طاش ما طاش
21-11-2006, 06:59 PM
قال بدّاع بسم الله قولي يصدّر= كل قولٍ بدا بالله يسلم هديره
من توكّل على المعبود أمره ميسر = والشياطين في دربه أبد ما تسيره
جمّد البحر. والنيران صوره ومنظر = قدرة الله خلّت كل يا بس جزيره
أحمده حمد ما يحويه (سي دي) ودفتر = حمد ابو بكر والفاروق قولا وسيره
بعد يامرسلي خذها لآلئ وجوهر= في مغلف بشمع أحمر وعيني قريره
اتجه نحو إب العاصمة ذي بتزخر = بالنسيم النقي حيث الظلال الوفيره
مقصدك تعرفه استاذ عندي موقّر = بو إسامة حكيم الرأي لو تستشيره
بالسلام ابدأه مّني مبخّر معطر = عطر غالي وللأشول تهون الكبيره
واضح الفكر ما حدته بلوحه مغفّر = رافع الراس يعلنها على كل ديره
لا عجب . إب فيها العلم يقرا وينشر = مركز النور في مفرق حبيش المنيره
خصّها بالسلام العام والكل يشكر = من رفع راية التوحيد ربي يجيره
نار فيها الحجر والناس جمراَ تسعّر = للمعاند ومن باع الهوية بليره
بعد جلسه مع ريدان فالواد الاخضر = بدل الرمس وطرح له قضايا تثيره
عولمه عمّت الدنيا سياسة ومتجر = الغنى للغني والجوع حظ الفقيره
شعبنا فاليمن ضّيع حقوقه وبكّر = يعلن الحرية في المعرفة والنكيره
حرية من نتنها أهل الملاهي تبختر = لو نهيته عن المنكر يقرِّح ذخيره
يقتل النفس بالدستور يحمى ويعذر = حرية شخص دع كلاً يقرّر مصيره
ضد من كان بالاسلام يسمى ويذكر = كل واحد يسن سكين يذبح عقيره
حرية خلت النسوان تمسي تعصور = فالشوارع ورب الدار يعصر عصيره
تبغي الحكم يا عاقل لدينك تبصر = قد سمية بدت وفي اثرها سميره
هل فقدنا فحول أحفاد تبّع وحمير = يوم تأتي لنا حرمه تقود المسيره
عار يا للملامه كسر ما ظن يجبر = ما فلح قوم سادتهم أمه او أميره
ذا مخطط لسلخ الدين يا ذيب فحذر= العدو من بني صهيون ذي لا يديره
هكذا الحال ياريدان ونته تصور = حال واقف بحر الشمس وقت الهجيره
تحته القار خلاّ الجسم خاوي مفطّر = يلفظ انفاس عمره فالثواني الآخيره
ما يفيده شكى ولو كتب ألف محضر = من تغفّل فما القانون يحمي حميره
يمضي العمر والأيام تسود وتحمر = المنايا بتظهر لك خبايا خطيره
حذّر الشعب يكفي ما مضى قد تخصّر = خمسة عشر سنه بالقيره والمريره
مخرطه دقرطه خلت وطنا مدمّر = قد رفضنا ابوها طالما الامر خِيره
خاطب الناس بسلوبك وحجه تفسّر = لجل تجذب من الاعداد ثلّه كثيره
كلنا ننتظر ردّك على نت وانتر = رد يجعل من الجرداء اراضي خضيره
مش مهم العجل حتى ولو باتأخّر = المهم يرعد المجلس بهزه قصيره
ختمها صل يا طه على خير من قر = شور أهل الرؤى وهل العقول الخبيره
صل وسلّم على طه الحبيب المطهّر = كلما اذّن الداعي لوقت الشعيره
وهذا حوابي على الشاعر السحاب الكثيف
وحب أنوه على بعض المصطلحات لكي يفهم المعنى تماما
-1-الكوز____يعني إناء من فخار كان يوضع به الماء لكي يبرد
