا القوت لللجبروت بطلقها ربوت=كالنور يضوي في شُعاعه ليل حالك بالسواد
والآن ردّي يالحليلة والمسامع لك تصوت= جودي مع أهل الجود من فيضك وفوق الاعتياد
حتى ولا الامواج هاجت والعواصف يازعوت=ذي فرّقت شمل المُشتت قبل ما يصبح رماد
لأحد يسؤ الظن يحسبني بتاريخي هزوت= والنار في الأحشاء تتوقد وتلهب بالفؤاد
والعز بالجُوهر ولأهو بشت نلبس او لكوت= بانقتدي بالصح كانه عند عَمرو او زياد
ذكرت لي بغداد واذكر من تحدي الجابروت=ارضاً ثراها ارتواء دماً واكساها سماد
ذي عاهدوا الخالق وقائد فذّ حياً لا يموت= احيوا أمل قد غاب واتلاشا وطوّل بالبُعاد
يمضون نحو الموت والحسبه لرب المالكوت=ما يختلف وعده لمن جاهد على دينه وذاد
اما الروافض ذي بيوم العيد في الاُمّه شموت=بئس العمل هم كالدُما تؤمر دنيئه من مُعاد
مهما تمادوا في فنون الزيف واستمروا الهشوت=يوماً سيصلاهم عذاباً حين يبداء لرتداد
موت البطل قد صبّ للبُركان والنار الزيوت= واصبح جهنّم يحرق الغازي يزيد الاتقاد
ماحل في بغداد عند ابطالها لا لن يفوت= لاذناب صهيوني صليبي بالولاء لاحمد نجاد
يتجرعوا عاقبتها بالعافية كوس السحوت=يهناك يابو عدي في تاريخ خالد بالجهاد
وقادة العرب الاشاوس في خُزيهم يخسوا صموت= ازادهم ذُلاً بفعله والأمل فينا استعاد
هذا معي اتيسر في الموضوع من بعد البتوت=لولاه ضيق الحرف والتكرار يجلب لنتقاد
اجلتها للسبت لما السبت اتحول سبوت= خفت الصلاحي قد يحسّبها جفا بعد الوداد
ان ناسبه ردي فهذا مطلبي ذي له رجوت= وما نقص محبوش منكم يالصلاحي يُستفاد
والنقد ما منّه حنق عندي ولا بعرف مقوت= والقلب حلّ اللغز واثبت موقعك بين الزهاد
عساه وجهك قد تبسم بالرضاء بعد الشئؤت= بعد الكدر والضيق من تـأخيرظنيته عناد
ختامها ذكر النبي والطيب في ذكره نهوت=صفوت عباده ذي شفع للناس في يوم المعاد
صلاة تتكرر وما نادي المؤذن بالوقوت=تغشاء رسولاً مُرسلاً في نور دونها المداد
مع تحيات
الصـــــــــــــــلاحي
المحبــــــــــــــــوش[/QUOTE]

[المحبوش]

