مقتطفات شعرية

[سلام ياوطن]

.
.
مخاطبة الذات
ياقلب خلك يتهمك بحاجتن ماهيب فيــــــــك
غرس بسهم الاتهام بداخلك لين اوجعـــــــك
ياقلب هذي الي وفيت بحبها قست عليــــك
ابنار شكتهــا تجور وتتهمــك وتلسعــــــــــــك
ياليتها يوم جرحتك وصرت في حسبت دريك
حست وحنت وان زفرت بآه منها تسمعــــك
¤
¤
¤
صبببببر
ياصاحبي ماعاد في نفسي على الصبر احتمال
نار الوله والشوق تحرقني وتكويني كــــــــــــوي
ماعاد يبرد جوفي الى باالمواجه والوصـــــــــــال
وقطف من زهورك وبل الريق وشبع ورتــــــــــوي
صبرت وفنيت الصبر وسبحت في بحر الخيـــــال
ايلين شفتك واستجد الشوق ياعز الخـــــــــوي
¤
¤
¤
انشغال
الله يسامحك تشغلني وتتركنــــــــــي
مابين خوفي عليك وبين تفكيــــــــري
طمني عن صحتك يازين طمنــــــــــي
وسامحني عن كل غلطاتي وتقصيري
¤
¤
¤
الخوه
الخوه الي مانبنت فوق سيسان
خطرن عليها تنهدم بي حــــــــزه
اماتجي خوه بها الطيب عنــــوان
خوة وفا فيها الغلا والمعــــــــــــزه
والى بلاش وزبدة الهرج نيشــان
ببعد عن ادروب الردى واتنــــــــزه
¤
¤
¤
البعد
البعد ماهو بعد دار ومســـافــــــات
الــبعـد بــعد قلـــــوبنا عن بعضهـــا
ولولا الأمل والصبر في بعض لوقات
ماحققت نفس المكافح غرضهــــا
وانا أكافح جاير الوقت بسكـــــــات
لو ان كبدي سيف وقتي قرضهـــا
¤
¤
¤
وجهت نظر
عينك ترا يابعد عيني وسيعـــــه
ماهيب محتاجه تركب عداســات
ترا الجمال الي يجي بالطبيعــه
افضل ترى من غيرها عشر مرات
¤
¤
¤
تحديد مصير
انا ادري انك فهمت القصد والمعنـــــا
وتتجاهله بس مدري ويش مقصودك
ان كان ودك ليال الود تجمعنــــــــــــا
فاأنا انتظــــرك ولايطــول بس مردودك
وان كان قلبك ماعاد اليوم ياسعنــــا
اوعدك ماعاد قلبي يقرب حــــــدودك
¤
¤
¤
اختصار
ودك تعرف بحالتي عقب فرقـــــــاك
انشد عن الي جا نمر عقب وضحا
هذي حياتي ياحياتي بليــــــــــاك
واهيم وغفا فيك واعود اصحـــــــــا
¤
¤
¤
شكوى
كلن شكـــــا من الهـــوى والمحبــــه
وانا اشتكي للحب من معظم الناس
احدن يخـــــون الي وفـــاله وحبـــــه
واحدن يحب ومامعه ذرة حســـــاس
¤
¤
¤
ضيقت صدر
دام الفضا يضيق في وسعه الطير
مالوم نفسي لو فضاها ذبحهـــــا
اصبر وتلسعني الحظوظ المدابير
وجحد حزن نفسي وبين فرحهــا
¤
¤
¤
اااااااحبك
ماتصدق ان قلت وش كثر احبــــك
أحبك اكثر من نجوم المجــــــــــره
وكثر من ارماشك ومن نبض قلبك
احبك اكثر منك مليــــــــــــون مره
¤
¤
¤
حنين
يهزني شــــــــــوقي وانا مــاتكلمت
واحبس مشاعر خافقي مع حنيني
عليك ياالي من هوى غيركم صمت
وفرك من الحسره بطـــــن راحتيني
¤
¤
¤
ماتشوف شر
ليت امرضك ياناعس الطرف فيني
وماتشوف في دنياك غير المسره
والـــي بيجيك من المضره يجيني
ولايجيــــك من الليـــــالي مضــره
¤
¤
¤
دمار شامل
دمــــرت قلبي مثل تدمير بغــــــــداد
يوم ستحلوهــــا اليهـــــود وسبوها
وعيشتني في حرب وظنون وجهـاد
وهــديت بنيــان الغـــــلا كلبـــــــوها
واليوم مـــاني عن خطاويك نشـــاد
ولاني براجي عشرتك لعن ابوهـــا
¤
¤
¤
خيبت امل
ماعـــــاد به شي ياشعري يحمسني
وماعاد به شخص تكتب فيه يستاهل
حتى ولوكنت ياشعري مونسنـــــــي
ابتركك دام من يغليك متجـــــــــــاهل
¤
¤
¤
آمين
الى ياالله اغفرلي الخطايــــــا
قبل يومن تجمعنا عرايـــــــــــا
فماني الى عبدك وابن عبدك
ولاغيرك رفعت له يدايـــــــــــا
وانت الخالق المعبود وحــدك
وانت الهادي يــارب البرايــــا
(منقول لبحر القوافي)