-2-الهند____لعبه __والجوكر فيها ورقت الربح
-3-أدور____أصم لا يسمع
-4-مطعفر___مبعثر
-5-صوحر__جبل يطل على قرية الشيخ عبد المحيد الزنداني
بسمك الله ياعالم بمخفى ومضهر=خالق الخلق تعرف ما حوته السريره
أنت بالحال ياعلام أعلم وأخبر=تعرف النفس لعتزه ولا هي كسيره
أحمدك ما برق بارق وما الرعد زمجر=عد قطر المطر والسيل نسمع خريره
مادعا الحاج ياربي ولبا وكبر=ما ركع أو سجد عابد بوقت الضهيره
واحمدك كل ما الفلاح بالحقل شمر=والرعاه اصبحوا كلن يجرجر بعيره
وثني القول ياحيا ملا البحر والبر=بالسحاب الذي أمطر مطاره غزيره
ياهلا من ربى خضرا وتعبر بمعبر=يوصله حيثما حلي بحي العشيره
قول له مرحبا من راس طه مكرر=به نرحب ونفرح جد ماهي كثيره
قرب الكوز ذي به ماء بارد مبخر=عاده اليوم واصل من مساقي غديره
يرحب القيري ذي صاغ للقاف واشعر=من رجال السلب ما قد وجدنا نضيره
هات ياهاجسي هات الجواب المجنزر=دام والقلب يشعل والسبب نار غيره
جاوب الفارس الهمام ذي جا مضفر=سايره سايره سيره بنفس الوتيره
حدد الخط ذا أحمر وذا خط أخضر=لا تفوت من التفسير كلمه صغيره
وبدأ العولمه فيها وطعن بخنجر=ذي رست في رؤوس القوم سوت حفيره
عولمه كم من الفتيان تايه ومغتر=ما عرف للحنش ذي له ملامس حريره
يخلطوا ملح ياعاقل معا بعض سكر=عنونوا للسموم القاتله بالمثيره
ياشباب اليمن حاذر من إبليس وحذر=لا تردد معا الشيطان كلمه حقيره
لابتسم لا تصدق هو من الغيظ كشر=لو بقي له يباعد من ودادك مسيره
يمتلك قلب أسود ون صفا بان أصفر=ما بقا يوم أبيض أو تحرك ضميره
حارب العقل بالدشات هندس وشفر=للقيم والفضيله جا بخطه خطيره
والشباب المغفر يلعب الهند جوكر=صار جالس متابع ما تجي به شكيره
ميكله قص شعره والبقيه تضفور=بعدها قام يفخر عنده أطول ضفيره
ما درينا مؤنث هوه ولا مذكر=ما يبين خبير اليوم ولا خبيره
كم لنا لاننادي لكن المعني ادور=الهدايه من الله خيرته خير خيره
حريه خلت المرأه إماماً بمنبر=ون دعيناه ياشيخ جاوبتنا بديره
باتصلي بصف اول معا الشاب الاسمر=من عملها دعينا الله بانستجيره
عاد ياخي رشيده باتسمى بعنتر=رشحوا للرئاسه قالو انها جديره
باتقود المسيره عوذ بالله من الشر=والرتب باتغيٌر من مشير لا مشيره
كيف تحكم ونص العقل ضايع مطعفر=تختلي تجتمع بالضيف جنبه وزيره
ون بدا حملها والطلق حذر وأشر=في سرير الولاده الرئيسه ضريره
شغلها اولادها والبيت والكيك زعتر=في بيوت الشرف تعجن تسوي خميره
ربها قد أمرها في كتابه وخبر=بيتها بيتها هي قايده هي مديره
وين عبد المجيد الصقر من راس صوحر=وينه الميج ذي للحق تسمع صفيره
وين شيخ المشايخ وين وين ابن الحمر=ما عدمنا رجال الخير في كل ديره
ذا جوابي نسجته نسج مما تيسر=لا زفق او بقا قاصر عقبنا بغيره
واختم القول بالمختار للدين عمر=بدد اليل بانواره وربه نصيره