هذه القصيده من كلمات الشاعر القدير شبل الاسد
وهي مرسل الى محمد المحبوش

وبسمه ذي خلق براً وبحري= وانزل من سماء عالي مطاره
خلق آدم وقبله جن عفري =ومن آدم خلق حوى جواره
عليم الحال يا عالم بسري =وتعلم ما خُفي قاع البحاره
اللاهي بسئلك يسّر لأمري=وتجعل لي طريقاً مُستناره
بفعل الصالحات اختم لعمري=وتجعل طاعتك لحمد سباره
وقصدي رحمتك نوراً لقبري=نهار الناس في ظلمه حياره
كتابي بيمني لا خلف ظهري=تعس من خذ كتابه في يساره
يقول الجمبري نظّمت شعري=وارسلته لكم بحلى عباره
محمل ورد زيتوناً وزهري=وعود المسك ينفح من بخاره
مع الكاذي ونفحات الشمطري=وحب الفل تتفتح زهاره
صباح الخير واعصفور قُمري=محلّق في الفضاء ضيّع مساره
عنايه جابك الرحمان بدري=توصل خط من شبل النماره
الى ارضٍ لها عزاً وقدري=اصيله من زمن منبع حضاره
توصل لا عدن وعمل تحرّي= على شاعر سكن في أي حاره
يجيد الشعر من نظم المعرّي=بن المحبوش يشعر في جداره
لهم بالشعر ميزه دون فخري=قديماً جدهم شل الاماره
سلامي كلما روحي بتسري=وقلبي نابضه فيها الحراره
ابو يحيى خبر من حيث تدري=ولو فيها حرج أشّر اشاره
بشوف الوضع منه ضاق صدري=وخايف تنفجر عندي المراره
فتن متلاطمه يمنه ويسري=اتتنا وافده من كل قاره
يبثوها العدى سراً وجهري=يبيعوا وشتروا فينا جهاره
ورحنا بعدهم نلهث ونجري=وراهم اثرهم لما (1)المغاره
أتونا بالخناء وفكار مصري=يريدوا تنتشر فينا الدعاره
عفيف النفس يستشعر بقهري=ويسخر من ملذات الإثاره
وذيما به حياء كشده ودجري =مكانه ثور رابض في المداره
فهذه واحده من وضع مُزري=واُخرى مثلها خلف الستاره
يحثوا الشيعي الظالم لغدري=دسايس ماكره فيها حقاره
شرب كاس المُنى علقم صقطري=قذائف مُحرقه كانت دماره
ومكريبه طفي من حوم جمري=ونار الحرب تبدى من شراره
خمدها بو حسن واعلن لنصري=وكل الشعب شارك في انتصاره
وباقي شرذمه فيها تعثري=بحكم القرب من تاك الوزاره
ولاكن قصدنا ذي كان شري=بن الحوثي هدمنا اليوم داره
وعله ثالثه تزهد بسعري=يروا السرقة في الحيلة شطاره
ونا من ظلمهم سلمت نحري=عديميين الذمم سو لي جزاره
بقبح افعالهم قد جف نهري=ونبع الغير ينضح في غزاره
متى يا صاحبي نسعد بقُطري=ونلحق ركب يمضي في ازدهاره؟
صعيبة يوم أسسنا بكري=وساس الجار من صُلب الحجاره
كذب من قال عمرها لدهري=خراب الدار من ساس العماره
توقف هاجسي أو جف حبري=فخير القول ما كان اختصاره
ونا بحزيك من بكره بتسري=ببازل جوف بكره يادواره
بتاكل حرثها من غير تدري=وبات الكل منها في خساره
إذا ماتت عسى البازل يثّري=بإذن الله باتأتي البشاره
ختام القاف بعد الحمد شُكري=يجنبنا بها حره وناره
وبعد الشكر صلينا بطُهري=ونيه صادقة قبل الطهاره
على من لو ذكرته زاد اجري=رسول الله حبه وستخاره
جواب محمد يحيى المحبـــــوش

بك اتوكل الاهي وانت ذُخري=وبأسمك يبتدي المسلم حواره
اليك اوجه بوجهي وانت تدري= بمكنوني وفي فحوى العباره
بك استأنست متحلي بصبري=متى الايام بي ضاقه وجاره
ولك يامالكاً للمُلك امري=تدابير القدر والاستخاره
سألتك مغفره من جور وزري=بيوماً فيه تستنطق حجاره
وصلوا عالنبي ياكل مُقري=عدد مارش من فيض المثاره
وابويحيى متى الطارئ بيطري=باجنحته يشمّر لامداره
سلاحي من عطاء الرحمن فطري=تفرّد بالولايه عالاماره
بتركه من ثراء الاسلاف حصري=ورثت العرش مُفرد والصداره
ومن حمل الامانه صار عبري=يعود المجد في اوج ازدهاره
ومن يطمع يشاطرني تعثري=معي يدرك قياسه في اطاره
هناك افذاذ اجزلهم بشكري=يجيدوا العزف في فن العباره
صداقتهم شرف لي طول عمري=يصيغون القوافي في مهاره
وجاني اليوم من يحضى بقدري=وبعد الخط ضاعف باعتباره
الا يامرحبا شاعر تخطري=وشرفني بقصد الاستشاره
بقوله اكتمل قدره وفخري=حروف الجمبري تثبت وقاره
بيحصد طيب دامه طيب يذري=لفعل الخير استثمر ضماره
وماقاله عن ابياتي ونثري=تضاعف عند ابويحيى فخاره
ومهما كنت مُثقل حمل وقري=وسوق الحق يشكو من بواره
بجبره ملتزم من بعد جبري=وفاه الجيد للجوده شعاره
طلب رأيي عن المأثور باثري=وذي حوّل حلالي لاجذاره
منين ابداء معه محتار فكري=ووجهي بالخجل زاد اصفراره
وعلّتنا بنا ماهي بدهري=قوانا للاسف بالذُل خاره
بتنجرع هوان الحال قسري=بنسبح دون اتقان المهاره
وصرنا جسر للاعداء وكبري=وفي يده كما تطوى السواره
واصبحنا رُقع في ثوب مهري=ازاده من تبعهم بانجراره
ومنهم تاه تدبيري وفكري=شكينا من جُحا جينا حماره
ولاقلت ابتدي سردي بسطري=بضاعة مابتقبل بالتجاره
ونا بمشي كما تعلم ودُقري=اخصائي بورشه للنجاره
ولاداعي شُكى من جور قهري=وقد كلاً هنا ودّر ضُماره
ونصف الشعب قد بيسير بُطري=الا يهنا لنا شعب الحضاره
سعيده من تصيّد له بوبري=بهذا الوقت او يظمن سباره
طمسنا مجدنا وبشكل جذري=فؤاد الحُر ادما بانفطاره
وبالواحد احد باشد ازري=عساها تنعكس بالاستداره
يعود العزّ ذي طوّل بهجري=ويسعد من تعذّب بانكساره
متى مالخير لاعندي تخطري=بظني العقل بايحكم قراره
عسى يسقاء عدوي بعض مُري=وليت العين تنظر لادماره
ويهلك من معه امعن بزجري=وبالمجان يستهوي احتقاره
بذله منبطح يخزي ويزري=ملطخ عزك الله بالقذاره
وليته يتقي شره بشري=ومن بركان يُنفخ من شراره
وبايصبح حطب يشوى بجمري=حُمم تمسيه من بعد انصهاره
وذا علمي وربك ذي بيدري=عسى يكرم بتقريب البشاره
ومحزاتك انا اشهد لك وابري=بحبكه متقنه في ابتكاره
بجرثومه بتهلك نسل مذري=وتمنع حلم قد طال انتظاره
وفي ذكر النبي يسري ويمري=بطيبه طاب لي فيها مزاره
صلاة آلاف مأجوره بعشري=على خيرالبشر تم اختياره
مع تحيات شبل الاسد
والحبــــــــــــــــــوش[/QUOTE]

