يكفي هجر

[khail_bd]

يكفي هجر يابنت الأجواد يكفي
مرت سنه وأنتم لنا حيل جافين
لا ماهقيتك ياأريش العين تجفي
شخصن عطاك القلب والروح والعين
غديت ضدي وأحسبنك بصفي
وهمي غدى في داخل القلب همين
مافاد بك نصحي وشعري وحلفي
رحتي لغيري والسبب هرج واشين
الحزن من فرقاك يقبل ويقفي
كنه مديني وجا يطلب الدين
ياصاحبي قلي متى الجو يصفي
ونرجع مثل أول حبايب وغالين
وشلون أداري دمعة العين وأخفي
همي وأحزاني عن الناس يازين
وأنتي سكنتي في قصيدي وحرفي
كتبت لك من زود شوقي دواوين
يابنت عقبك أصبح الحال مخفي
شوفي عذابي يمكن أنك تحنين
تجملي بي يامرة قبل يطفي
نور الحياه بدنيتي ثم تبكين
غديتنا من دنية الفرح منفي
هايم على وجهي ولا ادري على وين
ياقاسيه ارجوك بالله كفي
عن لوعتي يابنت الاجواد تكفين
مشتاق لك ودي على صدرك اغفي
مليتنا من طولة الهجر والبين
وكان الخطا منك باسامح وأعفي
وكان الخطا مني براضيك ذالحين
منهو لجرح القلب يابنت يشفي
دام الدوا بيديك وأنتي تمنين






عبدالرحمن سعد -حزين الحرف

[العمري]

°ˆ~*¤®§(*§*)§®¤*~ˆ°مشكور اخوي

على ها ذ ه الكلمات الرائعه°ˆ~*¤®§(*§*)§®¤*~ˆ°

[ابومازن القاضي]

جميل العتاب والاجمل منه وصف المكانة
انتي سكنتي في قصيدي وحرفي تحية
للغاليkhail_bd واعجاب بما سجل على
هذه الصفحة وله التحية والود