ألف صلي على احمد كلما الصبح أسفر=من سمعني يصلي يالجموع الغفيره
من توكّل على المعبود أمره ميسر = والشياطين في دربه أبد ما تسيره
جمّد البحر. والنيران صوره ومنظر = قدرة الله خلّت كل يا بس جزيره
أحمده حمد ما يحويه (سي دي) ودفتر = حمد ابو بكر والفاروق قولا وسيره
بعد يامرسلي خذها لآلئ وجوهر= في مغلف بشمع أحمر وعيني قريره
اتجه نحو إب العاصمة ذي بتزخر = بالنسيم النقي حيث الظلال الوفيره
مقصدك تعرفه استاذ عندي موقّر = بو إسامة حكيم الرأي لو تستشيره
بالسلام ابدأه مّني مبخّر معطر = عطر غالي وللأشول تهون الكبيره
واضح الفكر ما حدته بلوحه مغفّر = رافع الراس يعلنها على كل ديره
لا عجب . إب فيها العلم يقرا وينشر = مركز النور في مفرق حبيش المنيره
خصّها بالسلام العام والكل يشكر = من رفع راية التوحيد ربي يجيره
نار فيها الحجر والناس جمراَ تسعّر = للمعاند ومن باع الهوية بليره
بعد جلسه مع ريدان فالواد الاخضر = بدل الرمس وطرح له قضايا تثيره
عولمه عمّت الدنيا سياسة ومتجر = الغنى للغني والجوع حظ الفقيره
شعبنا فاليمن ضّيع حقوقه وبكّر = يعلن الحرية في المعرفة والنكيره
حرية من نتنها أهل الملاهي تبختر = لو نهيته عن المنكر يقرِّح ذخيره
يقتل النفس بالدستور يحمى ويعذر = حرية شخص دع كلاً يقرّر مصيره
ضد من كان بالاسلام يسمى ويذكر = كل واحد يسن سكين يذبح عقيره
حرية خلت النسوان تمسي تعصور = فالشوارع ورب الدار يعصر عصيره
تبغي الحكم يا عاقل لدينك تبصر = قد سمية بدت وفي اثرها سميره
هل فقدنا فحول أحفاد تبّع وحمير = يوم تأتي لنا حرمه تقود المسيره
عار يا للملامه كسر ما ظن يجبر = ما فلح قوم سادتهم أمه او أميره
ذا مخطط لسلخ الدين يا ذيب فحذر= العدو من بني صهيون ذي لا يديره
هكذا الحال ياريدان ونته تصور = حال واقف بحر الشمس وقت الهجيره
تحته القار خلاّ الجسم خاوي مفطّر = يلفظ انفاس عمره فالثواني الآخيره
ما يفيده شكى ولو كتب ألف محضر = من تغفّل فما القانون يحمي حميره
يمضي العمر والأيام تسود وتحمر = المنايا بتظهر لك خبايا خطيره
حذّر الشعب يكفي ما مضى قد تخصّر = خمسة عشر سنه بالقيره والمريره
مخرطه دقرطه خلت وطنا مدمّر = قد رفضنا ابوها طالما الامر خِيره
خاطب الناس بسلوبك وحجه تفسّر = لجل تجذب من الاعداد ثلّه كثيره
كلنا ننتظر ردّك على نت وانتر = رد يجعل من الجرداء اراضي خضيره
مش مهم العجل حتى ولو باتأخّر = المهم يرعد المجلس بهزه قصيره
ختمها صل يا طه على خير من قر = شور أهل الرؤى وهل العقول الخبيره
صل وسلّم على طه الحبيب المطهّر = كلما اذّن الداعي لوقت الشعيره
وهذا حوابي على الشاعر السحاب الكثيف
وحب أنوه على بعض المصطلحات لكي يفهم المعنى تماما
-1-الكوز____يعني إناء من فخار كان يوضع به الماء لكي يبرد
-2-الهند____لعبه __والجوكر فيها ورقت الربح
-3-أدور____أصم لا يسمع