[المحبوش]

هذه القصيده من كلمات الشاعر القدير يوسف عبدالله بن عتيق
وهي مرسله الى محمد المحبــــــــــوش

يالله يامن بالخلايق تفهم=سألك تعلّي رايت الاسلامي
يارب تنصر كل من قداسلم=وتنهي المنكر مع الاجرامي
يقول يوسف من ضجر اتألم=وكل ما زادت تزيد آلامي
كم لي اصّيح دايمًا واتكلم=ولاحدا شي يستمع كلامي
ياللاسف كل ما بني اتهدم=وكلنا بنعيش بالاوهامي
والشعب اصبح خاضعاً واستسلم=كفت على يداته الاقلامي
صابر وجالس في منامه يحلم=ولاتحقق شي من الاحلامي
هابعد ياطيار سافر واهتم=بخط يوسف سابق الرخامي
الى عند ابو يحيى تشله واسلم=وبلغه تحيتي وسلامي
وبالعطور الفاخره تتقدم=هديتي له واهله الكرامي
وآلاف من عندي لكم تتقسم=ما سال واسقي كل غصناً ضامي
واذا سأل عني فواجب يعلم=الحمد له بالشغل كل ايامي
غُربه بها ربي علينا انعم=لكن خذة مني زوهر اعوامي
والجسم من فقد الاهالي اتهليم=دايم وهم ع البال في منامي
حنيت ما بيته نماره تنهم=للارض ذي فيها رتفع مقامي
وحبها داخل عروقي بالدم=فيها اكتسا لحمي علئ عظامي
ياخو مجيد الجيد قلبي اتهمهم=من بعد ما شفت الصور امامي
منظر يسر الحال يالمخضرم=وارضنا تزرع ذره وشامي
خليتني اطلع حروفي مُرقم=سهم الشجن قد صابني يارامي
ليت اليمن ياصاحبي يتقدم=باادعي عسئ تتحتقق المرامي
اما على ذا الحال ماباننعم=مادامه الحامي لها حرامي
ضاع الامل وحلمنا اتحطم=والظلم ينتج له حروباً دامي
ايضا ومن عذب حدا او اجرم=يجني ثمرته تاليه الاعدامي
ومن اكل حق البشر بايندم=رب السماء لا قال قامه قومي
ولاهنا نّور سراجي وظلم=ولعاد بدي آطوف في الظلامي
قال المثل حسن الكلام المُحكم=كما لبي قاسم عبر واحكامي
والختم صلئ الله علئ المكرم=شفيعنا من نار واقد حامي
ما الحاج الا مكه يطوف واحرم=صلاة تغشئ سيد الانامي