-4-مطعفر___مبعثر
-5-صوحر__جبل يطل على قرية الشيخ عبد المحيد الزنداني
بسمك الله ياعالم بمخفى ومضهر=خالق الخلق تعرف ما حوته السريره
أنت بالحال ياعلام أعلم وأخبر=تعرف النفس لعتزه ولا هي كسيره
أحمدك ما برق بارق وما الرعد زمجر=عد قطر المطر والسيل نسمع خريره
مادعا الحاج ياربي ولبا وكبر=ما ركع أو سجد عابد بوقت الضهيره
واحمدك كل ما الفلاح بالحقل شمر=والرعاه اصبحوا كلن يجرجر بعيره
وثني القول ياحيا ملا البحر والبر=بالسحاب الذي أمطر مطاره غزيره
ياهلا من ربى خضرا وتعبر بمعبر=يوصله حيثما حلي بحي العشيره
قول له مرحبا من راس طه مكرر=به نرحب ونفرح جد ماهي كثيره
قرب الكوز ذي به ماء بارد مبخر=عاده اليوم واصل من مساقي غديره
يرحب القيري ذي صاغ للقاف واشعر=من رجال السلب ما قد وجدنا نضيره
هات ياهاجسي هات الجواب المجنزر=دام والقلب يشعل والسبب نار غيره
جاوب الفارس الهمام ذي جا مضفر=سايره سايره سيره بنفس الوتيره
حدد الخط ذا أحمر وذا خط أخضر=لا تفوت من التفسير كلمه صغيره
وبدأ العولمه فيها وطعن بخنجر=ذي رست في رؤوس القوم سوت حفيره
عولمه كم من الفتيان تايه ومغتر=ما عرف للحنش ذي له ملامس حريره
يخلطوا ملح ياعاقل معا بعض سكر=عنونوا للسموم القاتله بالمثيره
ياشباب اليمن حاذر من إبليس وحذر=لا تردد معا الشيطان كلمه حقيره
لابتسم لا تصدق هو من الغيظ كشر=لو بقي له يباعد من ودادك مسيره
يمتلك قلب أسود ون صفا بان أصفر=ما بقا يوم أبيض أو تحرك ضميره
حارب العقل بالدشات هندس وشفر=للقيم والفضيله جا بخطه خطيره
والشباب المغفر يلعب الهند جوكر=صار جالس متابع ما تجي به شكيره
ميكله قص شعره والبقيه تضفور=بعدها قام يفخر عنده أطول ضفيره
ما درينا مؤنث هوه ولا مذكر=ما يبين خبير اليوم ولا خبيره
كم لنا لاننادي لكن المعني ادور=الهدايه من الله خيرته خير خيره
حريه خلت المرأه إماماً بمنبر=ون دعيناه ياشيخ جاوبتنا بديره
باتصلي بصف اول معا الشاب الاسمر=من عملها دعينا الله بانستجيره
عاد ياخي رشيده باتسمى بعنتر=رشحوا للرئاسه قالو انها جديره
باتقود المسيره عوذ بالله من الشر=والرتب باتغيٌر من مشير لا مشيره
كيف تحكم ونص العقل ضايع مطعفر=تختلي تجتمع بالضيف جنبه وزيره
ون بدا حملها والطلق حذر وأشر=في سرير الولاده الرئيسه ضريره
شغلها اولادها والبيت والكيك زعتر=في بيوت الشرف تعجن تسوي خميره
ربها قد أمرها في كتابه وخبر=بيتها بيتها هي قايده هي مديره
وين عبد المجيد الصقر من راس صوحر=وينه الميج ذي للحق تسمع صفيره
وين شيخ المشايخ وين وين ابن الحمر=ما عدمنا رجال الخير في كل ديره
ذا جوابي نسجته نسج مما تيسر=لا زفق او بقا قاصر عقبنا بغيره
واختم القول بالمختار للدين عمر=بدد اليل بانواره وربه نصيره
ألف صلي على احمد كلما الصبح أسفر=من سمعني يصلي يالجموع الغفيره