وهذا جواب محمد يحيى المحبــــــــــــوش

بدائت بك يالله وانت المُلهم=سألك تثبت خطوتي واقدامي
انا اسألك فرّج لضيقي والغم=وطيب لي في مرتضاك ايامي
ياعالماً ماهو بصدري يُكتم= يقينها تاهت مع اوهامي
وكل مغنم ينتهي لا مغرم=وشوطها القبعا وصل في زامي
معاد لي رغبه بذا الآن احلم=بصحى وعكسه يشتبح قُدامي
والوقت زيّد لي بظهري معلم=قسمين زيد لي على اقسامي
انا اسألك ربي بأسمك لعظم=تضيئ دربي نور به الهامي
وزيح عنّا ذا البلاء ذي حوّم=حوّل لسان الحُر لابجامي
والآن الواجب وجب واتحتّم=في يدي الرايه مع حُسامي
ومن طلبني له وجوب اتقدم=لامطلبه سلمي مُنح سلامي
واليوم جاني خط فيه اتنظم= شيخ القبيله يلتمس احوامي
يامرحبا مالنور في الساحه عم= بالجيد ذي قاد الجيوش الطامي
مالرعد في صوته زجم واتحطرم=والغيث يسكب طشه المترامي
حيا بيوسف ذي كلامه بلسم=في مانطق عندي اكتمل المامي
جيني ونا في ساحتي متحّزم=معروف دوري ذيبها واسهامي
فعلي بها بالكيف ماهو بالكم=وبالسماء نجمي انفرد بيلامي
شكيت لي غربه بها تتنعم=ونا هنا كبدي قده ورامي
والهم في ارض السعيده خيّم=وعلتي زادت بها واسقامي
والفقر ياخو نصر عاده طمم=والشر بيحاول بها الجامي
ماحد بها مرتاح غير الفندم=لاصوت اثر به ولا مرجامي
حل البلاء ياصاحبي ذي تمم=ماعاد شي خلي لنا شُمامي
والامر للحاكم بنا يتحكّم=برحمته منّه تطيب آلامي
وفصل ثاني ببصر انه مُلزم=مهمتي تتسمعه الزامي
في ذكرك المرحوم لاتتشتم=بذي بسجلي ظم جنب اتلامي
لاتحسب العالم كما المتعلم=ولا دهش صاب النصع كالرامي
والقُرص رع مابه سخا يتثلّم=لنته سهن باناولك عُرامي
واذكر محمد ذي بنوره اعلم=ماالحاج لبى مرتدي الاحرامي
عدات ما الزائر نهل من زمزم=وادى الشعائر ساجدا وقيامي

مع تحيات يوسف بن عتيق
ومحمد المحبـــــوش[/QUOTE]

[المحبوش]

السلام عليكم ورحمة الله وبركاته
يسرني ان اضع بين ايديكم هذه الكلمات المتواضعه
وهي واحده من بعض الكتابات التي دونتها اثناء الاجازه القصيره في يافع الحبيبه
واتمنى ان تحوز على رضاكم واستحسانكم
((العقل))((الأمل)) ((العلم)) ((العدل))

بديت بالمعبود خالق من عدم كل الوجود=ومُدرك المقصود في النيه وامر الاعتقاد
ماقدّره بيسود في الواقع بتوثيق السنود=من منبعه مورود لارادد لما قدّر واراد
لاحدّ له محدود له فيما يشاء امري يعود=الحمد له والمُلك في مُلكه مقلّد بانفراد
الهمني التقوى واوصاني بتطبيق البنود=دستور مُحكم سطّره آيات في درب السداد
اجزل علينا في نعم وافضال لاتُحصى عدود=اساسها الادراك فيها ((العقل)) ميزان الرشاد
الحمد له ما الزهر تبهج في تسابيحه ورود=حمداُ مداه العُمر للمُنعم بنبضات الفؤاد
والشكر له ماسبّحة بالصوت حنات الرعود=والبرق شعشع في دُجى مُظلم وحالك بالسواد
قال الفتى المحبوش لاماضي لحاضرنا يعود=ماغيرها احلام يغظه من مُعذّب بالسُهاد
دون البشر نحلم بعودتنا الى عصر الجدود=والبعض يتحسّر ويتندّم على الماضي المُباد
مادوّن التاريخ لن يُمحى بصفحات الخلود=فيها قبس من نور يستوجب نزيده اتقاد
نبراس للقادم لنستلهم خُطانا للصعود=وفي سبيله من اراد السير زاده والعتاد
تاريخنا ماضي ومن يدعو لنسيانه جحود=نستلهم الحكمه بتدوينه لأجل الاستفاد
حتماً لنا صفحات مطويه عثرنا والركود=تجبر وتستوقف علينا من سيقراءها حداد
فصول في صفحات هي في المُختصر صفحات سود=تحتاج للتصحيح اوتصويب ماخط المداد
يكفي تمادينا تغنّي في ثراء حلّ اللحود=والحاضر المُخجل بيستصرخ هممنا والجهاد
لما متى نشكو؟؟ ونتلذذ بتلطيم الخدود=وسيرنا للخلف عكس الكون نعشق لرتداد
والله اكرمنا ((الامل)) فيه الذخيره للصمود=ومن يشد العزم يجنى ماغرس يوم الحصاد
((والعلم ثم العلم ))يمحي جُهل اشقانا عقود=معين لن ينضب ومن ينهل بخيره يستزاد
به نكتسي حُلّه لنشمخ فخر بالاُم الولود=من بعدما هانة عزيزه ذُلّ ارباب الفساد
اتكبلة بالجُهل من اقصى التهايم لاثمود=واخيارها تاهوا بواقعها اقلّيه زُهاد
للجاهلون المعرفه صارة لهم خصماً لدود=حان العمل والعلم اوجب من فروض الانتقاد
وشوكة ((الميزان)) تتعدل وتضبط بالقيود=فيها مظله من ظلالة من تمادوا لضطهاد
مدماك يتأسس بتقوى الله في فصل الضدود=ساوى بنوهاشم مع اقرانهم تُبّع وعاد
مابه ذمم للبيع او احكام تُشرى بالنقود=اوفصل بين الحق والباطل وقف موقف حياد
او يُنصف الباطل بتزوير القرائن والشهود=اورأس متنفذ بسلطاته تسلّط عالعباد
تصبح كبار القوم في ((الميزان)) من ضمن الحشود=والحُكم بالاثبات والاسناد ماهو بالمزاد
لايرتجي مرضاة معول للمفاسد والهدود=يحسب حسابه يوم فيه الفصل اتٍ بالمعاد
والعدل من اسمائه الحُسنى وحتماً بايسود= لابد ماتُفرج اسارير البهاء عقب الشداد
هذا الذي في خاطري قد فاح ياليته ينود=يصبح شذاء فوّاح ريحه عمّ في ارجاء البلاد
وانا اسأل المولى بمرضاته ويكتبنا جنود=بالجُهد والاخلاص من فضله لنا ذُخراً وزاد[/QUOTE]

[المحبوش]

هذه القصيده من كلمات الشاعر المعروف منصر صالح منصر الداعــــــــــري
وهي مرسله الى محمد المحبـــــــــــوش

الداعري يالحليله امانتش لاتفلي=عندش مهمه كبيره اتمعني بالتصراف
امامش امساء محمد دقي عظامه وذلي=امانتش يالحليله تشوفي به تشواف
قدني امير القوافي زمان محبوش ولي=انا بغابة زماني بخوف الذيب خواف
غابت نمار القوافي ويوسف امساء مجلي=وانته سهاله بسيطه باكتفك يوم كتاف
واتعرف اني عميدك عميد والشعر خلي=بغوص بحر القوافي وانته بتمهر بلطراف
ويا محمد سهاله والطير مهما تعلي =لساري الليل تالي لكل ميدان حفاف
واهل السلب والجرامل ويش اكلفك ويش بلي=شتمت خيرة رجالي كمن محزم وسياف
اتعوذ ابليس منا وان شافنا الشر ولي=رحنا لها وانته اخبر بن شقدف الشر شقداف
جدي لها كان سابق وانا كفيته بحلي=وانت الذي وا محمد ما غيرك انسان عزاف
عزفت في كل شروي رعيت نعجه وسخلي=واليوم قدهي عجايب حطوك في قسم لشراف
لاوانتبه وا محمد عادك مبحبح بسجلي= وابراجنا بك تحوط لمن تعجب ومن شاف
لا والمشاكل عجيبه مالك دخل شي بدخلي=لا تقرب اخطوط حمرا تصبح عشاء سام نساف
قد عادكم امس وا ذا قعر المحاكم تضلي=خل المخبا مخبا واسرار من دون كشاف
والا كشفنا مغطا وسر بالستر مطلي=لا كننا ما تجرا لني قبيلي وقطاف
وانته رجالك قبايل لا والنبي ما ندلي=ما بشتم اخوان داعر اخوان واصحاب واشراف
ما خصمي الا محمد ون تاب وامسا يصلي =بسحب حشود الحليله وا وقف الحرب وقاف
بشرط واحد تجيني بدفرتك لا محلي =وجنبك الجيد يوسف وشيخ من ناس عراف
ون يسمع اليث سيدي بك لا سقطرا يولي=وانا الذي رشحوني قدير في حي سقاف
ما نا عسل وا محمد لمن يريد اي حلي= بل صقر صقر القوافي صعيب عن كل قصاف
وحب عبله وعنتر قالو عليها تولي=وامسه اسيره حزينه واليوم في قسم لشراف
عنتر عليها تعنتر بعد المحبه تخلي=وامست عيال الشوارع تكرف البنت كراف
يا قهر قهر المعنا راحت نماري وبلي=واستبدلتها ثعالب وجحف من بين لجحاف
جرعاتهم خنقتنا عبده بيرفع وقلي=وانا المواطن ضحيه مصروف داري تسلاف
وينش جهنم امانه جري سرقنا وشلي=لا ترحمي شوشويهم ونضفي الدار نضاف
نعيش عيشه سعيده نسلا مع من تسلي=نعمر احلا سعيده نشرف الدار شراف
نواصل اغلا مسيره مسيرة احلام عقلي=ذي من سنين الطفوله وانا لها يا تلهاف
واستفسرك يا محمد عسا تفصل وقلي=اخبار من منطقتنا ومن مدنا ولرياف
لا كهربا ذي معانا تلصا بغدره نضلي=والماء بنسني سنايه وايام نزعه وغراف
كفا كفا يالحليله ضيعشني خير شقلي=ماهل رسالة محمد كلفتني امس كلاف
فله من الورد باقه وكار مترين اصلي=وهو الوحيد المخير عبر العوايد ولسلاف
والف ياكل سامع علئ محمد تصلي=شفيعنا من جهنم وحوم من نار لهاف

جواب محمد المحبوش

يقول محبوش ياعالي على من تعّلي=فيك الرجاء المُرتجى تمتد لك كُل لكفاف
بجاهك ادعوك جنبني بلا من تبلّي=ودُلني لا طريق الحاء الاهي مع القاف
ذكرك تبارك وحمدك في حلالي وحلّي=والحُكم لك ياعظيم الشأن تُحكم بانصاف
واستغفرك من زلل واوزار تثقل بحملي=رجّح موازيننا في طاعتك ضعف واضعاف
هابعد ذلحين جاء الهاجس بلحضة تجلّي=يزهو بالوان تتماوج بها كل لطياف
وباغة ازهار من اغصانها ذي تدلّي=يفوح منها شذا ممزوج من كل لصناف
تركه من اجداد حطوها بسجلي لاجلي= فيها العقود الثمينه من الجواهر ولصداف
ومن معه كنز ماظني لمُفلس تخلي=يتحمد الله ذي قسمه من الشرك لضلاف
واليوم جاني ولد جاهل وقوله مسلي=شل الخجافه تجحفها لوحده تجحاف
في واقع الامر هو تلميذ عاده بفصلي=يمكن نسي بعد ماجسمه تدفي بلصواف
تجارته رابحه دخله تجاوز لدخلي=ياكم جني باحتكاره بيع الفرايق ولعزاف
والقبيله يبن مدعر فيها مقلّد واصلي=واهل داعر حواهم من شرعها جود لعراف
ماهم بحاجة يزكيهم لمثلك ومثلي=والحب بعضه قفا الطياب يحتاج نساف
وانته دلا يافتى حاسب يعطريك حبلي=والخاتمه مُزريه ياذاك من يد سياف
تهري وحوشك ودمك منهم نار تغلي=ماهل تمداح عالفاضي وكُبره تكلاف
يحفظهم الله لك يالداعري وايخلي=والخاتمه باتقع لك منهم يوم طهاف
اما الشجاعه قدك موصوف نجدي وقبلي=ساعه دقوق اضركه وتالي الليل نتاف
ياليت واحد بكم يجزع مطوف لنخلي=بابيته في غُرف لنعاش لوحصل اسعاف
فيكم علل ما بتتباخر بعشرين مشلي=ياكم وكم زهر ذي كانه بتحتاج قطّاف
ذافصل من باغتي وعقد مشموم فُلي=في الكفّه الراجحه في وزنها دون طفاف
ياذي بتدفى على حومي وعادك بشملي=ومن مضارف ابويحيى بترعي وعطاف
احسن لك اسمر مع جمهورنا ذي بحفلي=لاشي معك بالمسب ماينفعك كثر لسراف
شفنا بهرّّش معك بمشي بريضه ومهلي=وسيلنا لادفر مايمهلك للتلفلاف
والقول عندي بيتأكد امامك بفعلي=مانا كما ذي تعوّد يتبع وعوده بلسفاف
مهما تناكر لواقع يثبت جهودي وبذلي=ذي ببذله لاجل نحيي امجاد من عصر لسلاف
والصيت ذي صار لك يالداعري هو بفضلي=وانته بضاعه حُماله ماهل شُراها تكعّاف
بتوسلك ربما ترعي خيولي وبلي=واقنع قناعه معيا ماباتروم التشواف
لاسامحه ذي سحب رجلك لاطراف حقلي=بايطرحك عندما تدحق على لُقم نساف
لاتتبع شور ذي ذاق المسمم بنصلي=وهو يسوقك طريق الهاويه نحو محذاف
ذا علمنا تم وانت اخبر باصلي وفصلي=والمُر لاجل العوافي نتحمله بالترشاف
واخبارنا ذي كرف جبحي وطيّر بنحلي=وذي معي بالوعاء راحة غنيمه وخداف
والخوف عاده دفن لي من سمومه برملي=وايطرحه لي متى ما البرق بالجو رفاف
والوضع مرعب به اجمالاً وفي شكل كلي=من شاطي البحر بالمهره الى خلف بلحاف
واوضاعنا المعتليه قدهي بمقياس سُفلي=وكل واحد بيوحيها على قُرب لنجاف
الى هنا قال ابويحيى بحلمه تحلي=من بحرماينتقص من محتواها بمغراف
ختامها في شفيع الخلق من نار تصلي=وفي صلاتي عليه آلاف اتممت لهداف
مع تحياتي الداعري والمحبوش[/QUOTE]

[المحبوش]

قصيده من كلمات الشاعر المعروف
منصر صالح منصر الداعري ابوصالح ( نيويورك)
وهي مرسله الى محمد المحبوش

قال بداع ياساري مع ميج ساري=يامن انته رسول الداعري بالمسيره
وصل ابياتي واشواقي وحب اقتداري=واهد باغة ورود ازهار زهر الخضيره
ورد مخصوص من وردي ومكسب ضماري=تهتديهن وتهديهن مع اغلاء ذخيره
قل لمحبوش يتخير رصاصي وناري=لويريد البلاء والشر ينهي مصيره
وان يريد السلاء والسلم بمسك نماري=ما معي غير بهدي بالورود الكثيره
منطق السلم رمزي والمحبه شعاري=لاولا سيف شبعه شي خرج من جفيره
مامعي به سخا الطاحس محمد وجاري=اهل واصهار من وادي وسيله وجيره
بس لادون ونه مثل يوسف شراري=او على بن محمد له مطالب وغيره
ذي مكبل بسجني يوم قلد ذماري=يوسف امساء مكبل ضمن شله اسيره
عاد بدعه معيا ذي به الاعتذاري=لوتريدون نشره بنشره بالجزيره
يستمع له محمد ذا اذا كان قاري=وان قده مثل يوسف درج خلف الحضيره
كم نظلي نعلم كم نظلي نباري=دار محبوش طافي بعدما كان نيره
غادر الذيب لنقط والعيون السواري=والجُعيدي تمحق باقي الا شعيره
وانت عارف بقصدي يامحمد وداري=المدافن خليه والمناقع وعيره
مامعك غير حبك جمعه لاتذاري=جمّع الحب جمع لاتضلي طفيره
وانت تنازل منصر ذي على الفوز ضاري=من شرابي وناري باتروح كسيره
بسحب المار منك واطرحه فوق ماري=واعرف اني عميدك فرصتك امس طيره
وان تمكنت مني بلّ من دفع ثاري=ذي من الشمس ابعد والنجوم السميره
ماتصل حيد عالي فوق سيكل طماري=قد وصلنا فضانا وانت عادك بصيره
ذا خرج فصل واحد كاتبه في يساري=فصل حارق مضجر للنفوس الضجيره
منطق الصدق واقع بز نافق لشاري=ما المنافق ينافق بالحبال القصيره
ذا واصلي وفصلي قنت عارف وداري=حاملين الجرامل بالسنين المريره
يشهد النجم لحمرذي طفي بالنهاري=ذي بقعر المثلث كان يلمع نويره
لي وللجد سابق يحجرين العذاري=وان تناكر تخبر جيد شيخ العشيره
وافتح اسجال واقراء عالوحوش الضواري=لاتناكر منصر والشواهد كثيره
واسهنك يامحمد رد لي في قطاري=علم صافي معنى من عواطف سميره
واليمن خص واجمل وارسله لامطاري=وارو عطشان ضامي زاد بالقلب كيره
مانرى شي تطور دام عاد البواري=والمجرد بيشرب عذب من قعر بيره
شل مصروف داري شل نعمة صغاري=واصبح القات واجب والبطاله خطيره
قد بحبه ولكن ذا بحسب اختباري=والفتى الجيد عانا بسأله واستشيره
والعقارات قالوا زاد سعر العقاري=زاد عن سعر لندن والمكاسب صغيره
لاهنا بس صبري وان يطول انتظاري=بعتبر نار جمري الاوله والاخيره
وان تزيد فلافل مثل يوسف وكاري=قدمعي سُم حارق تنتهي من زفيره
واهد من سار جنبه داخل الدم جاري=ذي ملك حُب كامل مننا في ضميره
الطبيب المخضرم ذي اشتهر بالطواري=اهد يده ومده فل ينفع عبيره
ختمها بالنبي مارتلوا بالقصاري=خاتم الانبياء والمصطفى والذخيره
جواب محمد المحبوش

يالله ادعوك منك خيرتي واختياري=يسّر الامر واجعل كل عُسرى يسيره
واهدنا رُشد فيه البر ياخير باري=قنّع النفس في رضوانها والسريره
واغفر الذنب والهمني وثبت وقاري=واعصم النفس من وساس تنجاء سعيره
بعد قال الفتى المحبوش بيدي اعتباري=في الملمات تشهد لي الجموع الغفيره
رايتي بعد حمد الله فوق السواري=كُل شاني لها ينظر وعينه حسيره
هاجسي مابيخشى لاطراء اي طاري=في مسالك وعيره ماعرف يوم حيره
واقبل اليوم من يحلم يصل لامداري=لاجزاء خير من دله لاسواء مصيره
لارحم من قتل نفسه ومات انتحاري=في مهمه وصلها اعماء بنور البصيره
غشش الداعري صاحب يريد اختباري=من خلال النفس فيه اكتشف لي زفيره
يد دهول معك بالمكر وقت المذاري=وانت صارب جنا من قلت باتستشيره
قد سبق في محاولته معي في التباري=وانقضى الامر في مُبصر بظًلمه غديره
وانت يالداعري قولك عن الصح عاري=بعرفه جيشك الجرار ساعة نفيره
بندقتكم عيال اليوم سوها اتاري=والشواهد على تاريخ مُضحك وفيره
ويش بليك يالمسكين من باتجاري=عمدتك دايم المحبوش وانته غفيره
بالعزف انت متخصص وصنع المداري=جيرتك منها المحبوش الله يجيره
لنت حالم ومتوهم بيوم انكساري=استمع شور ابواحمد بهذه الوتيره
واسأله حل ما اتعسس شحاطر جماري=عاش بايام سوداءمابتُنسى ضريره
ذا وما قلت عن يوسف يقلد ذماري=واصبح اليوم في اسرك تركني بحيره
وانت عارف لبوحافظ حواره حضاري= في منازلته المُعدم وصل للحصيره
بعدما ضيعك هايم بكل الصحاري=وانت عارف حبال الكذب دايم قصيره
الحذر لاتحاول تقترب من بحاري=ابدع اول تعلم لك بشاطئ بُحيره
لانت بيدك طماشه عندنا لنشطاري=السلاح المدمر في صنوفه وفيره
وانت جيشك مطعفر بين شاري وذاري=بالفتن والمشاكل في حلق مستديره
قايد الجيش عندك مهرته بالمصاري=نصلتُه في ذحلها راشنه في جفيره
تدعي زور باطل يومنا في ازدهاري=والحسد مهلكه لومطمعك تستعيره
ذا وصل فصل به اوجزت لك اختصاري=واترك ابليس واتعوذ ولاتستجيره
لاتلاعب بلا خبره بفن التباري=ذه رشاشه بتعقبها مواطر غزيره
ون تكبرت فتوكد معي سُم هاري=ما انت شي ند للمحبوش ولا نظيره
باقي اخبارنا ظلمه بكل الحواري=كل اُمة محمد في يمنّا فقيره
في حقوقي تمادوا في فنون احتكاري=والفسد بالروايح فاح لكن ذفيره
والقرارات ذي تصدر بامراً وزاري=مثل عيفه تغالط نفسها بالذريره
والخُطط عندنا الخمسي وفيها العُشاري=واصبحه صفر في صفرين حصة سميره
والخُطب نحمد الله كُلها صنف ناري=واصبح الصُبح يتلاكع علينا وزيره
ويش باخابرك عن وضع خازي وزاري=ليت ماشي نطق فيما نطق باهريره
ذا وسامح محمد من طرف نهر جاري=فيه انذار زاهد في قطوفه عبيره
وان لزم شل درسي المعُتبر اضطراري=ذرفته من تودرلاتجاهل نذيره
بالنبي اختتمها منتشي بافتخاري=كل مالعين تغمض بعد ذكره قريره
مع تحياتي وتقديري [/QUOTE]

[بن عباس]

صح الله لسان الشاعر